من مطبخي -جلو فريك الدجاج -- للجوعانين بس

[سراب]

جلو فريك الدجاج



هالأكلة من المطبخ الايراني ولذيذة جدا جدا










المكونات


- دجاجة مقطعة 8 قطع
- بصل شرائح طولية
- معجون طماطم
-اسباجتي شوية
-البهارات ( بزار -فلفل اسود -كاري السفينة- باربيكيا - ملح )
- طبعا نحتاج معاها رز ابيض
وهالطبخة ما تحتاج كشنة

الطريقة

- نغسل الدجاجة تمام ونعصر عليها ليمونة ونتبلها بالبزار والباربيكيا والفلفل الاسود وشوية ملح

- نحط بمقلاة عميقة زيت نقلي فيه الدجاج لين يصير لونها اشقر ذهبي

- نصفي الدجاج من الزيت تماما ونحط شوية زيت نظيف مع نصف كمية البصل الشرائح ونتبل الدجاج بالبهارات اللي ذكرتها مع ربع كوب ماء ونخليها تتسبك على نار هادية

- بعد ماتذبل نحط عليها كوب ونص ماء ونغطيها ونخليها على نار متوسطة

- بعد 7 دقايق نحط عليها باقي البصل لين تقرب تنشف من الماء نحط معجون الطماط ونقلبها تمام

- نسلق الاسباجتي نصف سلق

- نحط الاسباجتي على الدجاج قبل ينشف من الماء ونخلطه تمام لين ياخذ اللون الاحمر وبكذا يكون انتهى

- نكون سوينا الرز الابيض وجاهز

- نغرف الرز الابيض ونحط عليه الجلو دجاج

والنتيجة كما هو واضح بالصورة


وألف صحة وعافية