شبكة البراري - فطير مشلتت

السلام عليكم ورحمة الله

اعتقد مفيش حد مش بيحب الفطير المشلتت ..
https://files.fatakat.com/bigsmilies/mood4.gifياسلام عليه مع المربى واللا العسل .. ويبقى فطار مميز

جربت كذا طريقه مره اعجنه بالميه ومره بالحليب ومره اعمله بالسمنه ومره بالزبده وهاقولكم على احلى طريقه عملتها وكمان على طريقتين بالصور ممكن تلفي بيها الفطيره

نبدأ بسم الله بالمقادير لعمل فطيره واحده:

4 كوبايات دقيق - ربع معلقة ملح -
كوباية ونصف حليب دافي (او كوباية حليب ونص ميه)

الفطيره هتحتاج
كوب (ربع كيلو) لكوب ونصف زبده بلدي فلاحي لونها ابيض (يفضل تكون طريه او ذوبيها على النار بدون ما تقدحيها )
وكل ما زادت الزبده كل ما كانت الفطيره طريه ولذيذه وممكن تصل لكوبايتين لو تحبيها دسمه

قشطه او وش لبن لدهن الوجه

الطريقه:

تخلطي الدقيق والملح وتبدئي تضيفي الحليب والميه شويه شويه
(ممكن تزودي الميه او تقللي حسب نوع الدقيق )

لحد لما تحصلي على عجينه متماسكه لينه وممكن تشكيلها

حطيها على الرخامه او ترابيزه
وابدئي اعجني فيها مدة لا تقل عن عشر دقايق حتى تصبح لينه وتتشد معاكي بسهوله

اتركيها ترتاح نص ساعه علشان يسهل فردها

وبعدها ابدئي افرديها بالنشابه على سطح مدهون زيت خفيف
لحد لما تصبح مستديره
ثم بايدك ارفعيها من تحت عن الترابيزه وبالايد التانيه شدي الاطراف
كما في الصوره وهتلاحظي انها مطاطيه وبتتشد معاكي ..

https://photos-b.ak.fbcdn.net/hphotos..._1726958_n.jpg

كرري من جميع الجهات
لحد لما تحصلي على مستطيل سمكه رفيع جدا وهتلاحظوا من الصوره انه شفاف ومبين المفرش اللي تحته

https://photos-a.ak.fbcdn.net/hphotos..._1213181_n.jpg

ادهني سطحها كله بالزبده

https://photos-g.ak.fbcdn.net/hphotos...1_550753_n.jpg

ثم طبقي الطرف الشمال

https://photos-e.ak.fbcdn.net/hphotos..._6151577_n.jpg

ثم ادهني سطحه بالزبده .. وطبقي عليه الطرف اليمين

https://photos-c.ak.fbcdn.net/hphotos..._2024728_n.jpg

ادهني مره تانيه بالزبده وطبقي الطرف اللي تحت ثم ادهني بالزبده كويس وطبقي عليه الطرف اللي فوق

https://photos-b.ak.fbcdn.net/hphotos..._7864363_n.jpg

وكرري الدهن بالزبده والتطبيق لحد لما تخلصي الزبده وكمان تحصلي على كره شبه اللي في الصوره

https://photos-e.ak.fbcdn.net/hphotos..._3119659_n.jpg

دخليها التلاجه ترتاح ربع ساعه او لحد لما الزبده تتماسك علشان تعرفي تفرديها

وفي اثناء ذلك سخني الفرن على حراره عاليه 200 م -
او على درجة 4 او 5 في الفرن الغاز
وادهني صاج او صينيه بالزبده او السمنه كويس جدا

حطي العجينه بعد ما ريحت في الصينيه وابدئي بكف ايدك افرديها وظبطي شكلها لحد لما تبقى مستديره
سمكها مش رفيع - يكون متوسط حوالي 1 سم
مهم انها تكون مش رفيعه علشان مش تنشف في الفرن
وقطر المستدير حوالي 30 سم

https://photos-c.ak.fbcdn.net/hphotos..._2027834_n.jpg

ادهني الوجه بالقشطه او وش اللبن

دخليها الفرن الحار المسخن من قبلها ( مهم علشان تطلع طريه ان يكون الفرن ساخن على حراره عاليه 200 )
على الرف الاوسط

وهاقول على تكه بسيطه .. اثناء تسخين الفرن ممكن تضعوا كميه بسيطه من الماء المغلي في الصاج اللي تحت الشبكه اللي هتضعي عليها صينية الفطيره علشان تعطي رطوبه داخل الفرن وتحافظ على طراوة الفطيره

وده شكلها داخل الفرن في نص مدة السوا .. لاحظوا كيف انتفخت نتيجة وجود الزبده بين طبقات العجينه

https://photos-d.ak.fbcdn.net/hphotos..._1452424_n.jpg

بعد ما تحمر من تحت .. شغلي الشوايه لتحمر من فوق وهذا شكلها النهائي

https://photos-f.ak.fbcdn.net/hphotos..._1924548_n.jpg

غطي الصينيه بغطا مناسب او بصينيه في نفس الحجم للحفاظ على طراوة الفطيره

لاحظي ازاي هي طريه ومورقه ..

https://photos-c.ak.fbcdn.net/hphotos..._3252067_n.jpg

https://photos-b.ak.fbcdn.net/hphotos..._6342727_n.jpg

بالهنا والشفا https://files.fatakat.com/bigsmilies/mood4.gif