(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

يـا كُثر شوقي وأنا عنْك بعيد
---------------في ديار مَابها ذوق بلاك
لا تذكرتك راحَت أفكاري تعيد
-------------ذكرت الأيام وأوقاتي معاك
لوقست الأيام والحظ العنيد
------------ما نسيتك يا بعد هذا وذاك

أرحب أخوي عناد
( قلب البراري )
طله عزيزه وغاليه
ودنا انك تترك البعد وفي قربك تزيد
دام تدري ان التنهات ما يروي ضماك

[بقآيآ .. حرف]

http://up.albrari.com/uploads/15265556221.gif

[بقآيآ .. حرف]

ودي اعزل عن غرامه معازيل الحرار
لا تلاقت في عروش السحاب متونها

والله اني لي هقاوي وشرهاتي كبار
تستخير ان شافت الناس ما يقوونها

[بقآيآ .. حرف]

-الله يا وقت مضا .. لو هي بايدينا مايروح

[بقآيآ .. حرف]

يغريني الشيطان بـ اعماله
وأسهر معه و يولع شْموعي
ㅤ
ولا من ذكرت القبر و اهواله
صلى الندم في مسجد ضْلوعي
ㅤ
عبدالله_المديري

[بقآيآ .. حرف]

خلك مثل ما أنت صافي من ركام الغرام
لا تخسر أرضك وتشري درب ومسافرين

[بقآيآ .. حرف]

عيدكم مبارك
وكل عام وانتم بخير وصحه وسلامه
تقبل الله منا ومنكم صالح الأعمال
🌹🌹🌹

[بقآيآ .. حرف]

‏

لا تلوم الناس لا عدّت ولا قالت سلاام
وانت ساكت ، ما يحبونك ، يحبون الكلام ..

[بقآيآ .. حرف]

‏مابين جشة حصان وبين هدرت جمل
وفي وجه سبعٍ يحوف الركب والدرب شوك
.
ما مال متنٍ عليه من الليالي حمل
لوقصرت من الثقال أيدين عوج الحنوك
.
يا حادي العيس مال المفردات مهمل
لو قالو اختار بين وقوفها والبروك
.
ياصاحبي لا توقف تحت رجوى الأمل
وأستقبل المقبلات بكل وجهٍ ضحوك

[بقآيآ .. حرف]

‏عادك مثل ماانت يالدرب الطويل القديم
لو غيّرو فـ أرصفة شارعْك و إنارتك

ياكم عليك سبقتني لهفتي لـ النديم
و ياكم رجعت اركل من الخيبه حجارتك.

[بقآيآ .. حرف]

برقٍ بعيد الدار لا تستخيله
قله عزيز وغيرك اللي شرب ماه

[بقآيآ .. حرف]

‏والله انا نعشق الطيب ونحب السلوم
وان دخلنا بورصة سوقه يطير سهمه
الوفي يعيش معنا مقدر ومحشوم
والردي انحاول انوجهه وانعلمه
ان تعلم مرحبا به على طيب العلوم
وان عجز يفهم تركنا الحياه تفهّمه
كانه من الربع قمنا وسدينا اللزوم
وكانه من القوم نستر عليه ونرحمه.

[بقآيآ .. حرف]

‏عشت بالنفس الغنيه لو ان حظي فقير
في رحا دنيا تقلب ويضرس نابها
.
حافظن قدري وضحيت بالشي الكثير
ﻷجل اميز صادق الناس من كذابها

[بقآيآ .. حرف]

‏حدّتني مقادير الدهر والليالي العوج
على جمرةٍ ماليّ على لمسها حاجه

[بقآيآ .. حرف]

‏ياللي تدور عن الضيق المناهيجي
الضيق بالصدر مسكانه ومنهاجه
ارتاح واطلب من الرحمن تفريجي
في تالي الليل واوقات السحر ناجه
ساجي التويجري

ياليل ياليل طفينا المساريجي
نوادر الشعر تضوينا عن سراجه
زد دلة النصح بشويشٍ وتدريجي
لعل كيفه يبدل حال منعاجه

بقآيآ .. حرف

[بقآيآ .. حرف]

الوضع واحد ، ما تغيّر من سنين
أكبر . . وتصغر كل حاجه بعيني !

[بقآيآ .. حرف]

ما احب نزعات هذا الوقت .. وجنونه
انا طبيعي .. واحاسيسي .. طبيعيه

[بقآيآ .. حرف]

مهرة عقيدٍ معنزها الحصان الأصيل
في مربط الخيل منها مابقى عيّنه

http://up.albrari.com/uploads/15309349561.jpg

[بقآيآ .. حرف]

ياليت .. ذكراك لامرّت تعدّي بخير
ماكان شفت المشاعر كلها ضايقه !

[بقآيآ .. حرف]

الله عن القل والعوزات والحقره
ومصافق الوجه بين فلان وفلاني
.
ويالله عسى كان عز الرجل من قدره
ما يجذب عْري دلوي غير ذرعاني

[بقآيآ .. حرف]

ايه والدنيا متاهات و لهو
كيف يدفع خطوته لـ فراق خلّ
.
مالت الشمس بسعدها يوم آهو
جا يفارقها وقال الظل ظَلّ

[بقآيآ .. حرف]

ناحوا مع نوح الحمامه .. ولا نحت
وان ضاق صدري .. رحت اذب الخريمه
أسراري فـ صدري واذا ضقت ما بحت
شكوى لـ غير الله بـ عيني هزيمه
تهزني صكات بقعا .. ولا طحت
ثابت على مبدا و قيمه و شيمه
والحمدلله كل ما امسيت و اصبحت
على النوايا .. الطيبه و السليمه ،

[بقآيآ .. حرف]

اللي معَ نفسه ترى ماهو وحيد
ترى الوحيد اللي معَ الناس الخطا

[بقآيآ .. حرف]

والله يابعض الحظوظ تقول دمعة يتيم
مهما يدارى عليها . . . طايحه طايحه

[بقآيآ .. حرف]

اجمعوا كل الأماني مع الثلث الأخير
و ارسلوها بين سجده و ترديدة دعاء
.
ما تخيب الدعوة اللي لها ربٍ قدير
يا تجيكم بأعظم الخير يا تدفع أذى

[بقآيآ .. حرف]

أحس كنّي ارتفع لـ انحنى الراس
لـ اللي مقامات البشر .. تحت ظلّه
أنا ارجي الله .. والله يسخّر الناس
ماني بـ راجي الناس .. والناس لله

[بقآيآ .. حرف]

ما للشجاعه عمر وانتي .. كبيره
نظراتك بوجه العدا سيف ذبّاح
ٓلو كان ما عندك جيوش .. وذخيره
من قو باسك شوكتك صارت سلاح !

http://up.albrari.com/uploads/15312001721.jpg

[بقآيآ .. حرف]

http://up.albrari.com/uploads/15312012751.jpg

[بقآيآ .. حرف]

إن غرد الحظ من بكره على غصني
ينشد عن علومي اللي مانشد عنها !

[بقآيآ .. حرف]

يوم مدت .. كفها لـ مصافح ايدين الرحيل
ابتسم جرحي ونادت له ضلوعي مرحبا

[بقآيآ .. حرف]

هويته مثل عود هوى خيرته فالذود
وتركته مثل مايترك التايب ذنوُبـه

[بقآيآ .. حرف]

بيني وبينك تعب بيني وبينك فروق
دونك مشاويري البيضا.. وحزني وراك

[بقآيآ .. حرف]

عش مقتنع ان التغاضي مستحيل
الله له المنه وهو راعي العطا ،

مهما تسوي في الخلايق من جميل
يلغون تاريخك .. على سبة خطا

[بقآيآ .. حرف]

اندرجتي تحت غلطات العمر ؟
بفعلك اللي من عيوني حدّرك
.
اذكريني .. كل ما صب المطر ،
وكل ما جتنا عجاجه بذكرك

[بقآيآ .. حرف]

يالله عسى وجه السنين المقبلة وجهٍ خجل
مايخطي بحق الامال ولا يقص . . أحبالها

[بقآيآ .. حرف]

اللهم في يوم الجمعه
بلغنا ما نود وإجعل لنا دعوه لا تُـرد
وهـب لنا رزقًـا لا يُعد وافتح لنا بابًا
إلى الجنه لا يُسد يارب
اللهم صل وسلم على نبينا محمد

[بقآيآ .. حرف]

تبقى الحقيقه والوهم ضد وانداد
ويبقي سراب الصيف كاذب وخادع
بقآيآ ..

[بقآيآ .. حرف]

عقب البطا نادم تبي يرجع الود
ما علموك ان الامر صار خيره
من جد تحكي بس انا اقول من جد
من جد يا شرهات نفسك كبيره

بقآيآ ..

[بقآيآ .. حرف]

‏‎

عفو وكفو ما بقى شي ينقال
بعض الهروج تزيدها ناقلتها
والروح ما تحتاج زودٍ للاهمال
الامر بيدك ضيقها او سعتها
بقآيآ ..

[بقآيآ .. حرف]

‏-
في عزتك مستجير وفي هداك أستنير
يا مولج الليل الأسود في بياض النهار

[بقآيآ .. حرف]

‏‎‎يا أهل مكه ويا أهل القرى
انتم أدرى في بطون أشعابها

الاوادم طبعهم عوّد ورا
وين وقت اول ووين ألبابها

بقآيآ ..

[بقآيآ .. حرف]

‏تحرك اليوم في صدري كهل له سنين
ما حركت فيه صكات الزمان أشعره
ليتك مطوّل سباتك ياكهل لين لين
أجاور أمي بعد ذا العمر فالمقبره
بقآيآ ..

[بقآيآ .. حرف]

‏تخيّل لو تزاعلنا تخيّل
بدونك كيف بتكون الليالي
فـلا هرجٍ بـعد هرجك مهـيّل
ولا سكر بعد ضحكتك حالي

[بقآيآ .. حرف]

‏أبابيل طير وقدرة الله فوق الطير
توكل على رب الابابيل يا طيري
إذا راضيٍ بالوضع وبواقع التغيير
انا م اقبله ياطير لو يقبله غيري
بقآيآ ..

[بقآيآ .. حرف]

‏ياخاطري لو ماتت الشرهه وعداك الملام
مامات حلمٍ في فضاك من الجروح مهربه!
-
الليل مابقّى لصدري لا هدوء ولا سلام
ياذكريات العام كنك لـ الظلام مسربه !
-
فيني من الضيقه مايتعب كل خطوه للامام
ليت الحزن مرار بال ولايعرف يقر به!

[بقآيآ .. حرف]

‏على هقاوي الطيب يا مبعد الشوح
عل وعسى عقب الضراير مسره .

[بقآيآ .. حرف]

فـ المدى بارق ، إذا مسّ الظما روحي، بَرَق.
ونجمةٍ لو خانت الخطوة قدم ، قالت : وميض

[بقآيآ .. حرف]

وأنا اللي كل ما قالوا تطيح من الحمول متون
وقفت بوجه ثورات الظروف وموجها العاتيّ .
ولأجل أبقى على هذا الشعور العاقل المجنون
كفرت بكل خيبات الزمان و آمنت في ذاتي .

[بقآيآ .. حرف]

أنـا أتنفس وحدتيّ بعض الأحيان
ألقى بها.. الحلم الصغير المثالي

[بقآيآ .. حرف]

أزعل على شي ما يستاهل إني أزعل عليه..
واصبر على شي ما يصبر عليه آدمي

[بقآيآ .. حرف]

وأعرف إني لو لويت العنق عيّا
ولو عقلت.. القلب عيّا وأعرف إني
رغم هذا الميل كله مستقيم

[بقآيآ .. حرف]

ماكنّي إلا السؤال اللي يثير الفضول
لا جاك غامض وكـل الأجوبة مُقنعة

[بقآيآ .. حرف]

أنا اللي كل ما سلّوا عليك الحاسدين سيوف ،
حذفتك من ورا عوج الضلوع .. و جيت من دونك

[بقآيآ .. حرف]

تجيني في خيالي لين أصدّق في لقاك الشوف !
و تغيب لين أحس إنّ الأماكن ما لها ذمّه .

[بقآيآ .. حرف]

عرفت أن النقي لا أستغفلوه النّاس ماينلام
ما يفهم في حيالات الضعوف إلا ممارسّها

[بقآيآ .. حرف]

عشان يلقى له حياة
ضيّع "حياةٍ" في يديه
ما شافها طيش وسُبات.
وأنكر
تبعثر
وأنجرف
عشان يلقى له شغف..
وقّف على جال الأمان
لكنّه أبحر للشتَات!
غلطة خذت شكل الصُدف.

[بقآيآ .. حرف]

ودّي .. الوّن .. كل شيٍ .. رمادي
في دنيتي وارسم من الدمع ضحكات
،
وارمي ورى ظهر الدروب ابتعادي
وانقش على ارصفة المواعيد خطوات
،
رحلة ضياعي .. ما تحقق مرادي
خلّص فتيل العمر واحترقت اوقات
،
بس التعب لا صار بـ الحيل بادي
ايّات حيل يبلّ .. ريق المسافات

[بقآيآ .. حرف]

ابعد .. واحسب انتهينا ، والفراق انكتب
والقلب .. لو كل عابر ، مرّ به .. ما يخون
،
هيّض شعورك حنيني لين جيت بـ عتب !
جيّتْك حلوه ، ولكن .. شوّهتها الظنون

[بقآيآ .. حرف]

جيت أدور ،،
في كفوفك عن دفا
يحتضن برد المشاعر
وأشكره ،،
يوم شفت الشوق ،
في عينك طفا
رحت أردّد منهو هذا..!!
ما أذكره

[بقآيآ .. حرف]

عشنا زمان الامس من غير توثيق
وكان الفرح ينطق بصوت الحقيقه
و اليوم نحرق بالصور كل تطبيق
لكن - كواليسه ... محطات ضيقه
خبث ابتسامه - زيفها جفف الريق
تخدع عيون الناس ... لمعة بريقه

[بقآيآ .. حرف]

وإن بانت حدود الحِـزن في ملامحك
سرقت لك من وجه الأيـام ضحّكه

[بقآيآ .. حرف]

لا يزعل اللولو يموت أزرق الموج
والحلم يغرق والمجاديف تضما

[بقآيآ .. حرف]

جيتي و قلدك السهر ليلة خطاياها صواب
لو تضحكين الجرح يتهادى لـ جثمانه قبر

[بقآيآ .. حرف]

جتني : على ما اتمنى من "هدايا" الزمان
مثل الندى في جبين الورد مسيارها

عطشان واقف على جال الرهاف الثمان
متى الصحاري درت عن حزّة أمطارها

[بقآيآ .. حرف]

من عادة الغيم راحل و الاراضي تقيم
أنا ارضك البور و أنت الغيمة الراحله

بكره يعود الشتا و تعود الايام ديم
و الطير يرجع لـ غصنٍ كان يرتاح له.

[بقآيآ .. حرف]

وحدي .. أمشي في مفازات الكدر مثل المجلَّى
وحدي أمزج في جحيم الطين طيني وأنتمي له.

[بقآيآ .. حرف]

هذي هي الأرض لا تستغرب اللي حصل
والحنظلة ما عليها تستدير انحلة

من شفة الحنظلة .. انسى تذوق العسل
عمر العسل ما طلع من شفة الحنظلة

[بقآيآ .. حرف]

في ليلةٍ هز باب القلب صفق الهبوب
في ليلةٍ خافت الراحة على .. عيالها
- مطلق الجبعاء

[بقآيآ .. حرف]

عمر الصلوات ما كانت تجيب الذعر
الا صلاةٍ ورى الجثمان صلّيتها
ٰ
حملتها فوق متني والأمّر الأمّر
ورّدتها الحفره اللي ما تمنّيتها
ٰ
هالوا عليها التراب مدوّرين الأجر
وأخذت لي حفنةٍٍ معهم وردّيتها

ناصر القحطاني

[بقآيآ .. حرف]

شنيت حرب المنتها .. اما نصر ولا جهاد
وماتت عزومي كلها من بعد حرب مشرفه

[بقآيآ .. حرف]

قسم بالله مفرحني شعور انك هناك بخير
مثل فرحة فقيرً حاجته منه .. استغلوها
ㅤㅤㅤ
اذا وقف بعيد وشاف بنته من بعيد تسير
ضحك لاشافها تضحك لـ اهلها الي تبنّوها.

[بقآيآ .. حرف]

تصبّر و اتصدد عن العالم و أغيب
وانطح النسناس وأسري و إفك ازرّتي
ٰ
ودي ابكي بس قالو بكى الرجال عيب
وصرت اطلّع في بيوت القصايد حرّتي
ٰ
ما انتظر لين القريحه تجيب اللي تجيب
اتخيّر فـ النوادر و أعاود . كرّتي
ٰ
وصرت اطاول كل قمّه واجاوب كل ذيب
لين خلّيْت اغلب الناس على جرّتي

[بقآيآ .. حرف]

جيتي وبعيونك قريت انك نويتي ترحلين
كنّك على نقض الجروح اللي تشافت حالفه

رشيد الدهام

[بقآيآ .. حرف]

يقول ابن القيم رحمه الله:
إذا كنت تدعو وضاق عليك الوقت وازدحمت في قلبك حوائجك فاجعل كل دعائك أن يعفو الله عنك، فإن عفا عنك أتتك حوائجك من دون مسأله.

اللهم إنك عفو تحب العفو فاعف عنّا

[بقآيآ .. حرف]

سكان صدري جلو من سور صدري بعيد
ولا عاد يسكنه غير الصمت من حينها..!

استغفر الله .. باقي فيه ساعي بريد
عنده رسايل عتب ضاعت .. عناوينها..!

[بقآيآ .. حرف]

عم تبادلنا الجفا لكن تهادينا السلام
في ليلةٍ لو اقدر انساها نسيت عتابها .!

[بقآيآ .. حرف]

ان قلت لي تكفى تراها علي دين
ان كان مالبيتها فـي .. وعـدها

وان كان تكفى عندكم شبه روتين
تكفى لاعاد تقول تكفى بعدها

[بقآيآ .. حرف]

وين ما ريّع عليه الليل والرمضا خلافه
لحّف القمرا طرف بشته ونجماته عرايا .

[بقآيآ .. حرف]

الذاكرة لا تحتفظ بالوجوه بـ قدر ما تحتفظ بالمواقف
فكن صاحب مواقف مشرفه لا تُنسى.

[بقآيآ .. حرف]

﴿إن الله وملائكته يصلون على النَّبِيِّ ياأيهاالذين آَمَنُواصَلُّواعليه وَسَلِّمُوا تَسْلِيمًا﴾

اللَّهُــمَّ صَلِّ وَسَـــلِّمْ وَبَارِكْ على نَبِيِّنَـــا مُحمَّد

[بقآيآ .. حرف]

إحترس يا ذيب و احذر من زمن ســــــادَت كلابه
الوفا بَه صار عِجْبه .... والغدر فعــــــــلٍ بطولي


لا تثق بالّي تثق به ........ بد شكّــــــــك وارتيابه
كم عُهُرْ سافِرْ يُغطّى بْملْمَــــحٍ طاهــــر طفولي


عندي للدنيا ســـــــــؤال وما أبي منها إجــابه
هو يغيّر شي رفضـــــي .. أو حيادي .. أو قبولي ؟


كن يا دنيا همومـــك جُمِّعَت مثــــــل الذّيابه
سالـَمَت كل الّي قبلي .. تنتظـر لحظة وصــــولي


كلّ غــــدرك ما يســــــاوي في موازيني ذبابه
ربّما لوّك وفيتي ......... كان أرّقْنــِــي ذهـــــولي


يا عذولي هاك بوحي هاك جرحي و انسكـــابه
ما سوى ذا وقت سـَـــانح ... قم بدورك يا عذولي

[بقآيآ .. حرف]

شفتك و عاتبت الليالي و الازمان
وين الليالي كل هالوقت خبتك ؟

[رذاذ]

هُنا مرجع الشعر والنثر والجمال والكمال ..
سعِدت بتصفح الكثير من الصفحات حتى ارتويت ..
شكراً لك مراقبنا بقآيآ حرف على هذا العطاء الثريّ ..
أسعدك الرحمن دوماً ..

وتقبّل بصمتي المتواضعه هُنا

رذاذ

[بقآيآ .. حرف]

هُنا مرجع الشعر والنثر والجمال والكمال ..
سعِدت بتصفح الكثير من الصفحات حتى ارتويت ..
شكراً لك مراقبنا بقآيآ حرف على هذا العطاء الثريّ ..
أسعدك الرحمن دوماً ..

وتقبّل بصمتي المتواضعه هُنا

رذاذ



ربي يعطيك العافيه
شهاده أعتز بها شكراً لك

[بقآيآ .. حرف]

اللهم اجمع قلوبنا على طاعتك
ونفوسنا على خشيتك
وأرواحنا في جنتك اللهم انا نسألك الأمن في أوطاننا
والسلامة في ديننا وأبداننا
والمغفرة لآبائنا وأمهاتنا
والبركة في أرزاقنا والصحة في أجسادنا

[بقآيآ .. حرف]

دثروا الراحلين بالدعوات كونوا لمن فقد الحياة حياة ، اللهم الراحلين إليك ، اجعلهم فَ دار السلام تحت ظلك الظليل

[بقآيآ .. حرف]

كل عام وانتم بخير
تقبل الله منا ومنكم صالح الأعمال

http://up.albrari.com/uploads/15348395051.jpg

[بقآيآ .. حرف]

اذا صحيح النوم نصفا من الموت
وش فايدة عمرا قضا النصف ميت
اللي بقا هو يكفي البحث عن قوت
والا مكفي للعنى والتهيت

[بقآيآ .. حرف]

دايم ،، تطيح الدموع ،، ولا تبكّيني
واتعمّد اضحك غرور بوجه مأساتي

مرّات لو أشعر أن الحزن في عيني
توزّعت في وجيه الناس"ضحكاتي"

[بقآيآ .. حرف]

ما ضمّنا غير المكان الي تهيا للعنا
وشلون ياخذ ركني المهجور لمحة بهجتك
.
هذي بقايا ظلك وصفرة غصونك والفنا
مهما تلاشت ذكرياتي فيه مالت ضحكتك
وجد

[بقآيآ .. حرف]

المنعزل ينزعج لا شاف نور البلاد
تعب يواجه قلوب العالم الميّته
ٓ
ترك دروب المدينه واحتواه البعاد
يبي يمارس هواياته وحريتّه !!
ٓ
ماهمه الفقر لو ياكل جناح الجراد
صفحة كتابه غصن وحروفها فيته

[بقآيآ .. حرف]

النسمه الي اتت بك في مداري .. لما ؟؟
اختارت ابعد مكان لوردك من الربيع

متصالحه مع عبيرك لكن الغصن ما ...
يحمل الا مسافة حزن عيت تضيع
وجد

[بقآيآ .. حرف]

أنت، في قرب البشر، وفراقها !
حلم، والأحلام من حظ الفقير

طِر مع طيور السما ، وأرزاقها !
كنت رزق وجا لـ شخصٍ مايطير

صالح بن حمد

[بقآيآ .. حرف]

نقطة ... للنهايه شلتها واحتريك
ترسم خطوطك الي دايماً فوقها
ما تحدّث فراغك بالغياب الوشيك
لين شفت المسافه تملي حقوقها
وجد

[بقآيآ .. حرف]

مدّ الروايه .. لين يرحل بطلها
لا تتركه بين السطور ايتجول
حتى لو انك خايفٍ ترتجلها
خلّ النهايه نقطةٍ ما اتحوّل
وجد

[بقآيآ .. حرف]

أيه أنا اللي كل ما مرت قوافل
أبني آمالي عليها واحتريك
بقآيآ ..

[بقآيآ .. حرف]

هذا الوجع يا قلب له جملة حقوق
لا ثار خله ينتحر فيك بلسان
عهد الحنين ان رفرفت فيه للموق
اعلامك .. فبند انتكاساته تبان
وجد

[بقآيآ .. حرف]

فيني هوامش نوتة تشكي الفصام
لين اتّجلا فالسطر .. هويتك
لولا هواك الي نبت بارض الكلام
كان السلال الخاويه ... محميتك
وجد

[بقآيآ .. حرف]

للنهايات وقفه مع قصور الكلام
ليه مايعطي اطراف الالم حقها
حرضته الروايه لين فصل الختام
واختنق باخر سطوره ولا شقها
وجد

[بقآيآ .. حرف]

باعتبار ان القلوب من الشواهد
ما شهد قلبك على نبضي و جاه ..!
وجد

[بقآيآ .. حرف]

ما يرسمك للصبح في لوحة الفال
الا احتياج النور لاسراب .. بيضا
اللي يمر بـ صورتك دون .. موال
صدقني انه ما انكتب غير فوضا
وجد

[بقآيآ .. حرف]

حالفني الحظ مره ضد نبضٍ بدا
وانهيت في مهد روحي كل حب جديد
لاخترت اعيش الحياة بدونه ادري فدا
لو ما خسرت بوجوده ماكسبت المفيد
وجد

[بقآيآ .. حرف]

العزلة المقدسة .. هي الهالة التي تعفيك من الكذب ...

[بقآيآ .. حرف]

انهمر لك واغني لو جفافي بلد
واترنّم بناي الصوت كنه سعيد
.
انت ماشفت مثلي فالمشاعر ابد
يلثم الحزن لكن فابتهاجه فريد
وجد

[بقآيآ .. حرف]

في غيبتيك صار لكتاب الوجع ضفتين
لولا صورك اتّلاقى في معينه نضب
لا سال وجهك تخضّب لوحتي بالحنين
وان صافح الحبر غير دموعها ماانكتب
وجد

[بقآيآ .. حرف]

صافحت كفّ الضيا في نظرة المتعبين
لولا امتداد الأسى فالموق .. مااشرق شعر ..!؟
وجد

[بقآيآ .. حرف]

الظن إثمٌ طالما هو ابكم ..
واذا تحدث صار معصيتين ..

[بقآيآ .. حرف]

للدروب الموحشه نخب الفراق
والقلوب الي ترنّح تهتويها
جرحك العابث على قدم وساق
ماترك بي طعنة ما قال ابيها
وجد

[بقآيآ .. حرف]

اغلق ابواب قلبك ... والمفاتيح الصحيحة ستأخذ مجراها ...
نمير_البيان

[بقآيآ .. حرف]

احيان ودك تفهم بمنطق الطير
واحيان حلمك تمحي الي عرفته
مابين علمك والجهل حاجةٍ غير
درسٍ تخاف بصفحته لا نبشته
وجد

[بقآيآ .. حرف]

كل المتسولين على قارعة الصدف ... بحثاً عن مواعيد .. كانوا من المترفين فيها ...
نمير_البيان

[بقآيآ .. حرف]

اللهم أجعلنا من أهل النفوس الطاهرة و القلوب الشاكرة والوجوه المستبشرة و أرزقنا طيب المقام وحسن الختام ..
#دعاء

[بقآيآ .. حرف]

تكبدت المسافات ومشيت لنوتتك شرقا
وانا في غربي الحان و مقامات و تغنّيني
وجد

[بقآيآ .. حرف]

عندما تعرف الأبواب رائحة الكفوف التي تطرقها تفتح تلقائياً ...

[بقآيآ .. حرف]

لا تفتح للشيطان باب ... حتى لا يصادف هوى قلبك .. فيستعظم و يصعب عليك طرده ...

[بقآيآ .. حرف]

عندما تكون ناضج العقل
ستدرك أن ما أكتبه هنا من
(( نسج الخيال ))

[بقآيآ .. حرف]

اللهم لا تشغلنا بالمختلفات في الدين عن المحجة البيضاء .. ولا بالمتشابهات فيه عن العروة الوثقى .. فلانهلك بالزيغ ولا نستسلم للفتن ...
دعاء

[الركام]

كـل مـامـريـت القى لـك اثـــر
يابقايا حرف لك منا الشكــــر

طالبين العفـــو منك والعـــــذر
في غياب البعض مشغول الفكر

[بقآيآ .. حرف]

كـل مـامـريـت القى لـك اثـــر
يابقايا حرف لك منا الشكــــر

طالبين العفـــو منك والعـــــذر
في غياب البعض مشغول الفكر

يا هلا وغلا يابو سعود
مرورك وتواجدك شرف
كل التحايا

[بقآيآ .. حرف]

لا صار خصمي -دمعتين بـ عيونك-
كيف أنتصر و أنا سلاحي قصيدة ؟

[بقآيآ .. حرف]

ربّي وأنا المطمئن لـ رضاه واهابه
جعله يسامح خطاي وما يواخذني
َ
الضيقة اللي توّجهني على بابه
أطيب من الفرحة اللي منه تاخذني

[بقآيآ .. حرف]

يمرها مر الكرام اللي يعرف ان الكرام
لا مرت دروب الجفا ماهي تلد ارقابها

[بقآيآ .. حرف]

اللي دفعته من أيامي وعمري ثمن
سراب قيظٍ خذاه الليل.. ما بَلْ ريق

[بقآيآ .. حرف]

مدري بقايا حرف والا بقاياك
في قلب من ساوى رضاك بحياته .

[بقآيآ .. حرف]

والله اني مابعد عشت بأنصاف الحلول
ماتهيّا منها اخذته ، وما اقفى به فدا .

[بقآيآ .. حرف]

العزلة من الناس والمسرى تحت جنح الظلام
على دروبٍ تشتكي قلة و صال أحبابها
..
يمرها مر الكرام اللي يعرف ان الكرام
لا مرت دروب الجفا ما هي تلدّ رقابها
..
لو حثته رجله على الممشى وهو ماله مرام
ما حثته نفسه على أمورٍ تسكَّر بابها

[بقآيآ .. حرف]

نهاية رضى الأنفس تجاوز حدود الله
وهوا النفس لاهيمن على صاحبه هيمن
..
الا واهني من حط بقعى على يسراه
وخلا رضى ربه على حجاجة الايمن

[بقآيآ .. حرف]

اليا انكسر لك رمح لا ترجي القوس
ما ترمي الأقواس ، رمحٍ مولي !!

[بقآيآ .. حرف]

حكيت وخذيت من الكلام اندره واغلاه
وسكتّ وتركت الباقي يدور الباقي

[بقآيآ .. حرف]

ثلاثة أخرجهم من حياتك
-من هانت عليه العشرة الطويلة
-ومن استرخص مشاعرك ولم يعرف قيمتك
-ومن يتلذذ في تعكير مزاجك وإحباطك
أبعدهم من حياتك ولا تبالي .!

[بقآيآ .. حرف]

النفس تقبل مثل ما تقبل الخيل
و تصد .. لو ان النعم مـستديمه
ٰ
شيٍ تـخافه من عـقوبه و تنكيل
و شيٍ تعافه من كرامه و شيمه

[بقآيآ .. حرف]

اعوذ بالله من آهٍ تجي منها ..
لآ تلّت رْشا الضلوع العوج مغصوبه

عاطف الحربي

[بقآيآ .. حرف]

زاهدٍ فـ الناس ماهو من تَرَف والا تغلّي
وبـ حياةٍ ما لقى الشاعر بها اغلى من شبابه

شدّني كيف أملك القدرة على هذا التخلّي
وأملك الدنيا .. وأنا بالكـاد من يملك ثيابه

عاطف الحربي

[بقآيآ .. حرف]

استبقت الرمح وادميت الجراح بـ قلب ساهي
واستفقت من الندم نَسيان وجروحي نديّه

لا تمرجحني على حبل الأوامر والنواهي
كل نفسٍ طيّعه في ذاتها نفسٍ عصيّه

عاطف الحربي

[بقآيآ .. حرف]

الجروح فـ بعض الاحيان تاخذها الحميّا
و"الكتابة جرح"
قد ايش جرحي بالسهوله

سامح الله طيبة القلب يا طلق المحيّا
يومها خلّت عيوني عن عيوني خجوله

فـالمرايا كل ماشفت دمعي لي تهيّا
استحيت وقلت هذا شبيهي فالبطوله

وحدتي جنة مـ دام الكتابة في يديا
وموتي: بـ شيِّ على البال مااقدر اقوله

عاطف الحربي

[بقآيآ .. حرف]

اثنين .. لا يمكن اقرُب منّهم لـ الأبد
اللي بدون اصدقا ، و اللي صديق الجميع

آدم دليم

[بقآيآ .. حرف]

في قباء مرو علي الناس وعيوني تخايل
كن ماا بيني وبين العابرين الا القرابه

رامي سعد

[بقآيآ .. حرف]

اتركو منهو الى هب نسناس النسيم
خاشر الاموات في صمتها وقبورها
.
انصحوني بس لاجيتو الشي القديم
اتركو نفسً مهي .. تتبع إلا شورها !

[بقآيآ .. حرف]

أعتذر من روحي لروحي وأكرر
جيت كلي صدق بس الوقت كاذب

الحميدي الحربي

[بقآيآ .. حرف]

الى خسرتك مربحي راحة البال
ياصورةٍ كبّرتها وخذلتني

الحميدي الحربي

[بقآيآ .. حرف]

ياسحاب الحيره اللي غطا صافي سماي
وش وراك من الحقايق مطر ؟والا شعوف!
ملّ دربي قبل ماتشتكي طوله خطاي
إرتحل وإترك عيوني تشوف اللي تشوف
إن روي عطشان الأشواق وإن متّ بظماي
مايفزّ القلب فرحه ولا يهتزّ خوف

الحميدي الحربي

[بقآيآ .. حرف]

من كثر ما اغتابك بحلو التفاصيل
كفارة المجلس معي وين ما اروح

تذكار

[بقآيآ .. حرف]

لا تقول لـ ( اقدار ) الموادع ليتها :
و لا تستفز الجايع بــ قطعة رغيف !

اطلع من ( الدنيا ) .. مثل م جيتها !
ابيض و من داخل ( تفاصيلك ) نظيف

[بقآيآ .. حرف]

ما سجنتك بصدري يا الكلام المباح
لكن احيان ما ودي أزيد......الجروح

يولد الذنب من رحم الغوايه.. سفاح
وانت ذنب سكن قلبي وعيا.... يروح
محمد_فهم

[بقآيآ .. حرف]

يا نجد لو ان الجفاء منك مرّه
صبرت لكن الجفاء منك دائم

[بقآيآ .. حرف]

طعنةٍ من سيف عنتر ومن شلفآ ذيآب
تنتهي بين آلضلوع . آلقصآر وتبتدي

مآ هقيتك يوم آلأجسآد تسترهآ آلثيآب
بآلجفآ عرّيت صبري . وعرّيت جسدي

[بقآيآ .. حرف]

آشرب هماج الما على العز كنه
ماءٍ سلسبيل الخلد من عذب الانهار
.
و آكـره قراح الما على الـذل لانه
سمٍ عـلى كـبود العزيزين و آمرار

[بقآيآ .. حرف]

وان بيّحت الايـام سرٍ من ورى سـدٍ منيع
فالساتر الله والعمر محدود والدنيا متاع

[بقآيآ .. حرف]

كم تعبت أقول يا المحبوب يا سمح المحيّا
مو حبيبك من حبس حريّتك داخل سياجه
انخلقت أحس واتوجّس وافكّر واتهيّا
انخلقت احتجّ وأبدا في إنفعالاتي ، وأواجِه
يا حياااةٍ ضيّقة حطّت ورا ظهري يديّا
من خرج منها خرج بالكاد من عنق الزجاجة

[بقآيآ .. حرف]

كلهم لو تنفض الاغصان طاحوا
هم مشاوير الظما والامس ، وأنت ؟

[بقآيآ .. حرف]

أشوف إن المفارق مشكلة وانته تشوفه حل
مثل مالحب أشوف إنه غِنى وتشوفه أغاني

عبدالله مدعج

[بقآيآ .. حرف]

لاتشظّت خيبتي في لبّ روحي
وإنشطر قلبي ودنّقت متْضايق

صر ذراي وخلّك خمار لجروحي
لاتخلي عاذلي بجرحي يوايق

[بقآيآ .. حرف]

الاغاني قديمه وانت يومك سرحت
كنّ صوتك رمى نفسه اغاني .. علي
.
انت واجه مصيرك بس انا لو سمحت :
عطني كذبه على هذا الأرق .. تنطلي !

[بقآيآ .. حرف]

لا زلت اشوف السهر خوفي وهيّ الامان
واطمّن الروح لا ترحل .. ب لوعاتها
.
في قلبها عشت وان طال العُمر لي مكان
متوااااااجدٍ بين ضحكتها و دمعاتها !

[بقآيآ .. حرف]

مدري وش الحب او ماكان قلبي جسور
في ليلةٍ والحنين أول .. مطاريشها !؟
.
اعرف يأسي نفق مظلم وصعب العبور
وليالي الفقد يسبق .. جدّها : طيييشها
.
واحب هذي السما ، واعرفْ ذاك الشعور
اللّي يمر الطيور اذا انّتف ريشها !

[بقآيآ .. حرف]

السهر لو هو صديقي ما يعرْف يْواسي
والمواجع فـ الصدور الحانية ! طمّاعة

[بقآيآ .. حرف]

هل تركت الخلق للخالق هذا اليوم؟! .. جرب الفكرة.

[بقآيآ .. حرف]

شاعرك ماخاض ليل من الضياع الأكيد
إلا لمح من بعيد خيوط فجريّتك .

[بقآيآ .. حرف]

يا كثر حسّادي وانا قد الحسد واستاهله
شرواي مايرضى يجي في وضع لايحسد عليه

[بقآيآ .. حرف]

من يغديك الأماني ، يعشيك الحسوف
ما يطوّل بال الاحباب غير آمالها ..
.
محمد العمري

[بقآيآ .. حرف]

تعبنا وملّينا من الضيق والروتين
عسى الله يغيث الدار بالوابل الصيّب
.
سمحنا من الدنيا وحنّا من الحيين
مثل ماسمح من غلطة الطيّب الطيّب

[بقآيآ .. حرف]

معاد مرّوك يادرب الغرام القديم
مازلت انا اللي بسجات القدم ذاكرك
ٓ
انا الحزين المعافى والمريض السليم
اللي رغم شوّ مسفوط الزمن شاكرك ..

[بقآيآ .. حرف]

اذا برق البرق عاين فِي ثنايا خروفك
هَذه قصة حجرف الذويبي مَع االجني
كان حجرف ذَات يوم ذاهب هُو ويا خوين لَه علي ذلوله
واثنا الرحله وجداً لَهُم خروف بالصحراء نزل من راحلته وأخذه ووضعه فِي الخرج فَوق الذلول
((الذلول هِي الناقه الَّتِي يسافرون عَليها الناس مِن أول والخرج هُو الَّذِي يضعون
حاجياتهم بِه فَوق الناقه لتوضيح)
ومشي حجرف وخويه بالليل والخروف معهم وعليهم غيوم وامطار وبروق واذا برق البرق ضحك الجني وشافه
خوي حجرف ونزل مِن الناقه
وحجرف مادري يوم ابعدَ عنه حجرف والجني
قال خويه اللي هرب
ياحجرف ليا برق البرق عاين فِي ثنايا خروفك يَعني تراه جني ماهُو خروف انتبه حجرف والتفت علي الجني
واركبه معه فِي مكان خويه يوم تعب واشتهي العشا والنوم
وهو ينزل والجني ينزل معه
وحجرف يشب النار ويسوي العشاءَ خبز ويتدفا علي النار ول الجني يقُوم يسوي سوآة حجرف فِي كُل
شي يوم خلص العشاءَ وهو يحطه بينه وبين الجني ويتعشون سوى نسيت العشا عَليه سمن
يوم خلصوا وحجرف يمسح وجهه وراسه بالسمن ويقرب مِن النار والجني يسوي مِثله ييمسح شَوشته باالسمن ويقرب عِندَ النار قال حجرف لنفسه لازم اسوي حركه بهالجني واخذ مشهاب مِن النار وقربه مِن راسه وسوي الجني مِثله فااشتعلت النار بالجني وقام يصيح وين اروح ياحجرف واذا بجانبهم شَجره يابسه كبيرة قال حجرف
حط راسك باالشجره لارحم ابوك وشبة الشجره والجني وسلم حجرف مِن شَره
قصه من الماضي
كنت أطرب لسماعها

[بقآيآ .. حرف]

خلك جبل في عينهم وانطح القوم
لو زحزحة سود الليالي مباديك
.
اعرف تراك تقوم وتطيح وتقوم
الا اليامن خنت منهو وثق فيك

سعد مطلق

[بقآيآ .. حرف]

اخذلوه وضيقوا كل الاماكن
وشرهته توصل لحنجوره وتاقف

كانوا اقرب من زرار الثوب لَكن ؟
" طيّح الله حظهم " عند المواقف !

[بقآيآ .. حرف]

ماحرّك الناي في راس الحنين شعرة
مثلي إليا إختارت الفرقى مطيحه وقف

نواف التركي

[بقآيآ .. حرف]

والله ورجعت أستطعم الشعر ياريم
والظاهر أبـ رجع على طير ياللي

[بقآيآ .. حرف]

ذنب الكتابة .. وإرتكاب الأماني
اللي خذت عمري وظلّت عقيمه !

نواف التركي

[بقآيآ .. حرف]

يا ريم وأكثر ما تمّنيت يا ريم
من كل شيٍ قد تركته خلافي

لمّا تجين بضحكةٍ تشبه الغيم
تستبشر أرضي ويتضاحك جفافي

نواف التركي

[بقآيآ .. حرف]

لا تصدّق المسرح وتحزن للأبطال
دايم يكون الصدق خلف الكواليس

نواف التركي

[بقآيآ .. حرف]

ما ودي البعد لكنْ القدر والنصيب
يجبرنا أحيان نكسر خاطر أحبابنا

مرات نبعد عن أشيا وهي منا قريب
ومرات نوصل لها ونقول وش جابنا !

[بقآيآ .. حرف]

عسيت براق المطامع من مداهيل السلام
ودون الربيع البرد عاوي والعجاج انفاس غيم

وفجت لي رماح الخطوب صدور الافاق العظام
عن خيرةٍ تحيي عظام الامنيات وهن رميم

تبنيني ظروفي مثل ماتبني الشمس الغمام
وترضيني العزه مثل مايرضي العذر الكريم

نجم الاسلمي

[بقآيآ .. حرف]

وش جابني لديار مالي بها ناس
يلعنك ياهم يسوق القدم سوق

بقآيآ ..

[بقآيآ .. حرف]

حزني اللي ماخذ الدعوه تحدي
كل ما شديت حيلي شد حيله

[بقآيآ .. حرف]

وأترك الدنيا بظهري تسوي اللي تبيّ
لا ذكرت إنك أمامي .. نسيت اللي وراي

[بقآيآ .. حرف]

صاحبي .. ( عوامل الترفيه ) شـتى
كل حاجة تستفز الحزن .. دعها

من صباح الخير وانا بـ خير .. حتى
طاحت خيوط النهار .. وطحت معها
َ
ناصر بن فهيد

[بقآيآ .. حرف]

والله ورب الصبح والغصن والطير
ونفسي وقلب أمي وعين اليتيمة
.
اني اصير بخير ، لا شفتك بخير
وفي عيني الاشياء تزداد قيمة

[بقآيآ .. حرف]

تغافلوني واستبيحوا عيوبي
على الاقل .. ارتاح من سيئاتي

عموماً انتوا لاخذيتوا ذنوبي
خذو بعضكم واطلعوا من حياتي

ناصر بن فهيد

[بقآيآ .. حرف]

كنت اشوفه رابع اخواني على انه
جمرةٍ دوني بتحرق من وطاها

ويوم غيّر نظرتي .. صديت عنه
صدةٍ والله ان يبطي مانساها

ناصر بن فهيد

[بقآيآ .. حرف]

سافِر معي انا معي طفرة احساس
مسلم .. / وفي بعض التقاليد كافر

حتى الوطن .. بدا يعاني من الناس
صدقني لو تستنطقه .. قال : سافر

ناصر بن فهيد

[بقآيآ .. حرف]

قصه من الماضي الجميل





هاذي قصه العجوز البدويه مع احد رجال الباديه
من اغرب القصص التي حد ثت لاحد رجال الباديه ...
حينما تزوج للمره الثانيه من امراه كان لد يه من قبلها زوجه واولاد .وبعد فتره من زواجه ولم يكن هذا الشك مبنيا الا على اوهام من وحي خياله.صورها له شعوره من ان هذ ه الزوجه لا تميل له .وقد كانت المراة لا تحد ثه الا ناد را ,كما انه لم يرها تضحك او تبتسم أمامه مطلقا .
على هذ ا الاحساس اعتقد ان لها رغبه برجل غيره من قبل ان ترتبط به.
وقد سبب له هذ ا الشك قلقا وحيره.لم يتبد د ا الا بعد اللجوء الى امراه عجوز .اخبرها بامر زوجته .وخوفه الا تكون تحبه ,طالبا منها طريقه يتاكد بها من مشاعر زوجته ..قالت العجوز عليك ان تصطاد افعى ,وتخيط فمها وتضعها فوق صد رك اثناء نومك ,وعند ما تحاول زوجتك ايقاظك ,اصطنع الموت ,وفعل مثلما امرت به العجوز ,حينما جاءت زوجته لتوقظه من النوم لم ينهض او حتى يتحرك ,وعند ما رفعت الغطاء ورات الافعى ظنت انها لدغته وقد توفي,فاخذ ت تصرخ..
وتنادي على ابنه من زوجته الاولى واسمه (زيد) ويقال انها اثناء حاله الذهول التي اصابتها قالت هذه القصيده :

يازيد.. رد الزمل باهل عبــرتي
.....على ابوك عيني مايبطل هميلها
اعليت كم من سابق قد عثرتها
.....بعـود القـنا والخيل عجل جفيلهـا
واعليت كم من هجمه قد شعيتها
.......صباح.. والا شعتها من مقيلهـــا
واعليت كم من خفره في غيا الصبا
.....تمناك ياوافي الخصايل حليلهــا
سقاي ذود الجار لاغاب جارد
.....واخو جارته لاغاب عنها حليلها
لامرخى عينه يطالع لزولها
.....ولاسايل عنها ولا مستسيلهـا

بعد ان سمع الزوج هذ ه القصيد ه , تاكد من مشاعر زوجته , وعرف مد ى الحب الذ ي تخفيه حياء لااكثر نهض من فراشه فرحا ليبشرها بانه لم يمت ..لكن الزوجه توارت حياء لا نها كشفت عن مشاعرها ..وكامراة بهذ ه بدويه_عاده_تخجل من البوح بمشاعرها بهذه الباشره وهكذا حين عرفت ان الامر ليس اكثر من خد عه لاختبارها ..فقد اقسمت بالا تعود اليه الابشروط (ان يكلم الحجر الحجر,وان يكلم العود العود)!!..وهي تقصد استحاله ان تعود اليه مره اخرى ..وقد اسقط بيده ..واصبح في حيره اكبر او مثلما نقول (بغى يكحلها عماها ) ولم يجد امامه الا العجوز صاحبه الفكره الاولى ربما تجد له مخرجا من ورطته .
وبالفعل كانت العجوز من الذ كاء بحيث قالت له:
احضر(الرحى)والرحى معروفه تستعمل في طحن الحبوب الحنطه وغيرها, وهي تطلق صوتاْ عند استخد امها وعاده ماتجاوبها النساء بالغناء ,هذا عن الحجر,اما العود فذكرت له الربابه واضافت اذا كان لزوجتك رغبه بك فستعود اليك وفعلاْ عادت له زوجته بهذه الطريقه.
يقال في الحب

الصمت ابلغ من الكلام في احيان كثيرة

[بقآيآ .. حرف]

آدوّر آلخيره ، وآنــــآ خيّر . . ولآ عيّنت خير
مصلآح وآسعى في صلآح ظنوني وخربّتهآ

[بقآيآ .. حرف]

بصدري كل ما أذَّن حنين الغايبين وتاب
مشايخ ذكريـاتي خاطبتني من منابرها

[بقآيآ .. حرف]

قل للمدن لو تتسع وسعها حبْس
طفل -القرى- لو ضاق ما تحتوينه

[بقآيآ .. حرف]

والله مدري يطيح الدمع وإلا أطيح،
وإلا تطيح الحياة و تبهت ألوانها

[بقآيآ .. حرف]

يا نجم .. دلّ السنين المتعبات : المسير
عدّى كثير العمر ، واشتقت اشوف اجمله

[بقآيآ .. حرف]

طرفه
فتاة قد تعودت هي وأخوتها إذا مر أحدهم بجانب الثاني مد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مدت الفتاة رجلها - كالعادة - فسقط الزوج وكسرت ذراعه .....واما الفتاة من شدة خجلها من الموقف ذهبت لأهلها

[بقآيآ .. حرف]

دام عز النفس باقي يا زمان الكوبه
والله إن شبحي بعيد وعزتي تغنيني

القدر حُكمه كذا ولاّ الزمان اعجوبه ؟
ما لقيت من الفرح ذره ولا يسقيني

[بقآيآ .. حرف]

احلامي طوال .. لكن ، ظل عمري قصير ..
شف كم بذلت السنين لحلم ما أوصله !

[بقآيآ .. حرف]

خطوة القلب ما تاهت لو الدرب واعر
انتي انتي معاذيري وصوتي وظلّي
.
يوم كنتي تحبين الشعر كنت شاعر
ويوم صرتي تحبين الجفا غبت كلّي

[بقآيآ .. حرف]

اصحابي اللي بديت انسى ملامحهم
ماعاد لي قلب روحوا دوروا غيري

و عدواني الاولين الله يسامحهم
اتعبتهم لين صاروا من جماهيري

[بقآيآ .. حرف]

حزنك شتا والا بقايا من الصيف
يا وجهي الغايم خذلني صباحك
الدار دارك ما انت طرقي ولا ضيف
هذي نفود ارضك وهذي رياحك
وهذي معاميل الغلا واشقر الكيف
فنجال فنجالين تشفي جراحك

مهدي بن سعيد

[بقآيآ .. حرف]

كيف تنسى! وتسلى والوجع فيك فيـك
كيـف والحلــم خطوه ملّها،،، ظلّها
عاد لاصار همي من عطا راحتيك
قلت للروح تنسى حبك احسن لها

عبدالعزيز بن علي

[بقآيآ .. حرف]

يارفيق الليالي زل غيظك وطاف
إطلق البسمة العذرا لعشّاقها
..
نصف يدّك ربيع ونصف يدّي جفاف
إجمع الراحتين وسرّح نياقها ..!

مهدي بن سعيد

[بقآيآ .. حرف]

يامتعب الخطوه على الدرب لاهنت
وشلون تحزن والشمال بجهاتك

مهدي بن سعيد

[بقآيآ .. حرف]

ليلي عواصف لاتحسبه نسانيس
شف وش حصل في سقف قلبي وبابه
هواجسي.. ماتشبه الّا هواجيس
راعي حلال" امرح بـ "وادي ذيابة

خلف الاسلمي

[بقآيآ .. حرف]

تشكي علي الهموم الكايدة.. والتعب
وانا مع الصوت عن معناه مبحر بعيد
قالت: وش الحل قلّي؟ قلت: صوتك طرب!
منصت لحزنك؛ ولكنّي بصوتك سعيد !

خلف الاسلمي

[بقآيآ .. حرف]

عز الله ان آخر هوى النفس الاقناع
مهما ..! يكون النصح والعذل واللّوم
,
( لآ وهني ) بعض العرب يكبر بساع
و يـزوّد اعـلـوم (ن) و يـزداد بـعلوم
,
وحنّا كبرنا غير في بعض الاوضاع
( و الله ) ..! ما كـنّا كبرنا ولا يـوم

سعد بن جدلان رحمه الله

[بقآيآ .. حرف]

عندي يقين ان لي من الله حراس
لو ما عرج بي للسما بكف جبريل

فهد الصعيري

[بقآيآ .. حرف]

ليت مالي عين تدمع ولا قلب(ن) رهيف
ودي ان الزين والشين في عيني سوا

[بقآيآ .. حرف]

كل يوم اقول للشمس لا تستعجلين
الظلام يضيّق الصدر ويبيح الخفا

[بقآيآ .. حرف]

قد لا تراني ظاهِرًا بالحزن لكني حزين
امرّ بأيام(ن) مثل ريش الغراب ألوانها

[بقآيآ .. حرف]

إذا وقعت عينك على صاحب ذنب فلا يقع في نفسك العزة وأنك خيرٌ منه…!
هو فُتن وأنت برحمة الله نجوت…!
فادع الله له بالهداية ولنفسك بالثبات

[بقآيآ .. حرف]

‏‎
على الله ياتباشير الصباح الممطر الرايق
تدومي لي مع الايام وإذا غبتي تعودي لي
بقآيآ ...

[بقآيآ .. حرف]

‏" ياللي تمنا تاكل النار ثوبي "
مالك علينا فرحةٍ لو تمنيت

[الركام]

ترا الوفي يحضر ولو غابت الناس
ماهو بطالب دين بعطيك عطني

جنس الوفي نادر ولكن لاباس
في وقتنا الحاضر كثير بظني

[الركام]

عقب السنين اللي مضت هم وأحزان
‏عرفت ويش اللي مسبب جروحي

‏طول السنين أجـامل فلان و فلان
‏راعيت كل الناس وأهملت روحي

[الركام]

لا يضيق الصدر والدنيا سعـه
كل ماظلم ليل جا نور ونهــار

والجهات اختار من بين اربعه
كل وجهه تهتوي تلقى مسـار

الدروب وساع والسهل اتبعـه
وان بغيت الجو وجه للمطار

مـاعلـيـك الا تشـيـل الامتـعـه
للجبل والسهل واعماق البحار

الــســعـوديــة بلاد واسـعــه
زادهــا ربي بخـيـر واقــتــدار

والفصول الاربعة متجـمـعـه
مـاتـلاقـي جـوهـا في اي دار

الركام

[الركام]

بقآيآ .. حرف بقآيآ .. حرف غير متواجد حالياً
مراقب واحة البراري الشعرية


يابقايا حرف طولت الغياب
الشعر يشره ولغيرك ماشره

ياعساها سجة ماهي عتاب
الشعر يدعيك وش اللي اخره
🌹🌹🌹

[بقآيآ .. حرف]

بقآيآ .. حرف بقآيآ .. حرف غير متواجد حالياً
مراقب واحة البراري الشعرية


يابقايا حرف طولت الغياب
الشعر يشره ولغيرك ماشره

ياعساها سجة ماهي عتاب
الشعر يدعيك وش اللي اخره
🌹🌹🌹


تحياتي لك اخي ابو سعود
شاكر ومقدر لك سؤالك وهذا من طيب أصلك لا عدمتك

ما علي خلاف يا طلق الجناب
أحمد الله يا رفيقي واشكره
غيبتي بين الفيافي والهضاب
يوم وآل العرش بالغيث اعمره

بقآيآ ...

[الركام]

اهلا وسهل بك ياابو خالد

لو تروح البر لا تنسى (البراري)
واحة الاشعار تدعيك وتنادي

مثل من الغيث زين له صحاري
قطفكم من الشعر يزهر بالفؤادي

[بقآيآ .. حرف]

اهلا وسهل بك ياابو خالد

لو تروح البر لا تنسى (البراري)
واحة الاشعار تدعيك وتنادي

مثل من الغيث زين له صحاري
قطفكم من الشعر يزهر بالفؤادي


كيف ابنساكم وفي قلبي مواري
شيءٍ بقلبي لكم ماهو بعادي
ريح ركاب الذلول ام الطواري
والله ماتفرح بفرقانا الاعادي

بقآيآ ...

[بقآيآ .. حرف]

ليت القلم عن بعض الأشخاص مرفوع
عشان ما نحسب عليه الخطية

[بقآيآ .. حرف]

في رحلة التيه تقتلني عباة الظلام
من يبتسم لي واعدّه واحدن من هلي

[بقآيآ .. حرف]

مشغول ارتب وداعك كيف ممكن يكون
ما ودي اوادعك من غير لا نحتفل

[بقآيآ .. حرف]

مريت بعجاف السنين..وفي قحط شهب الشهور
والدرب موحش..كم..وكم ذيبٍ على اطرافه قنب!
يامترفه .. مافِرشت الدنيا لي زلول .. وزهور
شبعت بالرحلة ..تعب.. وارهاق.. قبل أشبع طرب!
وصلت رغم انف المسافه .. لا ورغم انف الغيور
خويي الصبر الجميل .. ومشلح سلوم العرب!!
قولي لهم يامترفه .. يقرون (ما بين السطور)
عن شاعرٍ تنضب بحور الارض ..شعره مانضب!
وقولي لهم حمّل مساحات البواخر ..فـ البخور
وش ذنبه ليا شفتها ياقاصر النظره ..خشب!!
وقولي لهم مايستحون ؟؟.. من الجراءه .. والفجور
يوم استباحوا حرمة الابداع في بعض الخطب؟؟!!
وقولي لهم من حين..الى حين..ان حصل عنده فتور:
نتيجة فراق اكثر اصحاب المواهب ..والأدب
وقولي لهم لا اعشوشب الحب الحقيقي ..بالصدور
راعيه صمته صار من فضه .. وهرجه من ذهب!
وقولي لهم من حقه ليا عاش بالدنيا.. فخور
مادامني ملهمته اللي لا تذكرها.. كتب
تمرك انفاس الصباح ..العذب .. وتجيبك ..عطور
واقلّطك على مباهيرالحفاوة ..والشبب!
معشوقتي والليل ينسج من خيوط النور ..نور
أوشك على التوديع والأشواق كتله من لهب !
وانا تلاشى من عيوني كل شي اسمه حضور!!
الا الصباحات الجميلة.. بالنهار المرتقب
يأخذني الشوق العنيف الى اقرب دروب العبور
وأقصر دروب الشوق وأقربها .. اكثر دروبي تعب
مثل ماتشتاق لتباشير اول الصبح ..الطيور
اشتاق لك ..وأشتاق ..حتى منك لأنواع العتب
واحتاج لك مثل مايحتاج الدعا.. اصحاب القبور
وانتي قريبه من شعور القلب ..وادرى بالسبب!
اليا تذكرتك اعيش احيان شي من الغرور
واشوفني أكبر حظيظ من البشر ..وأطلق شنب
ومابين تصديق الشعور ..وبين تكذيب الشعور
احيان في حالة رضى ..واحيان في حالة غضب!
بالاول احسبني على غيابك ليا غبتي ..صبور
واثرني اللي لا اذبحه جوعه على شوفك..قنب!!

لافي الغيداني

[بقآيآ .. حرف]

انا متفرج .. و كلها ..... مسئله وقت
تملى مشاهد كسرهم .. في عيوني
ماني معاتب احقر الرد .. با الصمت
حددت اساميهم .. قبل يحذفوني

[بقآيآ .. حرف]

ليتك بعد ذا العمر ما تطلب الثار
في ما مضى من وقت اول وتالي
وان كان هدك فكر هدتني أفكار
ولاني ورب الكون ساهي وسالي
يا ما بوجهي اشهرت سيف بتار
سود الليالي والصبر راس مالي
وان كان تفكيرك على شي ما صار
اللي تشوفه في ضنونك ظلالي

بقآيآ ...

[بقآيآ .. حرف]

كم مواعيدٍ علىْ أرض البال تشرق من غروبي
كل موعد فيه ذكرى جرح .. مالي عنْه صدّه
كنّ في صدري من الأحزان .. يا غافر ذنوبي
بْدويٍ شَدّد نياقـه علـى صوت الـمودّه

[بقآيآ .. حرف]

لـ امتداد الرمش (ظِل)
مَلّ، من طُول ارتحاله
من ضَلاله..
اهتدى، واصبح يِدلّ
صار تحت العين هالة..

عبدالله الكايد

[بقآيآ .. حرف]

علّمهم اني بصدرك رغم كل الزحام
وحدي تسيّدت في قلبك ، وقلبك معي !
.
علّمهم ان الشعور اللي لغيري حرااام
ولا تغير مكاني ، واختلف موضعي !

[بقآيآ .. حرف]

كل ماطار الحمام يضيق صدري
واذكر انك درب موحش ما عبرتك
.
فاقدك والشوق ماله عمر و ادري
مستحيل انك تجي بس انتظرتك !

[بقآيآ .. حرف]

يارب غصنٍ بـ صدري لو لمسته وقع
أرسل لي مْن الغمايم ما يبلّه وأعيش..
ٓ
وأزرع بصوتي سوالف ما سقاها وجع
من ضحكة الغيم، والا من حمامٍ وريش.
ٓ

[بقآيآ .. حرف]

في ذمتي مالي بغيرك من الناس
ولا كل بارق يجذب العين نوه
قلبي معك والعلم جالك من الراس
عقل على درب الوفا ما تشوه
بقآيآ ...

[بقآيآ .. حرف]

إن مرك العيد وان صافحك وان عيّدك
قل له ترى الناس في بابك فقط ذكريات
صافح وسلم عليه ولاتعطر يدك
ما للعطر في شفاه الغايبين اغنيات

[بقآيآ .. حرف]

لاترسم أحلامك .. علي ريش عصفور
تشوف حلمك .. من يديك يتطاير
مايشغلك حلم ٍ .. تحقّق علي الفور
يشغلك حلم .. ٍ واقف هناك حاير

[بقآيآ .. حرف]

جيت ياطير وادري في جناحك نبا
عندي احساس ماتسبق نباه الطيور
رح لبلقيس قبل الليل يغشى سبا
قل لها الشمس تشرق والليالي تدور
ودها تعتنق حبي هلا مرحبا
وان ختم قلبها النكران قلبي غفور
ماخلق به جهنم مابه الا ربا
جنة من حرير وجنة من بخور
مهدي بن سعيد

[بقآيآ .. حرف]

لو حضوري ماتهيا في الغياب اللي سكني
ماسألتك والغياب اللي تهيا ماسألته
...
فتش بصمتك عن اول من حمل رمح وطعني
قول كيف اني تجاهلته ولكن ماجهلته

[بقآيآ .. حرف]

قل للبلد ياخذ بصدري : مسافه
عند اختناق الشارع : بزحمة الناس

يلقى بصدري حكي : من شيّ اخافه
لـ اصبح لسان الحال دايم : وجع راس

[بقآيآ .. حرف]

تنفسّ الصبح والتمّت عليه الليال
تبي تشوف الحياة وتعرف احساسها

كأنها من كثر ماهي تعيش انعزال..
تحتاج صبحٍ يعرّفها على ناسها

فهد الغيداني

[بقآيآ .. حرف]

كنت عارف .. قبل يقرا الحبر : صوتي
انّ لي وجهٍ " حَـزَن " .. من حلم تايه

التفت .. وامشي على جـرّة سكوتي
ياكثر .. " جهل الكلام " : اللي ورايه

فيصل المهلكي

[بقآيآ .. حرف]

المره الثانيه

http://www.albrari.com/vb/showthread.php?p=2550483#post2550483

[بقآيآ .. حرف]

http://up.albrari.com/uploads/15466849071.jpeg

[بقآيآ .. حرف]

‏أنا ليش أوقف شوق قلبي على التخمين
إذا القادم أكثر خوف وشوله آصله
..
ترى اللي قدر يحرمني مواصله يومين
مع الوقت بإمكانه يغيب العمر كله

[الركام]

https://www.albrari.com/vb/showthread.php?t=90362

[بقآيآ .. حرف]

‏يا محلّي في عيوني تفاصيل الليال
والله إني معك ما عاد اعرف قياسها !
ُ
كل ما قرّبت منك شعرت إنك محال
وكل ما قوّيت نفسي لقيتك ياسها .

[بقآيآ .. حرف]

‏وين انت ياللي كل مادورت لك بين الضلوع
ماعين الا جرة اقدامك ورسمٍ مامحى
َ
وين انت غبت وطالت الغيبه وانا قلبي جزوع
والعمر تطويه اليالي والرحى فوق الرحى
َ
الله يبيحك ماتركت لعاشقك غير الدموع
اللي تهد عزوم عطران الشوارب واللحى .

[بقآيآ .. حرف]

‏لانيـب لا مغـرم ولا نيـب مشغـوف
وما هوب بيرضي مطمعي لا رضوا بـه

اغلي بدون حدود ولا ارخصت ما اروف
لا اضاع صدقـي فـ القلـوب الكـذوبـه

تقـدر تقـول انـي معقـد ومكشـوف
عيبيـن وابـن ادم يـا مكثـر عيـوبـه ."

[بقآيآ .. حرف]

‏‎غلطة عمر ندفع ثمنها من عمر ولا مفر
هذا قدر حتى ولو ماكنت احسب احسابها
ينتابني خوف الطفل واركي على جوفي الجمر
لعل يحرق ماتبقى من بقآيآ اطنابها
بقآيآ ...

[بقآيآ .. حرف]

http://www.albrari.com/vb/showthread.php?p=2552814#post2552814

[بقآيآ .. حرف]

‏طول البطا اللي ما تبرره الاسباب
عذره على وجه الظروف الشديده

و انا سكون البُعد خذني للإسهاب
حتى تثاقلت ارتجال القصيده

[بقآيآ .. حرف]

‏اللي عرفني يا سعد يجهل اش فيّ
واللي جهلني.. شاف فيني علامات
لا الدم يجري في عروق الدمَس.. ضيّ
ولا الليل فك أزرار ثوب الصباحات
سافرت منّي..للوهم.. وأبعد شويّ
ولا لاح نجم الواقع، لغربة الذات
من كثر ما نبكي على الميّت الحيّ
ماعاد فينا نبكي الحيّ لا مات

[بقآيآ .. حرف]

‏ما الله كتب لك عمر يابذرة الشيح
والقاع يرقب للغيوم، ويلوّح
وأنا هنا.. ليلٍ جفته المصابيح
خانه سنا عمره.. بعمره.. وروّح

[بقآيآ .. حرف]

‏ارجع لنفس الخطية من كذا تجربه
أخترت هذا الخطا بالذات، لأنه صحيح
وارجع احبك من أول حزن كنت أكتبه
محتاج أحبك.. عشان أحزن وأنا مستريح
أتعبتني.. والتعب منّك أحب أتعبه
حتى العتب لابدا لي من عيونك.. مديح
انا عشانك أعيش العمر ..واتغصبه
ماغرّني العمر، واحلامي تقوم وتطيح

[بقآيآ .. حرف]

‏أعيش بك نيّة حمْام .. اختار بيت الله حمَـا
وأموت فيك ظنُون كم عاشت تراوّد مرسّمي

‎ عبدالله الكايد

[بقآيآ .. حرف]

‏ما بيَّـن بعيـن السهــر هــم الاحباب ..
ودمع الحزن ما حرك احساس كمـه
احيان اسـولف له قـصـايد ولا اهاب ..
واحيـان اذوق بـقـسـوة الـبـرد سمه
‎صالح الدويان

[الركام]

غابوا كثير من الاحباب
والمنتظر مادروا مابه

ياكيف ماقلتوا الاسباب
ولا حسبتوا له احسابه

[الركام]

لـه حـنـيـن ميـر عـيـا لايـبـيـن
حالت ظروف الحيا لا تظهــره

ساكنا في القلب من عدة سنين
اذكره في السر واخفي ماجهره

[صديق الليل]

لـه حـنـيـن ميـر عـيـا لايـبـيـن
حالت ظروف الحيا لا تظهــره

ساكنا في القلب من عدة سنين
اذكره في السر واخفي ماجهره


صح لسانك يالغضنفر

ننتظر جديدك

[بقآيآ .. حرف]

حياك صديق الليل
نورت المتصفح ويا هلا