درة الخليج (قطر) فترة نقاهه بعد العمليه لـ rhaal

rhaal · 2011-03-02, 06:06 PM

بسم الله الرحمن الرحيم

السلام عليكم ورحمة الله وبركاته

بما إني مبطي عنكم بسبب الظروف الصحيه والتي عافانا وشفانا الله منها
ولله الحمد والمنه

برجع بتقرير على غير العادهـ (ما هنا غبره ولا مطامر) شغل مرتب ومأنتك
لمنع الطبيب المعالج من المطامر لخطورة الجرح لأني كاشت عقب العمليه بأسبوعين وأنفتق مكان العمليه
قلت هالمره نتمدن

الرحلة كانت فجأة ولم يرتب لها كنت مجتمع مع الإخوان وكنت بكشت مع ربع لي شرواكم وكانو معارضين إخواني منهم اللي يقول صحك ألزم وإللي يقول ما كفاك الفتق بالكشته اللي راحت واللي يقول تخبر البران والمطامر والبطناج المهم حسوا إني طفشان وودي بالطلعه

خطم واحد وهو أصغرهم وقال: كشتك علي بس قل تم , قلت: وين؟ قال: أنت قل تم وبس ما عليك, قلت: تم قال: لدوحة الخير مشينا قلت: يآخي وش أبي بالديار أهج من ديره وأروح لديره أبي برررررر أبي كشششته
المهم خطم الثاني والثالث وولد إختي قالوا: قلت تم وحنا ربعكم أخويا
قلت: ما نردكم خلاص المشيه الفجر إن شاء الله قالوا: وش فجره الحين لو صبرنا للفجر يمكن تهج وتكشت رجلنا على رجلك يالله إركب بس, قلت: وش أجهز أغراض ؟ يوم بغا يشقون لي العمليه صرخو وش أغراضه هالمره شغل أنتكه (تطورت منفوحه) طيب فراش النوم يوم بغو يهونون عن الروحه جاهم إحباط مني قالوا: هالمره نبيك تنسى البر مررره وحده تكفى , ما فيه إلا شغل كفيات ومطاعم وأسواق قلت يالله معكم والشكوى لله (عساه ما هوب احليو) طرار ويتشرط
المهم بنتركم مع صور لقطر ومناظرها

للمعلوميه ولا صوره بريه والعذر والسموحه منكم

أول ما دخلنا الدوحه رحنا للنفدق وغيرنا
وكنا جوعانين سئلنا أحد الشباب وش فيه مطعم زين قال طجين بسوق واقف

والقط الكام
سوق واقف
1

.
.
2

.
.
3

.
.

وحنا طالعين من السوق والمطعم إلا فيه زحمه وناس وعالم واقفه بالطريق
أثره مهرجان
4

.
.
5

.
.
المهم عدينا زحمتهم وعلى الكورنيش نشرب لنا شاهي مخدر
6

.
.
7

.
.
طبعاً ذي منطقة الأبراج
8

.
.
9

.
.
وتغيير الإعدادات بالكام
10

.
.
11

.
.
12

.
.
يوم صلينا الفجر ماهنا غناة عن عزبة الشاهي والقهوة
13

.
.
إطلالة على هالصبح من دريشة الفندق
14

.
.
نرجع للقهوهـ
15

.
.
سألنا موظف الفندق وش فيه أماكن للتمشي قال سباير وفلاجيو واللؤلؤه
عباره عن اسواق ومقاهي وإطلالات بحرية
بالطريق لسباير
16

.
.
وهنا اسباير زون
17

.
.
فكرة السوق أعجبتني كنه مفتوح من الأعلى ودك من يجيب شاهيه بذا
18

.
.
19

.
.
20

.
.
21

.
.
22

.
.
طلعنا للؤلؤه
23

.
.
24

.
.
25

.
.
26

.
.
27

.
.
رجعنا للنفدق عقب العشاء وكان مطعم بلهمبار من خلال تجربتي لا يستاهل القرش والهلله فيه خساره أكل أقل من المتوسط بكثير وغالي جداً
28

.
.
29

.
.
إطلالة مع الصباح
30

.
.
31

.
.
وهالفندق جار فندقنا
32

.
.
33

.
.
34

.
.
نزلنا لحديقة الفندق
35

.
.
هذا الفندق من جهة البحر والحديقة
36

.
.
37

.
.
يالله نعيم الجنة
38

.
.
39

.
.
40

.
.
طوليه
41

.
.
لبي الفندق
42

.
.
43

.
.
44

.
.
ممرات الفندق
45

.
.
46

.
.
47

.
.
48

.
.
إطلالة ليلية وأخيراً قدرت أصورها قبل الفجر وبعد ما تفرقت العالم اللي تحت
49

.
.
50

.
.
وهذا عطيت السواق مفتاحه قلت إذا أمتلا الكسر أو غرق الرياض جبه لي
51

.
.

كما أني قبل أن أودعكم إهدي هذا الموضوع
للإستاذ مراقبنا / محمد النجيبان الذي ارسل لي عن طرق الخاص يسأل ويستفسر عني
وحاولت أن أرد له بالخاص لكن حاط حظر للرسائل
فألف شكر وتقدير له بإستفساره عن إنقطاعي

والعذر والسموحه منكم على التقصير والإنقطاع
وفي الختام نستودعكم الله الذي لا تضيع ودائعه

دمتم بحفظ الله ورعايته

مرقاب الشرق · 2011-03-02, 07:38 PM

الحمد لله على السلامه
وتقرير جميل

ابو طلال الفيفي · 2011-03-02, 09:20 PM

وعليكم السلام ورحمة الله وبركاته

اولاً : الحمد الله ع سلامتك وماتشوف شر وطهور ان شاء الله

ثانيا : تقرير جميل والصراحه استمتعت وانا اتجول بين صورك الجميله

ماشاء الله تبارك الله

ع

الدوحة جميل جداً

حفظكم الله جميعاً

وبارك الله فيك اخي الفاضل rhaal

برق العارض · 2011-03-02, 09:45 PM

الله يتم عليك صحته وعافيته ان شاء الله , مشكور على الصور

حنين الشوق · 2011-03-03, 11:48 AM

مرحبا فيك في دوحة الخيير.......

حمدالله على السلامة

تــســلم يمنـــاكـ صور روووووووووعه واسجل اعجابي بعدستك الرائعه

بصراحة مجهود وااااضح

والله لا يهينك علي الصور الحلوووه والله لا ييحرمنا من جديدك

ثامر الشراري · 2011-03-03, 07:46 PM

وعليكم السلام ورحمة الله وبركاته
الأخ / rhaal
الحمدلله على سلامتك أجر وعافيه وطهوراً إن شاءالله
قطر..الدوحه / ماشاءالله تبارك الله مناظر خلابه وتفتح النفس
وتقرير ممتاز وتشكر على هذا الموضوع
شوقتني لها قبل سنتين جيتها وشريت منها جيب ولا عدت الجيه
لي سفره لها إن شاءالله
تمنياااتي لك بالشفاءالعاجل

تحيااااتي لك ولأهل قطر جميعاً

ابو عبدالمجيد · 2011-03-04, 07:14 AM

عليكم السلام ورحمة الله وبركاته

جزاك الله خيرا ورحم الله والديك

أخينا الفاضل وحبيبنا الغالي

" رحال"

رحلة جميلة ورائعة

وحمدا لله على سلامتك وطهور إن شاء الله

رعاك الله وبارك في جهودك الطيبة

جديدنا في هذا اليوم المبارك صور رائعة من مملكتنا الغالية

https://www.albrari.com/vb/showthread.php?t=47317&page=358

للمزيد عشرات الصور على الرابط أعلاه وآخر الأخبار في

آخر صفحة

لا تنسونا من صالح دعائكم رعاكم الله تعالى
بصلاح النية والذرية
وللوالدين بالرحمة والمغفرة وجميع موتى
المسلمين