الكسرة و بحور الشعر .. شعراء البراري

[صبح المطر]

أسعد الله الجميع
مشاركات جميلة وإبداعات رائعة تسجل لهذا القسم
دامت قوافيكم بأريحيتها وجمالها
تحيتي

[غانم الضومري]

الله ولا غيره المعبود
مسير الكون سبحانــه

قادر يغير هبوب النــود
اللي غشى الحي تربانه

[غانم الضومري]

أحبتي الكرام

في الصفحات الأولى .. اتفقنا أن الردود تكون شعرا ..
أكتب بالشعر ما شئت . عبر عما بداخلك ببيتين موزونه ومقفاه .. على أي بحر تريده

بكم تزهر البراري

تحيتي

[غانم الضومري]

ياللي عزفت اللحن بالعود
...................وغنيت ياليل يادانه
الدرب قدامكم مسدود
.................والوقت مامات شيطانه


على الربابه وتعزف عود
وتكتب من الشعر والحانه

عايش حياتك كما المولود
ترقص طرب فوق جدرانه

[Abu Labeeb]

اجرح على كيفك وكبر جروحك
.............لكن مصيرك ترجع اتعالج الجرح
لوكثرت اعذارك وكثرت اشروحك
...........غصبن عليك اتعالجه واترك الشرح

[غانم الضومري]

مالك ومال ا لناس خلك بروحك
اقفل صناديق الهوى داخل الصرح

لا احدٍ يعرف اليوم عن سر بوحك
اسرح مع الرعيان لا توبع المرح

[ابن حماد]

ماشاء الله القسم من البارح مدهر بالشعراء متابعين معكم

[أبو سيرين]

اجرح على كيفك وكبر جروحك
.............لكن مصيرك ترجع اتعالج الجرح
لوكثرت اعذارك وكثرت اشروحك
...........غصبن عليك اتعالجه واترك الشرح


لـو هــو يبيك اليوم زاور صروحك
حــاول تـغـيـر طـختك جــدد الطرح

والبس تـعـطــر دايـم اهـتـم بروحك
خلك سنافي واظهر ابمظهر الفرح

[صبح المطر]

يا مزن يا بعدك ويا قرب شوحك
هضت العرب واستاقت بدربك السرح

يا كثر ما غنت مساجيع دوحك
واستلهمت ما يغري الهاجس الْمرَح

[أبو سيرين]

أحد ن يبي مزن ن واحد مع طروحك
الله حسيبك ياللي مـا تحـس بالجرح

غـادر وغـيـر مـوقـعـك مـن سطوحك
ارمي بنفسك وانتهي وانهي الشرح

[Abu Labeeb]

ياورد انا مشتاق ل انسام فوحك
...................فوحت عبيرك خاطري تجعله شرح
الخاطر اللي ينتظر منك بوحك
....................عجل اب بوحك قبل لايمسه القرح

[أبو سيرين]

الله بلى مجرم ن بالأمس
بامراض فيروس كارونه

يصرف دوى حتى دون اللمس
مجرم ولاقي من يعونه

[غانم الضومري]

ما يصح من الكلام إلا الصحيح
من يقول الحق يبشر بالفــلاح

ابتعد عن صاحب الهرج القبيح
اترك الكذاب يقعــد بالمــراح

[أبو سيرين]

ما عرفت الميت اللي مستريح
بعدما صـار الجسد كله جراح

من طبيب ن ما تعلم بالصحيح
يوم أجـرم اختفى جرمه وراح

[أبو سيرين]

الكذب حبله قصير ن يـا مليح
والصدق عنوان دايم للصلاح

انـتـبه للقول دايـــم واسـتميح
لا تـزود بـالـكـذب يصبح نباح

[غانم الضومري]

الأمل عطشان والمورد شحيح
ما يسد الياس لو انه قــراح

لا تحط الورد من فوق الضريح
شيل وردك مادرى عنك استراح

[أبو سيرين]

الأمــل بـالله يـا راعي الفحيح
اكتب اللي ينفعك قبل الصياح

لا يـغـرك منصبك خـلـه يطيح
واعبد الله واتبعه تلقى الفلاح

[غانم الضومري]

كان عم جريس طامع بالمديح
لين كبر وشم ريح ابطيه فاح

لا تخفى واكتب الاسم الصريح
لو تبرقع يفضحه نور الصباح

[غانم الضومري]

عادل الخرمه ويكتب بالفصيح
مرحبا به عد ما البراق لاح

النوايا صافيه خلك مريح
ارفع البندق وطنب بالصياح

[أبو سيرين]

مـا اريـدك يالـمـديح امـن القبيح
الـقـبـيـح اللي تـخـفى بـالـوشاح

دام طبعك تخفي اللي بـه نـطـيـح
تصلح المجرم وما به أي صلاح

[صبح المطر]

من عرفت القاف والمعنى صريح
النوايا درب والخطوة سماح

يا قصيدي خابرك جزل ونصيح
لا تروم اللي مشاربها ضحاح

[غانم الضومري]

خطت الجـرّه و قرب للمطيــح
الخزز هالحين في وضع انبطاح

لو يطول بالمشي لازم تطيــح
ولا قصدت بهالحديث الا المزاح

[أبو سيرين]

يـوم جينا بالـجـزل كله صحيح
مـا ظهرتوا بالردود اللي تباح

ويـوم قـلـنا بالمزاح المستقيح
صار دايم يجذبك يابن الصباح

[صبح المطر]

عذرا هناك خطا بالقافية

[صبح المطر]

لو زبد سيله تراكم له طفيح
الرمه لا سال ما يدخل نساح

والعتب من شرهة الغالي يطيح
الليالي سود والصبح الرباح

[غانم الضومري]

الضمير العالمي أصبح قبيـح
كل هم الغرب تصدير السلاح

لو يموت العود والعذرا تصيح
ما عليهم يلعبون عظيم ضـاح

[أبو سيرين]

لا تــعــــذر بـاللـيالي يـالـفـصـيح
اتــرك الــرمـه بحـالــه والصباح

واضـبـط الـقيفان دامـك مستريح
والا ارقب واستمع شوف الكفاح

[غانم الضومري]

لا تــعــــذر بـاللـيالي يـالـفـصـيح
اتــرك الــرمـه بحـالــه والصباح

واضـبـط الـقيفان دامـك مستريح
والا ارقب واستمع شوف الكفاح

[ابو سلطان العتيبي]

مستمتعين معكم
بارك الله فيكم
وفي جهودكم جميعاً

ودي واحترامي
-

[غانم الضومري]

دام ابو سلطان عندي مستريح
ياهلا مليون يا أجمل صبــاح

[صبح المطر]

ما نشوف الا سهالات ودحيح
مار بعض الشيء تكفيه الرياح

وش يسر اللي يلفق بالمديح
كان ما ينطح مسانين الرماح

[غانم الضومري]

الجبل شامخ ولا هزته ريح
ما يهزه لا عجاج ولا رياح

والقميري عندنا ملي الطليح
منوة الشيبان يوم الحظ طاح

[غانم الضومري]

اشتقت بالحيل للكسرات
من فيكم اللي يذمـرهـا ؟

ليلة قمر والبحرموجات
ونجمة هوايه اسامرها

[غانم الضومري]

نورك يكفي عن اللمبات
ما فيه داعي تنورهــا

ما امل من هرجتك بالذات
حتى لو انته تكــررهههها

[أبو سيرين]

أبــشــر بـسـعـدك ومنا جـات
دامـــــك تـبـيـنــــا نـكـــررها

ارقص وغني على الشيلات
لـيـلـه جــمـيـلـه نـغـامـــرها

[غانم الضومري]

كلش حزن كلها ونات
أخبار دايم نناظرها

إيوا كذا خلها فلات
إلى متى النفس آسرها

[غانم الضومري]

بارك الله بالجميع
تحيتي

[أبو سيرين]

ودي أسـير على الـمولات
أشـري بضاعـه واجـربها

والا تـرى العمـر كله فات
جــوا الـمـباني وضيقـتها

[Abu Labeeb]

ياشبخ لاتطفي الليتات
...........والعين لاعاد تسهرها
دقق على نمبر الشيكات
............لاتقول محدن يزورها

[Abu Labeeb]

اقول ويقولي هيهات
............بدري عليه تمررها
يعايش الناس بالحيلات
...........ويبغي علينا يصدرها

[أسير العاطفه]

الخط لاصار به لفات
موترك يمسح توايرها

واللي يتهور معه بالذات
له القسيمه نحررها

[أسير العاطفه]

الضومري مبعد الهقوات
وبعض السوالف يشفرها

يبا القصايد يجن جزلات
ويبين مخزون شاعرها

[ابو رامي الصادري]

الفرس من حولنا يزيدون الفحيح
والعرب في بعضهم يكثرون النباح

وشامنا له عدة اعوام دمه يسيح
ابطيت عنهم يانصر الصباح

اخواني الاعزاء
اتمنى منكم
اذا كان في الابيات اي ملاحظات ابدائها..
اخوكم في بدايته ويحتاج توجيهكم ..

أرسلت من HTC One الخاص بي باستخدام تاباتوك

[بقآيآ .. حرف]

يعجبني اللي عن الهفوات
يغض طرفه ويسترها
ان ما نصح غادرك بسكات
جزل المعاني وشاعرها
.
أهداء للركام

[أبو سيرين]

الفرس من حولنا يزيدون الفحيح
والعرب في بعضهم يكثرون النباح

وشامنا له عدة اعوام دمه يسيح
ابطيت عنهم يانصر الصباح

اخواني الاعزاء
اتمنى منكم
اذا كان في الابيات اي ملاحظات ابدائها..
اخوكم في بدايته ويحتاج توجيهكم ..

أرسلت من HTC One الخاص بي باستخدام تاباتوك

اخوي ابو رامي

هناك موضوع ممكن تضع ابياتك فيه ليتم تقييمها .... اكتبها هناك وابشر بالانتقاد الصريح الهادف .... بالتوفيق

[صبح المطر]

بالشعر ما نــلتـفت ريـــبـات
كــــل المعــــانــي نـــعبــرهـا

ما اسوق زملي على الزلات
المخطيه ما نصــررهـــــــــــا

[غانم الضومري]

ياما سهرنا على الشيلات
عين الشقى دوم مسرها

يارب ياغــــافر الغلطات
طالبك يارب تغفـــرها

[غانم الضومري]

ياهيه يامغطي اللوحات
لوحتك ملزوم تظهرها

بالك تجاوز مع الطلعات
إلا انت شايف وخابرها

[أبو سيرين]

كـنـت اخـتـبـركم على النيـات
قـبـل الـصــداقــه نـوثـقــهـــا

ابغى صديق ن عظيم اصفات
مـثـل الـصــحابـه وصاحبهــا

[غانم الضومري]

لا تقارن الجيل باللي فات
الجيــل هذا مخربهــا

يضيع وقته على اللذات
وانته الغلط لو تحاربها

[Abu Labeeb]

يارامي القوم بالطلقات
............بندقك لاعاد تزهبها
القوم صرعا كما النخلات
..........اللي سنا القيض لاهبها

[أبو سيرين]

سبحانك اللهم وبحمدك اشهد ان لا اله الا انت استغفرك واتوب اليك

[غانم الضومري]

يارامي القوم بالطلقات
............بندقك لاعاد تزهبها
القوم صرعا كما النخلات
..........اللي سنا القيض لاهبها

أهلا هلا بك يابو شوتات
الملعبه وانت شاعرهــا

دامك تفلت ولك رمعات
بالملعبه وانت سنترها

[غانم الضومري]

اخوي ابو رامي

هناك موضوع ممكن تضع ابياتك فيه ليتم تقييمها .... اكتبها هناك وابشر بالانتقاد الصريح الهادف .... بالتوفيق


فضلا.. تواصل مع ابو سيرين

على الرحب والسعة

تحيتي

[غانم الضومري]

عندي رساله لا بن حماد
مهارته ليهه! يخفيهــا

عجل علينا وطب الماد
ابدا وانا اشيل تاليها

[حالة جوية]

الشعر وسط البراري عاد ،،،، طبتم وطابت قوافيها
أمطر سحاب الوله وانقاد .... زانت مداهل مفاليها

[ابو سلطان العتيبي]

اخي العزيز غانم الضومري
من فضلك لك رسالة على الخاص

تحيتي
-

[أبو سيرين]

يقـول شعر ن قوي ن فاد
باحلى القوافي ويهـديهـا

للشام أرسل بيوت اشداد
مـثـل الـقـنـابـل مسويهـا

[ابن حماد]

عندي رساله لا بن حماد
مهارته ليهه! يخفيهــا

عجل علينا وطب الماد
ابدا وانا اشيل تاليها


عنا رحل صاحبن ماعاد
وحنا بد ار ه نعز يها

النفس قدامها ميعاد
اللي سقا الناس يسقيها

[أبو سيرين]

عظم الله أجركم يا بن حماد

الله يـغـفــر لـبـن حــمــــاد
اكـبـر ذنـوب ن وقـع فيهـا

يرزقه بندق وسيف ن حاد
يـقـطـع رؤس ن يـعـاديهـا

[أبو سيرين]

يا ضومري خل ابن حماد
رسـالـتـك قوم خــبــيــهـا

دامـه يـعــزي ودوبـه عاد
نـفـسـه حـزيـنـه يـداويهـا

[عابر سبيل]

الخير مقبل وله رعاد
والبرق يبرق مثنايها
على البراري خيال انقاد
يروي ثراها ويحييها

[Abu Labeeb]

أهلا هلا بك يابو شوتات
الملعبه وانت شاعرهــا

دامك تفلت ولك رمعات
بالملعبه وانت سنترها

حييت يازارع الشتلات
................. اغلى المشاتل ونادرها
البنت عشاقها موات
............... وعشقي مناها و ساحرها

[أسير العاطفه]

ببدا لكم قافٍ بحرفٍ مكرر
ولاحدٍ من القاف الجديد يتحسس

وان قيل وش مقصدك عندي مبرر
ابحرج اللي للقصيد يترسس

[ابو سلطان العتيبي]

السلام عليكم ورحمة الله وبركاته

اسعد الله اوقاتكم بكل خير
بارك الله فيكم جميعاً
وارجو منكم الابتعاد
عن التجريح الشخصي
وعن الهمز واللمز
كما عهدناكم دائماً

ودي واحترامي
-

[أسير العاطفه]

عليكم السلام ورحمة الله وبركاته
أقدم اعتذاري لكم فرداً فرداً اذا بدر مني خطأ غير مقصود
وكان قصدي حث الشعراء على صقل مواهبهم
اكرر اعتذاري للجميع
استودعكم الله تحياتي للجميع

[حالة جوية]

القاف من غيد المعاني يحرر
ياللي على الشعار كنك تعسس

والشعر بحر وموهبه ما يدرر
كل ٍ يغوصه يا سعد لا تمسس

[ابن حماد]

كل ن ازناده من يمينه يشرر
شبو وهاتوا كيف لحد يبسس

لا تصير مثل البارحه فيه قرر
عد الطويله بالضحى لا تدسس

[Abu Labeeb]

الكاسب اللي منه مااحد ن تضرر
.................. صان الحصان ولامشى بالتجسس
واضفى علي جسمه ثياب ن مزرر
..................عز الله انه نال قصر ن مآسس

[غانم الضومري]

معذرة عن غيابي اليومين الماضيين لظروفي

شكرا لجميع من شارك هنا ،

على المحبة وحسن النوايا نلتقي

بكم تزهو وتزهر البراري


تحيتي

[ابو سلطان العتيبي]

حياك الله اخي غانم
ومعذور يالغالي
تحيتي
-

[صبح المطر]

لا غبت عني ويومك طاف
طيفك هو اللي يسليني

أرقى معه فوق للمشراف
واكتب مناجاة قلبيني

[ابن حماد]

ارض ن خلا مابها الطواف
مافيه حين يسليني

وين انتحوا ربعنا العراف
اهل الوفاء ودواويني

[صبح المطر]

الأرض تبقى زهر وارياف
لا ديمت بالتواديني

يجذبهم البارق الرفراف
اللي مزونه محانيني

[ابن حماد]

الناس راحت تبا المصياف
اتلا الخبر بالمقفيني

لبق على موقف الصراف
يسحب زهابه وتاميني

[ابو سلطان العتيبي]

متابعين معك يابن حماد
ولو اني شاعر كان رديت عليك
لكن المصيفين ان شاء الله
يرجعون بالسلامة

ودي واحترامي للجميع
-

[ابن حماد]

يامرحبابك يابو سلطان
اهلا هﻻ والف ترحيبه

حنا ترانا عرب وخوان
ومن مر مثلك نحييبه

[بقآيآ .. حرف]

يقول غانم أنا مرضان
الله يشافيه ويجيبه
من قلبي أقولها ولسان
مآجور يا من ظهر شيبه

[سحاب سدير]

ياقارضين الشعر شباب وشيبان
هذا شعركم يازين نظماتة
ابكتب معكم البيت والبيتين
واعذرو القصور في ووزن وقفياتة

[بقآيآ .. حرف]

ياقارضين الشعر شباب وشيبان
هذا شعركم يازين نظماتة
ابكتب معكم البيت والبيتين
واعذرو القصور في ووزن وقفياتة

يا قارضين الشعر شبٍ وشيبان
هذا شعركم وانتم أدرى بنضمه

يجي منك مراقبتنا وترى الحال من بعضه
تحياتي

[صبح المطر]

البارحة شفت لي براق
والليل كله وانا اخيله

شبت بروقه تقل حراق
كريم مزن ٍ سرى ليله

[ابن حماد]

اللي حلاله غنم ونياق
منوة خفوقه هماليله

لمسا على ديرته دفاق
وصبح وهو سايلن سيله

[أسير العاطفه]

البارحة شفت لي براق
والليل كله وانا اخيله

شبت بروقه تقل حراق
كريم مزن ٍ سرى ليله

مادام رايق وجوك راق
تبي تخايل هماليله

ويجيك علمه مع الاشراق
وتنقل لنا عن وقع سيله

[أسير العاطفه]

صادف ردي رد ابن حماد فتكرر بعض الكلمات بصور مختلفه ولم الاحظ الا الآن


بشر به المولع المشتاق
اللي فياضه مداهيله

اللي يحبه من الأعماق
دايم مكمل معاميله

[صبح المطر]

الله الله

صحت السنتكم
ابداع

[صبح المطر]

خابرك يا صاحبي لا ساق
تسهر تخايل تشاعيله

هذا المشقى ترى عشاق
الشوق داه وغرابيله

[ابن حماد]

لسوق بعض العرب يشتاق
هي شف باله وتعليله

لنفس جو البلد مالاق
لاصدرت مابها حيله

[غانم الضومري]

أقلامنا حرّه على مر الآيام .. ولا ياصل الحد المحرم خطرها
وانا اتحمل ما كتبته من الام .. اقدح من افكارك وولع شررها

[أسير العاطفه]

أقلامنا حرّه على مر الآيام .. ولا ياصل الحد المحرم خطرها
وانا اتحمل ما كتبته من الام .. اقدح من افكارك وولع شررها


أنا صويب وجرح قلبي من العام
والنفس عافت زادها من قهرها

تعبت انادي الحظ والحظ ماقام
دنيا مايعرف وجهها من ظهرها

[غانم الضومري]

إن كان تنشدني وودك علومي
يجول في فكري ثمانين طاري

والجو ما ينطاق حر وسمومي
العج يذرا من غبار الصحاري

[غانم الضومري]

أنا صويب وجرح قلبي من العام
والنفس عافت زادها من قهرها

تعبت انادي الحظ والحظ ماقام
دنيا مايعرف وجهها من ظهرها


تحققت في شوفتك كل الاحلام
وايامي السودا تجلى قمـــرها

في جيتك تبددت كل الاوهام
أسيرنا والعاطفه من أسرها ؟

[أسير العاطفه]

إن كان تنشدني وودك علومي
يجول في فكري ثمانين طاري

والجو ما ينطاق حر وسمومي
العج يذرا من غبار الصحاري


الله جعل ستر البشر بالهدومي
يامبشع الانسان لاصار عاري

يالضومري لاصار وقت اللزومي
أصدق خبر مسند صحيح البخاري

[أسير العاطفه]

تحققت في شوفتك كل الاحلام
وايامي السودا تجلى قمـــرها

في جيتك تبددت كل الاوهام
أسيرنا والعاطفه من أسرها ؟


عسى السعاده فالك بكل الأيام
ويالله عسى عينك تحقق نظرها

اللي أسر قلبي ورى عرق لزام
رعبوبةٍ اربع محوّا شعرها

[ابن حماد]

لادك في بالي خواطر وهوجاس
دونتها في منتداي وكتبته

ماهو مثل غيره مناره ونبراس
حبي وتقديري لشخصه وهبته

[صبح المطر]

الشعر بدع وطرق وأسلوب وإحساس
إن طاب لي والا هجرته وسبته

شاعر يابن حماد لك ميز وقياس
تقطف من فياضه نواوير نبته

[أسير العاطفه]

المنتدى وأهله على العين والراس
وانا البحر رغم العواصف ركبته

اجي لكم مشتاق والعب على الكاس
بحر الشعر وانا صغير شربته

[ابن حماد]

بعض الرجال الطيب من اتبر والماس
وصدق من اللي شذرته في احدبته

له بالوفا والطيب والمعرفه ساس
زين المناسب والمجاذب انسبته

[صبح المطر]

أختار من عقد التعابير الألماس
واصوغها بالقاف لا من لعبته

بالشعر انومس خاطري واطرد الياس
أشفق على الجزلات لا من ندبته

[ابن حماد]

شعار بالشهره على مستوى واس
نوادرن تشبه جواهر اذهبته

في لجة مايصله كل غطاس
حتى ركام الخير معكم حسبته

[راع العرض]

الا ياحلو حل اللي حللبي وانحل بحالي
تعبت اتبعك يامنبع عذابي لاتعذبني

وجل مجملك في جيل ماجا بكل الاجيالي
فرق خلقتك عن ذا وذا لذا خلقتك تجذبني

[غانم الضومري]

هلا باللي يناجي من هيامه صوت مـوالي
الى منه سمع صوتي قمز واقف يجاوبني

غلاه بخافقي يشبه غلايه لاصغر عيالي
حضوره يزعج العاذل على شانه يحاربني

[غانم الضومري]

الحر ولع ذروته تفقع الراس
كلن يصيف ياعرب وسط بيته

نسمة هوا أبها تغلغل بالانفاس
لولا الغلا فيها مصيفي قضيته

[رامز]

يا ابريل جيت ورحت ما من محاصيل
ما شفت بك برقٍ بعرض المخيلة

وين السحاب اللي يسوق الهماليل
اللي يرد الروح وبله وسيله

لا شك عنا حابسه حابس الفيل
ولا لنا في دفع الاقدار حيله

بشايرك صارت كما كذبة ابريل
اتكذب الغطاس في كل ليلة

اليوم يا ما عيني تخيل وتخيل
واثر الغمام اللي تخيله نثيله

غدا النهار بعجها كنه الليل
وصار الفضا معها بستين نيلة

,
,
,
,

اللهم لا اعتراض

[حالة جوية]

المزن ساق وشفت نوضه شمالي
زان وتحدر في ثقيل المزوني

أخيل براقه بحد الخيالي
عله من ألرحمه يهل الغشوني

[غانم الضومري]

عسى الشهور القادمه كلها سيل
ولا هي على الله ياولد مستحيله

خل الأمل بالله من دون تأويل
كانت ربيع وديدحان وخميله

[غانم الضومري]

لحقت براقه بسرعه لحالي
من قو برقه خفت يعمي عيوني

السيل مع دربه وبرقه يلالي
هذا هوى نفسي وقمة جنوني

[أسير العاطفه]

أربع شهور وعقبها يطلع سهيل
فيها الضبي يبي يغير مقيله

ولاشفت نجم سهيل لاتامن السيل
وراع القنص يبي يراسل زميله

[غانم الضومري]

أربع شهور وعقبها يطلع سهيل
فيها الضبي يبي يغير مقيله

ولاشفت نجم سهيل لاتامن السيل
وراع القنص يبي يراسل زميله


اربع شهورٍ حريقصر بها الليل
واليوم عن يومين مافيه حيله

خلاص انا ابضف كل المعاميل
وعلى الديار الوارفه والظليله

[غانم الضومري]

يا مسوي الفنجال لا تكثر الهـيل
ادغث عليه شوي من زين هيلــه

عطه العريمه خص من دون تقليل
الشاعر اللي مــــا يجيب الهزيلـــه

[غانم الضومري]

من يستطيع من الشباب الاستفادة من أي كلمة قافية
وتوظيفها بمعنى أفضل مما وردت به ، فلا مانع ،

تحيتي

[غانم الضومري]

عسى السعاده فالك بكل الأيام
ويالله عسى عينك تحقق نظرها

اللي أسر قلبي ورى عرق لزام
رعبوبةٍ اربع محوّا شعرها


مجدولها يطرق إلى حد الاقـــدام
من خلقته ما فيه شخص سبرها

بنت الرجال موردة حوض الالغام
ماوزعت بين الحبايب صــورها

[غانم الضومري]

لا طبت الميدان في عرس الارحام
ما شفتها في ذمة اللي ذكرهـــا

قالت بأن الله كسا جسمها خـام
خام البياض تعطره من طهرها


ما زلت أنتظركم ...

[غانم الضومري]

ياللي توجهتوا لكازا ومكناس
ما تاخذون اللي كره شوف بيته

وخا مراكش والغرانيق في فـاس
وروني اللي ما سبق وان رأيتــــه

[بقآيآ .. حرف]

ياللي تجر الصوت من حر اﻻنفاس
طار الحمام وما بقى اﻻ مبيته
بعض الطيور توقع الفاس بالراس
وبعض الطيور أشره علي ﻻ شريته

[أسير العاطفه]

يا مسوي الفنجال لا تكثر الهـيل
ادغث عليه شوي من زين هيلــه

عطه العريمه خص من دون تقليل
الشاعر اللي مــــا يجيب الهزيلـــه


الضومري حقه قعود وعشر حيل
وأحسها انه بحقه قليله

من غير قاصر بالرجال الحلاحيل
اهل الكرم واهل المهار الاصيله

[أسير العاطفه]

ياللي تجر الصوت من حر اﻻنفاس
طار الحمام وما بقى اﻻ مبيته
بعض الطيور توقع الفاس بالراس
وبعض الطيور أشره علي ﻻ شريته


أثرك خبيرٍ بالسباحه وغطاس
وتجود المبنى لامنك بنيته

من الذهب تملك قناطير واكياس
اطرب واشوش لبيتك الياقريته

[بقآيآ .. حرف]

أثرك خبيرٍ بالسباحه وغطاس
وتجود المبنى لامنك بنيته

من الذهب تملك قناطير واكياس
اطرب واشوش لبيتك الياقريته

تسلم يابو محمد وعسى يسلم الراس
ورجم الشعر من شان عينك رقيته
لو كان مالي فيه ياخوك مجلاس
صفحه من الماضي وبيدي طويته

,اعتذر أن لم أوفق فيما أقدم سواء بالمعنى أو القافيه فكما تعلم
(( لست بشاعر ))

[أسير العاطفه]

تسلم يابو محمد وعسى يسلم الراس
ورجم الشعر من شان عينك رقيته
لو كان مالي فيه ياخوك مجلاس
صفحه من الماضي وبيدي طويته

,اعتذر أن لم أوفق فيما أقدم سواء بالمعنى أو القافيه فكما تعلم
(( لست بشاعر ))


مشكور ماقصرت ياطيب الساس
ماخاب ضني يوم فيكم هقيته

الشعر يامحمد ماهو لناس عن ناس
وانته يابو خالد خذيت وعطيته

[غانم الضومري]

راحت ولدت واستدارت وردّت
ولع بها البارق ولجلج رعدهـــــا

أول مطرها وبل بعدين شدت
لين غسلت نفس العنى من نكدها

[غانم الضومري]

يا جماعة خير والله ما يصير
لا يضيع الحق في وضح النهار

تجمع النملة ومن حــظ البعيــر
التخــفــي خلــف اســم مستعار

[غانم الضومري]

ياللي تــوايق يشـهد الله عرفناك
احساسي المفرط عرف حس ظلك


ادخل تفضل نـمت وانا اتحــراك
البيت بيتك ماانت ضيف بمحلك

[غانم الضومري]

يا الله على الفقره نشـد الرحالي
أروج بسرعه لا تأخر عليّــــــه

تراي ناويها لو اني لحـــالي
برادها يشفي النفوس الشقيّه

[غانم الضومري]

خلك مع البزران وام العيالي
احمل لها الاكياس بالقيصيرية

[غانم الضومري]

في راس ضلع الاحمدي شبت النار
برادها يسوى براد المكيف

مصيفها روعه وتحري بالامطار
انصح شباب المنطقه به تصيف

[غانم الضومري]

أهدي لكم مسواك غصن البشامه
من عالي الفقره قطفته مسيان

[غانم الضومري]

ترى البخيل اللي بخيل بكلامه
اللي على الكلمه تقل يدفع فلوس

والا البخيل اللي بخل في سلامه
دوره على الصفحه مثبت بدابوس

[غانم الضومري]

يكفيني انك تطالع كل صفحاتي
اكتب وتقرا وهذا اللي مريحني

خلك على جرتي شاهد نهايــاتي
تبطي عظم ياصديقي مانت طارحني

[غانم الضومري]

الله يرحم بـلاد الشــام
ذكــرى جميله نغنيهــا

كانت لنا في زمن صدام
واليوم ضاع الامل فيها

[غانم الضومري]

ياخوي الدرب والله ما يصير .. ما تكلم ليه ؟ في فمك بلام !
ضاقت السكه على صدر البعير .. والشوازل طيرت سرب الحمام

[أسير العاطفه]

ياخوي الدرب والله ما يصير .. ما تكلم ليه ؟ في فمك بلام !
ضاقت السكه على صدر البعير .. والشوازل طيرت سرب الحمام


جيتكم مستعجلٍ وقتي قصير
ومالقيت من الشباب الا الركام

والبعير بعير وانته يالامير
الحمام اللي تقول اصبح يمام

[غانم الضومري]

لا بذلت الجهد بالسيف الشطير
ما عليك ولا على الفاطر مــلام

يا أسير العاطفه أنت السفير
للقلوب الصافية أجمل سـلام

[Abu Labeeb]

الجمل وان رغا عقب الهدير
................اتركه في مبركه وارم المسام
مايقوم ابحملته دامه كسبر
.................نزل الحمله عنه وارم الخطام

[غانم الضومري]

الجمل يهدر على جال الغدير
ولا ينكد مشربه رمي السهام

ولا تأثر بالصياح و بالصفير
لو يصدر قل على البير السلام

[بقآيآ .. حرف]

ليت بن فرناس منها مستخير
يوم فكر يعتلي فوق الغمام
بس أنا بسألك دامك مستنير
فعلته هذي حلال أو حرام

[غانم الضومري]

فكرته باسبابها العالم يطيــــر
صار فوق الريح طاير بانتظام

ماحلى المقناص مع حزة عصير
لا لمحت السرب يبحث عن منام

[أسير العاطفه]

لا بذلت الجهد بالسيف الشطير
ما عليك ولا على الفاطر مــلام

يا أسير العاطفه أنت السفير
للقلوب الصافية أجمل سـلام


الزمان اليوم شرٍ مستطير
وش نقول وش نخلي من الكلام

الحقيقه مايشاهدها الضرير
لو رفعت الصوت في وسط الزحام

[راع العرض]

صحت ألسنتكم ومتابع معكم

[غانم الضومري]

ياراعي العرض عرضك ما يكفيني
ارفع عروضك زياده يمكن اقبلها

إلى متى وانت ساكت ما تحاكيني
افتل من الشعر وانقض شعرو افتلها

[راع العرض]

قلت عروضي من اللي شافته عيني
واليوم باكتب لك الأبيات وأرسلها

مدري البلا فيك والا ان البلا فيني
هذي علومي من آخرها ليا اولها

[غانم الضومري]

يكفيني إني إذا ناديت تاتينــي
اكتب لك أبيات تاصل قبل أكملها

ما تدري انه عليك البعد طاويني
اصبّر النفس في رؤياك أعللها

[راع العرض]

لا صار ماوحيك ولا انته بتوحيني
ذي حالتن يا عسى ربي يبدلها

افتح على المنتدى وأقرى العناويني
وأقول هالناس مدري وين احصلها

[غانم الضومري]

آمر تدلل عليه يا نظر عيني
هانت وزانت عسى ربك يجملها

انا اعرف انك أصيل ولا انت ناسيني
كل الحبايب عزاز ولا نزعــلهــا

[غانم الضومري]

السموم اللي لهب عشب البراري
يبرم السملول في قلب العجاجـه

اترك البران مالك والصحاري
لو يطبـه رايقٍ كــدر مزاجـه

[راع العرض]

اه يا رجال من كثر الطواري
جعل كل همن يجئ معه انفراجه

انت فالساحل وانا في نجد داري
غير جرح القلب مانلقى علاجه

[أسير العاطفه]

جيت المكان اللي نزلناه قبل أمس
ابي العرب من خوف لايقال ناسي

وطال انتظاري فيه مسمع ولاهمس
ومن الهدو غلب علي النعاسي

[غانم الضومري]

الصيف دندن واحتمى صالي الشمس
والـوقت هذا يحجزون الكراســي

اللي مشى عن ديرته وابعد الرمس
ينسى الهموم وذكريات الماســي

[غانم الضومري]

بعض البشر يزعل ولو تلمسه لمس
يفــور دمه مثل فور البـباســــــــــي

وبعض البشر ما يزعله رمية الدمس
كريم طبع وبالمهمــات راســـــــي

[بقآيآ .. حرف]

عندي بشاره ودي أهمس بها همس
وﻻ ودي يفطن لها كل قاسي
أسمه طلوع وآخر معرفه شمس
ياغانم احجز له جديد الكراسي

[غانم الضومري]

أهلا طلوع القمر والشمس
شكرا وقــدرك على راسي

[صبح المطر]

ياللي نويت السفر سواح
وحجزت عبر السعوديه
شدّك على الطايرة مشواح
تبعد حراويك والنيه

[ابن حماد]

من الحرم للحرم مرتاح
فيها الهدى والعبوديه

وم التجارات والارباح
لصار سفره دعاويه

[صبح المطر]

فكر شويه ترى ما راح
يضيع بأوقات وهميه

ما كل ياصاحبي من ساح
يسلى بدار الخواجيه

[حالة جوية]

ما بالمظاهر سعد وأرباح / لو قلت عاده وصيفيه
بعض العناء يتعب وذباح / يكتب على الروح مرثيه

[غانم الضومري]

يقولها الشاوي الفلاح
اللي ظروفه تجاريـه

اما الغني يفرك المسباح
ويلقى عروض خياليـه

[صبح المطر]

يا نجد فيـك القمـر وضــاح & ضافي عـلــى ورد ديـمـيـه
يا ديرتي والحياء مـــا طاح & عندي فـيـافـيـك مـحـمـيـه

[ابن حماد]

ايام داري هنا وفراح
فيها منارات ماريه

فيها الهدى والتقى مصباح
مهبط رساله سماويه

[غانم الضومري]

الصيف والبر والاشباح
غبار مع عقرب وحيّه

ماني مبالغ ولا مـداح
وش جاب بيرين لبثيــّه

[حالة جوية]

الكيف يا زين ريحه فاح
سق الفناجيل بريه

تو العناء يا الخوي انزاح
ديمة مطرها عسيريه

[غانم الضومري]

مليت من ريحة بلادي
ضاقت علي الصناعية

معصير يذرى من الوادي
ويرشنا كل ظهـــريــّـه

وحرٍ كما النار وقادي
من شدته يحرق الفيّه

[أسير العاطفه]

مليت من ريحة بلادي
ضاقت علي الصناعية

معصير يذرى من الوادي
ويرشنا كل ظهـــريــّـه

وحرٍ كما النار وقادي
من شدته يحرق الفيّه


الضومري يالربع غادي
وللسفره مبيت النيه

ورى النهر ماله قعادي
غلطان مليون بالميه


لونه يقول ياهادي
وللباحه يروح صيفيه

[رامز]

الصيف والبر والاشباح
غبار مع عقرب وحيّه

ماني مبالغ ولا مـداح
وش جاب بيرين لبثيــّه

هههه

كلش ولا بثية

بثية والرحى والاصبعة في قلوبنا

[غانم الضومري]

الماء هماج ونسبته عالي املاح
والارض جرداء سهلة سرمديـّـه

الله يبدل دهرها عشب وافراح
عسى المطر يسقي شغايا بثيّه


أسعدك الله يا رامز

تحيتي

[صبح المطر]

يا نجد بــرق الحياء لا لاح & يزهاك مــزن كـشـف ضيه
عسى وطنا رخـى وأفراح & دايم لـيـالــيــه عــيــديــه

[بقآيآ .. حرف]

مالي اﻻ معرف وأفتخر في بقآيآ
يا وجيه تبي عوج الدروب أركدي

دون وجه الرفيق نرود حوض المنايا
ولو خسرنا من اﻻرواح قلنا فدي

[غانم الضومري]

الصديق لصديقه اصل يعكس مرايا
اي شي بطريقك صاحبك يبعــدي

نقطع الدرب عتمه وانت خلك ورايا
يومها اطول نهار وليلها سرمدي

[غانم الضومري]

لولا الونس ياهل الواحة
يمين باالله ما جيهـــا

اجي هنا النفس مرتاحه
اطلع وانا خاطري فيها

[غانم الضومري]

أحلى أجازه مع الشيبان
مافيه وناسه تضاهيها

أية وناسه وأي احسان
ترتاح وامك مخليها ؟!

[بقآيآ .. حرف]

لولا الونس ياهل الواحة
يمين باالله ما جيهـــا

اجي هنا النفس مرتاحه
اطلع وانا خاطري فيها
ما دمت للبيت مصباحه
شمعتك ﻻزم تضويها
بوجودكم تطرب الساحه
يا غانم أحذر تسويها

[غانم الضومري]

الباب ضيعت مفتاحه
دورت ماني ملاقيها

صقاريومي بملاوحه
شيهانته يعتني فيها

[بقآيآ .. حرف]

شهرة نيوتن بتفاحه
ما قال هذي بخبيها
يا نجوم بالليل وضاحه
يا متعبه من يراعيها

[حالة جوية]

شاعر ويومي بمسباحه
قوافي اللعب يحييها

يا حول يا شاطي الراحه
السفن غرقت موانيها

[أسير العاطفه]

مبسوط والنفس مرتاحه
أكتب بيوتي وأغنيها

وين أنت ياشاعر الساحه
حث الرجل في خطاويها

[حالة جوية]

مثل النواوير بالباحه
بنات فكري مروّيها

عقب المطر زل لواحه
الطير ردد غناويها

[غانم الضومري]

من بعد ما اجتاحت الموصل
داعش تسيطر على تكريــت

امداد إيران لن يوصــل
من بينهم ولّع الكبريت

[أسير العاطفه]

لاغابت الشمس كبر صل
وكثر من دعاك لاصليت

مفروض ماصار مايحصل
مير البلى صار كيت وكيت

[غانم الضومري]

ضربه تعوّر على المفصل
النار صبوا عليها زيـــت

الداء جاء بنفس المصل
اللي على شامنا دزيت

[بقآيآ .. حرف]

ما دام ما بالعرب فيصل
ما ينفع القول ليت وليت
الداب بعده تحول صل
وحتى الثعالب طلع له صيت

[غانم الضومري]

ما دام ما بالعرب فيصل
ما ينفع القول ليت وليت
الداب بعده تحول صل
وحتى الثعالب طلع له صيت



صح لسانك مدد وليس عدد
بيتين ولا أروع

دام العطاء

تحيتي

[بقآيآ .. حرف]

صح لسانك مدد وليس عدد
بيتين ولا أروع

دام العطاء

تحيتي

بوجودكم يدوم العطاء شكراً لك
أستاذ / غانم

[غانم الضومري]

واعدتني واخلفت كل المواعيد
أموت واعرف لييه تكذب عليه

دمحت لك فوق الثلاثين وتزيد
حتى طفح كيل الصبر من يديّه

[غانم الضومري]

ياجماعة خير ما هذا الركود
منتدانا يشتكي قل القصيـد

؟؟
؟

[ابو سلطان العتيبي]

الركود في كل مكان
بسبب العطلة الصيفية
ومنها السفر والمتابعين
لكاس العالم ومواقع
التواصل الاجتماعي

لكن في النهاية
ان شاء الله تشاهد
النشاط يدب من جديد

تحيتي لك وكل
من مر من هنا

-

[بقآيآ .. حرف]

غانم خذاه الوقت وقفى ولا رد
وصبح المطر قلة وجوده مصيبه

[صبح المطر]

أشكر بقايا .. ما سأل غير من ود
له التحايا من مشاعر صحيبه

[صبح المطر]

مشاغل الدنيا عسى ما تمدد
نطرد وكل ٍ في جبينه نصيبه !

[أسير العاطفه]

سلام ياصحابنا الوافين= ياهل الوفاء والكرم والجود
جينا و بالحيل مشتاقين= والشوق لوصالكم في زود

[صبح المطر]

يا مرحبا صادقه واهلين ،،،، تحية ٍ وافيه بالعود
في شاعر ٍ من وفاه يبين ،،،، لا من حضر بالجزال يسود

[غانم الضومري]

كانت اجازه وانتهت ما درينا
طارت مثل مزن نثر ماه وانزاح

[رامز]

كانت اجازه وانتهت ما درينا
طارت مثل مزن نثر ماه وانزاح

مرت ولكن كيف مرت علينا
ما كنها الا حلم في غفوة وراح

[غانم الضومري]

مرت ولكن كيف مرت علينا
ما كنها الا حلم في غفوة وراح



ياليتنا مــن حلمنا مـــا صحينا
كانت اجازه ليلها أنس وافراح

[غانم الضومري]

خلاص جا يوم الاحد وابتدينا
بدون جديه سواليف وامـزاح

[غانم الضومري]

الطالب اصلا جا وهو ما يبينـا
سهران طول الليل مامداه يرتاح

مشلول تفكيره مفهي حـزينا
مخـه مقفل ما نفع فيه مفتاح

[في عالم اخر]

ولكن قسماً سوف تبكي على فراقي زمناً … وهذا ليس من باب الغرور بل لإنك أضعت حباً لن تجده مع أحداً غيري ..!! * وانا لستُ من “اولئك” الذين يعشقون التحدث عن أنفسهم .. ولكنني .. على “ثقـه” كامله .. أن كل من رحل عن حياتي .. هو “الخاسر”

[غانم الضومري]

اكتب احساسك شعر
ترجمه أحرف قصيد

وابشــر بعلمٍ يســر
فاهمٍ قصدي أكيــد

أنت نقطه في بحر
لا تكابر ياعنيــد

كان ودك تستمر
ابدع الببدع الجديد

[غانم الضومري]

ببلادهم تكشف العورة
وببلادنا الله يخارجها

المشكله ماهي الثورة
المشكله وش نتايجها

الحمد لله على الصورة
حلوه ولا احتاج امكيجها

ربيع والارض ممطوره
خيرات والرب فارجهـا

[أبو سيرين]

رجــال مـا هــم هــل الكوره
الـلي تـــــــــزيــن عرابجها

والناس جـــــوعــا ومقهوره
مـــا فــكـــروا في بـهـارجها

والصوره الصوره الصوره
شــفـهـا تــرى في مناهجها

قـل الـمـطـر واختلف طوره
والـنـاس كـثـرت حــوايجها

[غانم الضومري]

مقناص بسهال مستوره
قمري وسمان نخدجهـا

مبسوط والنفس مسروره
ولا شي بالكون يزعجها

لا صار طيري على كوره
مابي بلى هو يعالجهــا

همي رميته لاخو نوره
الذيب يعرف مخارجها

[أبو سيرين]

حنـا هـل الـعـلم والشوره
مــا نـقـبـل اللي يـعـوجها

الارض بامن ن ومعموره
كـل الـفـتـن مــا نــروجها

بـرجــالها مـع اخو نوره
حــامـينـهـا مــا نـهوجها

نـرصـد لـهم رد جمهوره
قـبـل الـعــدو لا يسوجها

[غانم الضومري]

ايوالله اتابع الكـــــوره
وأسأل بعد عن نتايجها

هلال يازين جمهوره
امواج زرقاء يموجها

[أبو سيرين]

دام الفكر فـيه محصوره
وأغلب حيـاتك مسمجها

لا تبحث أخـبار أي ثوره
خـل النصيحه ومنهجها

يوم ن بمقناص مستوره
ويوم ن بلاوي تخرجها

لا تقضي العمر بشروره
واتـقابل الله بـــلا وجها

[غانم الضومري]

ياالله دخيلك عن الخوره
استاذنا ابلغ نماذجهـا

مثل الذي مزق الصوره
محتج حرم مناهجهـا

[غانم الضومري]

اهداء خاص لا ابو سيرين مع التحية

http://www.youtube.com/watch?v=4TDi1j-h3do

[أبو سيرين]

تـحـــرم إذا بـانـت الـعــــوره
واتـحــرفـت عــــن مخارجها

راحت على المفتي والشوره
وابــــذمـــة الـلي يـــــوجـها

[أبو سيرين]

مرحبا يا ضومري وانت من خير الرجال
لـك عليـنا فضل مـن قبل وانـــت استاذنا

لا تـطــب الملعبه وتــقــول اللي مـا يقال
الــــذيـاب الـجـايـعـه تـجـتـمـع وتـحـدنا

[أبو سيرين]

لا تـطـب الملعبه تـنـشـر اللي ما يقال
الـذيـاب الـجـايـعـه تـجـتـمـع وتحـدنا

[أبو سيرين]

كل عام وانت بخير أخي غانم الضومري وكل الإخوان بالمنتدى وشكراً لك على الإهداء ولك مني كل التقدير والاحترام

يـــا ضومري راع مستوره
خــل الــعــــرب لا تـنـشبها

لا تـذكر الـثـوره والـخـوره
ولا تـذكر اعـلـوم تـحـسبها

اشـغـل حــيـاتـك بـفـرفوره
بنت ن تـعـجـبـك وتخـطبها

احسن من الشعر وابحوره
واحسن من انــك تـخـربها

[أبو سيرين]

اصفط الفـرش الوثير
واســتـعـد ولا تـــنـام

دامـك بصحـه وخـيـر
ولا تـحـب كـثر الكلام

بالـشـعـر غــرد وطير
قـبــل يـاتـيـك الـزكام

خـلهـم خـلـفـك وسير
وارتـفـع فوق الظلام

[غانم الضومري]

الوضع بالمره خطـــير
ولا عندنا غير الكلام

اللي على ظهر البعير
متربع فوق السنام

[أبو سيرين]

اكـنـز ذهـــب رز وشعير
وابني بـديـرتـكـم خــيـام

وابعد عــن الرس وتمير
واطلب مـــن الله السلام

[غانم الضومري]

ماامشي مع الدرب العسير
واكره دهاليس الظـلام


ربيع والدنيا بخير
واخر سواليف الغرام

الله على بر وغدير
في خايعٍ مابه زحام

أسري مع البدر المنير
اسامره حتى ينام

كي بور

[أبو سيرين]

واحلى مــن الـبـدر العشير
يـوم الـســمـا بـرق وغمام

في روض تـنهـات الشهير
غــدير واشــجـار وخــيـام

تـضـحـك واداعـبـهـا كـثـير
واحكي لـهـا حـب وغــرام

وانـسـى وتـنـسى ما يصير
ونـفـوق والـــدنـيــا ظــلام

[أبو سيرين]

المملكة تـنـعـــم بـخـــيـر ومشاريع
مـا ينتهي مشروع ويـقـوم مشروع

في فترة ن تحسب شـهـور واسابيع
وكل مـشـروع ن مـحـاسب ومدفوع

[ابو سلطان العتيبي]

اخي غانم الضومري
واخي ابو سيرين

متابعين معكما

ودي واحترامي
-

[أبو سيرين]

اخي غانم الضومري
واخي ابو سيرين

متابعين معكما

ودي واحترامي
-




أخي أبو سلطان العتيبي أشكر لك متابعتك وتشجيعك وتقبل مني الاحترام والتقدير

[أبو سيرين]

ما يطيب الـجـرح ويخف النزيف
دام ضـرب الـسيف مني والهداد

اكتفي شــّري وقــول انـك حليف
وان مـا قـلـتـه تـســرّع واجتهاد

[غانم الضومري]

جاهد النفس الشقيه يا مريـــف
ان قويت النفس هذا اكبر جهاد

[غانم الضومري]

يحق للصفحة تباها و تختال
ترقص طرب لا زارها ابو سلطان

[غانم الضومري]

الجو زان وقربن المطاليع
يالله بمتبوعٍ ولا هو بمقطوع

وسميّة يتبع مطرها الطواليع
يعلها الوسمي على طول الاسبوع

[أبو سيرين]

يـا مـعـلّم يـا مـوجّه يـا ظريف
مـا تـربـيـنا على جـهـل وفساد

مـا مشينا وسط لندن أو جنيف
ولا تـعـديـنـا على مـال وعــباد

[غانم الضومري]

الحواثا باليمن حطوا رصيف
يدفنون الجمر في بطن الرماد

والدواعش فكرهم ماهو نظيف
خارجين بنهجهم عن العباد

والله الحامي ولا غيره حليف
ترخص الارواح لعيون البلاد

[أبو سيرين]

صـار هالحوثي بـديـرتـهم عريف
يـدعـمـه من يـدعـمـه دون انتقاد

والدواعش جيشهم ما هو مخيف
مـن يـخــافـه الــروافض والكراد

اجلس في بـيـتك تلحّف يـا رهيف
مــا يــدافــع عــن وطــنّـا الرعاد

[غانم الضومري]

فيه عالم همها قطعة رغيـــف
ما لديهم بالمنازل أي زااااد

يشتكون الجوع والوضع المخيف
ورامي البرميل يقــدح بالزنــاد

[غانم الضومري]

وفيه عالم الله الطف يالطيف
يكفي الله شرهم اهل الفساد

الكرم في عرفهم ماهو شريف
يكفرون بنعمته اذا الاكل زاد

[غانم الضومري]

قل للحواثا دربكم درب مرسي
معهـم ثمان شهور ويسلموها

رموزهم لا بيّت فوق كرسي
اذا اينعت رؤوسهم يقطعوها

[أبو سيرين]

شـفـت فيهم الـمـدخـن والنظيف
وشفت فيهم الـقــبوري والحقاد

وشفت فيهم من تمسك بالحنيف
ورامي الـبـرميل يـتـركهم رمـاد

بحـر مظلم قاعه وموجه عنيف
والـمـواني فـيـه مـليـانـه عـتـاد

مــن يـمـد للداب يـده يا حصيف
يـذبــحــه بـالـسـم ويـنـال المراد

[أبو سيرين]

الحوثي في طبعه نذاله ونجسي
وســط الـيـمـن وغـربها لوثوها

ودي أهيـنـه واركبه مثل سيسي
كل الـمـسـاجـد بالـيـمن هدموها

[غانم الضومري]

يابلادي مالك بعيني وصيف
لا وربي مايجي جنبك بـلاد

ياحياة الروح ما غيرك وليف
إيه أحبك حب ما يقبل حياد

[غانم الضومري]

عجزت اسيطر على ابليسي
السالفه وين ودوهههههـــا

كان انت متهاون السيســــــي
اخوانكم وين ودوههههههها؟

[أبو سيرين]

شـيطـان صابك بتمسيسي *** اعقولكم وين ودوها
اخوانك اللي بتـوع سيسي *** المكرمه وين ودوها

[أبو سيرين]

إهداء لأخي غانم الضومري مع التحية

https://www.youtube.com/watch?v=91nTuLL8wWM

[أبو سيرين]

بلاش ندخل في السياسه نهائي
خـــلّ السياسه والخياسه لهلها

ابلادنا تـنـعـم بـخـيـر ورخـائي
افـدي العمر كله وروحي لجلها

[أبو سيرين]

اللي يــدسّ الـسـم مـوتـه فجائي
ونـطـيب في مـوتـه وننسى عللها

احــذر لساني وانتبه مـن هجائي
لا تـصير مثل الرافضه في دجلها

[غانم الضومري]

طبعي كذا صافي النية
اللي بقلبي على لساني

واضح معك ميه الميه
وزنت شعري بميزاني

وارفع شعار السعوديه
ولا همني قاصي وداني

بلوت عند الزكرتيه
واقول منهو تحداني

كان الهدف بس رديههههه
اضحك واسولف مع اخواني

ادله الغيــر بالجيـّه
ياكثرهم كثر خلاني

امتر البر عصريه
واليوم قمري وسماني

[غانم الضومري]

مزن البرد غايب له ايام ما شيف
يالله عسى الوسمي علينا يعيــده

[أبو سيرين]

خـلك على طـبـعـك بـصـيـف وشتائي
تـنظم قـصـيـدك في الـبـراري وهلها

شوف المزن شوف القمر والسمائي
شوف العـذارى والـشـعـر في غزلها

[غانم الضومري]

اهل البراري غايتي وانتمائي
افكارهم حـره ولا احدٍ غسلها

سلاحهم شوزل وبندق هوائي
وطيرٍ يعزل القايده عن فحلها

[أبو سيرين]

شعرك ومزن البرد تحت المكاشيف
نبي نـشــوف الـيـوم حـلـقـه جديده

أخشى تـزيـد الـولـولـه والتحاسيف
ونـسـيـر عـنـكـم لـلــديـار الـبـعـيده

[أبو سيرين]

الـحـر مـا هـو بـالـمـدح والـثـنائي
يستل سـيـف الناس يـضرب اهلها

خل الـعـرب والـمـعـركـه واللوائي
واجلس في بيتك انت منتب جملها

[غانم الضومري]

عندي مع الايام مصل وقائي
مااثر عليّ اللي تقلب مللهـا

ناس تعيش بعالمٍ سينمائــي
تغرير بالجهال ماكبر جهلها

[غانم الضومري]

مزن البرد شاعر وحكمه قضائي
راضي بحكمه يكتشف وش عللها

[غانم الضومري]

=أبو سيرين;]شعرك ومزن البرد تحت المكاشيف
نبي نـشــوف الـيـوم حـلـقـه جديده

أخشى تـزيـد الـولـولـه والتحاسيف
ونـسـيـر عـنـكـم لـلــديـار الـبـعـيده



خلك معي واترك كثير التصانيف
تراك غالي عندنا يالوليــــــــــده

الله يديم المعرفه والمعاريف
ويرزقك ربي بالحياة السعيدة

[أبو سيرين]

وان كنت أنـت اللي تقلب وسائي
تـبـعـت منهو يـدخـلـك في وحلها

يرجع غريب الدين واهل النقائي
وتـشوف بالدنيا شـرور ن شملها

[غانم الضومري]

كانك جديد الشعر توك بدائي
انا انظم الاشعار وانت بكفلها

[غانم الضومري]

حكمت ابو سيرين حكمٍ قضائي
معرفه اخضر لانه بطلهــــــا

[أبو سيرين]

يـا ليتني اسـلـم واتـرجــم عطائي
تـفـهـم دروسي تـسـتفـيد بـعملها

[أبو سيرين]

واما الحكم فالحكم ما هوب رجائي
لـك الـبـطــولـه قـبـلـكم مــن تفلها

[أبو سيرين]

طـيـرت عـقـلـه وبعيونه
يشوفني وسط الاحلامي

هـو منتهي خلع اسنونه
مــا بـاقـي الا الاعـدامي

[راع العرض]

مشالله عليك يابو سيرين

[أبو سيرين]

مشالله عليك يابو سيرين

يا هلا ويامرحبا استاذي راع العرض يشرفني إشادتك ومتابعتك

تحيتي وتقديري

[أبو سيرين]

جــفّ القلم والحبر غلق
مــعــاد يـقـدر يحاورني

أحـمـرهــم اليوم متعلق
مسكين من قبل خابرني

والله لـيـجـــــنّ ويطلق
يقول سـمـع ن وآمرني