البداية (قروب الأحبة) فلقاءات رمضانية ..في فطور المحمدية =: لقاء خاص :=

[عبدالهادي المفرج التميمي]

السلام عليكم ورحمة الله وبركاته
البداية تعارف عبر أحد القروبات في برنامج whatsApp الشهير
وقد جمعنا في هذا القروب الزميل عبدالرحمن بن عبدالمحسن المعمر
ويضم القروب مجموعة من الأخوة جمعهم الإسلام ومحبة الاخوة في الله
وهم
مدير القروب عبدالرحمن المعمر
الاعضاء
خالد العمر (دكتور بر) مشرف بمنتدى مكشات
وائل الدغفق (رحال الخبر)
د حماد الريس محاضر بجامعة الملك سعود دكتوراه في الشريعة
صالح الهدلق (الباخص) ومؤسس موقع الرحالة العرب
عبدالعزيز الفيصل (صقر المجزل)
سامي الجار الله مقدم برامج في قناة المجد
عبد الله المهيدب المنشد المعروف
====
وقد اعتذر البعض لضروف خاصة وقد عذرناهم
البداية اتفاق على موعد اللقاء
وكان يوم الأربعاء الموافق 20-9-1433 هـ
في منزل أخينا ابو إبراهيم (عبدالرحمن المعمر)
وقبل غروب الشمس كان اللقاء حسب الكروكي المرفق لنا ( الله يخلي لنا القارمن)



اخوووي الباخص واقف عند الباب

اجتمعنا قبل المغرب في انتظار موعد الآذان
ومع آذان المغرب افطرنا على بركة الله ( اللهم على زرقك أفطرت)
=====
طبعا ما استعجلنا في الفطووور لان امام المسجد معنا >>>> ماخذ رااااااااحتي
وبعد تناول الافطار توجهنا لصلاة المغرب





عبدالعزيز الفيصل - ومحدثكم وبين ضايق صدري علشان السيارة



عبدالعزيز الفيصل - عبدالهادي - سامي الجارالله - صالح الهدلق - وائل الدغفق - خالد العمر



عاااد عقب الفطور فتحت عيوني للسواليف
لاني كنت متضايق وعطشان لاني يوم دخلت الرياض صابتني عين
انفك مسمار الباكم حق فحمات ورى وصار يحط بالجنط والمشكلة المسمار الفوقي
وصارت اسيارة ريوس تمشي لن قدم ابدا يحك في الجنط ويدقر له
دقينا على سطحه وواعدنا الساعة 8.30 يعني وسع صدرك يا باو نااااصر



رحال الخبر وحوووار جميل عن رحالاته وانصات من اخووي دكتور بر



سامي الجارالله والباخص وتفكير عميق في الجلسة





اخذتنا السوالف والنقاشات الجميلة وكان اخووي دكتور بر ما شاء الله مدير الجلسة
فقد كان حديثه لا يمل مع اخي رحال الخبر وكلام كثير عن الرحلات الداخلية والخارجية







ثم ناقشنا بعض الموضوعات المتعلقة بالبراري وكيفية تطويرها للافضل ومنها قسم الرحلات والبيئة
وكذلك مناقشة مراسلي الشبكة في المملكة والخليج والدول العربية وكيفية تطويرها
وتبووون الصدق اخووي خالد العمر كان مميز في افكاره فجزااااه الله خير
بعدها قلطنا على العشاء وكان على طلبنا من غير تكلف ولا تبذير







تابعوا اخووي سامي الجارالله وقصة عجيبة وحنا نتعشي
ليتني اتذكر وش كان يقووول
تراااه اللي يسااااار اقرب واااحد



شكل فيها مصارعة السالفة



وانتهت بالضربة القاضية





شكلي طولت السالفة عليكم وكثرة في الكلام
طلعنا من البيت الساعة 8.15 على سيارة الباخص وودانا لسياراتنا الخربانه
وبعد ما صلحناها توجهت انا ورفيقي لتمير والباقي مدري وين راحوا له ؟؟؟
اكيد راحوا يصلووون يا هويدي

ختاما اتقدم بالشكر لكل من قابلتهم في بيت اخووي ابو ابراهيم
ولنا موعد بإذن الله بعد العيد ....... لاني بجد اشتقت لكم
مشكووووورين





سلام