#1  
قديم 2012-01-01, 08:00 PM
الصورة الرمزية كمال البدور
كمال البدور كمال البدور غير متواجد حالياً
مراقب واحة البراري العامة
 
تاريخ التسجيل: May 2009
الدولة: الاردن
المشاركات: 16,182
كمال البدور is on a distinguished road
Arrow قصيده للشاعر بديوي الوقداني .....

قصيده للشاعر بديوي الوقداني عليه الرحمة من الله

أيامنــا والليالــي كــم نعاتبهـا
شبنـا وشابت وعفنـا بعض الأحوالـي

تاعد مواعيــد والجاهـل مكذبهـا
واللي عرف حدهـا من همهـا سالـي

إن أقبلـت يوم ما تصفـى مشاربهـا
تقفـي وتقبـل وما دامـت على حالي

في كــل يوم تورينـا عجايبهـا
واليوم الأول تراه احسـن من التالـي

أيـام فـي غلبهـا وايـام نغلبهـا
وايام فيهـا ســوا والدهـر ميالـي

جربت الأيام مثلـي من يجربهـا
تجريب عاقل وذاق المــر والحالـي

نضحك مع الناس والدنيا نلاعبـها
نمشي مع الفي طوع حيـث ما مالـي

كم من علومٍ وكــم آدب نكسبهــا
والشعر مازون مثقــالٍ بمثقالــي

اعرف حروف الهجاء بالرمز واكتبها
عاقل ومجنون حاوى كـل الأشكالي

لكن حظــي ردي والروح متعبهـا
ما فادني حسن تاديبي مـع أمثالـي

إن جيت ابي حاجـةٍ عزت مطالبها
العفو ما واحدٍ فــي الناس يا والي

قومٍ الـى جيتهـم رفـت شواربهـا
بالضحك واقلوبها فيها الردا كالـي

وقومٍ الى جيتها صكـت حواجبهـا
وابدات لي البغض في مقفاي واقبالي

ما كنــي إلا حــال مغضبهــا
والكل في عشرتـه ماكر ودجالـي

يا حيف تخفي أموراً كنت حاسبهـا
واللي على بالهـم كلـه على بالـي

الجار جافـي وكـم قومٍ محاربهـا
والأهل وأصحابنا والدون والعالــي

والروح ويش عذرها في ترك واجبها
راح الحسب والنسب في جمع الأموالي

نفسي تبى العز والحاجات تغصبهـا
ترمي بها بيـن أجاويـد وانذالــي

المال يحــي رجالاً لا حيـاة ابها
كالسيل يحي الهشيـم الدمدم البالــي

عفت المنازل وروحـي يوم اجنبها
منها غنيمـه وعنها البعـد أولا لـي

لا خير في ديرةٍ يشقـى العزيز ابها
يمشي مع الناس في هـمٍ وإذلالـي

دارٍ بها الخــوف دومٍ ما يغايبهـا
والجوع فيها ومعها بعض الاحوالي

جوعى سراحينها شبعـى ثعالبهـا
الكلـب والهـر يقـدم كل ريبالـي

عز الفتى راس ماله من مكاسبهـا
يا مرتضي الهون لا عزٍّ ولا مالي

دللت بالروح لين ارخصت جانبهـا
وانا عتيبي عريب الجـد والخالـي

قومٍ تدوس الافاعـي مع عقاربهـا
ولها عزايم تهــد الشامـخ العالـي

خل المنازل وقل للبيــن يندبهــا
يبكي عليها بدمـع العيـن هطالـي

لا تعمـر الدار والقالات تخربهــا
بيع الردي بالخساره واشتر الغالـي

ما ضاقت الأرض وانسدت مذاهبها
فيها السعــه والمراجــل والتفتالِ

دارٍ بدار وجيــرانٍ نقاربهــا
وارضٍ بأرض وأطلالٍ بأطلالـي

والناس اجانيب لين إنك تصاحبهـا
تكون منهــم كما قالوا بالأمثالـي

الارض لله نمشــي فـي مناكبهـا
والله قدر لنـا أرزاق وآجالـــي


حث المطايـا وشرِّقهـا وغرِّبهــا
واقطع بها كل فـجٍّ دارسٍ خالــي

واطعن انحور الفيافـي في ترايبهـا
وابعد عن الهم تمسي خالي البالـي

من كل عمليـةٍ تقطــع براكبهـا
فدافد البيــد درهـامٍ وزرفالــي

تبعدك عـن دار قـومٍ ودار تقربها
واختر لنفسـك للمنزال منزالــي

لو مـتّ فـي ديرةٍ قفراً جوانبهــا
فيها لوطـى السباع الغبس مدهالي

اخير مـن ديرةٍ يجفـاك صاحبهـا
كم ذا الجفا والتجافـي والتعلالـي

دوس المخاطر ولا تخشى عواقبهـا
الموت واحد وبعد العـز يجلالـي

ان المنايــا إذا مـدت مخالبهــا
تدركك لو كنت في جو السما العالي

ما قرت الاسد في عالـي مراقبهـا
تسعى على الرزق ما حنت للاشبالي

والشمس في برجها والغيـم يحجبها
تقفي وتقبـل لها في العرش مجدالِ

رب السماوات يا محصي كواكبهـا
يا مجري السفن في لجات الأهوالي

ضاقت بنا الأرض واشتبت شبايبهـا
والغيث محبوس يا معبـود يا والي

يا الله من مزنــةٍ هبـت هبايبهـا
رعادها بات له في البحر زلزالي

ريح العوالي من المنشـا تجاذبهـا
جذب الدلى من جباء مطوية الجالي

ديمومةٍ سبلـت وأرخت ذوايبهــا
وانهل منها غزير الوبـل همالـي

تسقي دياراً شديد الوقـت حاربهـا
ما عاد فيها لبعض الناس منزالـي

يا جاهل اسمـع تماثيـلاً مرتبهـا
فيها معاني جميـع القيل والقالـي

مثـل المحابيـب زادت في قوالبها
في صرفها زايده عن قرش واريالي

يا ربي توبه وروحي لا تعذبهــا
يوم القيامه إذا ما ضاقت اعمالـي

وازكى صلاةٍ على المختار نوهبها
شفيعنا يوم حشرٍ فيه الأهوالــي
__________________
  #2  
قديم 2012-01-01, 08:50 PM
حـــــارب حـــــارب غير متواجد حالياً
قلب البراري
 
تاريخ التسجيل: Aug 2010
الدولة: شبكة ومنتديات البراري
المشاركات: 5,374
حـــــارب is on a distinguished road
افتراضي

ذووق راقي وابيات في قمة الروعه والجمال أخي كمال البدور
نترقب المزيد من جديدك الرائع
دمت ودام لنا روعة طرحكـ

لاهنت
  #3  
قديم 2012-01-01, 10:44 PM
غيمة جده غيمة جده غير متواجد حالياً
أميرة الخواطر
 
تاريخ التسجيل: Jun 2011
الدولة: جده
المشاركات: 1,312
غيمة جده is on a distinguished road
افتراضي

قصيده جميله اخي الغالي كمال البدور معانيها رائعه

واختيار جداجميل

بارك الله فيك ولاعدمنا جديدك


__________________
والقمر في يوم أن هل هلاله فكم من الايام كان بدرا متكاملا مبتسما
  #4  
قديم 2012-01-02, 09:42 AM
الركام الركام غير متواجد حالياً
شاعـر متمكن
 
تاريخ التسجيل: Jan 2009
الدولة: الرياض
المشاركات: 12,108
الركام is on a distinguished road
افتراضي

اختيار جميل وذوق رفيع
مشكور كمال البدور
__________________
رســـالة لمنهــو بدا الشعر يكــتـــب =
اليابغيت الشعــر ياتــيك طوعـــي
الـزم ثلاث وخـــل بيـــتك مرتــــــب =
الوزن والمعـنى وقافٍ سجـوعـــي
وتخـــير لقــولك بوقــتٍ مناســــــب =
واخــتار وقـتٍ فيه كل هجوعـــي
واليا اجتمع عندك معـاني فهـــذب =
وخل الفراش وخل زين الطبوعـي
وخذ القلم واكتب من الشعر واسهب =
تلقى المعاني كلها لك خضوعـــي
وغنه بلحن وارفع الصوت واطرب =
وارسل لنا ابيات شعرك تبوعــــي
وان كان ماجا لك مع الشعر مذهـب =
خــله ترى مافــيه ســـدٍ لجوعــــي
خــله ترى مافـــيه زودٍ و مكســــب =
لا شـك في بعـضه بتـلقى نفوعـــي
ابيات شعــر صاغــها لك مجـــــرب =
هـــدية مــالي وراها طــموعـــــي

الركام
  #5  
قديم 2012-01-02, 10:25 AM
الصورة الرمزية بقآيآ .. حرف
بقآيآ .. حرف بقآيآ .. حرف غير متواجد حالياً
مراقب واحة البراري الشعرية
 
تاريخ التسجيل: Oct 2009
الدولة: القصيـــــــــــــــــــــــم
المشاركات: 12,156
بقآيآ .. حرف is on a distinguished road
افتراضي

ضاقت بنا الأرض واشتبت شبايبهـا
والغيث محبوس يا معبـود يا والي

يا الله من مزنــةٍ هبـت هبايبهـا
رعادها بات له في البحر زلزالي

ريح العوالي من المنشـا تجاذبهـا
جذب الدلى من جباء مطوية الجالي

ديمومةٍ سبلـت وأرخت ذوايبهــا
وانهل منها غزير الوبـل همالـي

تسقي دياراً شديد الوقـت حاربهـا
ما عاد فيها لبعض الناس منزالـي



سلمت يمينك وسلم ذووقك يالغالي

ابياااات كلمة قمة قليله في حقها

أشكرك أستاذي العزيز أبوسالم

ودي
__________________

[email protected]
  #6  
قديم 2012-01-05, 10:16 AM
الصورة الرمزية كمال البدور
كمال البدور كمال البدور غير متواجد حالياً
مراقب واحة البراري العامة
 
تاريخ التسجيل: May 2009
الدولة: الاردن
المشاركات: 16,182
كمال البدور is on a distinguished road
افتراضي

الاخوة والاخوات الاحبه
اشكركم جزيل الشكر على مروركم المنور
وشكر خا ص لاخي المشرف القدير عنيد جهينه على التقييم
تحياتي للجميع
__________________
  #7  
قديم 2012-01-05, 11:16 AM
الصورة الرمزية ذيب آجا
ذيب آجا ذيب آجا غير متواجد حالياً
شاعر
 
تاريخ التسجيل: Sep 2011
الدولة: شمال حائل-حي المصيف
المشاركات: 1,530
ذيب آجا is on a distinguished road
افتراضي

قصيدة مليانه بالشعر والحكم الله على هالذوق الله لايحرمنا من هالطلة..
عجبتني ابيات كثيرة واخترت هذا..
حث المطايـا وشرِّقهـا وغرِّبهــا
واقطع بها كل فـجٍّ دارسٍ خالــي
__________________
  #8  
قديم 2012-01-06, 02:53 PM
الصورة الرمزية كمال البدور
كمال البدور كمال البدور غير متواجد حالياً
مراقب واحة البراري العامة
 
تاريخ التسجيل: May 2009
الدولة: الاردن
المشاركات: 16,182
كمال البدور is on a distinguished road
افتراضي

اقتباس:
المشاركة الأصلية كتبت بواسطة ذيب آجا مشاهدة المشاركة
قصيدة مليانه بالشعر والحكم الله على هالذوق الله لايحرمنا من هالطلة..
عجبتني ابيات كثيرة واخترت هذا..
حث المطايـا وشرِّقهـا وغرِّبهــا
واقطع بها كل فـجٍّ دارسٍ خالــي
حياك الله اخي الفاضل
كلك ذوق ما شاء الله
تحياتي لك
__________________
  #9  
قديم 2012-01-06, 08:52 PM
برنس الشمال برنس الشمال غير متواجد حالياً
عضو جديد
 
تاريخ التسجيل: Aug 2011
المشاركات: 31
برنس الشمال is on a distinguished road
افتراضي

صح لسان الشاعر والله يرحمه
يعطيك العافيه على النقل المميز
  #10  
قديم 2012-01-07, 03:58 AM
الصورة الرمزية سراب
سراب سراب غير متواجد حالياً
مراقب عام
 
تاريخ التسجيل: Sep 2011
الدولة: حفر الباطن
المشاركات: 10,127
سراب will become famous soon enough
افتراضي

جوعى سراحينها شبعـى ثعالبهـا
الكلـب والهـر يقـدم كل ريبالـي


والله اختلط الحبل بالنابل في هالزمن يابوسالم
وعلى قولة الوالدة تساوت القرعا وأم الشعر

يعطيك العافية على هالقصيدة الشاملة
والكافية والوافية -احسنت الاختيار
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:44 AM

Powered by vBulletin .
جميع الحقوق محفوظة © لشبكة ومنتديات البراري 2010
 
Copyright © 2017