(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

http://www.albrari.com/vb/showthread.php?p=2555878#post2555878

[بقآيآ .. حرف]

‏‎

في مواعيد الضما .. يرويني العذب القراح
وان تعكر صفوها . صديت واخترت الضما

[بقآيآ .. حرف]

يقولون من فارقت منهو عليه تحن
من اللي سلب روحك وبدل مشارقها
بقآيآ ...

[بقآيآ .. حرف]

‏وش رجع الذّكرى وأنا أكره طريق الإنهزام
وأكره أكون الليّ يناظر للورى و الراحلين !

[بقآيآ .. حرف]

‏
للراحلين انتبه : تركع لاحبو الفراق
حنا نصلي على الموتى بليا ركوع .

[بقآيآ .. حرف]

‏ما حدنا للضيق يا وجه السعه
الا جنوح النفس رغبه بالسلام
بقآيآ ...

[الركام]

‏وقُل للغائِبينَ بِلا إيابِ
‏حَنِيْنُ القَلْبِ يُرْجِعُكُم بِبَابي
‏:
‏فلا يَخْفَى على منْ مَرَّ أنِّي
‏هَجَرْتُ الدَّارَ من بَعْدِ الغيابِ

[بقآيآ .. حرف]

‏" جيت ابذكر اسمك وعيّت قصيده
حتى اسمك طاح من عين القصايد ".

[بقآيآ .. حرف]

‏ناديت لك يوم كانت ضحكتي ديمة
بأوّل مواسم حصاد غصوني الخضرا
والحين لو تمطرين إحساس ياغيمة ؟
يتنهّد الجرح في صدري ، و لا يبرا

[بقآيآ .. حرف]

‏غابت وجيه وجعل من غاب مرحوم
وجه البسيطه عن عيوني دفنها

[بقآيآ .. حرف]

‏اذا تساوى الغرق عندك وطوق النجاه
عرفـت كيـف القـلوب تهمل شفـوفها
'
وادركت وشـلون مريته وانا في رجـاه
مثل الهـوى ، اللي يمر القاع ويطـوفها
'
هـويت عقبه كتوف الارض لاي اتجـاه
لين اصبحت الارض تنفضني من كتوفها .

[بقآيآ .. حرف]

‏في خفوقي غصتين وفي عيوني ديمه
والزمن دوار وطبوعه ماهيبّ طبوعي
َ
لا تغرك وقفةٍ فيها شموخ وشيمه
ان نطحني بارد النسناس سقت دموعي

[بقآيآ .. حرف]

‏لا حضورك علاج . . ولا غيابك مرض
عيش عمرك لــ نفسك وأترك الآخرين

لا تحبّ الحياه . . أكثر من المفترض
ولا تخاف الفراق . . وكلّنا راحلين .

[بقآيآ .. حرف]

‏يالله انك لا تحيي هاجسٍ يسريبي
صوب من عزيت نفسي من سنه بفراقه
بقآيآ ...

[بقآيآ .. حرف]

‏ما على بالك يموت بـ صمت في نصف الرواية
زلة لسان و تكون انسان .. بس انسان ثاني !

عبدالله الكايد

[بقآيآ .. حرف]

‏ان نسيتك طاري الود ذعذعه النسيم
وذكرياتك قد لها ايام تاخذ حقها
والله انك يوم قفّيت وضلوعي هشيم
وودي اني قلت من حر بعدك وقها
شوفني لا اظلّم الليل فـ الوقت العتيم
لق وجهك صوب وجهي وعينك لقها
بطلبك مدام قفيت يـ الجرح القديم
كل حاجه ترتبط بك فـ قلبي بقّها

[بقآيآ .. حرف]

من غبت عني والمكان غبون
لكن عليك الله على بالي
مثلك الي جاء ترجهن عيون
والوقت يا مشكاي يصفالي
احلفك باللي خلق هالكون
تصارحن باللي يورالي

[بقآيآ .. حرف]

‏" والذّكريات اشباح ، يا لحظة البين
ياليت هذا البال سالي ونسّاي "
سعد يحيى

[بقآيآ .. حرف]

‏كل حاجة من بعيد اجمل ولكن
بُعد كل انسان عن ذاته! خطيئه
اختر لنفسك مكان من الاماكن
لامدى صاخب ولا اسقف مُضيئه
من هدوءه تشعر بـ ولف المساكن
امش فيه بصوت خطوتك البطيئه
نور شمسه يجعل المرتاب ساكن
يدخل من الشبك للنفس المسيئه
ينتشر في جزء مما فيك داكن
واتصالح مع خطاياك البريئه

[بقآيآ .. حرف]

‏أمان الله على قلبٍ ترك لله . . كل ما فات
سلاحه لا غفى العالم / دعاه ومدّة يدينه

[بقآيآ .. حرف]

‏" وامتدّ ليلٍ فرّ من قبضة الموت ،
ياما .. سهرناه وقرينا كتابـه "
عاطف الحربي

[بقآيآ .. حرف]

‏لو يمرك شي من صوتي ، أمانه :
شف لك أقرب ريح بتجيني و ردّه

[بقآيآ .. حرف]

‏لو صافح النور يدّي ماعلى الذاكره :
غير انّها ف العمر يا كثر ما لوّحت

[بقآيآ .. حرف]

‏اختصرت "المسافة" عن طويل الأنين
يوم صوت الحسافة من غيابك صحى !
،
واتخذت "الموادع" ظِل شمس الحنين
يوم منك التجاهل ، غصن حلمي، لحى !
،
اختياري " المفارق " حَلّ .. للـ أجمعين
دام لا جيت أبكتب وصل، صدّك محى !
،
راضي به لو إني جِعت " قربك " سنين
فـ لا وصالك "سنابل" ولا حنيني رحى !

[بقآيآ .. حرف]

‏وإذا قضيتوا من سنينه ومقفين
ياحيّ من زار المواجع .. وخفّف
.
حصرتوا اللي حبكم بين شيئين :
قلبٍ تعفّف ___ خاطرٍ ما تعفّف

[بقآيآ .. حرف]

للحين في دربي خُطاه
للموت بكتب له قصيد
من راح والدنيا وراه
أسترجع حكايه واعيد
ماكان بالدنيا حياه
ماكان للساعي بريد
ماكان للقارب نجاه
ماكان للحاضر جديد
لو كان ماخذني معاه
ماكنت ب لحالي وحيد

[بقآيآ .. حرف]

‏كيف اكون انسان في معزل عن انسانيّتي؟
وكيف يرضيني من انصاف الحلول انصافها؟

تقبض الكلمة ورى الكلمة ثمن حرّيتي
يوم احررها غواية من قيود اسلافها

كان يغريني وانا محتاج قيمة ديّتي
(كلمةٍ) مايستر العاري سوى شفافها

ماقدرت احمل على اكتافي طهر مكيّتي
واستحيت آعيش زي الناس.. فوق اكتافها

عبدالله الكايد

[بقآيآ .. حرف]

‏أغمّض.. ثمّ أنا بين النبيّ وصاحبه فـ الغار
أسافر في شعور أبوبكر وأنام فـعروقه

واهاجر للمدينة واطوي البيداء بـ قلبٍ حار ..
يظن انّه يسابق كل صبح لـ موعد شروقه !

وافتّح ، واثرني بين اربعة جدران صرت جدار
ولي جرحٍ زنازين الورق تستاحش فتوقه

عاطف الحربي

[بقآيآ .. حرف]

‏من شْقوقٍ سهى عنها الجدار وساكنين الدار
وبيبانٍ من ايام سْكنوا ماهي بـ مطروقه ..

عبر ضيّ النهار وفجّ صدر اللي معاك احتار
إلييين انّه تفاجأ وانصدم في كثرة شقوقه !!

عاطف الحربي

[بقآيآ .. حرف]

‏الجروح فـ بعض الاحيان تاخذها الحميّا
و"الكتابة جرح"
قد ايش جرحي بالسهوله

سامح الله طيبة القلب يا طلق المحيّا
يومها خلّت عيوني عن عيوني خجوله

فـالمرايا كل ماشفت دمعي لي تهيّا
استحيت وقلت هذا شبيهي فالبطوله

وحدتي جنة مـ دام الكتابة في يديا
وموتي: بـ شيِّ على البال مااقدر اقوله

عاطف الحربي

[بقآيآ .. حرف]

‏يا هي سنة..وفصولها ما هي فصول
صبّت ضماها في عيون المرابع
كنّ الفصول الأربعة فصل مجهول
يعود لي ثاني/ وثالث/ ورابع !
جفّ السراب ولا بقا شي معقول
إلا إني أجلس في مكاني وأتابع
أشرب ضمايه ،من ضمايه ،وأنا أقول:
كذب السراب ولا جفاف المنابع

محمد الاسمري

[بقآيآ .. حرف]

سألت عن راع السنين العجافي
وصلتني علومه حكايا وبسمات
وانا ذبحني في غيابه جفافي
دايم لسمعي هرجته بين الاصوات
كيف اتعامل معك وانت ارتجافي
واساير ايامك وانا فيك موات

[بقآيآ .. حرف]

مبارك عليكم الشهر الفضيل
أسأل الله تعالى أن يرزقنا في هذا الشهر الصيام والقيام إيماناً واحتساباً وأن يوفقنا لقيام ليلة القدر وعلى المبادر لكل عمل صالح يرضي عنا ربنا تبارك وتعالى .

[بقآيآ .. حرف]

‏رحم الله من كانوا يفرحون معنا لقرب رمضان
رحم الله من كانوا يزيدونه حلاوة وجمالا
رحم الله من هم الآن ينتظرون دعواتنا لهم فى قبورهم .
اللهم ارحمهم رحمة واسعة
تنير قبورهم
اللهم ارحمهم رحمة واسعة
تزيل وحشتهم
اللهم ارحمهم رحمة واسعه
تبشرهم بها بعظيم مغفرتك
وواسع فضلك وجمال جنتك

[بقآيآ .. حرف]

اللهم أنت أحق من ذُكر وأحق من عُبد
وأجود من سئُل وأكرم من أعطى
الخلق خلقك والعباد عبيدك وانت الله الرؤوف الرحيم
نسألك بنور وجهك الذي أشرقت له السماوات والأرض
أن تقبل صيامنا وقيامنا وصالح أعمالنا
وارحمنا يارحيم واغفر لنا واقبلنا في عبادك الصالحين

[بقآيآ .. حرف]

‏يارب خذني من العزلة لحلو الحياة
وارزقني الفرحة اللي ما تخيّلتها

[بقآيآ .. حرف]

‏واللي على اصغر عيوبي ماتحملني
يا مرحبا بالظروف اللي تقفّي به

[بقآيآ .. حرف]

‏ اللهم لك عباد ينتظرون فرجًا فبشرهم ، و عباد يسألون شفاءًا فعافهم ، وعباد يرجون رحمتك فارحمهم ، و أموات ينتظرون دعاءً فاغفر لهم

[بقآيآ .. حرف]

http://up.albrari.com/uploads/15596115961.jpg

[بقآيآ .. حرف]

‏شمس القرى ما صدّها بارد الطين
هجيرها فج القلوب الحزينة

من شيحها مرّات اسوّي بساتين
وْبترابها مرّات اسوّي مدينة

‎اسعد الروابة

[بقآيآ .. حرف]

‏عوّد الليل ... ليل المتعبين القديم
واصبح الصبح .. ماياوي لجفن وهدب
والحنين المسافر في ثياب النسيم
مرّني .. والبس اللحظة مسافة تعب!

[بقآيآ .. حرف]

. عدّت سنه ولا تغيّر معك شيّ
ما عاد باقي غير اوافق واتمم
دامك مصمم لا تحط العذر فيّ
انا بعد على فراقك .. مصمم
اخر علاج لجرح تقصيرك .. الكيّ
نهاية اهمال الجروح .. التسمم
مليت اطوّف ذيّ واجامل بذّي
انت تهدم وانا اتغاضى وارمم
اول عليك ايمم احساسي الحيّ
والحين .. ما والله اوجّه وايمم
احلامي اللي من قبل عام وشويّ
نفضتها .. نفضة تراب التيمم
ما احب اعمم بس ما حسّها ليّ
ومن كرهي للي لك .. حبيت اعمم

محمد الجارالله

[الركام]

ماعاد اميز متى الخميس والجمعة
ولا الغداري والا النسناس والقمرا

ولا السوالف ومتى الاصحاب مجتمعة
معاد باقي معي منها سوى الذكرى

[بقآيآ .. حرف]

ماعاد اميز متى الخميس والجمعة
ولا الغداري والا النسناس والقمرا

ولا السوالف ومتى الاصحاب مجتمعة
معاد باقي معي منها سوى الذكرى

صح لسانكك يابو سعود
تحياتي

[بقآيآ .. حرف]

http://up.albrari.com/uploads/15606275201.jpg

[بقآيآ .. حرف]

خلّي جروحي عنْك، لا تنشديني
و تبسّمي لا شفتي الدمع همّال

اليوم !! حتى جيّتك .. صدقيني
ما وسّعت خاطر ولا ضيّقت بال

سلمان البلوي

[بقآيآ .. حرف]

‏"الحسايف يوم تصحى وتلقى العمر راح
مابقى إلا مثل ريشٍ تقفّته الهبوب
ماصحيت إلا على الشيب في عارضك لاح
أشرقت شمسه وشمسك على وقت الغروب
والحسايف يوم ليلك يطول بلا صباح
لين تنسى كل امانيك واحلامك تذوب "

عبدالله الطلحي

[بقآيآ .. حرف]

‏.

اجي لك بسمةٍ تخفي وراها ذكريات وحزن
واعود بخطوةٍ تفقد مع الواقع توازنها

اعرف ان الضماء قاع وسنابل تنحني للمزن
وانا حنطة بخيلٍ والفت وحشة مخازنها

تهيّا للرّحى والجمر وكفوف البشر والوزن
ولو هي في يدي لادفن زماني في هوازنها

صالح اللذيذ

[بقآيآ .. حرف]

‏ماشاب لوني ذا بياض القديمين
على بياض " قلوبهم " لونوني

كنت اتمنى يوم , راحو مقفين
" ما كبّلو : يدّي ولاَ .. قفلوني "

[بقآيآ .. حرف]

‏سد باب الوصل، فيني مايكفّي
مالي بوصلٍ يورّد للمهونة

رفرفي ياروحي، ويانفس عفّي
"مابي اللي كل خلق الله يبونه"

خل صف الناس.. تلقاني بصفّي
وموقفي لو حاولوا مايوقفونه

لاحقٍ شفّي، ولا أبغى غير شفّي
وشفّ غيري، جعل غيري يلحقونه.

[بقآيآ .. حرف]

‏وتمر الايام الحزينة ، وبالي :
ما بين ذكرى ، وارتباكه ، وتفكير ..

رحتي وخليتي لي الصبح : خالي ..
لابه شجر أخضر .. ولا به عصافير .. !

[بقآيآ .. حرف]

انا اتسلف حضوري من غيابك واغيب
غيابك اللي غدو فيه الضحى من غدو
دايم تقولين وصلك يا غناتي قريب
وانا بدوي وادري ان وصلك قريّب بدو

[بقآيآ .. حرف]

‏يا سقف الاحلام طاح اللي عليه الكلام
ما عاد انا حمل لاحساسي وحمل اسئله
:
وش حيلة النور والدنيا تمدّ الظلام :
مع كل ليلة غياب | و كل ليلة وله ؟

[بقآيآ .. حرف]

‏يربك الليل صدرٍ من مواجعْه فاض
وش يسوّي ، من عزاز البشر خانته ؟

ما لقلبي على المقفين ، أي اعتراض
و الله المعطي اللي رجّع آمانته

[بقآيآ .. حرف]

طافت سنين العمر والقصد ما تم
وافز له لبيه لوحيت داعيه

[بقآيآ .. حرف]

‏" وان أنكر الدرب رجليني وعاف الرصيف
دوّرت لي غيمة ٍ ترقى السلالم ... سما

عذروب هالناس ما تبغى الشعور العفيف
تركض ورا هالسراب و تنخدع بالضما "

مناحي النفيعي

[بقآيآ .. حرف]

‏"لو عشت تستر خطاياهم بثوب السماح
بتشوفها من طرف كم الليالي.. تويق".

[بقآيآ .. حرف]

‏طاح من صدري مبادي ومن جنبي حزام
قلت لصدوف الليالي وقالت لي فدا

كان فالشكوى تردّي وفالحاجه ملام
والله أنّي ل أدخل القبر ماجاني ردا

[الركام]

كـل عـام نرقــب الجـو الجـمـيــــل
وكــل عــام تمـضـي ايامـه بحين

مـايدوم الحـال هـذا مسـتحـيــــل
وكــل وقـــت راح يـبـقـى لـه حنين

[بقآيآ .. حرف]

‏-

جيت أقول الكلام اللي بصدري و أروح
للضياع .. و ضياعي عقبك أربع جهات !

في عيوني دموع و في خفوقي جروح
و المشاوير من صمت لذبول لشتات !

كنّي اللي عجزت ألقى بدونك طموح
وإنت واقف ما بين الجاي و الذكريات !

ما بقى من رحل صوتك .. للأيام روح،
ولا بقت ضحكة و ليلة شعر و أمنيات!

[بقآيآ .. حرف]

‏تساقطي أرجـوك ، متـعلّقه ليش ؟
استسلمي للريح .. طيحي مع بكاي

ينبت مكانك أي حاجه: ورق، ريش
مرّ الخريف - وبعدك بغصن ذكراي

الميّتة مـن قـلبي .. فـ بالي تـعيش
ما أقدر أنساها و أنا شخص نسّاي !

[بقآيآ .. حرف]

‏ضيقة تمرّ .. وضيقةٍ ما تعدّت..
كنها تعوّدني على الخوف والياس
َ
والصحبة اللي ما تعزّ و تردّت..
غلطة! ولكن صحّحتني مع الناس

[الركام]

ياهم داهمت النفوس وتحصنت
لـو كـنـت زاير كـان نقـول لابـاس

اخذت منا ماتبي وماتـقـنـعـت
تجي بلا موعد ولا عندك احساس

[بقآيآ .. حرف]

لا تحاول جرني للذكريات
عندي الحاضر عن الماضي أهم
خلني في حاضري مافات مات
ما أعود لعيشةٍ كله وهم
عد كم وعدٍ تواعدنا وفات
كم زعلت وكم رضيت وكم وكم

[بقآيآ .. حرف]

تاهت عناوينه وصرنا غريبين
تحطمت بالبعد كل امنياتي
أفراح عمري وين راحت وانا وين
ذيك السعاده كيف ترجع وتاتي

[بقآيآ .. حرف]

‏ذريتهم في وجه ريحي وطاروا
وتْساقطوا ريش وتباريح وأوراق

أحباب كانوا لكن اليوم صاروا
حفنة تراب معلقة بين الأحداق.
‎

[بقآيآ .. حرف]

‏ما خيّروني ، عشان اختار هذا الوداع
هم قالوا الناي ما يختار صوتٍ سعيد .

[بقآيآ .. حرف]

http://up.albrari.com/uploads/15640460361.jpg

[بقآيآ .. حرف]

‏اسج وان مرت .. على البال الاطلال
ماكني الا اللي ثنى
ساقه السيل

ياليت / شرهة .. خاطري يوم تنقال ؟
تلقى القبول الزين
والبن والهيل

ياصاحبي عن .. منظر الدمع لا سال
شف وجهي اللي مامعه
فالهوى حيل

( مبطي ) وصوتك يطوي الليل لا طال ؟
واليوم صوتك وين يا
ماطول الليل

نواف الرويس

[كيف أنساك]

‏اسج وان مرت .. على البال الاطلال
ماكني الا اللي ثنى
ساقه السيل

ياليت / شرهة .. خاطري يوم تنقال ؟
تلقى القبول الزين
والبن والهيل

ياصاحبي عن .. منظر الدمع لا سال
شف وجهي اللي مامعه
فالهوى حيل

( مبطي ) وصوتك يطوي الليل لا طال ؟
واليوم صوتك وين يا
ماطول الليل

نواف الرويس


صح لسانك وصح لسان كاتبها

[بقآيآ .. حرف]

صح لسانك وصح لسان كاتبها

صح بدنكك
تشرفت بمرورك اخوي
تحياتي

[بقآيآ .. حرف]

‏يا ناقد الذات بيت امالنا من زجاج
لا ترمي الصبر بعد الانتظار .. بحجر

ان ما طوى ليلنا الكالح ضمير السراج
تستمتع الريح لا هبت بصوت الشجر

سامي العرفج

[بقآيآ .. حرف]

‏أسهر مع الذكريات ..اللي فبالي تجول
وأستذكر اللي مضى يوم الزمان استدار

ثم
انثر الدمع
باطراف الوسادة
وأقول:
«مصير ليل المواجع؛ يقتفيه النهار»

عبدالله البديري

[بقآيآ .. حرف]

‏في غمرة الياس كانت أمنياتي جياد
تركتها تطوي البيداء بدون ألجمة

عبدالله البديري

[بقآيآ .. حرف]

‏لي حاجة ونفس يعقوب إتحاشا الوجيه
-ما قلتها لو يجيب الهيل راس الضرم

سهله مثل كلمة ابشر من لسان السفيه
صعبه مثل قول م عندي من اهل الكرم

عبدالعزيز هلال

[بقآيآ .. حرف]

‏وشلون امد لداخل الجوف منديل
لا شفت قلبي جالس بركن..يبكي

خلف الاسلمي

[بقآيآ .. حرف]

وينك مخليني وانا وين باروح
ولًعتني وخليتني فيك ذايب
دخّلتني وظهرتني مامعي روح
لملمتني وبعثرتني للهبايب
تخطي علي واستسمحك وانت مسموح
تخطي علي وأجيك وأقول تايب

رحَلت روحي واسكنت روح مجروح
نفس المساكن مير الأنفس غرايب
تباعدت والحب بالبعد مذبوح

لا يشره الغايب على موت غايب
كان الجفاء بأرضك فلا لي بك سفوح
ما ينبت فأرض المجافي حبايب

[بقآيآ .. حرف]

‏بين الغرام العذب واشباه الغرام
تشابهت كل الحروف ببوحها

ولا الحقيقه لا تجلت في المنام
عينٍ تنام وعين ما اطول نوحها

[بقآيآ .. حرف]

‏قولو وعني قولو اللي تقولون
معرض ولا لي بما تقولون حاجه
ماني معرض عزة النفس لضنون
انا حلاة القول عندي مواجه

بقآيآ ...

[بقآيآ .. حرف]

مبارك عليكم عيد الأضحى المبارك
تقبل الله منا ومنكم صالح الأعمال
وكل عام وانتم بخير وصحه وسلامه

[بقآيآ .. حرف]

‏فوق وسق الذلول و تحت شمس النهار
ما بقى من مداد الصبر صبراً وفير

يطوي البيد ظلن ، مالـ قاعه قرار
كل ما جيت اسولف قال سرك فـ بير

السحايب شحيحه و الصحاري قفار
درهمي يا ذلولي لـ الوداع الاخير

محمد الاسعدي

[بقآيآ .. حرف]

‏استنفر الصبر من صدري بزند وفتيل
محتاج من مدّلهم المزن نفخة براد
.
لو في شعور الاوادم صرت عابر سبيل
انا لي احساس ما يقلط على كل زاد.
.
اتنفسه لين احس انه لروحي عديل
ولو مات داخل فوادي ماعرضته مزاد
.
فيني من الوجد عرق ٍ ينهل السلسبيل
وامد له من ضلوع الصدر خير المداد

محسن المقاطي

[بقآيآ .. حرف]

‏ساقك جهام الليل ياشمس الغروب
ماكن لك فـ الكون ( تاثير وقسم )

رحتي مراح اللي على وسع الدروب
تعلقت نفسه بشي ٍ ما انقسم

انا دخليك من نسانيس الهبوب
ما مر في صدري ولا بارد نسم

عن ترجمة بعض المشاعر كيف اتوب
وعلى يدين الوقت وضع ٍ ما انحسم

محسن المقاطي

[الركام]

كل مامريت قلت القى جديد
واثر وعد الوقت حلم مايصيب

قلت يمكن نجتمع في يوم عيد
مادريت ان السبب هو النصيب

[بقآيآ .. حرف]

‏يا اصدقاي اللي بقوا والزمن مَّر
شكراً مثل ما ينفرد بالسما طير..
،
وشكراً لمن ينهي صداقة بلا شَّر
ما دام ما يقدر يواصل على خير

محمد صلاح

[بقآيآ .. حرف]

‏حتى ظِلَالك شققتها المشاريه
جدبا فصولك.. و أربَعتها تشابه

غصنٍ شرب كاس العطش وارتوى تيه!
يحسب حساب الماء وهو فالسحابة

عبدالله الرشاش

[بقآيآ .. حرف]

‏لي كذا صوت، أخوض الوحل و أتخلله
ولا فزع لي رغم طينة وضوحي.. تراب
.
ماشربت العطش ذلة، ولا مهزلة
من غدر به سحاب العمر، خاوى السراب
.
رحت وحدي على أول خوف.. خفت اسأله
وجيت خايف من آخر حزن عزّا الجواب
.
لي كذا صمت، "أحبك" داخلي مهملة
مستحي منك ياصوتٍ نصرته، وخاب

عبدالله الرشاش

[بقآيآ .. حرف]

‏على رأي فهد المساعد :

اللي تبونه مر وقت وكتبته
لا غبت عنكم عوضوا غيبتي فيه
الله خلقني حر واللي عجبته
ماهوب لازم باكر أعجبه وارضيه

فهد المساعد

[بقآيآ .. حرف]

‏لا للوفا..لا للغلا..لا للرضا..لا للحنين
لا للدموع اللي تبي تسقي العروق التالفه

‎رشيد الدهام

[بقآيآ .. حرف]

‏'

يا للعجب.. للدرب وجه وتجاعيد
وانا على ممشاه .. يا للعجب لي

ما غير أجـوّد حبل الايـام تجويد
لا ينقطـع بـ يـديـن الأيـام حبلي

‎رشيد الدهام

[بقآيآ .. حرف]

‏ماعندنا للعوج ياشعيل تعديل
ومادامها تمشي على العدل اطعها

وان شفتها قامت تحادى على الميل
بردى ثمن عند اول السوم بعها

واستثن منها ركعةٍ بآخر الليل
في حزةٍ كلٍ يحب ايهجعها

لذّة مناجى رب يوسف وجبريل
يجني ثمار عذوقها من زرعها

عبدالله بن عون

[الركام]

كيف انساك ماني ناسي ذاتي
وليه انساك والذكرى على بالي

انت مني ومـالي كـل اوقـاتي
فيك حلمي وعندي كل امالي

[بقآيآ .. حرف]

‏ياعابره فالطريق ب عبرة العابرين
ماياخذ القلب من مشهاه غير العنا !!

لو يسقي الغيث دار المُتعبين سنتين
من وابل الغيث ماندري من اللي جنا !

ان شفتي انك بديتي للزمن تنحنين !
تصبّري بالدموع وقولي الله لنا

ماعاد أبسأل عليك ولامتاك بتجين !!
لو كنتي ل ظلمة أحلامي ملاذ وسنا

راشد مقبل

[بقآيآ .. حرف]

‏ماجرفني عاتي التيار.. قدسية شعوري
فقهتني فالحياه بقلب طفل وعقل شايب
الحضور اللي مايفقد قيمته يرضي غروري
والاانا مؤمن مصيري مثل كل الناس غايب


فيصل مهنا

[بقآيآ .. حرف]

‏أجهل رحيلك وأدور في رحيلك سبب
وأذكر تفاصيلك الخجلى .. وأماريبها

ماعاد فيها متى ترجع وكومة عتب ..
الغيبه.. اللي نويت تغيبها غيبها

راشد مقبل

[بقآيآ .. حرف]

‏يالحية الفقر وش حببك فالزعفران ؟
دامك تحسبين حظك ماسكه في يدي!!

وأنا غريب بدوي ماأحارب الا الطمان
أتعب على شيء أبيه ولو بقيت وحدي

هو من متى صار لي في عين ظلي مكان
وأنا هنا الشمس تاكل من عروق جسدي

أشد وأنزل قلق مابين ضحك الثمان
وأذبح من أحلام عمري للمراجل فدي


راشد مقبل

[بقآيآ .. حرف]

‏من فيكم اللي كان واقف بصفّي؟
يوم الليالي تجرح أطراف مركاي

لو لبْست أيّامي (.. قناع التخفي..)
وش يمنع الماضي ليا داهم الجاي )

كم وسّمت لي بعض الأحلام كفّي !!
وكم بعّدت عنّي وعن قلبي إخطاي !!

ياعيني .... اليا شفتي النور رفّي
ظلام رمشك لايوقّف ل ظلماي
‏اللي بقالي من معاريف شفّي
إني عرفت ادواي لااشتدّ بي داي
راشد مقبل

[الركام]

هذه ابيات قلتها في بعض من فقدناهم في منتدى الشعر


ليه بستان الشعر من دون ورده
كيف غاب اللي جماله من جماله

ياهـل البستان هي عـطــره ونده
لين غاب الورد ينقص من كماله

الزهـور تزيد في العــزم وتـشده
تلـهـم الشـعـار وتزيد الجـــزاله

مـانـبـي يزعــل ولا نبـغـى نرده
اتركــوه ومـابدالـه فـي مجــالـه

عـارف مابين هـزل وبيـن جـده
اتركـوه ايقـول شي قـد طـرا لـه

دمعته من العـين تجرح رق خده
دمعته من العين مانقوى احتماله

ياهــل الـبستـان ردوا لـه مــوده
ياهـل البـستـان سوو بي جمـاله

من يسوي خير مـن هـو له يرده
ما احــد مـثلـه ولا نبـغـى بدالـه

قـبـل مـا كــل يـبـــيّح كــل سـده
وقبل ماتصـفق يمـينه في شماله


الركام

[بقآيآ .. حرف]

‏اليا طرت في بيت من قبل اكتبه
يطري علي .. النور لـَ شق الغمام

وأحسّ .. كـنّي واقف ٍ فـوق عتبه
مدري انا من وين أجيب لها كلام

ما كنها .. إلا نعااس عين المنتبه
يرد عيـنه غصب للشوف .. وتنام

في درب موحش ما يمر الوقت به
يكسر بصوت غناه خوفه والظلام

ياسر اللويحق

[بقآيآ .. حرف]

‏جعل ريحٍ من القبله تقود السحايب
مثل قود المهار الصافنات العسيفه

تاخذ اللي تبقّى من جروحٍ عطايب
لين ماعاد يبقى مْن الهوا الّا وحيفه

يوم اعرّض وجيه الذكريات الهبايب
خايف اشتاق .. ولّا البُعد مامنْه خيفه

فهد العيبان

[بقآيآ .. حرف]

‏رحت منه عاد في صدري كلام واجد
لاقدر يفهم بعضه ولا قدرت أقوله ،،

انتهى المشوار وأنت الغايب المتواجد
كلنا في معركة حلمه خسر له جوله

[بقآيآ .. حرف]

‏اللي يحسب إني اجي له على ما يبيه
عزالله إن روحه أخطتني ولا قدّرت
.
لو أن موتي بكفه والحياة بيديه
ولو ان دمعة غلاه من الجفا حدّرت
.
أنا أنا ماني بغيري ولا لي شبيه
لا ضيّقت صدري الصدّة ولا كدّرت
.
يحسبني اروح من عنده وأعوّد عليه ؟
هو مادرى البدو لا من صدّرت صدرّت

نواف التركي

[بقآيآ .. حرف]

‏في جنة العزله كرهت المسايير
و ارتحت فيها لين طفّت حماسي
،
صار الشجر لو هو ملاذ العصافير
يخاف ظله يشتبك مع يباسي

صالح البلوي

[بقآيآ .. حرف]

‏ذاخر لكل فرقى دمعتين و قصيدة
و ضحكةٍ ذابله لجل الصديق المواسي
،
هم يعيدون فرقاهم و انا الحزن اعيده
لا جفاهم يلين و لا خفوقي بقاسي
،
كيف احذّف صورهم ؟ لعنبوها عنيدة
نصها وسط قلبي و نصها وسط راسي

صالح البلوي

[بقآيآ .. حرف]

‏لاتذكريني لاتناخنّ الاحلام
صبيني للنسيان ، ترتاح عيني
ابتقاضى للندم واشرب ايام
وابتشجّر خوف بيني .. وبيني
مو حيرتي هذي ، ولا قسمي اوهام
ابيك ، لكن واقعي مايبيني
لو كنتي التهليل في وجه الاصنام
انا لقيت الله .. داخل يقيني
لاتحتريني كلها ليل وتنام ..
.. عينك ،
واعلّق في هدبها حنيني

عبدالله الروسي

[بقآيآ .. حرف]

‏صبحين مروا .. يسألون وجحدتك !
من قال لك تلبس ليالي ،، وتقفي ؟

عبدالله الروسي

[بقآيآ .. حرف]

‏مو محال الحب
لكن مستحيل
اقطف المذبول لانهد السياج
وان نوى قلبي عقب ذكرىٰ يميل
تشتعل بي وحدتي نار احتجاج !

عبدالله الروسي

[بقآيآ .. حرف]

‏يا سائس الخيل قم للخيل وانحرها
ماحاجة الخيل والفرسان قد ماتوا

[بقآيآ .. حرف]

‏مروا البال لا صار اللقا مستحيل
واجبروا خاطر العشره بصدفة لقا

غايبيني عشان الملح ردوا الجميل
وارجعوا مو حبايب .. ارجعوا اصدقا

نواف السويط

[بقآيآ .. حرف]

‏أما عن القلب وأوجاعه فلا تسألين
"في ذمة الله" من صَحْوه إلى مرقده

أنتِ شقاك وعذاباتك بما تملكين.
وأنا شقاي وعذاباتي بما أفقده!

محمد السفياني

[بقآيآ .. حرف]

‏.

من جرحني ما سلك درب الظروف مجازفة
ومن مدحني ما ذكر حرفٍ قبيح وسبني

عبدالله سعيد

[بقآيآ .. حرف]

‏ليت الاماني مثل عينك بصيره
ما كان في حلم الليالي تعلّقت ..
‎

[بقآيآ .. حرف]

‏؛ ؛

صار بعض الأسامي نطقها .. به ثقل
وبعض الأسما حروف وبعض الأسما كلام

وأذكر اسمٍ شلعته مثل ضرس العقل
ولا آتحسف عليه .. ولا لحقني ملام

بدر الحمد

[بقآيآ .. حرف]

‏،،،
يوم القصيدة جسد عاري وأنا ثوبها
و ف ليلة البرد ، ردت لي ثيابي ، كفن

بدر الحمد

[بقآيآ .. حرف]

‏لا عاد يذكرني ، أحد في سؤاله
قصّوا جناح اسمي عن البال لا حام
خلوني بحالي و كلٍ بـ حاله :)
كافي علي ضجيج عمري هالايام

[بقآيآ .. حرف]

‏على كثر ماسمعت من اللغو بالكلام
الوقت بـ الردّ ، والله اني استكثره
اللي يجيني هلا به عدّ سرب الحمام
و ان راح ما عندي الا الخير فيه اذكره
‏يستوفي الفجر دايم حقه من الظلام
ما قال : وينه جديل الشمس ما تنثره
اسابق احلام عمري و استبيح الغمام
و اطلب من الصبر لجل احلامي المغفرة
‏دامي عرفت الحلال و ما كليت الحرام
و عمري بـ بيض النوايا انقضى اكثره
اخترت اهادن حياتي فضلاً عن الصدام
و افرح بحلو النصيب ان هدّني اقشرَه
‏مالي مع الناس غير الصدق و الاحترام
و اللي يطيبون فيني طيبهم مَ انكره
الناس مابيدها الجنّة و حسن الختام
تجفى و تقسى مع ان العفو بالمقدرة
‏آمنت بـ ان المشاعر تنولد بالخصام
لو مال غصن المعاتب لا تجي تكسره
اي والله اني اجامل لو عيوبك جسام
و لو ما اجامل تراك اول بشر اخسره !
‏من يصحي الصبح لين الصبح ثاني ينام
وانا شعور الرضى من قلبي استشعره
للمنشغل في حياتي عن حياته : سلام
ومن كل قلبي على حرصه انا اشكره


وارفه.

[بقآيآ .. حرف]

‏ما تحجب الظلما مرور السحابة
و ما ياقف بوجه الصدوقين - كذّاب !

مع فارق التشبيه كنّا نتشابه
و ما كان بين قلوبنا ستر و حجاب .

وارفه

[بقآيآ .. حرف]

نحن على موعد مع عيد الوطن او اليوم الوطني لمملكتي الغاليه حفظها الله
هذا اليوم لا بأس من إظهار الفرح والسرور ولكن بحدود ان لايكون الفرح بشي مخالف لشرع الله وان لا يكون فيه أذى للمسلمين
لا تجعل الله اهون الناظرين إليك كن حذر ف الله قادر ان يبدل سرورك إلى حزن
اللهم أحفظ بلادي وبلاد المسلمين من كل شر ومن كل فتنه
واحفظ لنا ولاة أمرنا وثبت أقدام جنودنا المرابطين على ثغور البلاد

[بقآيآ .. حرف]

‏عمر الزعل ماحقق لخاطري شي
وعمر الرضى ما كان لي فيه خيره
يعني تساوت كلها يا بعد حي
رضاك عندي والزعل في سعيره
بقآيآ ....

[بقآيآ .. حرف]

‏يارب لا تجعل على الأرض ديار
لمحاربٍ دينك وسنة رسولك
بقآيآ ...

[الركام]

مليت انا من الذرا ودي بمشراف
ودي اسافر ولو مدري على وين

ودي اسـافـر ولا تطرون مهـداف
ونضيع الدرب وتضيع العناوين

[بقآيآ .. حرف]

‏ردو لي الضأن ابرعى به شعاف الجبال
مستاحشٍ من زماني وخايف من الفتن
تعاضمت لين صار الوضع مابه مجال
اما نجاةٍ بعزله او هلاك بمحن
بقآيآ ...

[بقآيآ .. حرف]

‏عمر الزعل ماحقق لخاطري شي
وعمر الرضى ما كان لي فيه خيره
يعني تساوت كلها يا بعد حي
رضاك عندي والزعل في سعيره
بقآيآ ...

[بقآيآ .. حرف]

لاقاري النوته .. ولاعازف النـاي
هـذا الذي واقـف على ذكرياته

من غفلة الرايح الى خيبة الجاي
مافيه سكّـه واثـقـه بـ اخـْطـواتـه

وماهو مـزعـّلـني ولاكاسب رضاي
اللي يقول ان اعذب الحـب فاته

انـا عـلـيّ اصحي الليل بـ بـكـاي
وانتم عليكم لـيـلي وعـسـعـساته

خالد الردادي

[بقآيآ .. حرف]

‏خايف يمرّ العمر واصير مثل الشجر
أودّع غيوم واستقبل جفاف وجفا

تابس غصوني ومجنون (الكِبر) بالحجر
يرمي عصافير طفلٍ في خيالي غفى

‎ سلطان الغنامي

[بقآيآ .. حرف]

‏يامدور في مداهيل صدري وش لقيت
غير نبت العام الاول على جرة ظبي..

[الركام]

استغفر الله عدد مالاح ⚡⚡⚡⚡⚡⚡⚡
http://www.albrari.com/vb/showthread.php?t=90457

[بقآيآ .. حرف]

‏العمر يمشي بين رغبات السنين وينطوي
ولا تحقق ما نويته / لو تحقق غيـرها !

احيان تهزمك الظروف وما تلاقي لك خوي
تـوجع تفاصيل الحياه ويختلف تصويرها

تمثل انك بين عدوانك وجّلاسك " قوي "
واليا " نزويت لِحّيِلك " عانيت من تقصيرها

نايف العوني

[الركام]

مالنا في زمان الجحد اي اعتراض
http://www.albrari.com/vb/showthread.php?t=90470

[بقآيآ .. حرف]

‏عزاااه ياشجرةٍ .. مابين جنة ونار
واللي زرعها يبا يجني ثمرها متى ؟

فـ بداية الصيف يسقيها لظل النهار
ونهاية الصيف .. يحطبها لبرد الشتا

‎عبدالله الطلحي

[بقآيآ .. حرف]

‏عطوني علاجي لو إنّـه عنزروت
ماهوب مرّ ! المرّ جربت طعمـه

ثنتين .. ورنّي مماتي قبل أموت
يوم الفراق ، وحاجةٍ عنـد رخمة !

‎نجم الاسلمي

[بقآيآ .. حرف]

‏لـ الشوارع في نفوس الناس، شارع زيّها
ياخذ لـ كل شي فينا ماعرفنا ملّته

شارع يْحبّك واشارة تستحي من ضيّها
و الأدب في الشارع الخلفي منوّر قلّته

الجميلة تكره الغيمة، وتشرب ميّها
مستحيلة، طايشة، سوّت وطن واحتلّته

وانت لا غايم ولا مشمس ولا في فيّها
انت لا موطن ولا منفى تسامح زلّته

عبدالله الكايد

[بقآيآ .. حرف]

إسأل..
أحب القاك، في أسئلة
على قساوة قساوتها، معي حانية

أنا من الله بخير، ومن "عليك الوله"
ما يمسح الدمعة ..إلا.. دمعةٍ ثانية .

عبدالله الكايد

[بقآيآ .. حرف]

‏ذكرياتك .. لا هدت لازم : تفوع
لا بدا هـ الليل .. والعالم : غفت

كنت لي في عتمة أيامي شموع
كل شمعة بعد تلويحك .. طفت !

[بقآيآ .. حرف]

‏أجمع لك أشعاري .. وليلي تباريح
عذراً على ما / جيت فيها بحدة !

كيف أصلك وأنا قدم رجلي تطيح
كيف أتركك والدرب مافيه ردٌه ؟

كيف أقنعك والحب أحلى بتلميح
كيف أملكك والبعد بالغ .. أشده

وأنا ثباتي .. ما يجمّل مع .. الريح
وباب انتطرتك منه مقدر أسده !

[بقآيآ .. حرف]

‏فيني عنادٍ لو تقول البحر مي
أقول لك هو حزني اللي بكيته
وبي قسوةٍ لو تجرح إحساسي شوي
أهمّشك ماكنّ قلبي عطيته
وبي رحمةٍ تطوي ذنوبك معي طي
لاشفت عزمك طاح قمت وبنيته
لشاعرها ...

[بقآيآ .. حرف]

‏موعد الصبح قرّب، و أنت ليلك طويل
" كنّ ما لك من أهلك حيّ تتفقّده "
عبدالله الكايد

[بقآيآ .. حرف]

‏القلوب اللي تفز من الاغاني
والعيون اللي تغمض وقتها
،
السبب ، مو أغنية ، لا .. شي ثاني
عاطفة في داخلك .. فارقتها

فهد دوحان

[بقآيآ .. حرف]

‏والله انك سراب وعارف انك سراب
ووالله اني لا اصبه في يدي واشربه
جيت ما كن مرتني سنين الشباب
وكن مالي حبايب قبلك وتجربة

محمد العمري

[بقآيآ .. حرف]

‏اللي طعني بين الاضلاع وأدمى
هذاك ند لي ونعمين فارس

ومن ينطح الوقت الردي قلبه أعمى
كم عامر خلاه بالقاع دارس

يابنت مالي قلب بالحب يرمى
كفي سهام الفاترات النواعس

الما عيوني أظهريني من الما
وأنا غريق الدمع والريق يابس

ظميان من مثلي من الناس يظما
وأنا على أحلى الينابيع حارس

البدر

[بقآيآ .. حرف]

‏حين هب الليل .. والشارع تستر
في جلابيب المسا ضيعت ظلي !

قلت اعود لعزلتي لااضيّع اكثر !
أحتفظ باللي بقى .. لا اضيع كلي !!

تركي حمدان

[بقآيآ .. حرف]

انا تصالحت مع ذاتي وطاح الحطب
وتركت الأيام تسرقها يدين السنين

نواف التركي

[بقآيآ .. حرف]

‏اضحك وكنّي ما حزنت وتضايقت
وأقسى بقلبٍ لو تفتّشه ليّن

نواف التركي

[بقآيآ .. حرف]

تلطّفوا بقلوبنا قدر الإمكان
ما الله خلقها من حجر يا حبايب

قلوبنا مخلوقةٍ مثل الأغصان
يقدر يكسّرها الهوا والهبايب

نواف التركي

[بقآيآ .. حرف]

خلّ أمس يسري لا تعلّق بمن ( غاب )
جرحك قديمٍ ما يطبّبه عابر ..!

نواف التركي

[بقآيآ .. حرف]

‏غــاب الكلام وغافلتـــه الحناجر
وراح الحـديث بلهفة البوح مقفي

ونام الوعد في دمعتين المحاجر
كنّه يقول لطاري البــعد يكفي

[بقآيآ .. حرف]

إيه انا اللي صد واقفى ولا خلا مجال
للعذر والدمع لو طاح ما أرخص قيمتي
َ
شيمتك خلتك تجرح وجرحك مايزال
أما أنا لا جيت بـ أجرحك عيّت شيمتي !

[بقآيآ .. حرف]

يقول الشاعر ........

يلعنك قلبي والأحاسيس تلعنك
ويلعنك دمعٍ صادقٍ لك نثرته
منت بكفو قلبٍ له سنين صاينك
منت بكفو للي من أجلك فعلته

[بقآيآ .. حرف]

‏‎قال انت وشفيك لا حاضر ولا غايب ؟!
قلت المقادير لا منها ولا عنها
لا تمتحني وانا من الفضفضه تايب
وغاسل يدي من كفوف الناس والسنها
من قلبي الورع / حتى عقلي الشايب
عفت الاحاسيس ظاهرها وباطنها
اللي رحل وش خذا ؟ والجاي وش جايب ؟
والله مدري ،، لكن الله يزينها

[بقآيآ .. حرف]

‏ياللي تبي العلم لا تاخذه من غيري
أما يجيك بزياده او محرف به
ماعندي أسرار لو اكشف غطا بيري
ما يارده غير من هو خايفٍ ربه
ان كنت جاهل فذا ردي وتفسيري
ولا ضرني لو تسوي حبه وقبه
وان كنت عاقل فقدت اليوم تقديري
ما دام عقلك تركت الناس تلعب به
بقآيآ ...

[بقآيآ .. حرف]

‏غرّد على مايشتهي حرفك ونافس من خلال :
صدقك دهائك طيبتك نبلك،نقى عفويتك ..

و لا تقتنع بالأمثلة .. اجعل قناعاتك مثال
مارس تواضعك بثقة .. يغنيك عن فوقيتك ..

[بقآيآ .. حرف]

‏توحشني الصورة ويوحشني الصوت..
الله يبيحك واحسن الله عزايه..!
.
سلم على عينك وسلم على الموت..
وسلم علي اللي قابلك فـ المرايه..!
.
مدغم ابو شيبه

[بقآيآ .. حرف]

الخوف واضح في كلامي وعيني

اشوفه بـ عينك قبل ما اسمع حكاك!

نخاف بس الفرق.. بينك وبيني

تخاف تذكرني وانا خايف انساك!

لكن على أية حال ما عاد فيني

اضحك على نفسي وابرر خطاياك

الى متى.. وانا بكذب يقيني

العمر مرة.. فيك ولا بلياك!

لا صار قلبك ما قدر يحتويني

حرام.. احبك واتبعك واتمناك!

يكفيني من الصدق رعشة يديني

ويكفيني من الحب طيفك وذكراك!

اوعدني تنساني بزيني وشيني

وانا اوعدك لو ما نسيت اتناساك!

وان ذكروك بـ لهفتي وبـ حنيني

تذكر اني قلت.. إياني واياك!

حتى لو ودك تجي.. لا تجيني

ضيعت ما يكفي من العمر وياك!

محتاج اعيش اللي بقى من سنيني

ما افكر بوصلك ولا اخاف فرقاك!

[بقآيآ .. حرف]

‏يارب وأنت القوي واللي معك ما يُضام
ومشاعر اليأس ياربي ما هي في يدي

أنهكني الضيق . . واستنزفني الإنهزام
وانت اعلم اني بذلت ولا ذخرت جهدي

جنّبني الياس وإزرع وسط روحي سلام
فيه أتجاوز طريق أحلامي الجرهدي

[بقآيآ .. حرف]

‏يا ندبة البال وجدار التعب والشقوق
تغريبة العمر في قلب السهر جايشة

ما ودي اكتب ويجرحني ندي الطروق
ما ودي اكتب واعيد الرمية الطايشة

ما ودي اكتب واسيل من الورق والعذوق
عن سدرةٍ مات واديها وهي عايشة

عبدالله سعيد

[بقآيآ .. حرف]

‏في مهب الريح الاحلام طارت يا سعد
أختصر كل الإجابات في " تقدر تقول "
،
لا تدور حل..لا خانوا اصحاب الوعد
لا الحلول تفيد معْهم ولا انصاف الحلول

عبدالله سعيد

[بقآيآ .. حرف]

لو شفتها يوم تقبل ضافيه ياسعد
كنه على القاع ترسم شي في بالها
إلى تبسم محياها يجيب السعد
ومن ثغرها ودك انك تشرب زلالها
يا رحمةٍ حطه الله بين برق ورعد
سبحان ربٍ خلقها وعالم بحالها
عن حسنها عن كرمها ويش اقول واعد
لو حلت بأرض جدبا زان منزالها
العام طاب اللقاء معها وجت بالوعد
وروت ضمايه وطاب لعيني قبالها
واليوم ماهو بيدها هجرها والبُعد
الامر لله سبحانه إذا قالها

بقآيآ** ...

( السحابه )

[بقآيآ .. حرف]

‏والذكريات اشباح يا لحظة البين
ياليت هذا البال سالي و نسّاي

وابيع قلبي واشتري راحتي لين :
ماشوف حولي غير ظلّي و مركاي

سعد يحيى

[بقآيآ .. حرف]

‏ོ
٠
٠
حدّ علمي بابتہاجي وانا باقي طفل
اعطي الدنيا سلامي وتعطيني سلام

ان ضحك وجہ الليالي بوجہي : أحتفل
وان عبس وجہ الليالي : اخلّيہا .. وانام

سعد يحيى

[بقآيآ .. حرف]

‏والبسمة اللي في مدى العمر قنديل
في صدقها آية ، وفي نورها ربح ..

ان روّحت وش حاجة الروح لليل
وان كمّلت وش حاجة الليل للصبح !

سعد يحيى

[بقآيآ .. حرف]

‏صباحكم مثل منتو خابرينه صباح
ماعاد عندي صباح الورد والياسمين
..
الي صباحه صباح الورد قفى وراح
ماعندي الا ورود ذابله من سنين

[بقآيآ .. حرف]

‏غربّت نفسي بنفسي لين صرت الغريب
اللي عجز ياصل الديره وهو حولها

[بقآيآ .. حرف]

‏مادام واديك من مزن المكارم يسيل
لاتضحك بـ واحدٍ من شح وقته شكا
ترى صواديف بقعا ممكن بظرف ليل
تبّكي اللي ضحك وأتضحك اللي بكا

لشاعرها ....

[بقآيآ .. حرف]

‏لا يا بعد كل الوجيه .. الصادقه والأقنعه
في ضحكتك كم زهرةٍ توُرق وكم بارق يلوح

لاتسمع الحاسد ترى اللي تسمعه كنت اسمعه
ما من ورى هذا الكلام الأ المفارق والجروح

أنت الفصول الأربعه و أنت الجهات الأربعه
و أنا ليا مني بغيت أروح منّك وين أروح

[بقآيآ .. حرف]

‏سمني نجد لاغنى المطر ..بالشجر
واستحت تحضن البيدا عروق الثمام

سمني ساكن الجرح بنسيم الفجر
لين تنسى معه ليلٍ جرحته ونام

عبدالعزيز الدوسّي

[بقآيآ .. حرف]

‏خاوي من البوح واعماقي شربها الجفاف
من يسكب الشِعر في طيني..نذرت اكتبه

من يقدح الضيّ في صمتي ويوقد هتاف
ليلي..ومن يسترق بوحي بـحِبر اشهبه!

من يهدي القارب المثقوب رمل الضفاف
كلّ المجاديف خانت ملحها..واعذبه

واللي يقول احرق اوراقك .. تفيّا..وعاف
يبّاس غصني ثمره الظل/كيف احطبه !؟

[بقآيآ .. حرف]

‏ارض السنابل ذهبها في عربها حلال
تقهوت الموت ما هزّت فناجيلها

ما تعطي الذاريات اللي عليها مجال
كريمةٍ ما تمدّ الا محاصيلها

ويل الحسايف من غيومٍ مطرها نكال
و الدمعة الطارفة ما جفّ منديلها

ناصر سعيد

[بقآيآ .. حرف]

سيرن نشاد البال عن ليل الهجاد
من هنا,مرة تجيني ومرة من هنا
هاجس يملا ضلوعي سواليف ومداد
كل ماهز المعاليق..قلت:الله لنا
قال:من طشالمجاديف؟قلت:السندباد
قال:من غنى له النجم سامر؟قلتأنا
شاعر ماله من البيد خبت ولاحماد
غير ظل لو حنا الريح غصنه ماانحنى
جيت من عشب المواعيد يا دروبالحصاد
خطوة تلغي وجودي عساها للفنا
حالف اني لاعكس الريح واخذهاعناد
لين تلقح عاقر النود برعودالضنا
ياخفوق هده الشوق واغرآه الهداد
لا دنا ليل التباريح غرباله دنا
كل قلب لاعه البين جرب وأستفاد
وش لقيت من التجاريب يا قلبالعنا؟!
يا زمان مارسا بي على شط الوكاد
كذّب الساري موانيه وشطوط الهنا
يارفيق ماهداني على الرأيالسداد
بين ذنب ماجنيته وذنب ماجنى
لو سقينا وردة الحلم ترياقالسواد
ما نبت في مرتع الشوف برق ولاسنا
لاتصدق بألف ليله وكذبة شهرزاد
كل عشق للحنايا تطوّى وانثنى
خل عنك حكاية القيظ وعلومالبراد
كلنا نعرف سببها ونجحد كلنا
من يشب بمحجر العين طريا للرقاد
من يقول انه عن النوم كله فيغنى
من يقلد جمرة الحرف سيف من رماد
من بنى مثلي ظنونه وهد اللي بنى
ول لا عادت طواريك يا ليل الهجاد
من هنا كنت احتريها, و جتني منهنا!



شعــــــــــــــــــــــر - مســــــــــــــــاعـــــــــــد الرشيـــــــــــدي

[بقآيآ .. حرف]

‏شابت الذكريات ورِحْم وصلك عقيم
والليالي خذت منّي ( محاصيلها )

عاجز أكرهك ياوجه الغرام القديم
وأكره الدار وأبعد عن مداهيلها !!

راشد مقبل

[بقآيآ .. حرف]

انا بوجهك لا يجي وجهك مثل وجه الزمان

[بقآيآ .. حرف]

ارفق علي ياعزوتي بالهون
لا تذبحن يكفيني ما جاني

[بقآيآ .. حرف]

‏‎#نجد_العذيه
يهناك زخات المطر في مسا اليوم
إذا ابـتـهـجتي تـبتهج لـك خواطر
﮼

[بقآيآ .. حرف]

الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ.
الْلَّھُمّ سَلِّمْنَا لِرَمَضَانَ وَسَلِّمْهُ لنا وَتَسَلَّمْهُ مِنّا مُتَقَبَّلاً يٓارٓبٓ العٓالِٓمينْ .

أهنئكم بحلول شهر رمضان المبارك ،
وكل عام وأنتم بخير.

[بقآيآ .. حرف]

مبارك عليكم عيد الفطر
تقبل الله منا ومنكم صالح الأعمال
وكل عام وانتم بخير وصحه وسلامه


🌹🌴🌹

[بقآيآ .. حرف]

مرحوم ياحب ترعرع بالاعماق
متغذي دم العرووق الصخافي
في كل عضو له مقر وميثاق
بين الضلوع العوج بين وخافي
يروق مع روقه مزاجي ليا راق
ويحس بي اليا لحقني خلافي
ويحس باشواقي الياصرت مشتاق
قدام يصبح في الامور اختلافي

سلطان الهاجري

[بقآيآ .. حرف]

‏لك في قرى صوتي دعاوي وتسبيح
و وجهٍ لبس حزنه، وفسخ ثيابه

وأمٍّ تصحّي ضحكتك بالمصابيح
وطفلٍ يتمتم للتجاعيد "يابه"

ماخانك الماء يا غصوني، مع الريح
الماء عشانك خان حتى السحابة

حتى وهو طايح يقوّمك ويطيح
محدٍ حمل همه ولحدٍ درابه

عبدالله الرشاش

[بقآيآ .. حرف]

‏الليلة اخترت الرحيل، شلون ما يختارني؟
الليلة الكلمة على لساني .. تعضّ لسانها

جدرانها.. ما مرّ منْها حلم ليل وزارني
الغرفة اللي تاهت ايامي ورا جدرانها

عبدالله الكايد

[بقآيآ .. حرف]

كان عندك جرح جرحين _ صبرك لين أطيب
الجروح اللي تسهر عيوني كافيه

سلمان النصيف

[بقآيآ .. حرف]

مصيبه كان لي عين تشوف وما قدرت أشوف
انا ماني عمى لكن أحب وحبه اعماني

[بقآيآ .. حرف]

البارحه طحت وإلا الصبر عيا يفيد
مابين صدة حبيب وبين شرهة خوي
لولا ضروف الحياة اللي تقص الحديد
ما كان سريت رجلي والذياب تعوي
الصمت يرسم على وجهي حياة السعيد
والصبر يخفي ملامح حزني الملتوي
برحل عن الناس دامي ماقدرت استفيد
يمكن مع البعد بلقى حاجتي وارتوي
عن ظلم الاقراب تقنعني حياة الوحيد
ابحتزم بالثقه دام الضنون تهوى

خالد الكثيري

[بقآيآ .. حرف]

‏الكبَد والحزن ومداول ايام الزمان
واقعٍ يسلب من الآدمي حريته

ياظروف الوقت لو كل مانـبغاه كان
يمدي الانسان يطغى على انسانيته

يبطش الدنيا ويعطي على الغيب الضمان
مـير ذي تختـص بالله و وحـدانيـته

ربي اني مسني ضر بلوى وامتحان
عارضٍ ماتعلم الناس بخصوصية

سفر الدغيلبي

[بقآيآ .. حرف]

‏فيني من الصبر ما يكسر ظهور الجمال
وفيني من العز ما يسند مقام و ظهر
أحداث الايام مقبوله على أي حال
ان أقبلت خير وان قفت قضاء وقدر

لشاعرها ....

[بقآيآ .. حرف]

‏المهم إني معيف وخاطري سامح وطايب
ما بقى عندي من أصناف الطموح إلا القناعه

لشاعرها .....

[بقآيآ .. حرف]

‏‎#ذاكره

تمر في بال الشعر بعض الاحيان
واطردك حتى من رحابة خيالي
تطري ويطري كل جاحد وخوان
"ماكل من يطري على البال غالي "

‎#أوراق_منسية

محمد عيضه

[الركام]

ودع الترحـال واقـعـد للـمـقــيـــل
صيـفنا اللاهـب بدا نجـمـه يبين

راح وقــت كـان ذعـذاعـه عـلــيـــل
وحـلـت رياح سـمــوم الـلـه يعين

النهـار يطــول ولا نلـقـى ظـلـيــل
والشــجـر متعـري وحـالـه يشين

لاحراوي غـيــم ولا وادي يسـيــل
والمـيـاه بنـقــص عـند الـزارعين

لا بحر مـوجـود ولا به نهر نـيـــل
يبست الاشــفــاه عـنـد الناظرين

كـل عـام نرقــب الجـو الجـمـيــــل
وكــل عــام تمـضـي ايامـه بحين

مـايدوم الحـال هـذا مسـتحـيــــل
وكــل وقـــت راح يـبـقـى لـه حنين

الركام

[بقآيآ .. حرف]

‏ياما انتظرتك فاتحٍ عمري اقواس
لين اجدبت روحي ولا جيت ديمة !

مبطي وصبري نافذ وقلت لك : حاس
إني معاك أشعر بضعف وهزيمة .

‎رزان

[بقآيآ .. حرف]

‏مثل مايرجع من الحرمان حمّال الغبينه
مثل مايرجع من جهاد المدن طفل القرايا

أرجع لوحدي وكل انسان جَت عيني بعينه
فيه احد مِنّا ترك في خاطر الثاني بقايا

عاطف الحربي

[بقآيآ .. حرف]

‏مارحت هايم على وجه انسدال الظلام
الا لإني بصير بكل [ ماطا قدم ]

كوّنت لي مجتمع خالي من الإنقسام
بعد الله اوجدت كل اشيائي من العدم

يغنيني الله بقطره مع هطول الغمام
عن كل ( جيّه ) يلاحقني وراها ندم !

‎مشعل

[الركام]

https://www.albrari.com/vb/showthread.php?t=90591

[بقآيآ .. حرف]

العذر في بعض الأحيان ما يلقى قبول
في وسط صدر تحمل زعل لين امتلا
مشكلة غلطتك ما تقبل انصاف الحلول
والمصيبه لك معزه وتقدير وغلا

مساعد الرشيدي
رحمة الله عليه

[بقآيآ .. حرف]

‏حسبي على من قالوا الذيب ما فيه حسنه
ماهم بدارين الذيابه على ويش تعوي

وصل العطياني

[بقآيآ .. حرف]

طابت أوقاتكم بما تحبون
مبارك عليكم عيد الأضحى
تقبل الله منا ومنكم صالح الأعمال وكل عام وانتم بخير وصحه وسلامه
أبو خالد

[بقآيآ .. حرف]

ياساري الليل سلم لي على الساهرين
والله يخلف عليهم فالسهر والتعب

[بقآيآ .. حرف]

ِ
لك جمعت المشـــاعر والوفاء والغلا
وكان يعجبك جرحي ابشري بالنزيف

من عـــرفتك وانا لك احتضـــر بالولا
وازرعك فصل خامس
. وانتي فصل الخريف

دام حبك وشــــوقك والحـــنان بخلا
اشـــكرك بالقنــاعه يا فتات الرغيف
ِ
ِ
‎محمد الخضيري
ِ

[بقآيآ .. حرف]

‏مخذول .. واحلامي الحلوه نست تكتمل
على كثر ما سعت روحي .. لمرضاتها !
‎نواف التركي

[بقآيآ .. حرف]

‏ماسكتت الا وانا ادري من اكون !
و صمتي لحاله ، رماحه صايبة

خاطري مرتاح من كثر الظنون
و ما يهبّ من الرياح ، يلاعبه

أبتسم للمشهد و قلبي عيون
و من زمااان النفس منكم طايبة

ان بغيتوني أطيح ، بتتعبون
الحسد ماياكل الا صاحبه


لشاعرها ....

[بقآيآ .. حرف]

‏ماتبي تروي ضماهم ، غَطّ بيرك
من يناحيه الضما ، غصنه هزيل
لاتنقّص من مواجع شخص غيرك
كلنا همّه على متنه ثقيل

لشاعرها ....

[بقآيآ .. حرف]

‏قدّم الخير و انوَه ، مو ضروري تقول
ما تخون الفعايل لو تخون الجمُل ،
لا تصنّع ، قنِاعك - بالمواقف / يزول
و خل نكران طيبك ، وارد و مُحتَمل
القمر لو تجيبه عند من لا يطول
قال وش فيك جبته قبل لا يكتمل
المحبة من الله ، و الغلا و القبول
لا تكلّف شعورك فوق ما يحتمل


لشاعرها .....

[بقآيآ .. حرف]

‏بلّغوا عني رغم هذا الشتات
بيت من ذمّة و احساس و ضمير
أمر ربي ما كرهته بالحياة
و كل ما يقسم لي الله قلت خير


لشاعرها ....

[بقآيآ .. حرف]

‏اكبر معا الايام واشطب العلاقات
واطوي يدين الوقت وامد ساقي

ما عاد تفرق سود الايام لو جات
اسود من الي فات ؟ ماظن باقي

[بقآيآ .. حرف]

‏قلت ازرعك في رصيف الذاكرة لو رحل
صوتك .. وصار المكان انسان من دون روح
.
واحل عقدة ومن عقّد حباله يحل
قدام لا يعقده حبل الزمان الشحوح
.
جيت إبدويٍّ على العشبة نزل وارتحل
والبدو من حيث ما ينبت حياها تروح
.
انسان عابر شرب وجهك وعوده نحل
جالك بلا جرح .. واقفى ممتلي بالجروح

عبدالله سعيد

[بقآيآ .. حرف]

‏ماعلى سنانّة الحرف من حدّ السيوف
تنقطع ايدين الأحرار بأطراف ورقة

كنّي الليلة لي "أربع حناجر" يالهنوف
و أسبح فبحر (المواويل) ما أهاب غرقه

بيني وبين المحبّة من العالم صفوف
مثل مابين العفيفين / و أهل التفرِقة

من ينجّيني من الليل؟ روحي ماتشوف
الصباح يخبّي النور خايف لا اسرقه.

فارس

[بقآيآ .. حرف]

‏يالبعيد اللي قبل فترة قريبي
اعتذر لك عن قسى قلبي وظرفه

النصيب اللي جمعنا مو نصيبي
ذا نصيبك وانت شف لك فيه صرفه

كان لك وجهين، واحدهم حبيبي
ووجهك الثاني اعرفك ما اعرفه

لا اختلفت بعين قلبي وش تبي بي؟
ما اشوفك غير دمع وحان ذرفه.

فارس فايح

[بقآيآ .. حرف]

‏وين درب الخيرة اللي نسمعه ولا يشاف
اسئلة في نفسي لنفسي ونفسي هايمة

راعي العمرين لو يقسم سنينه للضعاف
تكفي اللي عايش احلامه بعمرٍ نايمه

عن دوام الحال واحكام القدر واللي يخاف
من رضى بمقدّر ومكتوب محدٍ لايمه

إن بكيتوا ماورى سيل الدموع الا الجفاف
وإن ضحكتوا ضحكة الأحباب ماهي دايمة

فارس فايح

[الركام]

مـايدوم الحـال هـذا مسـتحـيــــل
وكــل وقـــت راح يـبـقـى لـه حنين
////////
الـغيـاب الـيـوم هو اكـبر دلـيـل
ان مهمـاصـار تمحـيـه السنين

[بقآيآ .. حرف]

مـايدوم الحـال هـذا مسـتحـيــــل
وكــل وقـــت راح يـبـقـى لـه حنين
////////
الـغيـاب الـيـوم هو اكـبر دلـيـل
ان مهمـاصـار تمحـيـه السنين


صح لسانك أبو سعود


( المحبه وطارت في مهب الرياح )

[بقآيآ .. حرف]

‏‎#قصيدة

حولك اكثر من ظلال وحولك اكثر من هدايه
كيف احدّد قبلتك في الروح اذا مالله هداني !

عاد كم تمتد يدّ من الرفاده و السقايه ..
في حرم روحك وانا ماحب احاصرْك وما اداني

عبدالرحمن الشملاني

[بقآيآ .. حرف]

‏لو ذبحت الحلم قبل يعيش .. و يغادر ضفافه..
ما سرق له عمر من عمري.. و قرّبلي حتوفي .!

من كثر ما أبطت دروبك ..
تلمح بوجه المسافه
لو تجيني:
خوف تنساني ..
و خوف بجدّ توفي !

نايف الادهم

[بقآيآ .. حرف]

‏المَرتين .. المُرتين بحياتي
لو يرجعن بالعمر كله بذلته :

مرّة
خذلني من (قصد)في غلاتي
ومرّة
بليّا (قصد) غالي خذلته !


عوض الظامي

[بقآيآ .. حرف]

‏كلّ ما عكّر رديّ الحيل بعض احيان جوّه
شال طاروق القصيد .. وصب ف عروقه غمامة

عوّضه : كثر النجوم الساريه قل المخوّه
كثّر الله : خير فرقاهم .. قليلين الكرامة

ليلهم : لوّه وليته ..صبحهم : ليته ولوه
كنّ هقواته : سراة .. وكنّ هقوتهم : تهامة .. !

- مساعد الرشيدي

[بقآيآ .. حرف]

زرت المكان اللي قضينا به سنين
ولا شفت غير الصمت وذكرى هوايا
دار الزمان وفرق الوقت غالين
ما باقي الا ذكريات وهدايا
ياحيف والله كيف صرنا غريبين
وحيد انا والليل يجبر عزايا
كنا ولايف مع بعضنا سعيدين
فينا المثل يضرب بصدق النوايا
يا وقتي الجابر بربك على وين
يكفي شتات العمر يكفي اسايا

[بقآيآ .. حرف]

‏‎
لاتكره الدنيا على شان مخلوق
خان العهود وحط بالقلب حرقا
قله تراك من المعاليق معتوق
خله يروح ومثل شرواه فرقا

عبدالله رشاش

[بقآيآ .. حرف]

‏مشيت من كان عمر الجرح زلة لسان
وصلت لـ اخر مدى خوفي وتغريبتي

لو بغفر اللي مضى كأني رضيت الهوان
لا يعتذر لي احد وآسف على طيبتي

الذكريات كثرت حسيت مالي مكان
كيف اهجر الذاكره واغيب عن خيبتي ؟

تعبت اواري شحوبي وانكساري عشان
ما تاخذ الدمعه اللي نازله هيبتي

خالد الكيادي

[بقآيآ .. حرف]

الجديد ان جابك الطاري لعنتك
مسلم واذاه شيطان رجيم

بقآيآ ... حرف

[بقآيآ .. حرف]

ياللي كحلتي رمش عينك من الليل
الليل ما يظلم علامك ضلمتين
الليل لاهل الحب دمعه ومنديل
صدرا يهيض به جميع المحبين
لاتتركين اللي طوته الغرابيل
خوذي لتعذيبك من القلب ثلثين
بس ارجعي لاتقطعين المواصيل
باقي بي عروقا املهن تردين
ماعاد بي حيلً يشيلً من الويل
همي وغربالي بدا يوم تقفين
مازلت مشعل لك بقلبي قناديل
لا تهدمي حبً بنيته من سنين

[بقآيآ .. حرف]

لا توجد يا محمد على ذيك الرسوم
ليه تفتح بابي اللي قفلته يا بعدي
والله إني كل ما جيت ابنسى لي علوم
ابتدا ليل طويل علي وسرمدي

[بقآيآ .. حرف]

‏.
🍂
.
مالي ومال العالم المجنون والفكر الغبي
عالم من اصناف ومن اشكال الأنانية هجين

عن كل شيٍ فيه انا محتاج لي خلوة نبي
تطلق سراح الروح من وحشية الطين السجين

عاطف الحربي

[بقآيآ .. حرف]

‏ياابن الرمال السُمر لو للعطش صوت
تفجّرت صرخات اهَلنا سحابه

و امتدّ ليلٍ فَرّ من قبضة الموت ..
ياما سهرناه و قرينا كتابه

عاطف الحربي

[بقآيآ .. حرف]

‏يا نجمةٍ تحت شفتها دفنها الظلام
خجلت من الضي فيها وانطفى لونها

واينع رطبها وسال الشوق برد وسلام
لين اثقلت كَرْبة النخلة وعرجونها

وتبسمت لين سوت للعروق انقسام
وتقسمت فالعروق وباح مكنونها

وابرق تحت شالها الداكن رفيف الغمام
لين امطرت قلب عاشقها ومجنونها

عبدالله سعيد

[الركام]

ياابو خالد جب جديدك ومنقولك
كـل ذواق تجــول بـبـسـتـانـك
ينـتـظر لك دايـم ويتحرى لـك
ينتظر في مجلسك صب فنجانك
🌹🌺🌹

[بقآيآ .. حرف]

ياابو خالد جب جديدك ومنقولك
كـل ذواق تجــول بـبـسـتـانـك
ينـتـظر لك دايـم ويتحرى لـك
ينتظر في مجلسك صب فنجانك
🌹🌺🌹


يا هلا يابو سعود
لا جديد إلا الحلى في قولك
صح بدع القاف صح لسانك
ليتك قريب وليتن حولك
ربي يرفع قدرك ويعلي شانك

بقآيآ ...

[بقآيآ .. حرف]

شطر


مالك بماضٍ راح ذكرى سعيده

[بقآيآ .. حرف]

ماعد تشرّف ذكرياتك يا حنين الفاجعه ..
تقبّحَت .. مثل الوجيه اللي نواياها خباث

[بقآيآ .. حرف]

‏قدرت اكون الهوى وعجزت لا اكون ريح
يغفر لي الشيح ويسامحني الخيزران

هذي حدودي وانا والله ماني شحيح
قلبي عناقيد هيل وخاطري زعفران

مهدي بن سعيد
‎

[بقآيآ .. حرف]

‏أتخيّل اللي راح وأقول ما راح
ما أعذب (الكذبة) ومرّ الحقيقة

ياليت عقرب ساعة أوجاعنا طاح
ولا أتنفسها دقيقة دقيقة

محمد السفياني

[بقآيآ .. حرف]

‏.
.

مرّ الزمن من خلال اسمي مرور اللئام
و أخذ يديني .. وأنا أتحسّس ضبابيّته

كان الطريق الزحام
وكنت وحدي زحام
كنت الوحيد : البعيـد بْـ مرحلـة ميّـتـه

يا ليتني ما قطفت أشهى حقول الغرام
يـوم الكـرز مـدّ لي وجـهـه و جـاهـيّـتـه

ماجد عبدربه

[بقآيآ .. حرف]

‏نجمةٍ حنّت على قلبه، وحطّت في كفوفه
من ثمان سنين لين اليوم وكفوفه وطنها

حبها من قلب
ذاب بغيرته
وأعماه خوفه
وجا يواريها عن عيون المخاليق : ودفنها

[بقآيآ .. حرف]

صدري وسيع وضيقته الضايقات
كل ما بنيت أحلام جا من يهدمه

[بقآيآ .. حرف]

‏عن زحام البال رحت املى بعذب البوح وقتي
لا هدا جوّي احس الحبر من صوتي .. اصبّه

الهدوء .. ولذّته .. خلّاني اتولّع .. بـ صمتي
كل بيتٍ من قصيدي ينولد بـ الصمت احبّه ..

ميعاد الحربي

[بقآيآ .. حرف]

‏‎كلّما عدّت على باب الجِراح
أمنيات العُمْر تنزف خطوتي
_
مالقى غصْن التعب ظِلّ إرتياح
يوم طاح الحيْل .. طالت سكّتي

ميعاد الحربي

[بقآيآ .. حرف]

‏في مشاوير السهر غير اغترابي ماانتظرت
والعمر محدٍ عن الوحده همس في مسمعه

بين نسيان ورحيل وذكريات وفقد حرت
بس ابلل ريقي بصبر السنين وابلعه

ميعاد الحربي

[بقآيآ .. حرف]

وين تلقاني السحابه ؟ والهبوب
واقفه مثل اليباس من القدر
ما تمل من العجاج ولا تتوب
لين تجرح شهقة انفاسي صدر
كنت اقول ان طحت وش ذنب الذنوب
الخطأ ما علم الناس الغدر

فيصل المهلكي

[بقآيآ .. حرف]

‏مابقى في شجرة الوجد لدروبي مقيل
.... الظلال اللي تشوفه تعب منه الورق
جيت من طول المسافه على القيظ الطويل
.... في جبيني حبر اماني وصل ينزف عرق
ليت تاخذ يالتلاقي معك عابر سبيل
.... غابت الشمس بنهاري وصبحك ماشرق
كلّ ذكرى منك ترجع وتاذن بالرحيل
.... مامشى فيك الطريق/ الطريق الا افترق

فيصل المهلكي

[بقآيآ .. حرف]

‏‎

الله لو انك بس تكسر عود في عـين الحسود
وتبل ريـق الصـبر قـبل يقول أنا محـتاج ما

مـادامك اكـبر مـن مجـرد صوت لاثبات الوجـود
اكتب من أقصى الذات لين تحرك احساس الدُما

اكـتـب ووكـدها ثـلاث أيمـان بانـك ماتـعـود
إلـين ما ترفـع مطيح الارض وتطيـح السـما

سعود الخزمري

[بقآيآ .. حرف]

‏يا ندبة البال وجدار التعب والشقوق
تغريبة العمر في قلب السهر جايشة

ما ودي اكتب ويجرحني ندي الطروق
ما ودي اكتب واعيد الرمية الطايشة

ما ودي اكتب واسيل من الورق والعذوق
عن سدرةٍ مات واديها وهي عايشة

[بقآيآ .. حرف]

مدري بكى حلم ؟ .. مدري ليلةٍ غبْرة ؟
نسيوني أحباب ولاّ ضاعت أخباري ؟
هي إتدبّر ؟ .. أو أقفَت مابها دِبرة ؟
ليت الليالي تقدّر غربة الساري
مدري من اللّي من الثاني نفذ صبره ؟
لا يازمن .. من هو البايع من الشاري ؟
لا الوجه وجهك ولا النبرة هي النبرة
مدري.. ولكن طرا لك يازمن طاري
ماني بجاهل على الشدّات .. تختبره
تشتدّ ياوقت .. وإصراري هو إصراري
بالقلب ما تعرف العبرة من العبرة
وبناظري غيمةٍ ما تمطر أسراري
خلّيت الأحزان بأقصى القلب منثبرة
ياكثر كذبي على نفسي وأنا داري
قم ياقصيدٍ يعزّي لا إنتثر حِبره
إليا حداني زماني تفزع أشعاري
وإن بار فِيَّه رفيقٍ كنت معتبره
أغلى من الروح .. ما نّزلت مقداري
والله لو ردّ هاك الحبّ من قبره
مارِدّ له .. لين تبرد غلّتي .. ثاري
ماكلّ شقٍّ .. مداه السلك والإبرة
وماكلّ عينٍ .. تجامل جرحي العاري
إمّا يقولون .. طاح الضلع .. من كبره
ولاّ يقولون .. ماهو للوطى ضاري
كلٍّ تكلم وكلٍّ خابرٍ خبره
وبكره .. يبين الصحيح .. إن سهّل الباري
البارحة ضقت .. وأثر البارحة غبرة
مدري بكى حلم ؟ ولاّ ضاعت أخباري ؟

مساعد الرشيدي رحمة الله

[بقآيآ .. حرف]

‏اللي زعل لا بد ترضيه السنين
ولا يضن اني خلقت لطاعته
نهيت قلبي عن طريق الراحلين
لا يعترض طرقة قلوب باعته
وفتحت بابه في وجيه المقبلين
راع الوصل مانيب من قطاعته
واقول للمقفي لو أن قلبي حزين
ودعتك اللي ما تضيع وداعته

مهنا السعدي

[بقآيآ .. حرف]

هذي السنه راحت وانا خاطري شين
عسى الجديده تدمح اللي وراها
هذي سنه ياعلها فدوة سنين
سجيت فيها بالخلا من شقاها

لشاعرها .....

[بقآيآ .. حرف]

ما عاد ندري نروح يمين والا يسار
ما حتى طريق الغانمين أختلف
لشاعرها ......

[بقآيآ .. حرف]

‏ما ورى البال الطويل إلا التفاصيل ومللها
نغمةٍ باين من أولها .... بدايتها حزينه
يا زمن وان كان لك كلمه على ما صار قلها
أنت وأنا منهو السابق ومن تسلم يمينه
لشاعرها .......

[بقآيآ .. حرف]

‏لوا هني الطير لا ضاق يالذيب
يترك طمان القاع للي نزلها
يرقى بروس النايفات المراقيب
بجنحانه اللي لا تضايق فتلها
ما يربطه موطن حياته تجاريب
لا شانت الديره يدور بدلها
لشاعرها ........

[سحاب سدير]

ابيات اعجبتني للشاعر عبدالعزيز العولة شاعر متمكن في الشعر الفصيح
دَعِ النَّقادَ يَهرِفُ ما يشاءُ
ترى أُنساً ويأنسُكَ الهناءُ
وصُمَّ الاذن إن لاقاكَ غِرٌّ
لهُ في كُلَّ موضوعِ دِلاءُ
تُعلمُنا الحياةُ إذا رغبنا
ومن يأبى لهُ منها العناءُ

صح بوحه وحسن شعره

وشكرا

[بقآيآ .. حرف]

ابيات اعجبتني للشاعر عبدالعزيز العولة شاعر متمكن في الشعر الفصيح
دَعِ النَّقادَ يَهرِفُ ما يشاءُ
ترى أُنساً ويأنسُكَ الهناءُ
وصُمَّ الاذن إن لاقاكَ غِرٌّ
لهُ في كُلَّ موضوعِ دِلاءُ
تُعلمُنا الحياةُ إذا رغبنا
ومن يأبى لهُ منها العناءُ

صح بوحه وحسن شعره

وشكرا


طله عزيزه أختي سحاب سدير
تشرفت بك وبمشاركتك
وصح لسان الشاعر وصح ذوقك
تحياتي

[بقآيآ .. حرف]

مبطيه كل المجالس عن علوم المزون
من يبشرنا بالأمطار يبشر بالعشاء
يالله بغيثٍ يخلي المساجد يجمعون
الظهر مع العصر والمغرب مع العشاء
لشاعرها ....

[بقآيآ .. حرف]

ما دام راسي على متني وعضمي سليم
الباقي من الخساير كلها هينه
نوب اتغيشم كذا لو أن ماني غشيم
لين الليالي تجيب الحجه البينه
واللي تجي بالصميم أردها بالصميم
ولا يكسر القاسيه من يعصر اللينه
ما يستغل الكرام إلا الردي واللئيم
وما شوه الطيب كله غير هالعينه


محمد البلوي

[بقآيآ .. حرف]

صاطي على الدنيا وخايف من الغيب
ومستعجل اللقمه وهي في صحنها
مدري صواديف الليالي وش تجيب
بس الاكيد مجهزة لي كفنها
ياكثر ما ذبيت روس المراقيب
وإلا ذكرت الموت حولت عنها

إبراهيم مرشود

[بقآيآ .. حرف]

العيون اللي تدوّر للخطايا
هي تسمى مبصره وإلا ضريره
علموها تنظر وجيه المرايا
كان باقي في مراياها بصيره
لا تسوق ضنونها حسب النوايا
الله اعلم بالنوايا والسريره

عايد بن ضلعان

[سحاب سدير]

مبطيه كل المجالس عن علوم المزون
من يبشرنا بالأمطار يبشر بالعشاء
يالله بغيثٍ يخلي المساجد يجمعون
الظهر مع العصر والمغرب مع العشاء
لشاعرها ....
اللهم امين ويارب العالمين غيث يسولفون به سنين وسنين

[بقآيآ .. حرف]

لا كثرت ضباع البطين المطّرف
عادي غياب الذيب عن مرقبٍ له
يا كم ظهور للملا ما يشرف
وأجمل غياب اللي يجي في محله

لشاعرها .....

[بقآيآ .. حرف]

‏جمِّع اصحابك بْصدرك و خـذ منهم و خَلّ
وْ لا يـهـمّـك من تـسـاقَـط إذا هـبّـتْـك ريح
كـل مـا غـورقـت بـالـدمـع مـن خذلان خِلّ :
طيِّح الـدّنـيـا من اقـصـى نظرْك وْ لا تطيح !

محمد السعيد