الكسرة و بحور الشعر .. شعراء البراري

[غانم الضومري]

جادك الغيث شاعر يستحق الاشاده
واضحن من حروفه ان شعره جزل

اشهد انه مميز فاله اعلى شهاده
يكتب احلى القصايد مايجيب الهزل

[رامز]

شرف الله قدرك وانت راع الريادة
بالعلوم الجميلة والقصيد الجزل

والشهادة من اهل العرف فخر وسعادة
قبل شعر المديح وقبل شعر الغزل

[رامز]

عاد الدفا والبرد خفت حدته
يالله بنوٍ مدلهم من الخيال

من عقب ماطالت علينا صدته
يلفي علينا كنه حيود الجبال

يحيي كبار الاودية من مدته
من اول هلال الشهر لآخر هلال

من دون لانشكي ضرره وشدته
في بلادنا مافيه شبر الا وسال

[غانم الضومري]

الله.. ولا غيره كريم.. بمدته
بكره باذن الله تشوفون الخيال

وسيلن عسى الله مايزود حدته
ﻻ عقربت هز الرعد روس الجبال

كمل ياخويي ..

[رامز]

لا ساقته ريح الجنوب وودته
ثم ارتزم .. ماردته ريح الشمال

هذا الهوى للخافق ومودته
ما هو غرام وعشق حلوات الدلال

[رامز]

الطبوع تزين في يوم الربوع
اجمل الايام هو وايا التبيع

تلتقي فيه الخداين والربوع
ريف لقلوب المواليف وربيع

[غانم الضومري]

ولّـعت في جيتك كل الشموع
ذوبت من تحتنا قالب صقيع

انتظرنا الزين أكثر من اسبوع
والخزامى زينت نبـت الربيــع

[رامز]

زادت الايام هم وزدت لوعة
وطال موال التوجد والأماني

أنتظر فجر(ن) يماطلني طلوعه
واسري بذكراي مابين المغاني

والأمل لو ما تضوِّيني شموعة
ماتت الأشواق ما بين الثواني

مار لا بد الغصن تورق فروعه
كان قال الله وتورق هالمحاني

ما نطيع الياس والنفس الجزوعة
لو رجانا ابعد من سهيل اليماني

[غانم الضومري]

كل حرفٍ تكتبه يا جاد روعه
شاعر وقام يتنقى بالمعانـــي

أسعدك الله ياجاد ..

لن أقطع حبل افكارك .. استمر على هذا العزف المنفرد الجميل

تستحق لقب شاعر بكل قوة واقتدار ..
تحيتي ..

[رامز]

صوت الصورة (1)

http://im35.gulfup.com/XQkYq.jpg (http://www.gulfup.com/?YwLsJ0)
تحميل صور (http://www.gulfup.com/)

الياس ..... لولا الياس ما ضاقت وسيعات الدروب
ولو الأمل ..... ما طارت طيور السما با رزاقها

لكننا نرجي شروق الشمس .... من بعد الغروب
ومعلقين آمالنا ..... واحلامنا ..... باشراقها

يا طير .... ساقك للقدر والرزق علام الغيوب
وكل الخلايق مالها الا ...... ما قسم خلاقها

وانا على حطة يدين الحظ والوقت اللعوب
واقف على حيلي واخيل المزنة وبراقها

وانته تروح اللقمة لحلقك على كف الهبوب
من قبل لا ترفع لها الجنحان ربك ساقها

[غانم الضومري]

صوت الصورة (1)

http://im35.gulfup.com/XQkYq.jpg (http://www.gulfup.com/?YwLsJ0)
تحميل صور (http://www.gulfup.com/)

الياس ..... لولا الياس ما ضاقت وسيعات الدروب
ولو الأمل ..... ما طارت طيور السما با رزاقها

لكننا نرجي شروق الشمس .... من بعد الغروب
ومعلقين آمالنا ..... واحلامنا ..... باشراقها

يا طير .... ساقك للقدر والرزق علام الغيوب
وكل الخلايق مالها الا ...... ما قسم خلاقها

وانا على حطة يدين الحظ والوقت اللعوب
واقف على حيلي واخيل المزنة وبراقها

وانته تروح اللقمة لحلقك على كف الهبوب:w10:
من قبل لا ترفع لها الجنحان ربك ساقها

الله على جادك الغيث .. جادالشعر .

شكرا على الذهبية .. تقلد اسم شاعر اقل منك يامتمكن

عوده الى الحروف هنا مبيتي

تحيتي

[رامز]

العفو يا أخي غانم
/
/
/
/
/

من فتل حبلك الي تعقده
لا تحطه ذراع ولا صحيب

خوة النذل مثل المصيدة
تحسب انه صحيب وهو حريب

لو تشوفه ومصحفه ابيده
لا تجي بينه وبين القليب

[غانم الضومري]

جادك الغيــث جعل ربي يسعــده
شاعرٍ يغرف من الشعر الرهيب

ليلنا ياخــــوك ليـــلٍ سرمـده
والمسافه بيننا صارت قريب

[غانم الضومري]

ياهل الشعر يامصخرين القوافي
ياساهرين الليل في صوغ الابيات

يرضيكم انه ينحـذف بالخوافـــي
من دون علمك ينحذف كل مافات

[رامز]

ياهل الشعر يامصخرين القوافي
ياساهرين الليل في صوغ الابيات

يرضيكم انه ينحـذف بالخوافـــي
من دون علمك ينحذف كل مافات



الضربة الي بالظهر ما تشافي
سلم لها امرك يوم فاتن الافوات

كثر الشكايا ماتجيب العوافي
وكثر العباير مايردن الاموات

[غانم الضومري]

جادك الغيث شاعر .. يعشق المستحيل

فرحت بإضافة شاعر .. تحت اسمك ، فأنت الذي وضعته بشعرك الجميل

إلى الأمام .. تحيتي

[رامز]

الوسام الي على صدري معلق
بالشرف ماهو بحيا الله وسام

قلتها مانيب ابالغ وآتملق
والوفا ما مرنا امرور الكرام

تسلم يا غانم. ..هذا من طيبك

[غانم الضومري]

ياطير شد الحيل ياطير شدّه .. ولا تاقع إلا في رفيع المشاريـــف

اخوك غانم عاف نوم المخده .. واسباب مابه فقد أغلى المواليف

تحيتي

[رامز]

يا طير هاجر للدفا صوب جدة = الى متى وانته مع البرد بطريف
لا ينقطع يا طير ...حبل المودة = ولا تكثر الشكوى وخل التحاسيف

[غانم الضومري]

الحظ الاقشر طشني حول جده .. ماطشني في بيرن والا في جنييف
جوي عجاج بسهلة مجرهده .. تذرا سماليله حميس المناكيف

[غانم الضومري]

يانيل وين اغلب السكان .. خراب ماني بخابرههها
كانت بقر واصبحت ثيران .. حسبي على اللي مثورها

[التراثي]

يالضومري دارت الازمان

// والطيبه غاب ناصرها

// ماباقياً غير كان وكان

// بأيام يصعب تذكرها

[رامز]

الي غدى وجبة ن دسمه لخلق الله
ليته تريّح وريّح. ... من تصاريحه

يا ابا الحصين انت لا مذهب ولامله
تقفي بك اللقمه وتلفي بك الريحة

مثلت دور المداوي وانته العلة
والله لا يسامح السارق ولا يبيحه

نصيحتك ملح فوق الجرح منهلة
واقول ياليت مثلك جرب الطيحة

[غانم الضومري]

شـل الثقـل يا جمـل شـلـّـه
ولا تحط في بالك الطيحه

نفتل له الحبل ونتــلــّه
كنه بزر فوق مرجيحـه

مافيه مذهب ولا ملـه
ماينفع العفن تجريحه

[غانم الضومري]

يالضومري دارت الازمان

// والطيبه غاب ناصرها

// ماباقياً غير كان وكان

// بأيام يصعب تذكرها


يالشاعر الفـــذ يالفنـــان
روعه حروف تسطرهـــا

نسمر على وزنة القيفان
والساريــه ما نكــررهــا

شكرا يالتراثي

[غانم الضومري]

راضي تمام الرضا عن كل مشواري
وانا احمد الله ضميري ما يعذبــني

وان كان جاكم خطا من غانم الثاري
ابعتذر.. واتأسف .. وانت حاسبنــي

)
؟
(

.

[وقاد]

الـحـمـد للــي فـي السماء الباري
يعلم السر والنجــوى مــراقـبـني

ليه العذرمع الاسف ليه يا جـاري
لك المعزة والقدر وللـطيبة تبني

[غانم الضومري]

وقاد اسف كان في يوم رديت
ردن يضيق صدر وقااااد مني

انا بشر يمكن على غيري اخطيت
يارب ترحمني قبل يوم دفني

[رذاذ]

الله يطــوّل في عمــر صاحب البيت
اللي فتـح للضيـف مجلـس يعــنّي

أعطى وأكـرم دون مايقــول ملـيّــت
راعِ الوفــا طيّـب صــدوق التمنّــي

رذاذ

[غانم الضومري]

ياليتني ماجيت للنت ياليت
انشهد انه ضرني مانفعني

[وقاد]

يا الضومري طيبك ذايع الصيت
لـيه الـتحـسف والـنـدم والتجنّي

مـا شـفـت مـنك الا مـا تـمـنـيـت
طيب وشهامة وتبعد الهم عــني

[محمد آل زاهر]

شفت لي كابتنً ماينفع ابنقل كوره او بشوت=وان بغيناه يتعــمـق فهو هـاب واصلب دونها

والله ماهمني كانك لبست الك فروه اوبشوت=وكانك اتفصله جيتك وانا فصل واصل بدونها

[غانم الضومري]

المدافع مرتكز وسط بابه لو تشــوت .. كورته طارت من الشارع يجيبونها
والبشوت اللي ماهي على اهل البشوت .. مالها داعي خساره يلبسونها

شكرا ابو تالين على المشاركة في هذه الزاوية

تحيتي

[سمو المشاعر]

يانــــاس وينه ابــو ايوب
مبطي ولااشوف انا زوله

عساه سالم وذا المطلوب
وتجينا اخبــار مـن حوله

[رامز]

من (جادك الغيث) انتقلت لـ(رامز )
وترى الدعاوي كلها رمزية

[ابن حماد]

يانــــاس وينه ابــو ايوب
مبطي ولااشوف انا زوله

عساه سالم وذا المطلوب
وتجينا اخبــار مـن حوله

يابوعلى للفتى مكتـــــــوب
لاقـــــــــوةٍ له ولاحــــــوله

مرغوب والا ماهو مرغوب
يمشـــــيه لوهو ملك دوله

[وقاد]

ان شاء الله يكون بخير ... ويمكن انه لاهي بمطارد السحاب والامطار ..




لعل شيخنا الموهوب
مشغول بالغيم وثعوله

وابعد بمطارد المحبوب
والنت عنه مفصوله

[غانم الضومري]

اخر هدف سجل الشلهوب
تقدر تسجل مثل قولههههه

..


حيالله الجميع .. الظروف حسبي الله عليها هي من حال بيني وبينكم

معكم احبتي

[وقاد]

اهلاً وسهلاً بشيخنا .. الحمد لله على السلامة ...
والله يعيننا وياك على الدنيا ,,,


الضومري له تفز قلوب
يستاهــل الشيخ فزو له

[غانم الضومري]

ودي اجاري على المكتوب
واكتب لك ابيات مفتوووله

خاطوا بقلبي ثلاث ثقوب
واسبابهها الحب وفعولهه

[غانم الضومري]

فترة نقاههه هي المطلوب
تعرف موريكا ! انا حوله

[غانم الضومري]

شكلي دخلت المنتدى كنت غلطان

وين الطريق اللي يــــــودي لبابـه


وين الشباب اللي لهم بالشعر شان ؟

اللي قصايدهم تشيل الكأبـــــــــــــه !

عزالله إني للسواليف شــفــقــــــــان

لو السوالف بيننا بالكتابهههههه

[رامز]

اقلط / وصلت / ومثلك الكل شفقان
هات اللحون وجر صوت الربابة

/
/
/
أنا رفيقك (جادك الغيث)

[غانم الضومري]

يارامز اكتب لي من الشعر قيفان
وانا علي أجر قوس الربابـــــه

أنا بشر واحيان مجموعة انسان
أضداد نفسي ما تحب الرتابــــه

[غانم الضومري]

الله على الصحة إذا كنت مرضان
والله على شوفة جميع القرابـــه

[رامز]

جديدي (ساعاتنا والدقايق)
http://www.albrari.com/vb/showthread.php?p=2060813#post2060813

[غانم الضومري]

جديدك أجمل حروف الشعر يارامز .. حرفك مميز يشد اللي يزورونه

روعه يارامز

[غانم الضومري]

ما اتحدى والتحدي ما يجوز .. كان قصدي نستفيد من الجميع

نازلوني ما يهم اللي يفـوز .. أي بحرٍ تركبونه نستطيــــــــــع

[الركام]

جف نبع الشعر والفكر امحجوز = كل ما ولفت لي بيت يضيع

كن حالي تقول مقطوع الفيوز = وان زهمت الفكر عيا مايطيع

[غانم الضومري]

ماكتبنا الشعر نبحث عن بروز

نكتب الابيات واكثرها يضيع

عندنا الشايب يسمونه عجوز

والحروب الطاحننه صارت ربيع

[صبح المطر]

القوافي مالها حد وكزوز ،،، كل شاعر ياسم المعنى بديع
لا نهمت الشعر قيفاني فزوز ،،، يصهرن العذب بالفكر الوسيع
الشرايد في ذهبها ما تبوز ،،، مثل برق الوسم لا رفرف لميع
والبحر ما ينّزف في متر هوز ،،، يرهق اللي من نزل قاعه طميع

[وقاد]

اثنين بالميه عدل والباقي نشوز ... حــال الشـعر ذا الـوقت مزريً مريع
اصبح وجاهة والكـل الهـا يعـوز ... صارت تجارة ذاك يشري وذا ويبيع

[سمو المشاعر]

الشعر لاصار له معنى يفوز
جمهره حوله وكلن له سميع

والا بعض الشعر احفرله بقوز
واعظم الله اجرمن قاله سريع

[الركام]

ودع الترحال و اقعد للمقيل
صيفنا اللاهب بدا نجمه يبين

راح وقت كان ذعذاعه عليل
وحلت رياح وسموم الله يعين

[صبح المطر]

مبدع أخي الشاعر / الركام
صح لسانك على هذا الطرق الرائع



الفلك دوار ونجومه دليل ،،، والشتاء والصيف من عمر السنين
والبنادم عايش وعابر سبيل ،،، كل ما صابه مقدر بالجبين
الحظيظ اللي بدينه ما يميل ،،، يعتبر ويلوذ بكتابٍ حصين

[غانم الضومري]

صيفنا تحت المكيف لا بديل
ولا تنطح ساهر النذل اللعين

لا تعرض للخساير ياههههبيل
لا يغرك راعي الكرش السمين

[وقاد]

الشتا والصيف ممشاها طويل ... سـاير هـالكون وحنا مقفيين
الــزمـن لازال يـحــط ويشـيل ... واحـد مولود والـثـاني دفين

[الركام]

النهار يطول ولانلقى ظليل
والشجر متعري وحاله يشين

مايدوم الحال هذا مستحيل
وكل وقت راح يبقى له حنين

[صبح المطر]

مايدوم الحال هذا مستحيل
وكل وقت راح يبقى له حنين


الله الله

ابداع يا الركام
بيض الله وجهك

[الركام]

ماعليك زود ياصبح المطر
ووجهك ابيض

[غانم الضومري]

ياصباح الخير ياصبح المطر .. اسعد الله روح من سير هنا

[صبح المطر]

مرحبا بك عد ما يقطف ثمر ،،، عد براقٍ تحدر له سنا
يا هلا بالغانم اللي له قدر ،،، جاره الله من صواديف العنا

[الركام]

مجهودنا يابوسامي ضاع
موضوع تحدي الكسرات

موضوع ابدع به الذعذاع
واللي مشارك معه بالذات

رده يابوسامي هالساع
يمكن يجي مطول الغيبات

اللي تركنا بليا وداع
وبنقبل العذر للي فات

[غانم الضومري]

إن كنت تسأل عن الذعذاع
حاولت أجيبه عشر مرات

ما كنه إلا الجليــد ومــاع
ما رد يالله عسى ما مــات

ياخوفتي كان منا ضــاع
مااظن ينسى زمانٍ فـات

[غانم الضومري]

يادار وين اللي منول هنيـّـا .. أموت واعرف بس سر انقطاعه

؟؟؟

[غانم الضومري]

جنوبنا زين بس .!. المشكله وحده .. أهل اليمن كلهم بالضلع مندسه
يطلع عليك اليماني طالب الشحده .. لا جيت تاكل يجي لك كنه البسه

[الركام]

الله لا يحدنا ونشوف ماحده = يمكن بعضنا تشوفه زاد في الخسه

ولا هو بس اليماني جايع وحده = تلقى به اجناس لو تعدهم خمسه

[صبح المطر]

الأجنبي بالبلد يا ناس من قده ،،، هذا هو الواقع اللي مانبي مسه
يالله قرار ٍ يعدل الوضع ويشده ،،، نضرب بقوة وترجع خبرة العسه

[غانم الضومري]

الخط زين ولا به أي ملفات .. يشوق من قدمه مسافه طويله
بس البلا مزروع كله فلاشات .. يجهرك بعيونك ولا فيه حيله

[غانم الضومري]

اللي يجينا ياهلا فيه مليون ... واللي يروح الله يسهل طريقه

[ابن حماد]

الخط زين ولا به أي ملفات .. يشوق من قدمه مسافه طويله
بس البلا مزروع كله فلاشات .. يجهرك بعيونك ولا فيه حيله

صدقت مزروعه بكل المسارات ... من صادته بفلاشها عزتيله
اتضيف اللي مرها خمس ميات ... لو المعاوش عند ضيفه قليله

[غانم الضومري]

لا صار قدامك طويل المسافات
مضنون قلبك والمسافه طويله

غط الحروف وغط كل العلامات
لعيووون من عينه مناها تجيله

[الركام]

اللي يبي ياصل ودربه سلامات
يمشي على هونه ولو هي طويله

الدرب مرصود وكله علامات
وساهر على دربك ولا فيه حيله

[غانم الضومري]

ميه وعشرين كانت في زمانٍ فات
يوم البعارين تصدم كل يوم وليله

أما الخطوط الجديده كلها لحظات
وانته تقهوى عند ناقض جديلهه

[صبح المطر]

يا طير ياللي ترف الريش بالنودي
،،،،،،،،،،،،،، ضف السماء لا تذكر جرد الأغصاني
هاجر وتلقى فضاك افراح وسعودي
،،،،،،،،،،،،،، لا تقتل الصبح في بحات الأشجاني

[وقاد]

صبح المطر يا طير مشتاق ويحودي
......... ياليت يا صبح المطر من له جنحاني
ويطير ما هـمـه مـسافـات وحـدودي
.......... مرتـاح يا طير ومــريح وانا اعـاني

[الركام]

ياطير تقدر تروح ولا لك حدودي
اما تروح وتشوف العالم الثاني

والا جناحيك مطلوبي ومقصودي
واقعد وفي ديرتك تجر الاحزاني

[صبح المطر]

يـا طـول سـكـة شـقـاي برحـلـة سـنـودي ,,, يوم الأمــل ما توفق وأصـبـح الجـانـي
يكـفـي قلـيـل العـتـب لا وافق صــدودي ،،، يبطي بوجـه السنـيـن الـعـوج ما هاني

[وقاد]

يبقى الامل ما بقى القشر بالعودي
...... يا سرع ما تطلع له اوراق ويباني
والصد.. من يقدرالصد يا وجودي
...... لا صرت مفتون ومولع وشفقاني

[صبح المطر]

اطعن حنينك وكابر غيض وعنودي ،،، خل الثرى يفتقد هتان الأمزاني

خل الشجر في مكانه غصن مجرودي ،،، بين الرياح وحفيف أوراق الأزماني

[وقاد]

دون الحنين لجسمك مابقى فــودي
...... وش فايدة جسمً مابقى فيه وجداني
موت الشجر واقف لو كانها عودي
...... اخـير مـن شـجـرةً ضـلالــهـا فـاني

[صبح المطر]

لــقــيـــت الأطـــــــلال مـــــــره تــنـــشـــد عــــــــدودي
،،،،،،،،، تــنــشـــد ولــهــفـــة خــواطــرهـــا عـــلــــى شــــانــــي
طـــارق هـواهــا وقـــف فـــي بـــاب مــــردودي
،،،،،،،،،، واقـفــت وسـاقــت بـــدرب خـطــاي هـجـرانــي

[وقاد]

يا عد لا تشكي.. كـم صــدر ورودي
..... وكم ارتوى من عذب ماك ضمياني
راحت بـافراحـها.. وايـامها السودي
..... فلا تشتكي يا عد من هجر خـلانـي

[غانم الضومري]

صار الأمل !! ريشة تلعبها النــــودي
لمحة بصر واختفت عن ناظر أعياني

[صبح المطر]

تعبت ما شفت طيبة صبر منشودي
مثلك زماني خذل حلمي وعناني

[وقاد]

يا صبح ما مثلك يهنا له رقودي
..... الـحـلم والـهـوجــاس لـواحد ثاني
ما فـات راح ولا يـمـكن يـعـودي
..... وافتح لدرب الامل يا صبح بيباني

[صبح المطر]

وقاد شاعر يسوق القاف ويرودي
معناه يشجي ويطرب بوح الأوزاني
والشعردايم بذكره عذب ويسودي
يبقى بعطره سحابة ديم هتاني

[وقاد]

القاف يا صاحبي يحتاج لوقودي
...... وانت تطربني وقافك يشعل الحاني
من بر رفحاء ارسل لك ردودي
...... والنت عندي تجيب الضغط وتعصاني

[صبح المطر]

يا مرحبا يا شمال الطيب والجودي
ترحيبة ٍ وافيه من قلب ولساني
أقولها وآتباهى يوم مقصودي
أروى قوافيّ من جيلان وجداني
ورفحاء عساها تسيل برايح رعودي
عسى الحياء في ثراها دوم رياني

[غانم الضومري]

وقاد ياجونا وقااا د . . وقد بنا .. ﻻااهب الكنه
لو نفترض يفصل العداد .. يالموت ماعنك ما عنه

[وقاد]

الجــو بـارد وجنبـي البراد ... الـحـمد لله والـفـضـل والـمـنه
لو يــنــفصـل عـني الامداد ... يا الضومري ماسوى ولا بنه

ههههههههههه

[الممتاز]

يالضومري انت مع وقاد .... يالله عسا فالكم جنه
في غربتي. تذكار . ولا ابعاد .... كلن يهجين علي فنه
برادكم والحلا به زاد ... والصيف ..ماعنكم ..وعنه

[غانم الضومري]

ممتاز معنا على الميعاد .. موقف الباص والدنه
وده يحمل معه اعداد .. بس المعاصير حدنههه

[الممتاز]

يالله دخيلك من الحساد ... متكاثرآ ... حملة... الدنه
الدنه شغلها بداء يزداد .... و الباص موزون عا .. السنه

[وقاد]

الباص لاشفته يجيني سهاد
تعبت من المشوار والحنه

سواقنا الممتاز عليه اعتاد
يطرب مع الازعاج والونه

[غانم الضومري]

فوق عشر الغاز مااحد حلها
صرت اشك إنا عديمين الحلول

قرب الرمعات لين نحلها
تعرف إنا من النوع الملول

[وقاد]

لا تشك بقدرتك.. لعلها
الحلول تجيبها عرض وطول

اكثر من الرمعات وخلها
لابد ماياتي للرمعه قبول

[غانم الضومري]

ماقصدت اني انادي للجهاد
رغم ما بالنفس من غيظ ولهد

ايه سني واتشرف به وكاد
ولا احب اعداء دين الله ابد

[غانم الضومري]

شايب وعمري على الخمسين زاد
ومابقى غير التعاسه والنكد

يقتلون الطفل في سن المهاد
ينحرون العود هل هذا العهد؟!

[غانم الضومري]

ايرااان هي سبب زرع الفساد
وحزب نصر الله ولييه بالعهد

اعلن الحرب الخفيه ذا وكاد
طائفيه مستمره للابد

[صبح المطر]

طائفية فصلت ثوب الحداد
الجنايز طرح ما تحسب عدد
شامنا ينزف ومحتاج العتاد
روحنا ماتت ولا نصلح جسد

[وقاد]

الجهاد بنفس ومال وعتاد
ما تقدره اقدم عليها ياولد

اعقد النيه ولله ما اراد
ما نتصر دايم من قعد

[صبح المطر]

شبها بشار مع شلة نجاد
من سعى بالظلم ما عمره حصد
شرهم شرّق على ديرة عماد !
يا عسى مرسى السفينة له وتد !!

[غانم الضومري]

ياعيون شويبن عاف الرقاد
ياعيون الكون ياغض النهد

لا تحري عز منا ياسعــاد
هل سمعتي احدا منا يرد ؟

[غانم الضومري]

قالوا امريكا اتت لتحرير العراق
احسن النية وبالك لا تضيق

بدلوا اسودها باهل النفاق
علقميه دينهم حقد ونعيق

[وقاد]

مشروع قايم حاصل فيه اتفاق
معلنينه واضح( ن)خطة طريق

والعرب في نزاع وفي شقاق
نايمين فى سبات مانبغى نفيق

[سمو المشاعر]

مِن يوقف اقياس وصحـابه ؟
قدرات تحصيلي هي مطمة

اعــــوام ضاعـــت باسبــابه
وكـــل بيت ذاق مــن ســمة

[وقاد]

الوضع ملخبط ومتشابه
قياس وحافز وولد عمه *

امور تخطط لها عصابه
والشعب يرعى ولا همه


* ولد عم حافز هو جدارة ..!!!

[غانم الضومري]

الجيش يقلب على مرسي .. الباب مفتوح ياريس

انزل ترجل عن الكرسي .. كله علشانه متيــــس

[وقاد]

الصبح ريس والعصر نمسي ... يـجـيـك ثانـي مش كويس
عــدنان روَح يــجــي عـبسـي ... مـصـر مـن وضعهم أيس

[غانم الضومري]

ربيعهم وانحمس حمسي .. و خميسنا أصبح خميس
ماينفع الخوف والهمسي .. ابن البنا بعدهــا لـيـّــس

[غانم الضومري]

وقاد ياوقاد أوقد بوقــده .. شب الحطب خل النشامى تلافى
لازم تصدّق ودنا منك صدقه .. اصفق بنجر يسمعه كل غافي

[غانم الضومري]

أية حكومة بدون جيوش .. يا للأسف مالها داعـــــي
مرسي مسوي بها حنتوش .. ما جوله الفرس فزاعي

[وقاد]

حي النشاما وحي هاك الوليدة ... الضومري غانم القرم السنافي
يا الضومري ابشر مني بصيدة ... كل ما تبي موجود زود وضافي

[وقاد]

يالضومري غانم ما في وحدة .... اعدل البيتين عشان قافي
قريتها إيده والصدر أدة .... اختر من الثنتين ما كان كافي


لا تضحك علي يا غانم

قريت ابياتك على عجل وهي كافية ضافية بس انا قريتها من العجلة
وقاد يا وقاد اوقد وقيدة.......الخ
ولك الخيار وانت الحكم

[غانم الضومري]

وقاد واثق والثقه شي مطلوب
شاعر حفر اسمه بفن وشطاره

صيد الخﻻ بالبر مافيه عذروب
اما المدينه صيدها اكبر خساره

[وقاد]

اشيلها هجيني والبحر مسحوب
جويهل في الشعر وارفع شعاره

صيد يبي بارود والثاني اسلوب
وما عندي الا الملح يقدح شرارة

[غانم الضومري]

شكلها حربٍ جديده بين جيش وبين شعب
والنتيجه ياخساره كان صارت مثل شام

.؟.!!.؟

تحيتي

[غانم الضومري]

شفت أخبار العصر .. نارها تزفر زفيــــر

بالعريش وبالقصر .. وضعها صعب وخطير

واحسافتها مصر .. ما يصير اللي يصير

خايف بلمحة بصر .. تندمر مثل القصير

شعبها جاب الضرر .. قبل تحديد المصير

ليته وقّف وانتظر .. قبل ما أمنه يطير


نسأل الله لمصر السلامة .. وأن لا يكون مصيرها مصير من عاشوا ربيعهم العربي ...

كانت أول فلسطين .. ما خوذه غصب عنا ... لحقها الشام وبغداد .. شكل الزمن حينعاد .. وترجع أيام الجهاد ..


تحيتي

[غانم الضومري]

ما كني الا بدوٍ بالخلا الخالي .. لو ازعج الصوت رد الضلع تلحيني

وين انت ياللي تردد صوت موالي .. ياحي صوت القماري في بساتيني

لا يابعدهم جميع اللي على بالي .. وين انت؟ طالبك ترجع يانظر عيني

[ابن حماد]

زعجت صوتي ابراس المرقب العالي ... يضومري شيل عني كان توحيني
الياقنب ذيبها في قمت اجبالي ... يبي من الذيب الاخر صوتن ايبيني

[غانم الضومري]

سادس العيد فرحه تكتمل في حضورك .. مرحبا بالمدينه وانت بالدائري
بالوليد نتلاقى ياهلا ..... في مرورك .. عرس رايد بعدها للنبي زائري

أتشرف بدعوتكم أحبتي دون تخصيص .
على زواج الإبن رائد (مطرد البروق)
سادس أيام عيد رمضان المبارك
جعلنا الله وإيكم من عواده

تحيتي

[غانم الضومري]

زعجت صوتي ابراس المرقب العالي ... يضومري شيل عني كان توحيني
الياقنب ذيبها في قمت اجبالي ... يبي من الذيب الاخر صوتن ايبيني

أوحيك رغم انقطاع أبراج جوالي .. ياحي صوتٍ وصل قصده يسليني

لو تدري إنه بعيد الشوح مدهالي .. من اول الدرب لا يمكن تخاوينــي

[ابن حماد]

سادس العيد فرحه تكتمل في حضورك .. مرحبا بالمدينه وانت بالدائري
بالوليد نتلاقى ياهلا ..... في مرورك .. عرس رايد بعدها للنبي زائري

أتشرف بدعوتكم أحبتي دون تخصيص .
على زواج الإبن رائد (مطرد البروق)
سادس أيام عيد رمضان المبارك
جعلنا الله وإيكم من عواده

تحيتي

من دواعي سروري يوم حفلة سرورك .... من دياري لدارك اصلك ســـائري
للمهندس نبرك وانت حــــــــقك نزورك .... وكل شي بقسمه والقدر صائري

[غانم الضومري]

كانك مسير هلا مليون ترحيبه .. أبشر بشعرٍ يداوي كل ملتاعــــــــي
وكانك تصيّد أكيد بصدرك الريبه .. تركض تحرش علينا مالها داعي
تراقب العود هذي اكبر مصيبه .. المعتدل ماتحصل حوله اطماعي

[غانم الضومري]

من دواعي سروري يوم حفلة سرورك .... من دياري لدارك اصلك ســـائري
للمهندس نبرك وانت حــــــــقك نزورك .... وكل شي بقسمه والقدر صائري



لنا الشرف في حضورك ياهلا مليون .. على المجسات وخبيتي على كيفك
خلك تشوف اهل طيبه سلمهم قـانون .. شاهد فروق الفرح ما فيه ياحيفك

شكرا لتلبية الدعوة .. مكانكم صدر الحفلة يا أبا أيوب

تحيتي

[صبح المطر]

يا شوق مالي عليك حقوق ..؟
تصد عني وتنساني ،،،
وآنا أحسب ان العهد موثوق
على مراميع وجداني ....،،

[عابر سبيل]

صبح المطر يبدع الطاروق
ابيات شعرٍ وفناني
مشهود له بالجزل والذوق
ويبشر بشيله من الحاني

[صبح المطر]

لي الشرف يا حلا المنطوق
لا شـــلت بالصوت قيفاني
يا عـــابر الدرب لاح بــروق
لا يـــعقب السيـــل هتاني

[صبح المطر]

أما لنـــا كلمــــة ودور ومهابــه
وإلا بلا المجلس بستين داهي
حكامنا دايـــم تــفـــك النشابــه
حضورهم ثـــقل ومعزة وباهي
هـذا السعود اللي عزيز ٍ جنابه
لا من تـــــرجـل بالمواقيف راهي
يبهر ويقنع في معاني خطابه
الفيصلي زيزوم ساسه وزاهي

[غانم الضومري]

لا صرت ما تملك الفيــتو .. اسحب وخلك مع الناتو
باكر يمزع قرى بيتــو .. الشام راحت وهم ماتــو !

[رامز]

المقفي اللي ما طرا له يسلم
اقفيت عنه ولا لمثله كرامه

لو قلت له من دافع النصح سلم
بيظنني شفقن عليه وسلامه

والمعذرة على الإنقطاع السابق

[رذاذ]

حُييـت ياشاعـــر بشعــره تكلّـم
ينسج حـروف المعرفه في كلامه
~
أهـلاً هـلابـك عـدّ منهـو تعـلّـم
واعداد ماخطيّـت لإسمك علامـه

رذاذ

[غانم الضومري]

المقفي اللي ما طرا له يسلم
اقفيت عنه ولا لمثله كرامه

لو قلت له من دافع النصح سلم
بيظنني شفقن عليه وسلامه

والمعذرة على الإنقطاع السابق

ياخي تغيب وتبتعد ماتعلم!
تقفي بقلبي ما تخلي عﻻمههه

حيااااااااك يارامز

تحيتي

[رامز]

ابقاكم الله


السوالف يا عرب متخالفة
والعلوم كثار والمصدر خفي


كل يوم ننخدع في سالفة
وكل ما جا علم جا بعده نفي

[غانم الضومري]

الظروف الزفت ضده حالفــــه
يعرف ان البرد في حضنه دفي

القلــــوب من الهوى متوالفه
والمسافه بيننا ابعد من نفــي

[غانم الضومري]

وين انت يا مزن البرد مشتاق لك ياصاحبي
اللي يبانا ما نباه ! واللي نباهـههم ضـدنـا

أهلا هلا باللي حضر يامرحبا في ملعبي
مشتاق مرّه للقصيد وباهل المحاور ودنا

تحيتي

[مزن البرد]

وين انت يا مزن البرد مشتاق لك ياصاحبي
اللي يبانا ما نباه ! واللي نباهـههم ضـدنـا

أهلا هلا باللي حضر يامرحبا في ملعبي
مشتاق مرّه للقصيد وباهل المحاور ودنا

تحيتي



حضرت وابشر بالســـعد وامر وقللي وش تبي
من دون حـــــــــدك ونحماه اطلب كلامك شدنا

الــــــــك البقا يابو النقا وارضاك غاية مطلبي
يالضومري هات الجـــــــديد ببيات شعرك ودنا

[غانم الضومري]

أبسألك مادام جيبت عن شي ضيق مذهـبي
ساهر ولا غيره عدو نجـذب ويرخي شدنا

الشام وضعه ياحرـاام يشيب منه أصغر صبي
راح الأمل مات الضمير وصل الطراق لخدنا

[غانم الضومري]

آخر زمن كيف الذكي محكوم من حاكم غبي
اعلامنا ما هم تمام هم السبب فـي صـدنا

إمامنا بطل دعاء وفي خطبته يحبي حبي
أماحدٍ تبرع للضعاف من الزياده عندنا

[مزن البرد]

ساهر على كل البشر بالغصب ياخذها جبي
حلال بامر من القضا حـــــكم القضا يــردنا

والشام دونه ربنا حـــــديث صـح عن النبي
ملايكه تحمي حماه وعــــداه تــهزم وتهبي

[وقاد]

لا شـفت ساهر والصــور يا مزن يزداد تعبي
ومنهو افـتى فـي القضـا وعـلـيـه قـام يحدنا

والشـام دانـا وطـبـنـا لو راح غيره وش نبي
دمشق والشهبا وحماه ما بـعــدهـا الا حـدنـا

[غانم الضومري]

السجن مابه سعاده
إلا .. هم وغرابيل

انتصر والا الشهاده
أما الرجعه مستحيل

[أبو سيرين]

ساهر على كل البشر بالغصب ياخذها جبي
حلال بامر من القضا حـــــكم القضا يــردنا

والشام دونه ربنا حـــــديث صـح عن النبي
ملايكه تحمي حماه وعــــداه تــهزم وتهبي


ساهر سـبـا ونهـايـة الـقصـه نبي نحبي حبي
إن كان بامر من القضا فامر القضا ما يردنا

والـشــام دونـه ربــنـا لـكـن بـتـوبـــة مـذنبي
وجنود ربك يا مــزن تـحـمي بـعـودة مـذهبي

[غانم الضومري]

وين انت يا شاعر الكسرات
أبطيت ما شفت كسراتــــك

عساك سالم من العثــرات
وين انت؟ ماهي بعاداتـــك

[غانم الضومري]

غير معرف وعود باسمك الاصلي
لا يضيع جهدك ولا تقدر على اثباته

[رامز]

العلم يا اصحابه متى يلفينا
حنا نحسب حسابه ونعتبره

متى على الله الفرج ياتينا
جفت ينابيع الكلام وحبره

ابطى عليك السيل ياوادينا
لكن عسى ما ابطى به الا كبره

[غانم الضومري]

ياقو قلبه على الصدّه مجافينا
وياقو قلبي على فرقاه ياصبره

يافرحة الكل في شوفة مخاوينا
الله يرد الخوي هو خانق العبره

[غانم الضومري]

البراري صرح شامخ ما يضره
لو يروح أشخاص ياتونه كثير

[ابن حماد]

فيه ناس ن في وفاها مستمره
للبراري مانوت عنها تسير

[حالة جوية]

دامها خضراء وشوفتها مسره
الحنين غصون وطيوره عبير

[ابن حماد]

اقفرت ريضانها ماشوف جره
يامعين اللي نضب عنهم غدير

جعل برقن لاح هماله يمره
يسقي الريضان هتان الكسير

[حالة جوية]

الربيع اللي تفرعن وسط حره
ما رعوه البدو لو عشبه نظير
لو تزارق بالزهر ومده يحره
سرع ما صرم شتاء فصله قصير

[ابن حماد]

الامل بالوقت وحواله مغره
وتعلق فيه ياحله خطير

النفوس الزاكيه لله دره
عارفه ميرادها قبل الصدير

[أبو سيرين]

البراري صرح شامخ ما يضره
لو يروح أشخاص ياتونه كثير


الطـيور مهـاجـره وتـعــود كـره
والغراب يحوم في أرضه أسير

[غانم الضومري]

نحمد الله والعلاقه مستمره
ودورة الايام ماعنها مطير

جيل راح ولا بقاله اي جره
وجيل قادم ينتظر دور المدير

[أبو سيرين]

الـعـلاقـه مـسـعــده لــو مستقره
الـشـيـاطـيـن اتـحسـدنا بالمسير

وكلّ جيل(ن) يسبقه جيل المبره
والإداره مـوهـبـه لـيـسـت فطير

[أبو سيرين]

نحـمـد الله الـبـراري بـه ولاه
الولي بـعـــــده ولي(ن) للعهد

ما يضيره مـن تلون أو نساه
والولي يرفع ينصب لو صمد

[غانم الضومري]

مرحبا بك يالجديد من الولاه
لاستلام الشعر أنته مستعد؟

ما يفيد الشعر إلا من هواه
ولا يفيد القسم الا المجتهد !

تحيتي

[رامز]

يا حلوم الليل خفي على القلب الحزين

http://www.albrari.com/vb/showthread.php?p=2233027#post2233027

[أبو سيرين]

مرحبا بك يالجديد من الولاه
لاستلام الشعر أنته مستعد؟

ما يفيد الشعر إلا من هواه
ولا يفيد القسم الا المجتهد !

تحيتي

دارنــا مـوقـع بـراري بسّ جاه
عـلّـة(ن) والا ولي(ن) مـا يـود

واستلام الشعر يشقي من بغاه
خـصّ لا كـان المرشـح مستجد

[غانم الضومري]

راح الربيع وصفرت خضر الاوراق
حتحت هجير القيـض ضافي ورقها

ماباقي إلا الغصن واقف على الساق
لو يلـمـس الرمضى بظله حــرقـهـا

[صبح المطر]

لو حــــن مزنه من تواليه وانساق
وأمـــطــر وغــدر بالفياض وطرقها

ما ينفعه لو عـــله الصيـــف بــراق
تكفيه شمس القيض واهج شفقها

[أبو سيرين]

مسكين يا ورد(ن) نبت بعد الاشراق
مـا يـدري ان القيض مـا قـد عتقهـا

الديدحـان اللي لــه الـعـيـن تـشــتاق
ودع ديــار(ن) كم سكن في طـرقهـا

[ابو رامي الصادري]

يالله بامرك ارسل السحب تستاق
لديار قد مرابها الخير وهجدها

ويعود الفرح عقب ماكان عتاق
ويفرح نبتها ويفرح حتى سلمها

أرسلت من HTC One بإستخدام تاباتلك

[غانم الضومري]

ناولني الكيبورد أبا افتح الدرج
أبفضح اللي كان بالصدر خافي

[رامز]

اطلق عنان السالفة وانفض الخِرج
عسى الخوافي يالسنافي عوافي

[أبو سيرين]

اصبر وصابر واحفظ ابصدرك الهرج
اختم حياتك بالرضى والكفافي

[رامز]

فضفض يابن العم ولا جاك مني .....

خله يذوب الثلج ويبيِّن المرج
حتى تشاركك القلوب النظافي

[أبو سيرين]

لا تشاور اللي صدقك تمسي ابعرج
واستر ولا تفضح وربك يكافي

[غانم الضومري]

أسعدني

حضوركم

أحبتي

[غانم الضومري]

يارامز اللي فوق في عالي البرج
يحسب جميع الناس ما فيه حافي

[Abu Labeeb]

واهني من حبه سويعاات ويسج
.....................انا اشهد انه من عناه امتعافي
ماحط سهم الحب في خافقه فج
...................وفج القلوب صعيب ماله امشافي

[ابن حماد]

يارب جعل الدرب تنور بها سرج .... ولا تجعله مظلم به النور طافي
وجعل موازيني في الموقف الحرج ..ترجح لنا مطيش ضدي اخفافي

[غانم الضومري]

الحر ما ياقع على جثة الحرج
يرفع مقامه لا دنى كل هــافي

الثور ما يركب على ظهره السرج
يموج لو شدوا عليه الخفافــي

[غانم الضومري]

...... !

انا بلاي وعلتي ساكن الخرج
حرك شعور كان بالامس غافي

لا اقفيت يلحقني واليا جيت له هج
الله على اللي لا عطا العهد يافـــي

[ابن حماد]

بعض العرب يشفق على العور والعرج ...احيان جوه عج وحيان صافي
وان كان حدوها تبي تطلع الزرج ..... انطلعت سود القلوب الخوافي

[غانم الضومري]

ياشيخ فـرّق بيننا ناقل الهرج
نعق غراب البين بين الولافي

أقفى وانا قفيت ما بيننا هرج
ومازال حبه وسط قلبي خرافي

[ابن حماد]

عزيت حي ن جالسن ماتفرج
ماسجها مع واسعات الفيافي

وسط الفياض اللي بهاالسيل يدرج
واشرف على دارن سكنها الرصافي

[غانم الضومري]

كم شاعرٍ من جامعتنا تخــرج
أتقن فنون الشعر وزن وقوافي

أشره على اللي يمنا مايعـرج
ليه القمر في حينا ما يشافــي

[أبو سيرين]

عوق التخرج لا تخرج مهرج
يبحر ببحر ن يحسبنه عوافي

العـافـيه والمغـفـره مـا تخرج
غير الذي يبني بيوت ن نظافي

[غانم الضومري]

الهم راح وقفّـــلت كل الادراج
ما باقي إلا درج والقفل مزلوج

لو ينقفل مخرج لقى الف مخراج
والله خلق بالناس صاحي ومرجوج

[غانم الضومري]

وداع ياراعي الخلفات
باسباب فيروس كارونه

أول معه دائما جلسات
واليوم ماعاد يبغونه

[حالة جوية]

طيور وابقار وإعدامات
العام ،،؟ يا كثر طاعونه
مرت وعدت بدون إثبات
راحت فقاعات صابونه

[أبو سيرين]

أنصــح ونصحي عليه اثبات
الـنـــوق دايــــــم مـأمـونــه

اغسل ضرعها مع الطاسات
واشرب ترى الناس مفتونه

[غانم الضومري]

عوق التخرج لا تخرج مهرج
يبحر ببحر ن يحسبنه عوافي

العـافـيه والمغـفـره مـا تخرج
غير الذي يبني بيوت ن نظافي


لا يا زمنا يازمان التـــــبرج
لا واحسافة لا بسات الغدافي

ملبوسهن عاري ولا يستر الفرج
أحرقتني ياشيخ هات المطافــــي

[غانم الضومري]

ياراعي الواتس الاخضر بانت أسرارك
وانته من اول عن العربان تخفيهـههاا

[أبو سيرين]

لا يا زمنا يازمان التـــــبرج
لا واحسافة لا بسات الغدافي

ملبوسهن عاري ولا يستر الفرج
أحرقتني ياشيخ هات المطافــــي


ايـوالله اللي مـايـل ن لـلتفرج
صفق وغنى للعشق والولافي

ما يدري انه قد تخطى وخرج
يحاسبـه ربي على هالسخافي

[غانم الضومري]

حتى الفتن تبدا صغار و تدرج
حتى ولو ماكان فيه اختلافــي

هذا الزمن ياصاحبي كثرن المرج
واعلامنا مفتوح ما فيه خافـــي

[أبو سيرين]

حتى الفتن تبدا صغار و تدرج
حتى ولو ماكان فيه اختلافــي

هذا الزمن ياصاحبي كثرن المرج
واعلامنا مفتوح ما فيه خافـــي


يا ليتني شــيـخ ن وأمنـع تخرج
كل فاسد ن يسلك طريق الخفافي

وإن كان ما به فايده كل هالهرج
أســألك يــا ربي تـعـين الظعـافي

[Abu Labeeb]

لا تعممون النااس مازاالت بخيرر
.............وفي كل وقت ن فيه خيب وطيب
وحنا ترانا بخير واحسن من الغير
.............من اللي استوا شبابها والمشيب

[غانم الضومري]

ما دام ابن سيرين منا تخــــرج
يكتب على المعنى جميل القوافي

أحلى البيوت ولا بها بيت أعرج
لو تحذفه بالبحر تلقاه طاااافي

أسعدكم الله جميعا ..

[غانم الضومري]

حل الوسط يكفي على اقل تقدير
في كل شي الا التبرج يعيّـــــب

[غانم الضومري]

البحر لو زاد موجه وش تقول .. تقطعه والا تعثر بالعميق

[صبح المطر]

وش يفيد البوح بالطرق القديم،،، دام طير الشوق ما رفرف سعد
البري ما يجزعه قول الخصيم ،،، وش بيده لا بذل كل الجهد
لا تعوج القاف دامه مستقيم ،،،، القصيدة واضحة بأول عدد

[أبو سيرين]

لا تعممون النااس مازاالت بخيرر
.............وفي كل وقت ن فيه خيب وطيب
وحنا ترانا بخير واحسن من الغير
.............من اللي استوا شبابها والمشيب

طيب أنـا بنصح ونصحي فيه خير
وش حيلتي لا صار رجوي مخيب

لو نترك الإرشـــاد كل شي يصير
وتعود الـحــرمـه بـهــا مــا يعيب

[أبو سيرين]

ما دام ابن سيرين منا تخــــرج
يكتب على المعنى جميل القوافي

أحلى البيوت ولا بها بيت أعرج
لو تحذفه بالبحر تلقاه طاااافي

أسعدكم الله جميعا ..

يضومري تـسـلم ومنّك انا حـرج
أكتب ردودي واعـرفـك يالسنافي

واطلبك يا صاحب تسامح وتفرج
مـقـدر أشـوفـك امتضايق مجافي

[أبو سيرين]

وش يفيد البوح بالطرق القديم،،، دام طير الشوق ما رفرف سعد
البري ما يجزعه قول الخصيم ،،، وش بيده لا بذل كل الجهد
لا تعوج القاف دامه مستقيم ،،،، القصيدة واضحة بأول عدد

البري حـكمه بـيـد اللي يديم
ما وصلك العلم أو نصفه بعد

دام طـير السعد يمك مستديم
وش تبي يـا من تدور للوعد

لو تدور الــــدايره تقعد نديم
تسهــر الليلــه وتلقى ما تعد

[صبح المطر]

ليت أبو سيرين يدخل بالصميم ،،،، يوم رمي الليل بالهضبة ركد
اعرفه شاعر وله بدع وحكيم ،،،،، يستخيل المزن لا منه رعد
والدواير حوبة الفعل الجسيم ،،،، أحمد الله كل قيفاني جدد

[غانم الضومري]

كلهم غالين ما ادور خصيم . . ولا تلوم اللي يسمى مجتهـد
نحمد الله كلها برد ونعيـــم .. والشمالي فروته تدفي بلــد
والسوالف كلها فوق البريم .. مارفعت الثوب عن غض النهد

[أبو سيرين]

ما جهلت الــرد يا صبح الحشيم
مير قـطـــع النت والهاتف صمد

جـيـت والله جابك ابوسط اللطيم
انـتـبه لـلــدرب واشـهـد واستعد

وان بغيت العلم والـقــول الحكيم
احمد الله واشكره واقـرى المسد

[صبح المطر]

الله يعطيك العافية اخي ابو سيرين
يشرفني تواجدك وممتن لهذه المشاركات الطيبة


جعل برق البارحه خيره عميم
يوم ربي ساق هماله مدد
ما يبور القاف والشاعر يهيم
الخيام البيض يبنيها وتد
القصيد بهاجسي ما هو عقيم
ضيقتي تزداد لا من ما قصد

[Abu Labeeb]

ياثقل ليل البارحه ياجماعه
.............مدري البلا في الليل والا بلايه
هم ن لجا في جوف قلبي ولاعه
............ونيران همي موقده في حشايه
عسعس علي الليل مانمت ساعه
..............انهي حكايه وابتدي في حكايه

ابولبيب

[غانم الضومري]

جعل سيله ينهمر فوق القصيم
وتنفتح شعبان للوادي جـــدد

يستمر العمر والوادي يهيــم
نهار جاري ما يوقّف له مــدد

[غانم الضومري]

ياثقل ليل البارحه ياجماعه
.............مدري البلا في الليل والا بلايه
هم ن لجا في جوف قلبي ولاعه
............ونيران همي موقده في حشايه
عسعس علي الليل مانمت ساعه
..............انهي حكايه وابتدي في حكايه

ابولبيب


لا طال ليلك خل عندك شجاعه
قوم وتوضى واستخير وتشهد

يصير عندك للهواجس مناعه
ويرتاح بالك من حياة التوحد

[ابو سلطان العتيبي]

لاهنتوا جميعاً
وبيض الله وجيهكم
على جهودكم الملموسة

متابعين معكم
-

[أبو سيرين]

أشكر الأخ صبح المطر حفظه الله على مداخلته

بالليال الخمس مــا شفت المهيم
مـا قدرت اشوف واعرف ما نقد

جــاه ابن حــمــاد بالــرد الحكيم
واخـتـبـص ساعه وازبد وارتعد

جـعـل ابـن حــمــاد مثواه النعيم
يـاكـل ويـشــرب ويـتـزوج بـعـد

[ابن حماد]

أشكر الأخ صبح المطر حفظه الله على مداخلته

بالليال الخمس مــا شفت المهيم
مـا قدرت اشوف واعرف ما نقد

جــاه ابن حــمــاد بالــرد الحكيم
واخـتـبـص ساعه وازبد وارتعد

جـعـل ابـن حــمــاد مثواه النعيم
يـاكـل ويـشــرب ويـتـزوج بـعـد


مرحبا عداد ما ذعذع نسيم
ونهمل ونهل همــــال الرعد

راعي المعروف ونهج السليم
ناصر للــــحق واضداده مضد

رايته بيضاء وميقافـــه مديم
وقفته للــــــحق ميقاف الفهد

[غانم الضومري]

http://store2.up-00.com/2014-05/1399395074451.jpg (http://www.up-00.com/)مركز تحميل الصور (http://www.up-00.com/)

فالكم حسن الضيافه والبخور
مرحبا مليون وأهلا بالكرام

[أبو سيرين]

بيض الله وجهك يا بن حماد دنيا وآخره
وكل من شارك

وأشكر أستاذي الفاضل الضومري على الضيافه والبخور ههههه

وأختم هذا الموضوع الشائك بهذه الأبيات المعبرة :


هـــذي ثــوره قــادها عبد الرحيم
ضــد مـــن جـانا يبي نقض العهد

والله إنـــه يـبـطي وربــك عـلـيـم
مــا درى إنّــا لـمــثـلــه نـسـتـعـد

يــوم جــانـا شفت شيطان الرجيم
يـدفـــع الـغـافــل وحـنـا لــه نصد

شــافـه الـحـاضر وشهدنا الزعيم
جـعـل قبره مثل قصر ن لـــه مدد

بـانـت اعـلـومـه ولـيـتـه يسـتقيم
ليت مــن صـفـق وأشــر لـه ركد

وانبرى لــه صاحب اللون الفخيم
يــوم شــاف الـجــد ولى وانـخمد

هذي ثوره وسط سيل ن من نهيم
تـطـلـب الـــدنيا ولا تسـمـع لاحـد

أسـئـلـك يــا رب وقفه ياكريم
بين يدك بعدها جنة رغد

وسامحوني يا إخوان والله إني أحبكم جميعاً

[صبح المطر]

مرحبا ما داعب الريح الزهور
عقب ودان ٍ مع الليل استهام

مرحبا بالغايبين وبالحضور
من دواعي قافي قلته والسلام

[غانم الضومري]

ما عرفت من الرجال إلا القـروم
كلهم نقوه و عالين المقـــام

عزوة اللي بالخلا عادوه قوم
لا نخاهم أقبلوا مثل السهـام

[أبو سيرين]

يا حلاة المنتدى طــول الشهور
دون فاسد أو حثاله أو لـــــئـام

ما عـرفته غير شامخ بالصقور
ضومري وإلا ابن حماد الحسام

[Abu Labeeb]

كلهم غالين مافيهم قصور
.............القصور ابعيد عنهم والملام
زعفران وهيل ن اخضر والبخور
.............فالكم تستاهلونه في الختام

[ابن حماد]

منتدانا به صقور وبه نمور .... وبه النجوم وفيه بدرن بالتمام
وفيه صبح ن لجلى يشع نور ...وفيه ابو سيرين زيزوم الحشام.
.

.
..

[صبح المطر]

كلكم شعار وافين الشبور ..... تعرفون البذر من وقت الصرام
جعلكم دايم على عز وسرور ...... ما ينكد جوكم عج وعسام

[غانم الضومري]

وين رامز فاقده ماله حضور
لو تشوفه بلغه مني سـلام

ووين راع العرض ماشفته يزور
منقطع عني عسى وضعه تمأأم

[غانم الضومري]

ياركام أرجوك شرف لو مرور
لا تطول مرنا يابن الكـــرام

شوف ابوسلطان قناص الطيور
أفرحتني شوفته وسط الزحام

[غانم الضومري]

ما سعيت إلا لتوسيع الصدور
والمحبة والتعاون والوئام

عزوتي وأحب وافين الشبور
مشعلين النور في عز الظلام

[أبو سيرين]

رامـز اللي مــا تــأخر بالحضور
يوم نادى ضومري ن بــه سقام

وراعي العرض المعلم والصبور
يــوم جـيـتـه قــال لي كـلّـه تمام

والـركام اللي نـشوفه من شهور
مــا عــرفته مــا ذكرته يالحشام

هــو هـنـا والا هـنـا والا سطور
كــاتـبـيـنـه بـالـقـلـم لـلإبـتـسـام

[رذاذ]

صبح المطر ،، أبو سيرين ،، غانم الضومري ،، أبو لبيب ،، إبن حماد

إستمتعت بمشاهدة أبياتكم الرآئعه .. وإثراءكم المتصفح بهذه الجزاله ..

صحت ألسنتكم جميعاً
ولاحرمنا الله تواجدكم جميعاً ...

رذاذ

[أسير العاطفه]

السلام عليكم
العريمه جالكم بأول ظهور
يارجالٍ مايوفيها الكلام

تمضي الأيام والدنيا تدور
وخوة الوافين لي فخر ووسام

[ابن حماد]

وعليك السلام
منتدا نا زود الفرحه حبور .
بالرجال اللي لها وزن ومقام

مرحبابك والقدروسط الصدور
والكلام يقل في حق الكرام

[غانم الضومري]

ما عليكم زود ياواف الشبور
العريمه والنعم عالي مقــام

ياحروف الشعر قولي للبحور
أبشريبه جابه الله يا سلاااام

ستجد صادق المحبة والتعاون والإخاء ، من الجميع بإذن الله ..

تحيتي

[أسير العاطفه]

البراري ماهي بنقطة عبور
عند كل الناس تحضى باهتمام

والعذر وإن كان جا منا قصور
الحقيقه مايغطيها الجهام

[غانم الضومري]

والبراري أرض خصبه أرض بور
ابذر البذره وتنتج لك شمــام

مع نشامى عشقهم صيد الطيور
ويسبقون الطير باخبار الغمام

[سمو المشاعر]

ذي شهادة حق صدق ماهي زور
واشهد اللي قيل هو ذروة سنام

يوم توايقنا لقينا زود نور
من اسير العاطفة أجلى الظلام

[أبو سيرين]

السلام عليكم
العريمه جالكم بأول ظهور
يارجالٍ مايوفيها الكلام

تمضي الأيام والدنيا تدور
وخوة الوافين لي فخر ووسام

وعليكم السلام

يــا هـــلا بـك بالتمور وبالبخور
احـنـا نتمنى ظـهـورك بـانـتـظام

واحذر احذر من وصولك للفتور
الـفـتـور اللي يـصـيـبـك كالركام

[رذاذ]

،؛،؛،


لا غاب نجـمٍ بداله يعــود
نجـمٍ من الجـزل قيفــانه

يبـدع بشعـرٍ غدا معهــود
والقلب يطرب مع الحانه


رذاذ

[غانم الضومري]

نبي الزياده على الموجود
النفس للشعر شفقانــــــــه

والشعر بحره بدون حدود
لا تتعب الرجل من شانه

[رذاذ]

:ordh:

أفرش طريق البراري ورود
فُـــلٍّ وزهــــرٍ وريحـــانــه

وأنثـر قوآفـي بـ ريح العود
وآعطِّــر أرجــاء بُستـانه

:ordh:

رذاذ

[أسير العاطفه]

والنعم ياهل الوفاء والجود
يأعضاء مجلسه وأعيانه

طيب البراري كما الكنبود
نال الفخر واعتلى شانه

[أبو سيرين]

،؛،؛،


لا غاب نجـمٍ بداله يعــود
نجـمٍ من الجـزل قيفــانه

يبـدع بشعـرٍ غدا معهــود
والقلب يطرب مع الحانه


رذاذ


,,,

اللي يـزاحـم ولا لـه فــــود
يرجع ورى هـــو وكرعانه

واللي يـجـــدد وكله جـــود
نـرفـــع عـقـلنا على شانه

,,,

[أبو سيرين]

:ordh:

أفرش طريق البراري ورود
فُـــلٍّ وزهــــرٍ وريحـــانــه

وأنثـر قوآفـي بـ ريح العود
وآعطِّــر أرجــاء بُستـانه

:ordh:

رذاذ

،،،

يــا بنت هــدّي تــرانــا قـعـود
الـقـلـب يـخـفـق بـشـــريـانــه

الليل أظـلـم بـسـحـب ن سـود
وانــتـي تـغــنـي وطــــربـانـه

،،،

[أسير العاطفه]

يصحابنا ماعليكم زود
والود لي بان برهانه

ياهل الوفا ياعيال العود
كل آدمي لسانه حصانه

[بقآيآ .. حرف]

يصحابنا ماعليكم زود
والود لي بان برهانه

ياهل الوفا ياعيال العود
كل آدمي لسانه حصانه

كفو يا رفيق الدرب
كل آدمي لسانه حصانه

[غانم الضومري]

حذراك لا تخاوي المقرود
يجيبها غصب بلسانههه

مدري علامه كذا مشدود
ليته طلع مثل عمانـــه

[أسير العاطفه]

ههه
الهمز واللمز مابه فود
خافو من الرب سبحانه

سبحانه الواحد المعبود
رب الملا عالياً شانه

[أبو سيرين]

آسف جداً

أنا قصدي إضفاء شيء من الفكاهه

والضومري وبقايا ما صدقوا خبر ههههه

[ابن حماد]

ياعالم السر يامعبود
ياواحدن معتلي شانه

يامن عباده ركوع اسجود
يرجون عفوه وغفرانه

[أسير العاطفه]

آسف جداً

أنا قصدي إضفاء شيء من الفكاهه

والضومري ما صدق خبر ههههه

يعطيك العافيه الشك زايل وكلنا خوان
وهذا حال الشعر والشعراء ولكن النوايا طيبه
ولالحقنا شك
تحياتي للجميع

[صبح المطر]

البرق خلّب ولاش رعود
ما هو على وسم ودانه

يا مزن لي مع نداك وعود
الطير ما يهجر أغصانه

[Abu Labeeb]

ياللي عزفت اللحن بالعود
...................وغنيت ياليل يادانه
الدرب قدامكم مسدود
.................والوقت مامات شيطانه

[عابر سبيل]

الفكر يسرح بليا قيود
والنفس شفقه وولهانه
اخبي خايف من المنقود
حشمه وتقدير من شأنه

[رذاذ]

كُلٍّ من الشعر له مجهود
بالحيل طيّب من أشجانه

يظهر علينا بأحلى ردود
يسهــر وهـالليــل عنـــوانــه


رذاذ

[أبو سيرين]

حذراك لا تخاوي المقرود
يجيبها غصب بلسانههه

مدري علامه كذا مشدود
ليته طلع مثل عمانـــه

يا ضومري خفف المنقود
سيرين تدعي وزعلانه

إن كان ما به هدوء وركود
فالله يعيني على السانه

دعوة الطفل مستجابه

[بقآيآ .. حرف]

يا صاحبي خلها بسنود
لا يرتخي القاف بوزانه
واللي أعترف بالخطا محمود
الجار ما يضر جيرانه

[ابن حماد]

البرق خلّب ولاش رعود
ما هو على وسم ودانه

يا مزن لي مع نداك وعود
الطير ما يهجر أغصانه

الخير ياصاحبي موجود
بس العواصيف باركانه

الوقت هذا صرام العود
امن الزمن تدبح امتانه

[أبو سيرين]

يا صاحبي خلها بسنود
لا يرتخي القاف بوزانه
واللي أعترف بالخطا محمود
الجار ما يضر جيرانه



أنا بري من خطاء مقصود
والمدعي معتلي شانه

ما يعرف اني قبل مرصود
باسباب عاشق وعشقانه

[صبح المطر]

الخير ياصاحبي موجود
بس العواصيف باركانه

الوقت هذا صرام العود
امن الزمن تدبح امتانه

كريم يا محري ٍ بالجود
يا زين نوضه وهتانه

وبل الهماليل عقب النود
والنو ما يخلف أمزانه