| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2009-12-06, 10:35 PM
|
|||
|
|||
|
فطير مشلتت
السلام عليكم ورحمة الله اعتقد مفيش حد مش بيحب الفطير المشلتت ..  ياسلام عليه مع المربى واللا العسل .. ويبقى فطار مميزجربت كذا طريقه مره اعجنه بالميه ومره بالحليب ومره اعمله بالسمنه ومره بالزبده وهاقولكم على احلى طريقه عملتها وكمان على طريقتين بالصور ممكن تلفي بيها الفطيره نبدأ بسم الله بالمقادير لعمل فطيره واحده: 4 كوبايات دقيق - ربع معلقة ملح - كوباية ونصف حليب دافي (او كوباية حليب ونص ميه) الفطيره هتحتاج كوب (ربع كيلو) لكوب ونصف زبده بلدي فلاحي لونها ابيض (يفضل تكون طريه او ذوبيها على النار بدون ما تقدحيها ) وكل ما زادت الزبده كل ما كانت الفطيره طريه ولذيذه وممكن تصل لكوبايتين لو تحبيها دسمه قشطه او وش لبن لدهن الوجه الطريقه: تخلطي الدقيق والملح وتبدئي تضيفي الحليب والميه شويه شويه (ممكن تزودي الميه او تقللي حسب نوع الدقيق ) لحد لما تحصلي على عجينه متماسكه لينه وممكن تشكيلها حطيها على الرخامه او ترابيزه وابدئي اعجني فيها مدة لا تقل عن عشر دقايق حتى تصبح لينه وتتشد معاكي بسهوله اتركيها ترتاح نص ساعه علشان يسهل فردها وبعدها ابدئي افرديها بالنشابه على سطح مدهون زيت خفيف لحد لما تصبح مستديره ثم بايدك ارفعيها من تحت عن الترابيزه وبالايد التانيه شدي الاطراف كما في الصوره وهتلاحظي انها مطاطيه وبتتشد معاكي ..  كرري من جميع الجهات لحد لما تحصلي على مستطيل سمكه رفيع جدا وهتلاحظوا من الصوره انه شفاف ومبين المفرش اللي تحته  ادهني سطحها كله بالزبده  ثم طبقي الطرف الشمال  ثم ادهني سطحه بالزبده .. وطبقي عليه الطرف اليمين  ادهني مره تانيه بالزبده وطبقي الطرف اللي تحت ثم ادهني بالزبده كويس وطبقي عليه الطرف اللي فوق  وكرري الدهن بالزبده والتطبيق لحد لما تخلصي الزبده وكمان تحصلي على كره شبه اللي في الصوره  دخليها التلاجه ترتاح ربع ساعه او لحد لما الزبده تتماسك علشان تعرفي تفرديها وفي اثناء ذلك سخني الفرن على حراره عاليه 200 م - او على درجة 4 او 5 في الفرن الغاز وادهني صاج او صينيه بالزبده او السمنه كويس جدا حطي العجينه بعد ما ريحت في الصينيه وابدئي بكف ايدك افرديها وظبطي شكلها لحد لما تبقى مستديره سمكها مش رفيع - يكون متوسط حوالي 1 سم مهم انها تكون مش رفيعه علشان مش تنشف في الفرن وقطر المستدير حوالي 30 سم  ادهني الوجه بالقشطه او وش اللبن دخليها الفرن الحار المسخن من قبلها ( مهم علشان تطلع طريه ان يكون الفرن ساخن على حراره عاليه 200 ) على الرف الاوسط وهاقول على تكه بسيطه .. اثناء تسخين الفرن ممكن تضعوا كميه بسيطه من الماء المغلي في الصاج اللي تحت الشبكه اللي هتضعي عليها صينية الفطيره علشان تعطي رطوبه داخل الفرن وتحافظ على طراوة الفطيره وده شكلها داخل الفرن في نص مدة السوا .. لاحظوا كيف انتفخت نتيجة وجود الزبده بين طبقات العجينه  بعد ما تحمر من تحت .. شغلي الشوايه لتحمر من فوق وهذا شكلها النهائي  غطي الصينيه بغطا مناسب او بصينيه في نفس الحجم للحفاظ على طراوة الفطيره لاحظي ازاي هي طريه ومورقه ..   بالهنا والشفا
|
|
#2
2009-12-06, 10:42 PM
|
|||
|
|||
وعليكم السلام ورحمة الله وبركاته جميل هذا الموضوع ومن شكله لذيذ أشكرك على إثراء الموضوع بالصور ننتظر القادم . .
|
|
#3
2009-12-06, 10:52 PM
|
|||
|
|||
|
الله عليك ذكرتنا القناطر ونهر النيل
|
|
#4
2009-12-07, 08:41 AM
|
||||
|
||||
|
مشكورة على الفطير ويعطيج العافية على المجهود
|
|
#7
2009-12-07, 04:47 PM
|
||||
|
||||
|
ياحبي للفطير المشلتت يسلمووووووو على الطريقة الجميلهـ ابدعتوا ...فلا تحرمونا ابداعاتكمـ
|
|
|
|
العرض العادي
