(¯`•._.•[(.... بقآيآ .. حرف .... )]•._.•´¯) [الأرشيف] - الصفحة 28

بقآيآ .. حرف

2021-11-27, 01:46 PM

يا مكبر الشرهات اصحى من النوم
عندي لك علومٍ جدادٍ خفافي
البارحه يوم إكتمل عقده نجوم
محبوبي اللي يستحق القوافي
سريتها له دون خشيه من اللوم
ورميت روحي وسط حضنه وكافي
كلمه وتغنيكم عن علوم وعلوم
( أنا هنا ) والليل رايق وضافي
وأنته وبصرك يا تسيّد مع القوم
وإلا تحمل ما تذر السوافي
يقول سلم لي على طاير الحوم
ورد الخبر له كان يبغى التعافي
واسأله عن نور القمر وينه اليوم
ومن وين له نورٍ يجي له إضافي
أما بثلاثه قله يكبر الزوم
لعل يظهر ما عن العين خافي
تراه من فوق القمر بس محروم
مصادره حوله ولاشك غافي
إن هز راسه وقال معلوم معلوم
ما عاد ينفع معه غير التجافي
وان عاود الكره بها دقت خشوم
هذا كلامي وصله يالسنافي
بقآيآ .. حرف

بقآيآ .. حرف

2021-11-30, 02:46 PM

وش قصة الشعر في تالي الزمان الدبور
حلت ركابه على قلبي وركز علم
احيا مشاعر قديمات وموت شعور
ما كنه إلا يسوي في حياتي فلم
أربع عقود مضت مالي بها من ظهور
يرفضي الشعر قبل انه يطيع القلم
واليوم نهره تفجر والقصايد تدور
لو أكتب البيت نادى اللي بعده أستلم
إن كانها خير والعقبى وراها سرور
أنشهد اني سليم وحظ منهو سلم
وإن كانها شر يا رب رحيم وغفور
بمرك تحول حقيقتها مجرد حلم

بقآيآ .. حرف

بقآيآ .. حرف

2021-11-30, 02:47 PM

أضحك لهم لو إنهم مايدركون
معنى الألم والضحك في ساعة ألم
بقآيآ ..

بقآيآ .. حرف

2021-11-30, 02:48 PM

مالت أطراف الأصابع للمعرف
وأصبحت له بصمة الإصبع قيد
وقاري النوته بدا فيها يحرف
صاغ له لحنٍ على كيفه جديد
دورو لي عيد قريب مطرف
والله إني بحاجة العيد السعيد
بقآيآ ..

بقآيآ .. حرف

2021-12-15, 11:47 AM

من شارك؟
إجمالي المشاركات: 6,757
اسم العضو المشاركات
بقآيآ .. حرف 5,054 عايد 369 الركام 278 تناهيد 175 خلود الرياض 127 ابو سلطان العتيبي 85 رذاذ 76 سراب 74 شيهانه 60 محمد آلحربي 58 حـــــارب 52 ساره الحربي 36 شطر 34 رحلة غروب 30 خوي النهار 26 عابر سبيل 26 ام الدانه 22 غيمة جده 21 نسمة هدوء 21 ذيب آجا 15 صلوا على الحبيب 10 مساعد منيف العتيبي 9 سحاب سدير 9 عذاري 9 محمد المقاطي 8 سيد الكلمات 6 أميرة البراري 6 ولد بدر 5 في عالم اخر 4 خالد الحريص 3 البارق الغربي 3 مزون الغربية 3 Abu Labeeb 3 حنين الشوق 3 المخلص 3 شاكر 2 طارق المحمد 2 غيوم عفيف 2 ابو طلال الفيفي 2 برق العارض 2 محمد آل زاهر 2 مغامر 1 صبح المطر 1 المكلوم 1 ابو عمر الحربي 1 احمد الحربي 1 عبدالهادي المفرج التميمي 1 المجره 1 ابوعدنان الجهني 1 كيف أنساك 1 غانم الضومري 1 صديق الليل 1 غزاله 1 كمال البدور 1 نوايف 1 Al-KHUSHAIBY 1تركي الحربي 1 أبا محمد 1
عبد المجيد 1 ابن حماد 1 سحاب شقراء 1 المستكشف 1 الوااا(بالله)اااثق 1

فديتكم

اللهم من كان حياً منهم فمتعه بالصحة والعافية ومن كان تحت الثراء فبرحمتك يا أرحم الراحمين أغفر له ذنوبه وأجعل قبره روضة من رياض الجنة

الركام

2021-12-16, 07:56 PM

شكرا لك ياابو خالد 🌹
رحم الله من مات وسامح من غاب وبارك في المتواجدين

بقآيآ .. حرف

2021-12-25, 01:47 PM

نعمةٍ ماهي بديني ماني مأمور بشكرها
الله يهني ملكها ويرحم قلوب الغلابه
من عصاريها تبين وسالفتنا من فجرها
ما بعد إشراق شمسه يا بعدي ليلٍ نهابه

بقآيآ ...

بقآيآ .. حرف

2021-12-25, 01:58 PM

لغز
طرت علّي بنيةٍ فايت فات
يا حي طاريها ويا حي عينه
البنت لاحيه ولا ضمن الأموات
ضاع الجمال وشوهت به سنينه
ماهي على مشهات من رادها جات
ولا جات تكرم لجل عينه مدينه
يا قربها من السعد والسعادات
ويا بعدها عن الأمور المشينه
اللي عرفها يرسل الحل ببيات
واللي جهلها يكفي يرفع يمينه

بقآيآ ...

بقآيآ .. حرف

2021-12-25, 04:59 PM

استغفلوا طهر القلوب بخبثهم
وبزعمهم نصرٌ قريبٌ دون قتال
ركبوا البغال تفاخراً وما وعو
أن البغال ومن عليها بغال

بقآيآ ...

بقآيآ .. حرف

2021-12-29, 09:09 PM

جاتك وانا ادري كلمتي ما تبيها
وأدري بها ياصاح جاتك على جرح
عامد ومتعمد ولي قصد فيها
فهمت والا أنقض الجرح بالشرح

بقآيآ ....

بقآيآ .. حرف

2021-12-29, 09:10 PM

‏يا ذا النسيم الله فينا يلطفا
وقرب ترا لي مدة بالجو غيم
بسألك عن رمز الكرامه والوفا
اللي وصاله يحيى الأرض الهشيم
أدري غيابه ماهو صده او جفا
حيث أنها من طيبها هتان ديم
واللي خلقني وعالمٍ باللي خفا
اني عليها اشفق من الاخو الرحيم
إلى لفت ناديت حي اللي لفا
وإن غابت احوالي كما الطفل اليتم
يا عل يبطي نور عينه ما طفا
ويا علها في حفظ خلاق كريم
بقآيآ ...

بقآيآ .. حرف

2022-01-08, 02:50 PM

ما هيب ليه حذفة الوجه أرتاح
شفهم ورايه يطلبون إلتفاته
قلبي سبقني لك بلا طوع يا صاح
اما اقبله وإلا اتركته في غناته

بقآيآ ...

بقآيآ .. حرف

2022-01-08, 02:52 PM

ماني بزايد طينتك بِل ياهيه
حنا بجماد وكل شي يتجمد
ما عندي إلا لا بوجه المشاريه
ولا عاد تفرق هي جهل أو تعمد

بقآيآ ...

بقآيآ .. حرف

2022-01-08, 02:53 PM

مجنون والمسرى يبي شخص مجنون
من انسنا ما شفت غير الكلايف
يالله تخيب ضن منهم يضنون
بمرك ترد ضنوهم للحسايف
نجمي سما ما عشت من دون في دون
وعن الوطى ودروبكم بالنوايف

بقآيآ ...

بقآيآ .. حرف

2022-01-08, 02:54 PM

لحفتها بشتي وفرّشتها نجد
وسميتها بنت السحاب وتسآمت
أخذتها من طاري الهم والوجد
وسميت بسم الله عليها ونامت

لشاعرها ....

بقآيآ .. حرف

2022-01-08, 02:56 PM

ما بغى الهديه منك ساعه ولا ورد
الوقت ما حسب له ولا الورد اشمه
انا يا ماء عيني ذبح صدري البرد
وصدري ما يبغى غير صدر يضمه

لشاعرها ...

بقآيآ .. حرف

2022-01-08, 02:57 PM

لو للسحايب يا طويل الهدب سوق
شريت لك برقٍ رهيف وسحابه

لشاعرها ...

بقآيآ .. حرف

2022-01-08, 02:58 PM

حاولت فيك وصرت كنك ولد نوح
ناداه ابوه ولا ركب فالسفينه

عايض العاطفي

الركام

2022-06-21, 08:31 AM

لو تمرون اعذروني عن غيابي
والعذر مني لكم في كل حالي

مالقيت لكم عذر زاد اغترابي
ولا لقيت احد يجاوب عن سؤالي

كل ماوادعت جاني لي عتابي
مايصير موادع الغالي لغالي

خايف اخطي وينزل بي عذابي
ليتكم خفتوا ولا جاله مجالي

المفارق صير ديار خرابي
والرجوع اظنه بعيد ومحالي

الركام

2023-01-28, 10:57 AM

هو احد قال وينك
هو احد مر وسأل

الركام

2023-02-24, 05:12 PM

لياحام فـكرك في السنين القديمه
واليا شـكى قلـبـك وبين حنيـنــه

وصارت حياتك دون طـعـم وقيمه
ومـلـيــت حاضــرك وتولاك شينه

وبـين عليـك الكـبر وقـل العزيـمـه
وقل النـظـر قـريـب وتـقـول وينــه

ورجلك بدت تقصر ولا هي سليمه
وشكيت سمعك كن في الاذن طينه

وبديت تشكي امراض جسم اليمه
تراك بـاد فـي سـنـيـن حـزيـــنــــه

عشها على ماجات لو هي ظليمه
ولو شفت فيها ميل ولوهي غبينه

الوقت لو يصفي يجي فـيه غيمه
والمـوت لو طـولـت ياتي بحـيـنــه

رجـواك في ماض تراهـا عـديمــه
وسـجات فـكرك ماترجع سنينـــه

مابـه حـياة دايـم مـسـتـقـيــمــــه
ومابه كـمال الا ونـقـصه قريـنـــه

شيمتك عن دنياك خصـله كريمـه
ودنياك سـخـرهـا للاخرى عـوينه

لا تنخدع غـرقـان وتـقـول ديمـه
هذي الحياة وسرعهــا عارفـينــه

وصلاة ربي عد ماقـفــت مقيـمـــه
واعداد مايقسى الزمن عقـب لينه

ابراهيم بن سعود الخريف

الركام

2023-09-01, 09:02 AM

‏وقُل للغائِبينَ بِلا إيابِ
‏حَنِيْنُ القَلْبِ يُرْجِعُكُم بِبَابي
‏:
‏فلا يَخْفَى على منْ مَرَّ أنِّي
‏هَجَرْتُ الدَّارَ من بَعْدِ الغيابِ

الركام

2023-09-01, 09:04 AM

كل مامريت قلت القى جديد
واثر وعد الوقت حلم مايصيب

قلت يمكن نجتمع في يوم عيد
مادريت ان السبب هو النصيب

الركام

2023-09-01, 09:05 AM

ماعاد اميز متى الخميس والجمعة
ولا الغداري والا النسناس والقمرا

ولا السوالف ومتى الاصحاب مجتمعة
معاد باقي معي منها سوى الذكرى

الركام

2023-09-02, 05:20 PM

كـل يـوم نـحـتـري يـوم جـديــد
وكل يوم نحتري شمسه تغـيـب

نطلب ان اعـمـارنا فيهـا مـديـد
وودنا بالوقت يمضي ياعجـيـب

نطـلـب اللي نازح عـنـا بـعـيــد
ونزهد بما في يدينا والـقريــب

الـزمـن في دورتـه كـنـه يـعـيــد
لا جـديـد لكن ان امره غـريــب

الـعـمـر يمضي وحـنـا مانـريــد
ولا يفيد علاج ولا طب وطبـيب

جاهل من يحسب ان عمره يزيد
وجاهل من يحسب انه مايشيب

والامـل في كـل يـوم يسـتـزيــد
وكل منا يحسب لوقـتـه رقـيـب

كـل ماجا يـوم قلنا بنـستـفـيــد
وكـل حلم راسميـنه مايصـيـب

والـنهـايه قـبر توضع بـه وحـيـد
وتوزن اعمالك ولك رب حسيب

والـحيـاة الـدايـمـه كانك تريــد
جـنـة ومـن طاع ربه مايخـيــب

ابراهيم بن سعود الخريف

الركام

2023-09-04, 09:37 PM

الفراق يعـد من احــد المصــايـب
منه تاخذ لونها ســـود الليالي

كم عرفنا من صديق ومن قرايب
وكم ديار عقبهم صارت خـوالي

الركام

2023-09-08, 05:38 PM

آه من طول انتظاري صار كل الوقت ضدي
اعترف واقول ماني قادر وخصمي زماني

آه من كل الـجـروح اتزيد وانا اقــول حدي
عارف واقـول ابا جــرب ولو تصــفي ثواني

ماهـقـيت ان الزمــان اللي تحـداني يهـدي
كيـف واني عارف ان الوقـت هذا قـد نواني

عارف ان اللي بقى من العـمر ملزوم يعدي
واتشـــوق للسنين المـقبـله والنــقــص باني

نحـتري يوم جــديد وعــارفين لاجديدي
مير بنهون على النفس وبنعطيها الاماني

قلت بعض وكاتم اللي ساكن بالصدر عندي
مـاحـد يعشـق حياة وعـارف ان العـمر فاني

وانت يالـمـخـدوع في دنياك مـلزوم تـهـدي
اعتبر بالمـاضي اللي صــوره لك من يعـاني

من تصـورها على الواقـع بـيقـنـع بالـنفـادي
ويعـلم ان العـمر مهـما طال مـابه عـمر ثاني

يازمان كــل منـا صــار يشـــكي ولا يفـيـدي
غـارقيـن في بحـــور لابـها ســـفن ومــــواني

ياعسى الله يجعل النا في تواليها السدادي
ونختمها بخير الاعــمــال ونوفق بالجناني

والختم صلوا على محمد رسول خير هادي
الشفيع اللي يشــفـع يوم تهنـانا التـهاني

ابراهيم بن سعود الخريف

بقآيآ .. حرف

2023-09-09, 10:50 AM

ليتني يوم نفسي طالبت بالحياه
عن هواها واملها غصب رديتها
رجعتني على درب القصيم وغثاه
وجرعتني من الصبره وحلتيتها
ذا مريضٍ وهذا طاح ما احدٍ رماه
ماهي ذي الحياة اللي تمنيتها
وابتلشت وبلشت وجر ذيبي عواه
كنه يقول حايل ليش خليتها
بقآيآ ... حرف

الركام

2023-09-18, 08:27 AM

يابقايا حرف حرفك لا يغيب
كل يوم نحتري منك الجديد

الحظور يقول وينك يالحبيب
طالت الغيبة عسى عمرك مديد

الركام

2023-09-19, 09:23 AM

متواجدين الآن بالموضوع : 95 ( الأعضاء 1 والزوار 94)
‏الركام
🌹🌹🌹🌹🌹🌹🌹

الركام

2023-10-03, 05:05 PM

حـبي انا مخـلـوط به هــم مشقيـــه
وضحكي بعد مشروك به حزن يمحيه

حـبي وضحـكي صار معاد يمديه
الهـــم والاحـــزان صــارت تباريـــــه

الركام

2023-10-03, 05:07 PM

مالنا في زمــان الـجـحد اي اعتراض 
الصبر في المواقف خير في كل حال

  لـو تبين عليـك وكـل مـافيك فــاض 
قـالـوا الناس ماله حـل غير العقال

  كـل رجـل تميز جلسته في الفـيـاض 
ليا تخير بعضها وعن بعضها استمال  

قانع لو خسر فيهـا ولو مـاستعـاض 
مـاسك في يده مر ومرخي الحـبـال

  له مع الوقت موعد لياسنا البرق ناض 
شاش ماقال عندي واحتمال احتمال  

عارف الوقت يمضي ماشي ماستراض 
يدركـه كان يبغى وباقـي لـه مـجــال  

عايش بقلب صافي ناصع بالبـيـاض 
خير له في حياته وخير بعد ارتحـال  

وانت ياللي تدور فـي سنين ومـاض 
احتكـم للـعـقـل تنسى وياتيك فـال  

لو ملكت وسلبت ولو حكم فيه قاض 
لا تحسبك ظفرت ونلت شـي حلال

  لا تداحم على الدنيا دحام الحيـاض 
ينفرج كـل هـم ليـا مشـيت بعـدال 

ابراهيم بن سعود الخريف

الركام

2023-10-04, 09:22 AM

المتواجدين الآن بالموضوع : 1095 ( الأعضاء 1 والزوار 1094)
‏الركام

💐💐💐💐💐💐💐💐💐💐💐💐💐💐💐💐💐💐💐

الركام

2023-10-04, 09:23 AM

https://vt.tiktok.com/ZSNLHLbAS/

الركام

2023-10-04, 01:47 PM

المتواجدين الآن بالموضوع : 1246 ( الأعضاء 1 والزوار 1245)

💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐

الركام

2023-10-05, 09:12 AM

مليت أنا من الذراء ودي بمشراف
ودي أسافر ولو مدري على وين

ودي أسافر ولا تطرون مهداف
ونضيع الدرب وتضيع العناوين

الركام

2023-10-05, 09:14 AM

https://twitter.com/saudthamr/status/1349393251443363842?s=24&t=hJwih9FN4bt5nFUapClmCw

الركام

2023-10-08, 09:04 AM

ياسنين العمر لو تمضي سراع
خير من تاقـف على حال وملـل  

مـانــبـي زود ولا حــنـا طـمـــاع
ولا نـبـي فـيهـا قـصـور ولا فـلـل  

نرتجي ممشى الوسط حنا قناع
شـايفين الـميـل فـيـهـا والـخـلــل  

لا لـنـا فـيهـا شبر او طــول بــاع
ولا طمعنا بارض او جمع الهـلـل  

نرتجي التعويض من رب مطاع
يـنـعـم بخـير ويحـفـظ من الزلل

كـل مـانرجي مـن الـدنيـا مـتـاع
زايل ويعـقـبـه في الغالب عـلـل 

زيـنـهــا كـنـه سراب وســط قــاع
لا سقـا الـضمـيـان ولا يلقى بلـل

ان هجرت الناس قلوا ذاك ضاع
وان تبعت الناس اكثرهم شلـل

ان بغيت تعيش سالم فـالـوداع
وحـدة خـير من جـمـوع وكـلـل

مايجي في مجاور البعض انتفاع
لـو طلبت اقـل من ماء الطـلــل

تاركين الحـق منـهـجـهـم ضيـاع
ناهـجـين في مذاهـبهـــم مـلـل

 ابراهيم بن سعود الخريف

بقآيآ .. حرف

2023-10-24, 10:30 PM

يابقايا حرف حرفك لا يغيب
كل يوم نحتري منك الجديد

الحظور يقول وينك يالحبيب
طالت الغيبة عسى عمرك مديد
طبت يالطيب عسى فالك يطيب
بأمر من نزل تبارك والحديد
غيبتي ما عاد هي شي غريب
أبدويٍ كل يوم في شديد

بقآيآ ...

بقآيآ .. حرف

2023-10-24, 10:32 PM

الليله الملعون لابس معمه
وجنٍ تساند له وإنسٍ له سنود
عرّض وأنا غافل ولانيب يمه
العرضه اللي تقلب البيض للسود
وحسيت من نفخه ونفثه وسمه
إن الأمر تاليه ماهو بمحمود
وأعرضت خايف لا أجيب المطمه
وألحق لهيب النار ملحٍ وبارود
يا خالقي من دون همه وغمه
ألوذ بك يا رب يا خير معبود
بقآيآ ...

بقآيآ .. حرف

2023-10-24, 10:43 PM

لا ترمي الأشجار ما به عصافير
كل الطيور مهاجره ما تجيها
حتى الثمر يالله دخيلك طلع غير
وأغصانها وأوراقها لك عليها
بقآيآ ...

الركام

2023-10-31, 04:33 PM

وليل أضلّ الليل فيه طريقه
فلم يدر لما ضل من اين يطلع

سهرت به أرعى الكوكب والكرى
عصي على الأجفان والدمع طيع

الركام

2023-10-31, 04:34 PM

إلا أيها الليل الطويل إلا انجلي
بصبح وما الإصباح منك بأمثلي

الركام

2023-10-31, 04:40 PM

ياليل لوك ليل كان اسفر الصبح
لكن اظنك ظلمــــة سرمديــــــــة

نرقب طلوع الصبح لعل به ربح
لوه شبيه مثل وقت العشيــــــــة

ابو سعود

الركام

2023-11-07, 04:30 PM

السنين تدور مير الوقت عله
نشتكي من سرعها ومر نتضايق

نحتري وقت يجي ومسرع نمله
حارت الافكار مابه جو لايق

الركام

2023-11-08, 09:36 AM

نستعجل الايام واعمارنا ايام
والشيب يطغى والاماني فتيه

نهاري اقفى واجمل الحلم قدام
والحال يضعف والهقاوي قويه

الركام

2023-11-13, 04:43 PM

ان روح الوقت ليت الوقت له رجـعــه
وان وقف الوقت ليت الوقت له مسرى

ان جـاني الليل ادور للسـفـر لـمـعـه
وان جاء النهار اهتويت الصد والفرقا

معاد لي في توالي الوقت ذا طمـعـه
ماغير يطـري على الـمـوت واتحرى

الركام

2023-11-25, 10:40 AM

ما مر ذكرك إلا وابتسمتُ لهُ
‏كأنك العيد ، والباقون أيام !

‏أو حَامَ طيفك إلا طرتُ أتبعه
‏أنتَ الحقيقة والجلاس أوهام

بقآيآ .. حرف

2023-11-29, 09:00 PM

إنتهى الموضوع عدل للكراسي
لعبتك هذي عواقبها فشيله
كان لك حقٍ علّي مشروب كاسي
قدم الحجه وقدم في دليله
لا تخليني احطك وسط راسي
مالك بدربي ولا لك في سبيله
أدري إني مخطي من راسي لساسي
واعترافي بالخطأ طيب وفضيله
الخطأ أني ساكتٍ مع قو باسي
ولا لحقت الناس بهروجٍ هزيله
عايشٍ بين التغاضي والتناسي
صابرٍ وارجي من الله الجزيله
بقآيآ ... حرف

الركام

2023-12-01, 04:27 PM

على كل حال الناس ملت من الترحال
ومشوا في طريق ماشي فيه سابقهم

تدانت خطاهم ثم ردوا مع المحوال
وخلـــوا حلـــوم راسمتها امانيهـــم

الركام

2023-12-04, 09:12 AM

تضيق الصدور ونجتهد في مداواها
ولو مايفيد نقول هذا من الاسباب

نعسر النفوس ومالها غير مثواها
ونعرف طبيعتها ونسعى وراء الكذاب

الركام

2023-12-17, 09:20 AM

اماني كثيرة لكن الـواقـع انـه غيـر
وخيال جميل وكل ماجيت ماتلقاه

نعيش الحياة ونعرف فيه شر وخير
ونرقب لقاه و لو هو يقرب لفرقاه

بقآيآ .. حرف

2023-12-20, 06:04 PM

لا تحزني توك بسن البراءه
الوجه ذا ماهو للاحزان لايق
خليه لي وانا كفيل بدواءه
لا يا بعد كل البشر والخلايق

بقآيآ ...

بقآيآ .. حرف

2023-12-20, 06:07 PM

أوجعتم ظلالي حرام أستريحوا
خلو لباكر من جهدكم لو شوي
واذا اطلعت شمس الضحى أستبحوا
ظلي إلين يحطكم تحت رجلّي

بقآيآ ...[/b][/size]

بقآيآ .. حرف

2023-12-20, 06:10 PM

يا سحابة صيف لو نوّك يصبي
ما يبل ارضي ولا يروي ضمايه
ما بعد دمع العيون وموت حبي
غير حبرٍ تنكتب فيه الروايه

بقآيآ ...

الركام

2024-01-26, 04:22 PM

ابطيت عنكم رغبة في نداكــــــم
لكن اشوف القرب والبعد سيان

ياليتني ماقلت اجرب غلاكـــــم
واخترت اقسى شي اختر نسيان

الركام

2024-02-04, 04:36 PM

قامت علي هموم بقعا تحامـا
‏ياطلعة الجوزا متى طلعة سهيل

‏ماني بـ غصنٍ بالهبوب يتوامـا
‏ركـنٍ تذرا في حجاه الرياجيل

‏لكن تبكينـي دموع اليـتامـا
‏وتشاف في وجهي وسوم الغرابيل

‏بالله يامجمـول كيف نتساما
‏والحب يجبرنا على سكة الميل

‏حنا نشاما وانت شوق النشاما
‏صاحيـن لكن بالمحبـه مهابيل

‏مخضار قلبي والنفل والخزامى
‏تدهـر بهجرك وتحيـا بالمواصيل

‏ياما تمثنيـت المتاعب وياما
‏حرمت نفسي من شراب الشهاليل

‏وان كان بعد الحب مافيه لامـا
‏غير السهر والشعر مابه محاصيل

‏عزام الشعيفاني

بقآيآ .. حرف

2024-02-06, 11:03 PM

العام مثل اليوم واليوم مثل أمس
والمقبلات من الليالي تشابه
لا فرحةٍ أرجي ورى طلعت الشمس
ولا قرارة عين لحظة غيابه
مدري عجاف سنين يالخاطر العمس
مدري ولكن فاقدين الرحابه

بقآيآ ...

الركام

2024-02-07, 09:17 PM

الناس تشكي لكن تقـولهــا همس
كل كتم مــاجــاه ومحد درى بــه

واليوم بنوضح ولا عــاد به طمس
انــه سبب كــل الحزن والكابــه

وانه سبب ماصار للقب من حمس
وليت الـقـلـوب تصير فيها لبابــه

الركام

2024-04-23, 05:34 PM

المتواجدين الآن بالموضوع : 652 ( الأعضاء 1 والزوار 651

💐💐💐💐💐💐💐💐💐💐💐💐💐💐💐💐

الركام

2024-04-24, 05:00 PM

على طبعها الايام ماتسعد المحتار
يدور سعدها وماسلم من مكابدها

تعجل فرحها وكل ماخاف منه صار
يبي مثل غيره مير واجه معاندها

الركام

2024-04-25, 08:00 AM

المتواجدين الآن بالموضوع : 1335 ( الأعضاء 1 والزوار 1334)
💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐

الركام

2024-04-25, 08:54 AM

https://www.albrari.com/vb/showthread.php?t=40517

الركام

2024-04-26, 05:34 PM

كل غايب يجي له وقت ويحده
كـان لـه نية يرجع وناويـــها

مير اشوفه نوى بيطول المده
وحال يأس اللقاء ماعاد يطريها

الركام

2024-04-27, 05:15 PM

https://youtu.be/yXVk21gDFds?si=N2Jiagz4XHjaFtI5

الركام

2024-05-01, 04:16 PM

https://youtu.be/d1fNTynmnLs?si=GCACtJZBP-6CcLO5

الركام

2024-05-04, 09:49 AM

الله يرحمه ويغفر له
‏فقيد الوطن ولادب والشعر بدر بن عبدالمحسن

الركام

2024-05-04, 11:21 AM

اعدها سنين غيري مايراها شهر
واعدها شهور غير ماعتبرها زمن

مدري عن اسبابها لكن اكيد السهر
من جرب البعد ماله في حياته امن

الركام

2024-05-04, 05:08 PM

الموت يبقى نذير حاضر لو بعد
لكن ترقب وخلك مستعد ان حضر

في ساعة جاك مايخلف عليك الوعد
في البادية ساكن وسكن في الحضر

الركام

2024-05-04, 09:35 PM

الموت يبقى نذير حاضر لو بعد
لكن ترقب وخلك مستعد ان حضر

في ساعة جاك مايخلف عليك الوعد
في البادية ساكن او ساكن في الحضر

الركام

2024-05-08, 08:55 AM

كل مااقبل علي الليل قلت الـــصـــــباح
وان بدا الصبح يظهر قلت ياليت ليـــل

ضاق صدري ولادري وين بلقى انشراح
كــل وقت علـينــا صاير فيـــه مــيـــل

الركام

2024-05-13, 05:50 PM

اصبروا صبرا جميل
صيفنا اللهب طويل

صبر على صيفنا صبر جميل
لين يـبـدي براد من جــديــــد

حر شمسه وبـه يـوم طويــــل
اذكروا فــيه يـوم للــوعــــيــد

الركام

2024-05-14, 11:04 AM

الايام ماتبقى على حالـهــا وتدور
ولا به حياة تستحق التعب والهم

ولافيه احد دايــم سالي مسرور
ولا بد له مادام حي يصيبه سهم

الركام

2024-05-15, 05:58 PM

ابحث عن الايام في داخل العــام
ولقـيتهـــا متشــابهه مابهـــا فرق

لاحاضر عشته ولا صارت احلام
ماغير ايام سرقهـــا الزمن سرق

الركام

2024-05-20, 11:05 AM

القلب هو مسكن هواي و مقره
والعشق مغروس ولاهو مذله

ناس كواها العشق واخر يسره
والناس مع طول العمر ماتمله

الركام

2024-05-22, 05:47 PM

اسير عليكم مامعي شي اقــولـــــــــه
وليا شفت جمعتكم نويت و تهيالي

ولكن ياليت برد ولو جاب منقولــــه
على شان مايسري صدى صوتي لحالي

بقآيآ .. حرف

2024-05-31, 08:15 PM

لا تحاول جرني للذكريات
عندي الحاضر عن الماضي أهم

بقآيآ .. حرف

2024-06-01, 03:25 PM

من أول أدور على الفيه وعيني للظلال
واليوم ما يفرق معي برد الحياة وحرها
اللي جنينه من حياتي كلمتين وراس مال
إن كان ما سريت نفسك ما حدٍ بيسرها

بقآيآ .. حرف

2024-06-01, 03:28 PM

على النقا يا ليل وقلوبنا بيض
نعشقك لكن ما خذينا سوادك
بقآيآ...

بقآيآ .. حرف

2024-06-01, 03:33 PM

بين المسيح وفتنته كم دجال
من بيننا فتنه وكم منفتن به
نسوان عادي بس مشكلته رجال
قطع أطناب ولا قطع غير طنبه
تقذف به الاهواء من جال لا جال
ويشره على المذنب ولا شاف ذنبه

بقآيآ ...

بقآيآ .. حرف

2024-06-05, 12:03 PM

ما فاز فيها إلا أنت يا حزام الأمان
ضميت ناسٍ ما قدرت أضمها

لشاعرها.....

الركام

2024-06-20, 09:58 AM

اظن مابه جديد دام قلبه حـــديــد
مافاد صبر ولا حتى تفيد السنين

ولا فاد قول القصيد ولو يجي يوم عيد
كل المعانات بانت ولاظهر به حنين

الركام

2024-07-02, 06:09 PM

ماعاد يمدينا على تالي الوقت
اقبل علينا الليل والشمس غابت

وكن العمر على المنبه موقت
محسوب وقته بالثواني وثابت

الركام

2024-07-27, 05:45 PM

لا عاد ترجي تالي الوقت تحصيل
الا السلامـة واعتبرها غنيـــمـــــة

لا تجتهد وتعدلـه خوفـــه يميــــل
الـوقت هـذا صاير دون قـيمـــة

الركام

2024-07-28, 05:59 PM

على خاطري دنيا فسيحة وكثرة مال
وكثر الـهــقــاوي ماتوصلك للقمـة

هقينا هقينا مير ماجت على الامــال
وظروف الزمان القاسية جات ملتمة

الركام

2024-07-31, 05:51 PM

المتواجدين الآن بالموضوع : 1537 ( الأعضاء 1 والزوار 1536)
💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐 💐💐💐💐💐💐💐

الركام

2024-08-02, 05:31 PM

يوم تالي الزمان اعتل والوقت شان
كـل شي رخص مـاباقـي لـه ثمـن

واضح من توالي الوقت ماله امان
وكـل شي رفيع في النهـاية طمـن

الركام

2024-08-05, 05:05 PM

لـو يريد الله يقرب كــل شي قــربــه
البعيد اللي جفانا والصديق اللي نسى

كل عمر من الزمن يعطي دروس وتجربه
بين حزن وبين ياس وبين لين او قسى

الركام

2024-08-10, 05:06 PM

لا تدور في دروب العشق راحه
لا تزينـهـا حلومـك والامــاني

لا تحسبه مثل مشيك للسياحه
لو تسكر درب تلقى درب ثاني

الركام

2024-08-12, 05:02 PM

عسى مايجي للوقت ضد ونشقى به
عسى مايميل الحمل في تالي الحالي

عسى مانشيل اثقال حمله ونرقى به
ونتعب ولا نعرف اليا صار محوالي

الركام

2024-08-24, 04:47 PM

لولا الاماني والخيال البعيدي
ماكان جينا ننتظر كل غايب

وماكان نحلم في زمان سعيدي
ولا نسوي له فعول وسبايب

الركام

2024-08-24, 05:11 PM

الحلوم اللي رجينا مستحيله
والهجوس اللي هقينا ماتجينا

يوم بين صار مافي اليد حيله
والحياة امواج نمشي دون مينا

الركام

2024-09-10, 04:55 PM

كل يوم على هالحال نرقب جديد
ولو يجينا الجديد نقول هذا قديم

عمرنا ماتلاقينا ولا جا البعيد
مير للعمر وقف وكل حلم عديم

الركام

2024-09-14, 04:38 PM

مليت انا من الذراء ودي بمشراف
ودي اسافر ولو مدري على وين

ودي اسافر ولا تطرون مهداف
ونضيع الدرب وتضيع العناوين

الركام

2024-09-14, 05:06 PM

الجـــو لا بد لـه دورات ويزين
اغنم زمانك قبل يصير به ميل

يزين ويشــين ثــم يزين ويشـين
ومنه ترى يروح جيل من بعد جيل

الركام

2024-09-30, 08:01 AM

https://x.com/almalki_muslihe/status/1808547140823912926?s=46&t=c7kDdXKUejZAVt6RAFV60g

الركام

2024-10-08, 08:28 AM

تراني على صبري ولانيب متحسف
وجودي خيار نابع من ضمير حي

ولو مايجي منكم احد قال متأسف
ابجلس لحالي لين نفنا ويفنى الشي

الركام

2024-11-03, 03:46 PM

الناس جاها السيل من الجال للجال
وانا على هـالحـال من دون غــيـمـة

وانـتـابع الـنـشـره ونقـرأ للاحــوال
ومـابه جديد وكنـهــا من قـديـمـه

وهـذا ترا طـبـع قــديــــم ولا زال
لديارنا مـال الـمطـر به وسـيمـــة

ياحـلــوة ملت من سنين المحــال
ليتك على خط المطر به مـقـيـمــة

او لـيت خـط للسرطــان قـد مـال
ويزين جوك وللوسم فيك قـيـمـة

الله يغـيـر حـالـنـا لاحسن الحــال
ويغـيثـنـا ربي بسـيـل وديــمـــة

ابراهيم بن سعود الخريف

الركام

2024-11-19, 04:06 PM

راح العمر مابين حلم وياليت
الحلم للقادم وياليت ماراح

نبي جديد ونادمين لما فات
ونعيشها مابين افراح وتراح

الركام

2024-11-20, 08:19 AM

ياليل لوك ليل كان اسفر الصبح
لكن اظنـك ظـلـمـــة سرمديــــــة

نرقب طلوع الصبح لعل به ربح
لو هو شبيه مثل وقت العشية

الركام

2024-11-30, 11:09 AM

كل ماصد واقفى جاء جوابه وقال
غايب ولا جديد عندي اقدمه

ليت يحضر وبياتي مع حظوره مجال
من سبايب غيابه مابنيت اهدمه

الركام

2024-12-29, 04:29 PM

ضاعت الاعمار نرقب للجديد
والاماني والامل عمره طويل

ومع سنين العمر يتاكد اكيد
ان حلم اليوم يعقبه العويل

بقآيآ .. حرف

2025-01-27, 11:28 PM

يا بير يوسف طاحت أحلامنا فيك
والقافله مرت ولا طلعتنا

بقآيآ .. حرف

2025-01-27, 11:34 PM

ليتني ما جيت لديار الشمال
ولا ذكر لي بديرة القاعد ذكر
جددت جرحي عنودٍ به جمال
تشبه المحبوب حتى ف النظر
طار له قلبي و ناديته تعال
قلت صبرك قال ما عندي صبر

بقآيآ ...

بقآيآ .. حرف

2025-01-28, 12:07 AM

أسمك سما ينظم لك النجم مسباح
يا ديرة المذنب ويا حي ديره
ما جيت لك عابر ولا جيت سواح
جيت أشتكي لك من نجوم الظهيره

بقآيآ ...

الركام

2025-02-01, 10:31 AM

اواعد القلب بالامـال ويخـالـف
يدري بحالي ولا يجامل ولا يأمل

وانا بعد عـارف واقـول له حـالـف
ويشوف وضعي ولا جاوب ويتأمل

الركام

2025-02-17, 09:06 AM

لا عاد تطري للسنين القديمة
ولا ترتجي عمرك يعود شبابي

وترا ياليت وليت من دون قيمة
واحذر تفرط عقب ما الراس شابي

بقآيآ .. حرف

2025-03-01, 12:52 AM

مبارك عليكم الشهر الكريم
تقبل الله منا ومنكم الصيام والقيام وكل عام وانتم بخير وصحه وسلامه يارب

بقآيآ .. حرف

2025-03-30, 01:47 AM

عادت أعيادكم وتقبل الله منا ومنكم الصيام والقيام
وكل عام وانتم بخير وصحه وسلامه يارب

بقآيآ .. حرف

2025-03-30, 01:51 AM

مع فارق التشبيه بالناب والسيف
ضحكات سنك ما ترجع شبابك
تجين وإلا ما تجيني على الكيف
يا دنيتي ماني محسب حسابك
أنا بدوي ما لحقت شيء بتحاسيف
والله ملهمني وقاري كتابك
بدري عليك تكسرين المجاديف
ولي نور من ربي يجلّي ضبابك

بقآيآ ....

بقآيآ .. حرف

2025-03-30, 01:54 AM

خذ كلام العقل وأترك للمحرّف
دامت الأعياد يا عيدي الجديد
جيت لك كلي وكلي بك تشرّف
يا بعد من قال أنا للغيد سيد
مير خل الباب يا عيدي مطرّف
والله إني بحاجة العيد السعيد
عيد فطر وعيد أضحى وعيد شرّف
والأخير أكيد هو بيت القصيد

بقآيآ ....

الركام

2025-04-08, 01:56 PM

ماعاد يطري على خاطري بيت
ولا يدور بهاجسي شي اقوله

مدري جفاف او انا منه مليت
مدري عن الاسباب ومن هي فعوله

الركام

2025-04-27, 07:50 AM

ماكنت ناوي امر وجيت
وما كان لي خاطر في شي

اشوف من جاء اليا مريت
واجامل الوقت وابقى حي

بقآيآ .. حرف

2025-04-27, 11:51 PM

ماكنت ناوي امر وجيت
وما كان لي خاطر في شي

اشوف من جاء اليا مريت
واجامل الوقت وابقى حي
يا وقتنا قل وش سويت
ما كان لي صار ما هو لي
كل التحايا لذاك الميت
من غاب نوره فقدت الفي

بقآيآ ...