الكسرة و بحور الشعر .. شعراء البراري

[غانم الضومري]

لكم أحبتي شعراء مجلس البراري العامرة بوجود أقلامكم الساحرة وأفكاركم النيرة ،
أي بحر يبدأ الشاعر في الإبحار به ، فإنا معه مبحرون ... نتسامر ونتبادل الخبرات والافكار ..

على بركة الله ..


الصراحه كان ودي
أبتدي من يوم بكره

كسرة المجلس تحدي
غيرها ما فيه كسره

كان بحرك ما يسدي
أبشر ابحري ونهري

تحيتي

[الركام]

ابشر ابشر جاك ردي
ماحد للرأي يكره
لكن ان القلب عندي
باقي ولهان كسرة
لكن اقبل باتحدي
وين ماودك تودي

[غانم الضومري]

أطلق عنان الحروف .. دفها واترك رسنها
لا تغلفها بخــــــوف .. ما احد ناشدك عنها

تحيتي

[ابن حماد]

كلها ســــــمره ودي
حهيا يازيد فكــــــره

وزيد جده صارجدي
كل حر يعــود وكره

[ابن حماد]

باتره مثل السيوف ..... متقدر في ثمنــها
يوم قمن الصفوف .... كم جريحٍ فر منها

[غانم الضومري]

باتره مثل السيوف ..... ما تقدر في ثمنــها
يوم قامن الصفوف .... كم جريحٍ فر منها

ملتقانا ومعروف ..
والبراري ذا زمنها

باقيٍ مسح الرفوف
الغبار اللي دفنها

تحيتي

[غانم الضومري]

ابشر ابشر جاك ردي
ماحد للرأي يكره
لكن ان القلب عندي
باقي ولهان كسرة
لكن اقبل باتحدي
وين ماودك تودي

الركام وقال انه مستعدي
القوافي كله ويحب كسره

أنت عمدتنا ولا نقبل تحدي
جلنا من نجد والكسرات عسره


تحيتي

[غانم الضومري]

أيامنا كلها شهبي
الله يزين تواليها

وين انت ياخالد اللهبي
أسلم القوس باريها

تحيتي

[الركام]

الركام وقال انه مستعدي
القوافي كله ويحب كسره

أنت عمدتنا ولا نقبل تحدي
جلنا من نجد والكسرات عسره


تحيتي

هذه كانت موجة الى الذعذاع
واعيدها لك ياابو سامي انت الان من سكان ينبع ( ينبعاوي )


انا بنجـد واعـرف انه حجـازي == ولا لي بها الكسـرات علم وكادي
ان صح قولي قل صحيح وجازي == وغنه بصوتك و انشده لي انشادي
والا توضـح كـان قـولي نـشـازي == حيثك خـبير وعارف الفـن عادي
ابنـتـظـر وش صار قـولي يوازي == من فنـكم ذا اللي يهــز الفـوادي

[غانم الضومري]

نجدي وأصلي من قديم حجازي .. وكل القبايل ساكنــــــــه بفوادي
وحتى الحضر أصحاب مايعتازي .. والنعم بالحضران هم والبوادي

[غانم الضومري]

كلها ســــــمره ودي
حهيا يازيد فكــــــره

وزيد جده صارجدي
كل حر يعــود وكره


مرحبا يانسل جـــدي
حي راس جاب ذكره

جابك الله صرت عندي
الوراثه تـــاج شعــري

[غانم الضومري]

يعني على شانانا شيبان
مااحدٍ يمـــر ويسلينـــــا

وين أنت يالعازف الفنان
جينا على بحركم جينــــا

[الركام]

اعلن لهم وافتح البيبان
ومن سمع لابد ياتينـــا
اعلان من قايد الربـان
اضن وحده يكفينــــا

[غانم الضومري]

ياويل من يسجن الشيبان
في زاويه عرض مترينا

لو كان للزاويه بيبان
يمقن يسير وياتينـــا

ياخوخ ياورد ياريحــان
وشف فيك ياهوه ناوينا

[غانم الضومري]

ضاقت الاخلاق والسكه طويله .. والخوي الدرب عيا يقطعـــه
ياخوي الدرب ماباليد حيلــه .. صوت صياح الضحى مانسمعه
المشاعر أصبحت هي الوسيله .. دمعتينٍ وقفن في مـدمعـــــه

[الركام]

الصبر لو تتبعة تلقاه حيلــــــة = والقضاء ليجاك منت تمنعه
لو درست الوقت تلقى فيه ميله = لا تحاول كل شي تسمعـــه

[غانم الضومري]

يالزكرتي ترانا
وردنا ما نبيعه


ليش ماشي ورانا
شينها من طبيعه

[غانم الضومري]

الصبر زين وفيه أكبر جميله .. الشطر الاول كان هذا مرمعــــه
يالله نشيل القاف يالله نشيله .. يازين شطر البيت مااحلى مطلعه

[ابن حماد]

يهل البيوت الوافيه والـجزيله .... مثل النهر الياجرى من منبعه
عشرين ماقف عد في كل ليله ....ابتبعه عجســـة للحق واتبعه

[غانم الضومري]

واهني الترف منسوع الجديله .. قالها الإمام اخونوره ما ابتعـه
يوم هيت يضيعه راع الدليله .. والموارد غير هيت مشمعـــــــه

[الركام]

شاعر وذكراه تهدي له = واحلى معانيه مجتمعه
يازين شعره وتعاليلــه = كل يوم يوقد لنا شمعه

[غانم الضومري]

البحر واصوات موجه تطـــرح البــــوت الصغيــــــر
ما يدش إلا البواخر والزوارق صفها جنب الرصيـــف

لو عرفت ان السفينــه تركب طعوس البــــراري يالبعيـــر
ياوسيع الصدر وينك طالت الطرقه ادورك يالقلب النظيف

[سمو المشاعر]

مادخلنا غبة الأمواج إلا بعد صـــليت مستــــــخير
ورفعنا السارية والشراع واضح عليها له رفيف

والزعيمة جانحة بشاطي صـوت لها يصفر صفير
تنتــظر منـــقذ يخــارجهــا مــن الوضع المخـيف

[غانم الضومري]

الليالي سرمـديــه ودربها صعــب وخطيــر
ما صفت لادم وحواء كيف تصفى للشريف

بعد ما كانوا بجنه وحولهم ظل وريـــــف
من يسره وقت لازم يلحقه يوم مريــــــر

[سمو المشاعر]

شــفت غــانم قـام يشكل يقـلب الريـف مرير
يبدو هذا والله اعلــم قـد بدا فصل الـخريف

العـمر له دور وإلا قمــت تكتب عــالحــرير
والله قد عورت بطني ضحك منك ياضريف

[ابن حماد]

تحول البـــحر موالي
والا اهجني في القمه

ادلينا تضـــرب الجالي
نرخي بها نوب ونخمه

[غانم الضومري]

مارأيك بهذا النوع من الشعر ..

علقتــني ياكامــل الزيــن تعليــق .. تعليق شيهانه لفرخ الزراجي
حلقت بي في عالم الشعر تحليق .. تحليق إيرباص والا ميراجي

كلمة الشطر الأول نفسها ينتهي بها قاف الشطرالأول وهكذا ، أما الشطر الثاني نتركه حرا كما في البيتين أعلاه .

تحيتي

[غانم الضومري]

مارأيك بهذا النوع من الشعر ..

علقتــني ياكامــل الزيــن تعليــق .. تعليق شيهانه لفرخ الزراجي
حلقت بي في عالم الشعر تحليق .. تحليق إيرباص والا ميراجي

كلمة الشطر الأول نفسها ينتهي بها قاف الشطرالأول وهكذا ، أما الشطر الثاني نتركه حرا كما في البيتين أعلاه .

تحيتي


ريقتني هجــرك على فكة الريق .. ريقتني علقم بصبح وعجاجي

[غانم الضومري]

ياذيب ياذيب بشر كيف اختباراتك .. عسى المعدل يفل حجاجك الطاهر

تحيتي

[ذيب آجا]

سؤالك عن الغايب دايم من اهتماماتك..يلي بشوفك يطيب الخاطر الساهر

هلا ابو سامي توني باقي اسبوع..

[غانم الضومري]

ياغايب إرجع أمانـه لا تطولها .. يكفي غيابك تراك أدميت شرياني

[الركام]

اليوم انا بين المواقع تحيــــــــرت
ادوج مدري وش انا ضايع لــــي

وليا وقفت وقلت هذا تخيــــــــرت
بدت لي الرغبه على البحث تالي

والشعر يدفعني وللقسم سيـــرت
لاهوب تاركني ولا نيب سالــــي

واليا بدت فكرة بلحظة تغيــــرت
كني علي حمول ثقل الجبالــــي

[ابن حماد]

شـاعر جزل مع لجة ابحورها ابحرت
ومن غاص بعماق البحر جاب غالي

نوادرٍ جــــــزلات منهــــــن تعبرت
من شـــاعرٍ صيده يصيد الجزالي

ان كان للكســـره مســــير وقررت
ابشـــــر بقـــــافٍ كنه الذوب حالي

ون كان للشيبـــــــان وديارها زرت
تلقا في الدكـــــــــه اعلوم الرجالي

[غانم الضومري]

أنا احمد الله جيتها ما تحيرت
النجر يرطن والعشاء والرجالي

ركام كلك صـــــح فيما تخيــرت
والرد من هملول شعر ارتجالي

كل الوناسه شفتها يوم سيرت
الله على خــوّة كريم السبالــي

البارحه في ظرف لحظات قررت
ولقيت نفسي حول ذيك التلالـي

واخترت نجمي ( * * * ) يوم سمهرت
سبحان من سيــر نجـــوم تـلالـــــــي

وثلاث حباتٍ من التمره أفطرت
وقبل طلوع الفجر شلت الدلالي

ولبست لبس الضـلع والباب سكرت
والوقت غبشه جيت روس الجبـالي

ومغطت دربيل العـنــــــى يوم دورت
إلا الجميله راتعـــه بالمفـــــــــــالي

الله على المنظر مع الصبح صورت
واخترت عشقي بينهن يالكمالـــي

بردت غللي من حبيـبي ولا ابذرت
تركت منهن ورثـة من حلالـــــــي

تحيتي لكم أحبتي

[غانم الضومري]

راعي العرض أعرض من عروضك عريضه
من عرض عرض عارض يعترض بالعروضي

من فرض فرض فارض يفترض له فريضـه
عضه العاض عضه ما يعض العضوضـي

[راع العرض]

صباح الخير اخوي ابو سامي وباكتب ردي المتواضع عسى ان ترضيك وترضي اخواني الشعراء
راعي العرض عارض من عروضن عريضه
هاضه اللي ينوض وناض والهيض يوضي

من حفض حفض حفاضه حفض فالحفيضه
يقضي القاضي القاضي وتقضى قروضي

[غانم الضومري]

ياراعي العرض سدي باح
ودي أفضفض عن الخافي

طيري تنكر عن الملواح
أدعيه ما يسمع صياحـي

تحيتي

[راع العرض]

ياصاحبي والقلوب صحاح
سولف ويطلع لك الصافي

لا تحسبني بعد مرتاح
من عاش فالوقت ما ارتاحي

[غانم الضومري]

عزي لمن ضيع المفتاح
أمسى مضيع مفاتيحـــه

ياهيه ياناوي المرواح
خلك مع النجم تصبيحه

[غانم الضومري]

البحر ينشد عن السباح
ياعنك مافيه سبــاحــــه

وين انت وين أنت يالفلاح
الزرع محتـــاج فلاحـــــه

[سمو المشاعر]

اللـــي يقـاتل يبي لـه سلاح
متمــكن ومعــمـر سلاحـــه

واللي غرس شجرة التفاح
لابـــد مــا يجنــي تفــاحه

[غانم الضومري]

لو تبذر البذر بالاملاح
لا يمكن تروس بفلاحه

لازم تسويلها الاصلاح
تتعب لوالناس مرتاحه

[سمو المشاعر]

لــو السمــاد والتقاوي تتـاح
مايفيد في سبــاخ ممـــلاحـه

تخسر وتشقى بــــلا مفـلاح
فــي سبــاخ تحــتاج نزاحـه

[غانم الضومري]

أيوه كدا إمسك المفتاح
ياويل من ضاع مفتاحه

أنته على خطنا ياصاح
أية بحر صرت تجتاحـه

[سمو المشاعر]

من كان جنبك ترى يرتاح
يشرب زلال عين نضـاحه

بسلك خطاكـم بكل كــفاح
حتى أنال لبست اوشاحه

[غانم الضومري]

الشعر هذا باختصار .. بحره غزير بلا قرار ..

أحيان غوصه يسعدك .. تاخذ مع اللولو محار

واحيان غوصه يتعبك .. موجه يجيب الانهيار

[راع العرض]

الشعر مثل الاختبار000 ويركب الشاعر قطار
اما يكيف لا ركب 000 في ليل والا في نهار
والا بيرمي صاحبه000 ويدمر الشاعر دمار

[سمو المشاعر]

أبقي العلوم الخافية جوف الصدور
كاظم لغيضي مثــل جدي الكاظمـي

الصبر عندي ما يشوبه يوم فتور
الناس فـي عـالم وانـا فـي عالمي

[غانم الضومري]

خلك مع العالم ولا تصير محصور
أبعد عن العالم تصير مسالمي

إلا إذا وصلت لحد النحــــور
أنا احمد الله مااحد ضر قلمي

[غانم الضومري]

يامشرفي لا يكون الشعـــــــــر كبيــته
من صار ختمك خضر ماشفت لك جره

لوكان بيته قريب كان مريتــــــــــــه
وطقيت باذنه تذكر ليلة الكســره

[سمو المشاعر]

اللون الأخضر والأحمر ياما شليته
ولاتغير علينا الحـــــــــال بالمره

عفنا كثير المواقع بعنا ماشريته
وانا هنا بالبراري النفس مستره

[سمو المشاعر]

الشعر اهواه ولافي يوم انا سليته
لكن هواجس تجي واحيان تفتره

ياشعارٍ في بحور الشعر له صيته
غانم يحفز ويتمحرش بنا مـــره

[ابن حماد]

اللوان خضر وحمر خلاص خليته
معاد نكتبهــــــــــــا ياناس بالمره

اقف وريــوس ولاشفته ولاجيته
بين استشاري ومشرف مالنا فره

[غانم الضومري]

الجيب جيب العنى بالليل سريتـــــــــه
مفصول نوره ماغير امشي على الجره

كان الدبل منفصل نزلت فريتـــــه
صار يتدهمش مع القيعان والحره

[ابن حماد]

الجيب شفته ولكن منهو اونيته
راعيه مستـــعجلن بالليل ويفره

لو مرني كان قهويته واصيته
وصيةٍ تنفعه بالــــدرب مضره

[سمو المشاعر]

الجـيــب طيـب إذا بالحمـل دنيـته
حتى المطبــات ياخـذها ولاتضره

اما الدبل لافصل يمقن نقص زيته
وإلا تزرقــن هـلالاته مــن الحره

ياكم ونيت با البراري ذايعٍ صيته
فاقت لكازس تغرز والونيت جره

[غانم الضومري]

جيبي واعرفه ولا عمره نقص زيته
إفجي شنب يكفي الله من بلا شره

ياما ويامى على الصعبات مشيته
على أثر عشقي أتوبع له الجــره

كم من هلكس على دربي توطيته
إسإل مرايات جيب ليه مفتــره !

[ابن حماد]

الجيب بين البشـــــر متفوقٍ صيته
راع اليمن قالها بســــــــاعه المره

يمكن على الكــــــايده بالبر حديته
لما الحجر صوب الكرتيل والصره

[غانم الضومري]

الذيب ذيب الخلا بالليل عشيتـــه
من زايد الحمل يشبع اسود الفره

الطيب اللي مثل شرواك ناديتــــه
حقٍ علينا نزوره غير هالمــــره

[سمو المشاعر]

الحمل غير الحمل اللي انا عنيته
والمقصد الله عليم بجهره وسره

[غانم الضومري]

مال الحمول من الرجال إلى الفحول
اللي تكمــل قولهــا بافعــالهـــــــــا

[غانم الضومري]

ركام وينك عسى ما خلاف
أرتاح من قلب لا شفتـــك

ماشفتلي كامل الاوصاف
وانت استلم يوم كلفتــك

[غانم الضومري]

ياراعي العرض وين انته
أسالك بالله وين ارضــــك

من شانك القــاف زينتــــه
عسى الطلب وافقه عرضك

[سمو المشاعر]

سبحانك اللهم وبحمدك ، أشهد أن لا إله إلا أنت أستغفرك وأتوب

[غانم الضومري]

سبحانك اللهم وبحمدك ، أشهد أن لا إله إلا أنت أستغفرك وأتوب إليك ...

[الركام]

ركام وينك عسى ما خلاف
أرتاح من قلب لا شفتـــك

ماشفتلي كامل الاوصاف
وانت استلم يوم كلفتــك

اهلا هلا مايجيك خلاف
دخولي الصبح خالفتك

مقيم انا اليوم بالمصياف
وابغى العذر يوم ماجاريتك

المصياف
الحلوة بحوطة تميم

[ابن حماد]

يالمستشار ومشرف ابيوت الاشعار
الغرب صبـــه فوق روس الظوامي

الليله المــــــــعنا بكفــــه ومعيـــار
تبين بالميزان عجفا الســــــــنامي

[غانم الضومري]

حتى المحاله لا امرس الحبل تنهار
يلحق رشاها دلوها والمقـــــامــي

مهما يزود الحمل من فوق الابحار
يبقى البحر خطير فيه الهوامــــي

[ابن حماد]

مدري ولكن يابيض الوجه محتار
لاني امعلم به ولاني بكــــــــامي

رقمه ثلاثه يــــــــــوم جيناه زوار
وان نمت جاني في سبات المنامي

[غانم الضومري]

قرب لي الدله على صالي النار
ابتقهوى وانت حلل كلامــــــــي

يالله تساعدني على فك الاسرار
اللي تقادح برقها بالغمامـــــي

[ابن حماد]

سود الليالي بين الابشــــــــار تندار
ماله يابو ساـــــــمي قرار ودوامي

وختمهــــــــــــــا مني تحيه معذار
ردوا على الصاحب جزيل السلامي

[ابن حماد]

السالفه طافة بعد سابق انذار ..... وهداج صدر له قطيعٍ احيامي

[غانم الضومري]

أنا احمد الله قلبنا قلب واحـــد
لو غاب واحد سد الاخر مكانه

صدق البراري زاد حب المشاهد
لازم نمثلهــاه بصدق وأمانــــــه

[ابن حماد]

مجـد البراري فوق للعز صــــاعد
أبعلا الطويل اللي صعيب الرقيانه

محدٍ يغط النــــــور ياغير جاحد
من كان محسن حق نذكر احسانه

[غانم الضومري]

والحمد لله شيخنا شيخ زاهد
ما كنه إلا واحدٍ من اخوانــه

رايه سديد ولا يعـــرف المعاند
خلى البراري فوق باعلى مكانه

[ابن حماد]

ما ينجح الا كل رجـــلٍ مجــاهد
اللي تفوق واشتهــر في زمانه

كلٍ لراع الصدق والطيب شاهد
شهادةٍ ترفع مقامــــــه وشانه

[غانم الضومري]

أنا معك والله الشاهـــــد
لا هان ولا هانوا اعوانه

أدعي له الله وانا ســاجد
كريــم مـا صــك بيــبانــه

[غانم الضومري]

هذه الزاوية : تحدي بحور الشعر كانت في مجلس الشعراء ،،

كانت تلك المساجلات في مجلس الشعراء ، ولا يراها غير الشعراء والقليل من الاداريين .

وتم اختيارها لكم أحبتي


نتمنى أن تنال حسن ذائقتكم الراقية ..

وأن تلقى منكم المزيد من الابحار في بحور الشعر ..

تحيتي لكم أحبتي

[غانم الضومري]

الذيب له مدة ما بااان .. تكفون من يعرف اخباره؟
طول غيابه عن الشيبان .. إن بان والا على داره !

[غانم الضومري]

ياناس من شاف ابن منشار
فرقى الخوي صعب بالمره

من يعرفه يذكر الاخبـــــار
كانه على دربي امـــــــره

أول هنا من حمام الــدار
واليوم ما اشوف له جره

تحيتي

[غانم الضومري]

والنعم لا قالوا ركام الخريف .. الحاضر اللي يستحق الاشاده
دايم هنا حتى لو انه مصيف .. يرمي حروفه بالادب والركاده

[الركام]

والنعم منك وفيك ونعم المضيف = تستاهل العليا والك القيادة
ياشاعر حولت صيفه مكيــف = تبغي البراري توصله للريادة

[غانم الضومري]

ياخوي الدرب دام الدرب طااال .. السوالف تقطع الدرب الطــــويل

يانسيم البر في روس الجبــــاال .. ياعبير الروض ياشمس الاصيل

ياغصين البان يوم الظل زاااااال .. مالنا في قاعة القشعه مقيـــــل

شد حيلك مع خويك يانضااااااال .. خل هقواتك تمثنى المستحيـــــل

عزتي للي يـــدور للظــــلاااااااال .. هانت الطرقه تجمل ياخليـــل

[غانم الضومري]

بارق شفته تكسر بالخيال .. الله اكبر ياهماليل المخيل

[غانم الضومري]

أحمد الله ضلعنا المقصود سال .. قبل تاصل منبعه ياصلك سيل

[غانم الضومري]

القماري تشكتي أهل القصيم .. ما سلم طير تعــدى فوقهم

[ابن حماد]

بارق شفته تكسر بالخيال .. الله اكبر ياهماليل المخيل

مايشيل احمولها غير الجمال .... الجمـــــل للكايده دايم يشيل
والمواقف مالهـا غير الرجال .... ياعريب الجد كساب الجميل

[غانم الضومري]

ياعريب الاصل من جـد وخــال .. نـدفن الركبه إليا ثار الفتيــل

مطرقين وبينهن مثل الهــــلال .. دونهن كم راح من حر قتيــل

يشربن من فوق قامات المحال .. وغيرهم يكفيه لو بل الصميل

دونك الفنجال من صفر الدلال .. من يميني في يمينك يا أصيل

زينها لا اسقيت من ماها زلال .. البراري جوها عذب وعليل

[غانم الضومري]

دكت هجوسي على البستان .. وشلون دكت وانا مدري

بلا حباري بلا سمقــــــــان .. ولا همني صيدة الكدري

ولا احب انا طاير السمـــان .. أموت في طاير القمــري

كبسه تحت طلح بالشعبان .. أحسب لها حساب من بدري

من قبل لا ياصل القصمان .. أشيل من طلحتي قـدري

[ابن حماد]

ياعريب الاصل من جـد وخــال .. نـدفن الركبه إليا ثار الفتيــل

مطرقين وبينهن مثل الهــــلال .. دونهن كم راح من حر قتيــل

يشربن من فوق قامات المحال .. وغيرهم يكفيه لو بل الصميل

دونك الفنجال من صفر الدلال .. من يميني في يمينك يا أصيل

زينها لا اسقيت من ماها زلال .. البراري جوها عذب وعليل

تشرب الفنجال وعلومك اجزال ..... من الــــــدلال مبهر بنن وهيل
عزوة فنجالهــــــــا مابه جدال ..... يشربونه والحكم حـــد الصقيل

[من الهيلا]

دكت هجوسي على البستان .. وشلون دكت وانا مدري

بلا حباري بلا سمقــــــــان .. ولا همني صيدة الكدري

ولا احب انا طاير السمـــان .. أموت في طاير القمــري

كبسه تحت طلح بالشعبان .. أحسب لها حساب من بدري

من قبل لا ياصل القصمان .. أشيل من طلحتي قـدري




ياليل دانه ياليلا دانً ـ سلام ياكاتب الشعري
انا ترى هاوي البران ـ واحبها حب من صغري
وهايتي نطرد الضبان ـ ونغرقه داخل الجحري
وطباخنا ماهر وفنان ـ يكثر حبه وسط صدري
ومقيالنا سدرة الصمان ـ ونحلي الكبسه بعبري

[غانم الضومري]

ياخويي لو سألتك عن سؤال .. هل يجوز الشعر بالشهر الفضيل

دون ما ناصل لحد الانشـغال .. كسرة الخرمة من الشعر الجميل

الفراغ الموت هو أصل العضال .. هو سبب تطرف الجيل الهبيل

ليتنا ياليتنـــا دون اتصــال .. ودي اسمع سالفه يااخس جيـــل

[غانم الضومري]

ياليل دانه ياليلا دانً ـ سلام ياكاتب الشعري
انا ترى هاوي البران ـ واحبها حب من صغري
وهايتي نطرد الضبان ـ ونغرقه داخل الجحري
وطباخنا ماهر وفنان ـ يكثر حبه وسط صدري
ومقيالنا سدرة الصمان ـ ونحلي الكبسه بعبري


الله على الشاعر الفنان .. واظن عمره كبر عمري
يمقن تصادفت بالبــران .. يوم الغدا داخـل الكبـــري
بخمال شبيتم النيران .. حرب الشوازل على الصفري
نثر الفشق ياصل الجيران .. خلاص يكفيك ياعبــري

[غانم الضومري]

أهلا هلا دون ثلاجــه .. صيدك تغداه بالمقنــاص
حلفت ما تاخذ الجاجه .. وتصدير مافيه للرقاص

[غانم الضومري]

مرحبا باللي على الصفحه يمر .. مرحبابه ياهلا باجمل مرور
فرحتي ياكبرها باللي حضــر .. المداخن كلها فاحت بخـــــور

[غانم الضومري]

خلك على عينك العوره .. بيديك حذرى تعورهــــا

افرح بها خذ لها صوره .. وحذراك لالا تكدرهـــا

مسكين ياراعي الثوره .. حسبي على اللي مصدرها

ببلادهم تكشف العوره .. وابلادنا الرب ساترهـــا

من الطرب نلعب الكوره .. عيشة رغد مـن يقدرها !

مادام الاوضاع مستوره .. عسى الولي مايغيرها

من ياخذ الدين دستــوره .. حمامته من يطيــرها !؟

الله رزقنا باخو نـــــــوره .. نعمه وربك مسيرها

طلّع بلدنا من شـــروره .. بس انت يالعود تكذرها

صار البلد بامره وشوره .. والزمل مااحد يذيرها !

وش سالفة مجلس الشوره .. ياكل وعينه مطيرها



قابله للمراجعه .. كيبورديشن

[ابو رامي الصادري]

أحمد الله ضلعنا المقصود سال .. قبل تاصل منبعه ياصلك سيل

مايشيل احمولها غير الجمال .... الجمـــــل للكايده دايم يشيل
والمواقف مالهـا غير الرجال .... ياعريب الجد كساب الجميل


ياعريب الاصل من جـد وخــال .. نـدفن الركبه إليا ثار الفتيــل

مطرقين وبينهن مثل الهــــلال .. دونهن كم راح من حر قتيــل

يشربن من فوق قامات المحال .. وغيرهم يكفيه لو بل الصميل

دونك الفنجال من صفر الدلال .. من يميني في يمينك يا أصيل

زينها لا اسقيت من ماها زلال .. البراري جوها عذب وعليل


تشرب الفنجال وعلومك اجزال ..... من الــــــدلال مبهر بنن وهيل
عزوة فنجالهــــــــا مابه جدال ..... يشربونه والحكم حـــد الصقيل





تكفى ياغانم تكفى ياهماليل المخيل
تكفووووون طالبكم تكملون القاف
تكفووون
يعلم الله انه امن اجمل واعذب ماقريت لكم هذا القاف
ماشاء الله لاحول ولاقوة الابالله
تكفوون كملوه

[غانم الضومري]

مرحبا يالصادري معنا تعــــاااال .. ابو رامي عل يفـداه البخيل
قاعة الفنجال مافيها حثـــاااال .. بن خالص نكحله بشوي هيل

[غانم الضومري]

جيت باسمي مالبست الاقنعه .. ولا نحاور واحد يلبس قناع

عن خطاه ان جيت مره تمنعه .. يبعد الخطوه بقدر المستطاع

من يحاور تقدر إنك تقنعه .. ماعدا الساكت على غير اقتناع

؟؟؟

[غانم الضومري]

أدله النفس بالروحات والجيــّــه .. اجــززل الوقـــت لين الله يفرجها
مادام نفسي بحب الشعر مبليــّــه .. وراي ما ابعد لحلي يوم واهرجها

[ابو رامي الصادري]

مرحبا يالصادري معنا تعــــاااال .. ابو رامي عل يفـداه البخيل
قاعة الفنجال مافيها حثـــاااال .. بن خالص نكحله بشوي هيل



اولا صبحك الله بالخير
ثانيا هذي اول تجربه فعليه لي انا متذوق للشعر ولم اخوض فيه
لكن الله يسامحك خليتني افتر في الغرفه ساعتين لين بغو يصفقوني اللي جنبي ههههههه
عسها بس تجملني تراني ماعرف بيت مكسور ناقص شي تراني عليمي وعلى يدك


تسلم يالضومري وعلومك جزااال ... غااانم اللي مايجيب الا الجزيل
نشرب الفنجال من كف الرجاااال ... غاااانم وعلومك غانمه ياأصيل

[فهد سعيد السريحي]

بسم الله الرحمن الرحيم
شـكــ وبارك الله فيك ـــرا لك ... لك مني أجمل تحية .
كفو يابو سامي الي الامام:w10:

[غانم الضومري]

فهد سعيد السريحي .. أهلا هلا بك هلا

حياك اخوي فهد .. تشرفت بمرورك .. يا أبا الوليــد ..

تحيتي

[غانم الضومري]

اولا صبحك الله بالخير
ثانيا هذي اول تجربه فعليه لي انا متذوق للشعر ولم اخوض فيه
لكن الله يسامحك خليتني افتر في الغرفه ساعتين لين بغو يصفقوني اللي جنبي ههههههه
عسها بس تجملني تراني ماعرف بيت مكسور ناقص شي تراني عليمي وعلى يدك


تسلم يالضومري وعلومك جزااال ... غااانم اللي مايجيب الا الجزيل
نشرب الفنجال من كف الرجاااال ... غاااانم وعلومك غانمه ياأصيل

أنت شاعر ولا فيها جدال .. أكسر الحاجز وسو المستحيل
القصايد مابها شي محال .. اركب السلم إلى روس النخيل
أوزن الحمسه على قد الدلال .. صفها مزبوط قبل تحط هيل

[ابو رامي الصادري]

ان على قد الحال يابن الحلال ... الشعر فصاحه مايبيله هبيل
الشعر مـايـشرب كماء زلال ... يحتاجله وزن ورجل ثقيل
بوجه السرعه ياغانم تعـال ... اسرع الخطوه لاتبطي المقيل
عطنا علومك في وقت الجدال ... افتل القاف يالقرم الحليل

[غانم الضومري]

أنت فوق الشعر ركزت العقال .. ولا يهمك نركزه لو جا يميل
ولا يهمك لا طعوس ولا جبال .. تستطيع إنك تواصل ياجميل

[ابو رامي الصادري]

هههههههه الله يعطيك العافيه ياغانم خلنا نمشي على قولت المثل طبطب ليس تطلع كويس

[غانم الضومري]

من بغا العليا تحيزم بالحبال .. ولا يفكر عن متى الوادي يسيل

[غانم الضومري]

يامرحبا باخر عيــــــالي
اللي نوى يمنا الجيـــه

[وقاد]

يـالله يـا حـي يالــوالي
يلتقي كل حي مع حيه

[وقاد]

من بغا العليا تحيزم بالحبال .. ولا يفكر عن متى الوادي يسيل

كايدة.. ما تعلى غير الرجال .. وابن الاش ينتظر حبل طويل

[غانم الضومري]

كايدة.. ما تعلى غير الرجال .. وابن الاش ينتظر حبل طويل

مرحبا وقاد يا شبه الهلال .. القمراذا اكتمل نوره جميل
ماوصلنا شي نسعى للكمال .. جابك الله مرحبا بك يازميــل

[وقاد]

مرحباً يا الضومري هيا تـعـال .. سـوالفك يا الضومري تبري العليل
الملعبة يا الاجودي فيها مجال .. مـداعبة يـا صـاحبي وقـدرك جليل

[غانم الضومري]

لا تهاير شاعر لا قال طال .. ما يغــــرز بالشغيّـــــه والمسيل
عرف بنفسك بدون اية جدال .. اذكر اسمك قبل ماشب الفتيل

[وقاد]

والنعم في قامتك ما يخالطها هزال .. مير السموحة والعذر لاجبت الهزيل
انا محمد من لابه وافين الخـصال .. تـمـيـم ربـعـي تـوّعِــد الـدجـال ويـل

[الركام]

موضوعنا لا تحذفونــــــــه
موجود به احسن الكسرات
ياليت لوكم تردونـــــــــــه
والله قمت انثر العبـــــرات

[الركام]

واقول ياليت ابو ســـــــــامي
يشوف وش صار بالكسرات
اصبحت انا عقبها ضـــامي
ومن اول امرها مـــــــرات

[غانم الضومري]

راحت ليالي وايــــــامــــــي
وانا أدور على الكســـــــرات

لقيتها اليوم قـدامـــــــــــــي
في مجلس الشعر والشيلات

[غانم الضومري]

دله وبراد تلقيمـــــــــه
والعود الازرق يباريها

مع ربعنا أهل الشيمـه
ياحـــظ منهو ياخويها

لولا الونس ياهل الخيمه
يمين بالله ما اجيهـــــــا

[الركام]

في البر والجو به غيمه
واعمالنا مانطريهــــــا
يمطر علينا مطر ديمه
محروم منه يخليهـــــا

[غانم الضومري]

العب ورق سو تقسيمه
وشكل ليا صار ناويها

[غانم الضومري]

بعض البشر مالها قيمه
خسران منهو يماشيها

لاصار مافرضه يقيمه
لا تامنه لو يسويهــا

[غانم الضومري]

يذكرون سهيل يم اهل الجنوب .. والحجاز ونجــد ما شـافوا سهيــل
ذعذعت عقب الحراره واللهوب .. واستراح العــود بالفـيّ الظليــل

[غانم الضومري]

حبيت أعلن للملا .. ياوين عشاق الشعـــر؟

أحس كني بالخلا .. ولا فيه من حولي بشر !

مشتاق إلى كلمة هلا .. حرفين تكفي يا بشر

إن كان لي عندك غلا .. يامرحبا باللي حضر

[غانم الضومري]

خلوني أسـج دام الله معافيني .. لا بد يومٍ يجي ما نقــــــدر السجــه
دام القدم زين وعيوني تقديني .. خلوني ابعد عن الصجات واللجة

[وقاد]

حبيت أعلن للملا .. ياوين عشاق الشعـــر؟

أحس كني بالخلا .. ولا فيه من حولي بشر !

مشتاق إلى كلمة هلا .. حرفين تكفي يا بشر

إن كان لي عندك غلا .. يامرحبا باللي حضرف


الضومري لاعلانه تلا. .الشعر عنده ماحتضر
رافع مقامه واعتلا... شاعر وحق مثله يفتخر
الشعر من عنه سلا. . ينسى طروقه والبحر
اظن حان وقت الصلا.. كتبت بيت مختصر

لا تدقق
ههههههههه

[غانم الضومري]

ما تدري إنه من تغلا يخلا .. حتى لو انه من شيوخ البراري

[غانم الضومري]

إرضا المره غاية صعبه .. ما تقدر إنك تحققهــا
كراسة الطفـل واللعبــــه .. افطن لها لا تشققها

[غانم الضومري]

الردود اللي تقص وتنلصـق .. ما تفرق بين زين وبين شين

[غانم الضومري]

يستاهل الحكم والكرسي .. الريس اللي يقول الحق
مشكور يامحمد المرسي .. خليت بشار ياكل ..... !

[الركام]

يافشل من همه الكرسي = يوعد مواعيد وما يصدق
يحوم لكن ما يرسي = ماشفت انا بينهم به فرق

[غانم الضومري]

يكفي خطابه على الفرسي .. يكوي لسانه ولا يرفق
بشار حول عن الكرسي .. والا نحولك للمشنــــق

[الركام]

نبغى فعل مانبي همسي = القول للفعل هو يحرق
لو كان به خير من امسي = الحزب ماهو بمتوفق

[غانم الضومري]

البن يحتاج له حمسي .. والهيل ما ينحمس ينــــدق
الصوت يكفي عن اللمسي .. للي عجز للعدو يلحق

[الركام]

به ناس في الصوت تنغمسي = والفعل ماهوب له يطرق
قوله اليا غابت الشمسي = واليا اصبح الصبح بان الشق

[غانم الضومري]

وين انت يامحمد المرسي .. ركاااام كذبك عنده حــــق ؟!

يقول بياعة الهلســـــــي .. ما عندهم غير كثر النـــــــق

أما انت فوق البحر ترسي .. ولا يدخل الماي عبر الشق !

يازينها هرجة الهمســــي .. لا وصلت الاذن صااار الخق

[غانم الضومري]

البحر لا صار مالـــه مووووج مــا كنـّــه بحــــر
والقمر لا بان نووووره يجـــزر البحر الطويــل

يانجوم الليل وينك اختفيتي تحت وضاح القمر
صارت القمرا زريق ولا بقـى نجمــه بليــــــــل

[غانم الضومري]

ياشينها لا طحت وسـط الغرازي .. في موقعٍ عجزت تصلك المداوير
لا هاتفٍ ياصل ولا بـه جهـــازي .. ياخـوفتي تبنـي عليـك المعاصير

[غانم الضومري]

ياخبل انا من شانها دسـت الاخـطار .. ألفيـن ميـل وبينهـا اربـع حدودي
لو انها بالسجن تحت الف منظـــار .. أجيبهـا غـصـبٍ على اكبر يهــودي

[غانم الضومري]

الشاعر اللي توايق وانكـف دربه .. وش فيه يرجع قبل ما ينثر اشعاره
يارب رده قبـل ما ينقطـع ســربه .. نبغــى نولع حطبنا من لهب نـــاره

[غانم الضومري]

ياخوي الدرب حـوّل .. شفتكم خلف الستاره
جالس لحالي أمــوّل .. وانت جالس بالغمـاره

[ذيب آجا]

بعد رمضان وقبـل وقت الخريفي
كلـن فتح مـوضوع تبشيــر الامطــار
احدن يقول الموسم الجـــاي ريفي
واحذر من الغدران و الديــم لا صار
واحدن يقول وكـل همي و خـوفي
سيبري وازوري معـــه عــج و غبــار
وانا ماضاق صدري وعندي وليفي
لكن صدري ضاق من شوف الاخبار

[الركام]

لا تستمع الا لقول حصيفي
ياكثر ماقالوا وياقل ماصار
احد يبشر بالوسم وقت صيفي
واحد يقول العام ذا كله امطار

[غانم الضومري]

اللي مريف يشوف كلٍ مريـفي .. يشوف ما حوله نواوير وازهـــار
واللي نشف ريقه بيوم كليفي .. يشوف كل الارض من حوله ادهار

[مزن البرد]

انت ياغانم لونك بس تذكر عمرك
بالصحيح ولا تحاول تختلق معناها
ابك انامليت شعرن فيه يحتار امرك
ماتعرف السابقه لو قدمت يمناها

[غانم الضومري]

أنت تامر يامزن والامر امـــــرك
طاحت الخمسين والباقي غطاها

الحطب موجود بس الجمر جمرك
ولا يقــول الأح إلا من وطــاهـــا

[غانم الضومري]

إن كان تسأل ياخويي فلا بـــــاس .. مرتاح لا طالب ولاني بمطـلوب

اليا بغت رجلي بعيدات الارمــاس .. اسجّها وارقــــى على كل مرقــــوب

شفت الخيال اللي تسولف به الناس .. ياما رسمنا في مظلاته قلوب

وياما عزفناله ربابه ومرواس .. قلب العنى يصدح هجيني ومسحوب

[مزن البرد]

نعتذر عن التأخير
بسبب خروجنا للصلاة

عقب الخمسين عمرك لو نشوفك نــفرك
كــــل ناسـن ماتهابـــــــك لعنبو مجنــاها
والذلول اللي تشيـــل الحمل نوبن تبـرك
وعن معدن في الطويلة يقصرن اخطاها

[غانم الضومري]

كانكم بالدرب علمنا نمــرك
يامزون نثرت من حلو ماها

شاعرٍ ياعل ربـي ما يضرك
يابيوت الشعر يسلم من بناها

[غانم الضومري]

حمل الجمل يقدر عليه ويشيله .. ولا زاد حمله طاح بين الرجاجيل
طيحة جمل مافيه من يرتكيــه .. كلن يجهــز خوصـتــه والمعاميل

[غانم الضومري]

بسويسرا شفت دنيا غيـر .. مافيه مقارن مع بلاااادي
الألب والثلج والاكسير .. ولا فيه معصير بالواااادي
الله يعوض بلادي خيـر .. خريفهـــا نار وقــــااااادي

[غانم الضومري]

أشره على الطيب وانا غير معتاز .. وراه من دوني يصك القــزازي

حنا زرعنا الطيب والطيب ممتاز .. واللي مشى بإخلاص نال امتيازي

بعض العرب وده يولع بنا قــــاز .. من حر ما به كل شي مجــــــــازي

ليته يفارقنا ورى شـط شيـــــراز .. ويحول من دونه بحور وغرازي

[غانم الضومري]

ياهيـه ما انتي شايفه وش تسوين .!!. لا .. لا .. تحسبيني عن الوضع راضي

تحط لك من دوني احبــاب ثانيــن .!!. وانا تسـلى بي إذا كنــت فــاضــــــــي

الله عطاني قلب وانته بقلبـــين .!. إلى هنــــــا وقّـف لــدي اعتــراضــــــي

[غانم الضومري]

الليله السهره على طرس قرطاس .. خـل القلـم يصّرخ بصـــوتٍ حزينـا

دنيا الفلس ما وسطها غير الافلاس .. وعمر الفلس ياخوك ماجاب شينا

يادباس انا من رحت ياخوك يادباس .. ومحـاجري بالــدمع دايم دفيـــنـا

راحت ثمان اسنين ماشفت الاوناس .. روحـي معه أظـنّهــم دافنيــــــا

[غانم الضومري]

راح الربيـع وصـفرت خضـر الاوراق .. حتـحـت هـجيـر القـيـض ضـافي ورقها
ماباقي الا الغـصن واقف على الساق .. لو يلمـس الرمضى بظلـه حـرقـهــــــا

[غانم الضومري]

مشتاق له شوق البراري للأمطــار .. وشوق الفياض المدهره للخباري
الشوق ما يقبل هزيلات الاعــــذار .. وحتى سمان العذر طعنــة شباري

[مزن البرد]

والله ان الشعر طبــعن لي والحــــــظ امتردي
كيف حضي مافزعلي عنــــد شعار البـــراري

كل شاعر في البراري عن مدح شعري معدي
مايهـــــمه ويش قلـــت ولا يبي لو كان داري

كلـــــهم صارو جماعه واتفاق الجمع ضــدي
وهمشــــوني مايجيلي عنــدهم سيره وطاري

والحقيقة ماذكـــرته بين مــــــزح وبين جدي
بس يبــــــقى في ضميري عــــز شعار البراري

[غانم الضومري]

والله انك غالــــــي بالحيــــل عـنـــــــــــدي
البرد والمزن غرّق كل شعبان الصحــــاري

لا يهمــــك حط يــــــــدك وســـــــــط يـــدي
مـــع يديـــن اخوانــــنــا أهـــل البــــراري

من حروفـــــك واضحه لهجة تحــــــــدي
والتحـــــــدي عشق ما هو باختيــــــاري

لو بغيــت التهـــــديـــه مااقـدر اهـــــدي
جابك الله بعــــد طـــــــول الانتظـــــاري

مرحبـــــا بك بعـــــد ما بيحـت ســـــــدي
ياهلا بك والغــــــــداء كبســة قمـــاري

[مزن البرد]

مشاركة كتبت بواسطة :غانم الضومري

والله انــــــك غاليٍ بالحيــــل لك مقدار عـنـــــــــــدي
البرد والمــزن غـــــرّق كـــل شعبان الصــــــــحاري

لا يهمك حـــــط يــــــــدك ياعميلي وســـــــــط يـــدي
مع يديـــن اخواننــا في المنتدى وأهـــل بالبــــراري

كن في مجمل حروفك واضــــــحه لهجة تحــــــــدي
والتحدي عشــــــــق ما هو يالسنافي باختيــــــاري

لـــــو بغيت التهــــــديه ياصاحبي مااقـــدر اهــــدي
جابك الله عنـــــدنا مــــن بعد طـــــول الانتظـــــاري

لا تقـوله يالسنافي صــــدق لو الــــــود ودي
كان خليت الكــــلام احد من حـــــــد الشباري

بس انا بعض الكلام اللي ذكر ماباح ســــدي
ولا يسمى حر فرخن عاش في عش الحباري

[مزن البرد]

اخي غانم انت تقصر القافية
يجب ان تكون هكذا

نفس ابياتك زدنا عليها بعض الكلمات
حتى تكون على وزن الطاروق

بإمكانك تطلع عليها وتحذفها الان


والله انــــــك غاليٍ بالحيــــل لك مقدار عـنـــــــــــدي
البرد والمــزن غـــــرّق كـــل شعبان الصــــــــحاري

لا يهمك حـــــط يــــــــدك ياعميلي وســـــــــط يـــدي
مع يديـــن اخواننــا في المنتدى وأهـــل بالبــــراري

كن في مجمل حروفك واضــــــحه لهجة تحــــــــدي
والتحدي عشــــــــق ما هو يالسنافي باختيــــــاري

لـــــو بغيت التهــــــديه ياصاحبي مااقـــدر اهــــدي
جابك الله عنـــــدنا مــــن بعد طـــــول الانتظـــــاري

[غانم الضومري]

تسلم يامزن البرد ...

هنا تكون الفائدة .. كلمة مستشار جعلت الكثير من الشباب يتخوف من إبداء الرأي .. شكرا مزن البرد على الإيضاح .. تعرف الشيبان نفسهم قصير .. خلك معي عسى أن ترفع لياقتي .. ولو رجعت لعدد الحروف ستجدها مناسبه ! ولا ينكسر اللحن .

كلامك صحيح .. إتكلنا على الله ..


أنــت جاهز للقصايـــد وانا مثلك مستعــدي
في بحور الشعر نركب موج مانركب هواري

فرحتي بالشاعر اللي بالعمـــر يكون قـــدي
ياهلا بك مرحبا مليون والوضـع اختيـأري


أسعدني حضورك الثري .. شكرا مزن البرد
تحيتي

[مزن البرد]

في البحر قود السفينة وين ما راحت تودي
ليت ربان السفينة عن هـــدف معناي داري

رعب في قلبي وقلبك ورث من جدك وجدي
عادة اجدادن قـديمة مخلصين إلها إجباري

[غانم الضومري]

البحر موجه تغير صار موجه بين جزر وبين مـدي
والسفينه مبحـره ما توقـف بالطمان وبالمــذاري

ما نلــوم اجدادنا اللي ضـرهم ضعــف المقـــدي
يمسي الرجال كاسب ويصبــح المسكيـن عــاري

[مزن البرد]

البــــحر موجه تغير بين جــــــــــزر وبين مــدي
والسفينه ما تـــــوقـف بالطمان وبالمـــــذاري

ما نلــوم اجدادنا اللي ضـرهم ضعــف المقـــدي
يمسي الرجال كاسب ويصبــح المسكيـن عــاري


ملاحظة تم بعض التعديل على بيتك
الأول فقط حتى يتفق مع وزن بيتك الثاني


انت تحسب في حسابك عــد ماهو حول عدي
لا تموت من العطش وانته على حيد الخباري

لا تدور للمعلم عــــــذر وانت الي تكـــــــــدي
كيف طفا النور رجلن سارين وســط الغداري

[غانم الضومري]

قرّب الوسم علله وسم سيل وربيع
باذن ربــي تعالى يمتلــي كل قــاع

يروي السيل عرقه مايضره صقيع
النفل فاح ريحه مع طلوع الشعاع

[مزن البرد]

كلنا في رجا الله باب رزقه وســيع
كل مسلم لـــــوجه الله صلى وطاع

جعل دعوتك تقبل عند ربن سميع
والنفل فيه تشبع كل صـفرن رباع

[غانم الضومري]

ملاحظة تم بعض التعديل على بيتك
الأول فقط حتى يتفق مع وزن بيتك الثاني


انت تحسب في حسابك عــد ماهو حول عدي
لا تموت من العطش وانته على حيد الخباري

لا تدور للمعلم عــــــذر وانت الي تكـــــــــدي
كيف طفا النور رجلن سارين وســط الغداري




خل الوزن بعدين نتفاهم عليههه.

احمد الله عطاني راتب و كاش نقـدي
حر ما احدٍ ملكني ليش اصير انتحاري

لو يشوف الحبــاري طيرنا مايهـــدي
ياكل صدور قمري ما يحب الصفاري

تحيتي لك يامزن البرد ..

[مزن البرد]

خل الوزن بعدين نتفاهم عليههه.

احمد الله عطاني راتب و كاش نقـدي
حر ما احدٍ ملكني ليش اصير انتحاري

لو يشوف الحبــاري طيرنا مايهـــدي
ياكل صدور قمري ما يحب الصفاري

تحيتي لك يامزن البرد ..

بيض الله وجهك لو تجيب وتـــــــــودي
يكفي انك على الصملات رجل انتحاري

كل مزنن اليسدى قالو الناس مســــدي
وان برق ما يبين البــرق لعيون جاري


ههههههههههههههه
ابي رايك في ردي هذا هل هو على اللحن والطاروق
بكل تأكيد : لا
وضعته بشكل متعمد حتى يتضح الفرق بين الا هتمام بوزن القافية
وبين اهمال الوزن وبالتالي اختلاف اللحن بين شعار المحاورة

[غانم الضومري]

كلنا في رجا الله باب رزقه وســيع
كل مسلم لـــــوجه الله صلى وطاع

جعل دعوتك تقبل عند ربن سميع
والنفل فيه تشبع كل صـفرن رباع

أشهد إنك مؤدب فوق هذا شحيــع
من رجالٍ تشرف يعشقون الشجاع

حافظك وسط قلبي فوق سد منيع
المزون وبرردها غاليه ما تبــــاع

[غانم الضومري]

بيض الله وجهك لو تجيب وتـــــــــودي
يكفي انك على الصملات رجل انتحاري

كل مزنن اليسدى قالو الناس مســــدي
وان برق ما يبين البــرق لعيون جاري


ههههههههههههههه
ابي رايك في ردي هذا هل هو على اللحن والطاروق
بكل تأكيد : لا
وضعته بشكل متعمد حتى يتضح الفرق بين الا هتمام بوزن القافية
وبين اهمال الوزن وبالتالي اختلاف اللحن بين شعار المحاورة


هناك أشياء بسيطه .. لا تؤثر .. إلا لمن يبحث عن النقد .. والنقد .. سبب لنا الكثر من الإحراج ..

حيث أكثر الشعراء حينما تنقده فإنه يعتبرها إهانة في حقه وربما يذهب إلى غير رجعة وهذا الذي لا نرغبه ..

فحينما تكون القصيدة جميله .. والخلل بسيطا ..أكتب رسالة خاصة للشاعر ..

الكثير من القصائد في مجلس الشعراء تمت مناقشتها ،

تمنيت أن أرى نقدك الغير مجامل .. نحتاجك في مجلس الشعراء ..

الشعر بحر لا حدود له ، ومن يقول أنه يتحدى فهو ليس بشاعر .. هناك فروق كثيرة بين كل شاعر وشاعر والمساجلات كهذه تزيد الشاعر براعة وتمكنا .. وكلنا نبحث ونسعى إلى تقديم الأفضل .. فلو رجع الشاعر لقصائده الأولى .. لوجدها أقل من الحالية .. وهذا بفضل التدرب والممارسة .

شكرا مزن البرد .. أثريت زاوية بحور الشعر ..

تحيتي

[مزن البرد]

أشهد إنك مؤدب فوق هذا شحيــع
من رجالٍ تشرف يعشقون الشجاع

حافظك وسط قلبي فوق سد منيع
المزون وبردها غاليه ما تبــــاع

نفتخر في شهادة كــــل رجلن رفيـــــع
عن صغار العلوم وعن سفاف الرعاع

وابشر اني على عهــــد الرفاقه مابيع
ماتبـــــور الرفاقه غير بيــــن الضباع

[مزن البرد]

هناك أشياء بسيطه .. لا تؤثر .. إلا لمن يبحث عن النقد .. والنقد .. سبب لنا الكثر من الإحراج ..

حيث أكثر الشعراء حينما تنقده فإنه يعتبرها إهانة في حقه وربما يذهب إلى غير رجعة وهذا الذي لا نرغبه ..

فحينما تكون القصيدة جميله .. والخلل بسيطا ..أكتب رسالة خاصة للشاعر ..

الكثير من القصائد في مجلس الشعراء تمت مناقشتها ،

تمنيت أن أرى نقدك الغير مجامل .. نحتاجك في مجلس الشعراء ..

الشعر بحر لا حدود له ، ومن يقول أنه يتحدى فهو ليس بشاعر .. هناك فروق كثيرة بين كل شاعر وشاعر والمساجلات كهذه تزيد الشاعر براعة وتمكنا .. وكلنا نبحث ونسعى إلى تقديم الأفضل .. فلو رجع الشاعر لقصائده الأولى .. لوجدها أقل من الحالية .. وهذا بفضل التدرب والممارسة .

شكرا مزن البرد .. أثريت زاوية بحور الشعر ..

تحيتي


بارك الله فيك اخي غانم واشكرك على الإطراء

وتأكد ان رجل بمقامك وبمقدار ثقتك في نفسك وتقبلك للنقد

بكل تأكيد سأنقده بشكل مباشر لكونه شاعر وحينما يعود ويدقق
فيما تم نقده من ابيات سيجد ان نقدي هو عين الصواب

وهنا الفرق بينك وبين ماذكرته انت من بعض الشعراء اللذين لا يتقبلون النقد
رغم انه في مصلحتهم فلولى النقد لما تحقق النجاح في جميع المجالات

[غانم الضومري]

المغترب سفيرنا بين الاوطان .. أنت الأمل لبلادنا والدعايــــه
ودك تمثل ديرة الجـد والخال .. حسن التعامل سر كل الحكايه

[غانم الضومري]

وين انت يالشاعر النقاد .. أكتب لك بيوت وانقدها

[مزن البرد]

وين انت يالشاعر النقاد .. أكتب لك بيوت وانقدها

العلـــم في جعبــــة النشاد
وابيض نــواياه واسودها

ازهم ضيوفك وصيح وناد
ومن الحطب ضوكـم زدها

[غانم الضومري]

حياك ياصــادق الميعــاد
سنـتـر وناول وسـددهــا

الملعبه مـــابها قصّــاد !
وجمهور وشلون نسعدها ؟

[مزن البرد]

انته لمعشوقتــــــــك وراد
احرص عليها وجــــودها

تسأل ومنك الجواب إيعاد
تعــــرف بلاها وتنشـــدها

[غانم الضومري]

يامـزن ناديتهــا مافــــاد
أقفت وانا ودي أسعدها

أونس بكبدي لذع قداد
على المدرّج اشاهدها

[مزن البرد]

انته وانا كل ابونا اجواد
وشين النـــــوايا نحيدها

انا دبلــــني خبيث إعنـاد
رجولته كيـــــــف فايـدها

[غانم الضومري]

اترك الطقس وتعال .. مالك ومال الجدال .. زورنا لو فيه مجال
ملتقى الشعر الجميل ..

الزم العلم الوكاد .. طقسنا طقس العناد .. يحرق اعصاب الرقاد ..

ملتقى الشعر الجميل ..

ريـّــــح أعصابك هنا .. مالك ومال العنا .. زورنا تلقى الهنا

ملتقى الشعر الجميل

[غانم الضومري]

مدري علام الناس حبوا مراكش .. واستانسوا مابين طنجه واغادير
من زارها يرجع وهو غير عايش .. جسمه هنا والروح عند الغنادير

[مزن البرد]

واحدن جاني يهايط : ضاربن راسه بحايط : ينقل اعلومن خرايط

غره ابليس اللعين

لونصحت ولو عذلت : من كثر كذبه مللت : ويش قال ويش قلت

غره ابليس اللعين

مدري عنه وش يبا : هرجته فيها غبا : شين وجهه ويهبا

غره ابليس اللعين

[مزن البرد]

يصاحبي خـــــــــــل الأوادم تعايش
وعن السعادة تبـــــدي احيان تعبير

واستغــفر الله كـــــان فيها تنــاوش
والشر في الرحلة تغلب على الخير

[غانم الضومري]

انته وانا كل ابونا اجواد
وشين النـــــوايا نحيدها

انا دبلــــني خبيث إعنـاد
رجولته كيـــــــف فايـدها

ارفع مقامك عن الاوغاد
ولا فيه داعي تهددهـــا

الورع لو تنكشه يزداد
خله لنفسـه يعاندهـا

[مزن البرد]

يصاحبي خـــــــــــل الأوادم تعايش
وعن السعادة تبـــــدي احيان تعبير

واستغــفر الله كـــــان فيها تنــاوش
والشر في الرحلة تغلب على الخير

[غانم الضومري]

واحدن جاني يهايط : ضاربن راسه بحايط : ينقل اعلومن خرايط

غره ابليس اللعين

لونصحت ولو عذلت : من كثر كذبه مللت : ويش قال ويش قلت

غره ابليس اللعين

مدري عنه وش يبا : هرجته فيها غبا : شين وجهه ويهبا

غره ابليس اللعين

دامك شفته جاك شايط .. حامل أواق وخرايط .. خله يمشي جمب الحايط

يلقى غيرك يصدم فيه

خلك هنا لو طولت .. اكتب عن اللي قابلت .. تركه أحسن مافعلت

يلقى غيرك يصدم فيه

راحت أيام الصبا .. نسينا صيد الضبا .. وخلله عنا يذهبا

يلقى غيرك يصدم فيه

[غانم الضومري]

المعذره جاني ضيف .. ضيفٍ عزيزٍ عليه

[مزن البرد]

الــــــديرة الي يجيها الواد
النفــس عنها معاهــــــدها

وابواب رزقي عن الحساد
من فضل ربــــــي مجودها

[غانم الضومري]

الله على البرق والرعاد
ياحظ منهــو يطــاردهــا

البرق يقــــدح تقول ازناد
وصوت الرعد قام يجلدها

[غانم الضومري]

الديره اللي بها الفسّـاد
خضراء وتلبس قلايدها

والديره اللي بها الحساد
من عجهـا ما تحـددهـــا

[الركام]

هذا كلام صحيح يعاد
كم قالها من يشاهدها
ياكيف زاد الحسد ياجواد
وديارنا كيف جردها

[غانم الضومري]

يارب ساعدني اذا قـــــل حيلي
بس أنت يالمعبود من نشتكيـــه

نفس العنى جاهدتها طول ليلي
أبعــتـزل وتقولي مستحيلـــــــه

[غانم الضومري]

أجي لربعي وانا شفقـــان .. واروح من عندهم ضايق
اروح وارجع مثل ما كان .. وكأن مــن بيننـــا عايــق

[غانم الضومري]

يصاحبي خـــــــــــل الأوادم تعايش
وعن السعادة تبـــــدي احيان تعبير

واستغــفر الله كـــــان فيها تنــاوش
والشر في الرحلة تغلب على الخير


الداري الله من سنــون الهوايش
اللي من الغيـــره بدربك مخاميــر

فجأه وتلقى النمس بالرجل كامش
شوته على الفره بدون اي تقديــر

[غانم الضومري]

هملول وين انت ياهملول .. مشتااااق لك يا بعد حيي

[غانم الضومري]

يانديم الشعر وينك .. لا تطول بالغياب

[غانم الضومري]

نحمد الله دارنا فيها الامان .. والمحبه بيننا دايــم تزيـد
ما يفرق بينـنا نذل وجبان .. الترابط بينـنا مثل الحديد

[غانم الضومري]

متى على الله تزين وتسمن الفاطر .. تنفـض غبار الدهر من وبل وسميه
يشبع بهمها قبل مايقف الماطــر .. ويفرح بعشبه جميع اهـل السعوديه

[سمو المشاعر]

مستشار الشعر جايبها سمان000 صادقٍ بالقول والراي السديد
بينــنا التـقدير والخوة تصان000 نبسط الايــدي ولافيــنا عنــيد

[غانم الضومري]

ياهلا بك تو ما زان المكــــــان .. احتفل بك والوطن في يوم عيد
ياحصان الشعر طوح بالعنان .. خلنا نسهر وسمعنـا القصيد

[سمو المشاعر]

تشبع وتسمن.. أذا ديمه... لها قاطر... وتخضر الآرض في الارجاء من ريه
تزهر ورود الصحاري بنفلها العاطر...تصفى نفوس البشر من ذاك مع ذيه

[سمو المشاعر]

ياهلا بك تو ما زان المكــــــان .. احتفل بك والوطن في يوم عيد
ياحصان الشعر طوح بالعنان .. خلنا نسهر وسمعنـا القصيد

البقا لك عندنا رفعة وشان
نطلب الله لك عمرك يزيـد

من لغيرالشعرمثلك ترجمان
القليل اللي سبح بحره يجيد

[مزن البرد]

ياسمون للمشاعر لــــك زمان
انت وينك ياعسى عمرك مديد

خلها بين النجوم اعن الطمان
لا تقلل مــن عـزيمتها تبيــــــد

[سمو المشاعر]

ياسمون للمشاعر لــــك زمان
انت وينك ياعسى عمرك مديد

خلها بين النجوم اعن الطمان
لا تقلل مــن عـزيمتها تبيــــــد

يــاهــلا بالمــزن ابعــالـي العنان
لاهــطل اسقــى فيـــافي له تريد

دعــمنا للــكل ومنهــجنــا عيان
وازهل الموضوع لاتوصي اكيد
....................................
ان نشدت الحال في نعمة وامان
بــعــد وعـــكــة لو امر الله قعيد

[غانم الضومري]

لمحت برق شلع في عالي الفقره .. برقه على الخشرمه والا على طاشا ؟

[وقاد]

لا يـكـون يـا غانم لصنـاع في كبره ... يشلع سنا سيخة للرزق معتاشا
وان كـنـت يـا غـانم مـوكـد النظـره ... وبالعين شايـفها وما بها غاشا
جعله من اليمن وحده ورى البصره ... يسقي مـناكبهـا والقحط يتلاشا

[غانم الضومري]

كثر التجارب تولد كامل الخبره .. إلا الذي ضاعت اوقاتــه على ماشـا
والفوت لا فات ما تنفع به العبره .. يرجع نفيض السحابه قبل تتلاشا

[وقاد]

مرحوم يا شايب حط في قبره ... راحت سنين مضت كن ما عاشا

[ذيب آجا]

يااهل البراري العين ملت ودهـا بشوف السحاب
اللي مزونه ترادم واشتعل براقها
من كثر مااخايل المنشا ضقت واصابني الاكتئاب
ورجلي تهـاوت وزدتها بأرهاقها

[غانم الضومري]

يامخايل المنشى تدور لك سحاب
الله يجيب الخير من خلاّقها

سلم على نفسك وعلى باق الشباب
والخير قادم لا تضيق اخلاقها

[ذيب آجا]

سبحانه الله ليا ضاقت دعيته انفتح للامل ابواب
رب السموات كافلن للعباد ارزاقها
لا تلومني ياعاذلي و اللوم للعاشق يزيده عذاب
والشوق جمر لهيبه ماطفى لفراقها

[وقاد]

الساعة 7 وقت القهوة ..

اخـذت مـن القهوة لـين الكيف طاب
بــريـةً تـعــدل راس مـن ذاقــهـا
وبعده قم يا نديمي لـي افـتـح اللاب
بـزيـد بـيـت مـصـدره مـعـلاقــها
يا مراقب المنشى وتقول الظن خاب
استغفر الي قدرته ما شي عاقها
رب السـما رب الـبشـر رب الارباب
يـرسـل مـزون زايـده بـغداقـهـا
تسقي الهضاب والسهول والشعاب
عظيمةً سـبحـان من هو ساقها

[غانم الضومري]

الله على الفنجال والبرق لهاب
من كل وجهه يشتـعـل براقهـا

رعادها ما تسمعه دونه سحاب
اذا ارزمت صبت على عشاقها

متابعة طقس البراري والشباب
سبحان من يم الجزيره ساقها

[غانم الضومري]

يانديمٍ فقـدته صام طول صيامـــه
لو عرف كبر قـدره ما تأخر علينا

يانجوم المجره بلغي عـــن مقامـه
وين غيّب نديمي ؟ ابحثي واخبرينا

[غانم الضومري]

ابتدينا الاجازه .. والفرص مستحيله

حجا مبرورا وسعيا مشكورا

كل عام وانتم بخير

[غانم الضومري]

من حق الديره عليك .. إنك تعيّد فيها

الديره يعني ماضيك .. لا تتنكر عليهـــا

عيّد فيها الله يخليك .. لا تحرمها غاليها

[غانم الضومري]

يارب تستر على الحجاج
يارب حقق مساعيهم

[وقاد]

رجعنا لكم بـعـد غيبة .. والشوق الكم يسبقنا
انشهد الغيبة اصعيبة .. بـس الاجازة تونسنا

[غانم الضومري]

من جاك لو طول الغيبه .. نفرح بشوفه بحركنا
حياك ربي مع الشيبه .. اقلط تفضل وشاركنـــا

[غانم الضومري]

هلا باللي تمنيته يزور ويشعل الانوار .. يولع ساحة الشعار من فنه وتأوليه

[غانم الضومري]

البطاقه ليش ما تاصل إلى الطالب سريع
وليش مالاحوال تحضر للمدارس والفصول

أكثر الطلاب يتعب بالتردد على الخط السريع
عطل الطالب وابوه !! للأسف هذا خمـــــول

[غانم الضومري]

لا تصرف الطلاب في وجه الاعصار .. يمكن تسبب للولد في مصيبـــه
من قبل لا ياتي يبلغ بالاخطــــــــــار .. يبقى بفصله والخطر لا يصيبه

[غانم الضومري]

وافــر قكــري فــر .. فرٍ بـإثــر فـر .. إليا طرت لي ذابحـــات الطـــواري
خذني معك وان كنت رايح إلى البر .. مدة ثلاث شهور لا تجيــب طـــاري

[غانم الضومري]

أنا أحمد الله ربيع ما طلع مثله .. تراقص العشب الخضر وسط شعبانه

[غانم الضومري]

أحلى ربيع السنه من حول مغنيّـه .. جنوب رابغ تراقص به نواويره
الله رزق في ربيعٍ ماطلع زيــّــه .. . والجو دافي ولا يبعد عن الديره

[محمد المقاطي]

أحلى ربيع السنه من حول مغنيّـه .. جنوب رابغ تراقص به نواويره
الله رزق في ربيعٍ ماطلع زيــّــه .. . والجو دافي ولا يبعد عن الديره

لاواحلا سجةٍ بالفيضة الريّه ،، في روضٍ اخضر مفليتن مغاتيره
لامن زبنت البراد وجيت بالفيّه ،، هفهف بريح النفل ثم جاك تعطيره

[ذيب آجا]

خروج عن النص
ياشارب التتن عطني منه ابا مـزه
ابحرق الروح واشقيهـا واعنيهـا
مــاني مطوع ولانـي عـنـه بمنـزه
النفس مـأمـورةٍ والشـر يدعيهــا
لــو شفتني ضاحكـــا وقفتـي رزه
لايغرك الموقف اللي به نواسيها
حالي نحيلٍٍٍٍٍٍٍ ونسمات الهواء تهزه
والبال ضايق من الديره ما فيهـا
حتى حلـو نوم عيني منه مشمزه
مـاكنهـا الا بسم الــداب مسقيهــا
ياابو سعد شغل اللكزز نبـا نـدزه
تسعين كيلو وارء الميه مماشيها
ودي بشوفة عديل الروح لو قزه
شوفه يداوي جروحٍ عنك مخفيها

[غانم الضومري]

وقف عن التتن ريحه ضايقت عزّه
قامت تصـدد وريح التتن يوذيهــا

[الممتاز]

ليه التتن عليك بال اسكوتش والمزه @@ وحجر معسل يكملك بواقيها
لاراق جوك وزانت رقصة المزه @@ وابليس قفل لك باقي تواليها

[ذيب آجا]

ياصاحبي عفته مالي بشفطه ومزه
استغفرالله مـن الشيطان طاريها
لـكــن احيـان لــه وقفة ولــه حـزه
ويسوى مقـابل وجيه مـا ندانيها

[غانم الضومري]

حلاوة الدخان مع عصر ابو بس .. أيام كان التتن مشروب الاشناب

[غانم الضومري]

الله كتب للعيون القشر تنكيده .. وانا منكد من اول ما ابي زودي

[غانم الضومري]

الضلع يرقص نصيه فاحت افنونه
رويان وسمي ثراه يغذي عروقــه

ربيع ساحـل يسر اللي يشوفونــه
ما ينقصه غير ربل ونبت رقروقه

[ذيب آجا]

يـالله سترك يـاستـار
وجهي من البرد متلوي
شرقية قايسه بمعيار
يبكي به الذيب ويعوي
2:10
:eek: -2

[غانم الضومري]

خلك متكي بجمب النار
ياحض من شب له ضوي

احمس ولقم وحط ابهار
البد بيتي وش اسوي

[غانم الضومري]

وين انت ياللي يزين الهرج بحضوره .. يا من يعرفه يطمني عـــــن اخباره

[غانم الضومري]

أصيح باعلى الصوت هل فيه شـعّـار ؟ .. والا مع تويتر تشتـت تعبهــهم !!

[غانم الضومري]

الحب حرفين مجنونـــه
كم واحدٍ أنجن من شانه

ما همه اللي يعذلونـــه
يصفهم ضمـن عدوانه

[الركام]

كم واحد خيب ظنونه
الحب كم واحد خانه

واللي بعيد يهنونه
ماجرب الحب واشجانه

[غانم الضومري]

الحب هو ليه يبلونه
في عالمٍ شبه وجعانه

ماهمه اللي يشوفونه
يهمه البنت عريانـــه

[غانم الضومري]

أسألك عن صحة الذعذاع
عساه مبسوط وطويــــــب

[غانم الضومري]

يابو رذاذ اخباركم ما تجينــــا
تقطعت من دونكم كل الاخبـــار

اول تغيب ولا تطــــــول علينـــا
الحق تقهوى قبل ماتطفي النـــار

[الركام]

دورت له في كل ديره ومينا
وامس حلمت وشفت اسمه بالانظار

في منتدى موجود من الحاضرينا
لكن نسيت المنتدى وش هو صار

[غانم الضومري]

أهل صديقي وصلهم من يعزيهم
لكن أنا ما لقيت اللي يعزينـــــي

حبست دمعي ولا ودي أوريهم
أنا صديقي توفى من يواسيني

[غانم الضومري]

يالله حسيبي على بشار .. يتّـم بنيّــات سوريه

؟
.

[رامز]

يالله حسيبي على بشار .. يتّـم بنيّــات سوريه

؟
.


يالله سلط على الجبار ,,,, جبار مافيه ماويَّةّ
قدام الاسماع والانظار ,,, بنهايةٍ غير عادية
يشفى الثار دون العار ,,,, ما هيب موتة طبيعية

[رامز]

تعديل فقط :



يالله سلط على الجبار ,,,, جبار مافيه ماويَّةّ
قدام الاسماع والانظار ,,, بنهايةٍ غير عادية
يشفى بها الثار دون العار ,,,, ما هيب موتة طبيعية

[غانم الضومري]

تعديل فقط :



يالله سلط على الجبار ,,,, جبار مافيه ماويَّةّ
قدام الاسماع والانظار ,,, بنهايةٍ غير عادية
يشفى بها الثار دون العار ,,,, ما هيب موتة طبيعية


ياجاد ياغيث يامغـــــوار .. حياك مليوووون رديـّــه
حاول تفكفك لي الاسرار .. من جاب للشرق روسيه؟
إيران إسلام أو كفــار ؟ .. الحرب سنـّه وشيعيـــه !؟
الغرب متربصٍ بالغار ! .. ماهمّه الا المسيحيـــــه !
ليه العرب مالها مقدار ؟ .. مثل الشعوب اليهوديه ؟

تحيتي

[رامز]

ياجاد ياغيث يامغـــــوار .. حياك مليوووون رديـّــه
حاول تفكفك لي الاسرار .. من جاب للشرق روسيه؟
إيران إسلام أو كفــار ؟ .. الحرب سنـّه وشيعيـــه !؟
الغرب متربصٍ بالغار ! .. ماهمّه الا المسيحيـــــه !
ليه العرب مالها مقدار ؟ .. مثل الشعوب اليهوديه ؟

تحيتي


ابك البقا والعلوم كبار ؛؛؛؛ والعرب لا ذي ولا ذيه
الروس تشبه لكلب الدار ؛؛؛ لا ذنابها لا جت الهية
وايران مابين عبد النار ؛؛؛؛ وما بين شيعة خمينية
لها معك كم ثار وثار ؛؛؛؛ والنار بصدورهم حية
وفنجالنا العام يالاحرار ؛؛؛ شربوه وسط الحسينية
والغرب من قبل الاستعمار ؛؛؛ عنده عداوات دينية
واليوم جانا كما السمسار ؛؛؛؛ وبعض العرب طيب النية
اصبح يساوم على الاقطار ؛؛؛؛ بين الجيوب اليهودية
وراحت فلسطين للاشرار ؛؛؛؛ عطيتن غير مجزية
علق عليها جحا مسمار ؛؛؛؛ واليوم دعواه ملكية
واليعربي ماعليه غبار ؛؛؛؛ لو يترك الاتكالية

[رامز]

ابيات مستعجل جات بدون تشكيل واعتقد مايحتاج تشكيل ﻷن اغلب الموجودين شعراء وراح يقرونها بالنطق الصحيح الي مايخل بها