حزينه..بكل حاالاتي...

[الفردوس]

قساة الكون في عيني وقلبي ما إهتنى وما إلتـم
قسى هالوقــــــت يـا قلبـي وضيَّـع كـــــل راحاتـي
جروحي فوق طاقاتي بكيـت وفـي عيونـي دم
رضيت آنا على القسوه وضاعت كـل بسماتـي
تعبتْ / وما صِدَقْ حَظي وفوق الهم أشيل الهـم
صغيرٍه في العمر آنــــــا وكبيـره حيـــــل مأساتـي
محدْ يدري عن أخباري محد في دنيتـي مهتـم
وحيدهْ أمشي مع همِّي وكبيرهْ الحزْن فـي ذاتـي
سِمَعْ قلبي عَنْ الراحَه واهيَّه مِنْ الوهـم أوهـم
أعيشْ آنا بوسط واقــــعْ نهاياتـي فـي بداياتـي
ياليت تفيدني الحسره ياليت أرتـاح لـو أنـدم
صعبْ أرتاح فـــي الدنيـا حزيـنْه بكـلْ حالاتـي
سفينه مِنْ الصعب ترسى واهي مِنْ الموجْ تتحطم
أشوف البحر فـــــي عــــيني لقيـت المـوجْ دمعاتـي
كثير قلوب غرقانه واهي منْ الوقتْ مـا تسلـم
بحر هالوقت هَمْ يغـــدر وهـذا معنـى كلماتـي
يا قلبي الطِيبْ ما ينْفَـعْ عشانـي ركِّـزْ وإفهـم
أنا ملِّيـتْ أعلِّـم فِيــــــكْ وإنـتَ تزيـــدْ آهاتــــي
أمانه كان لِي خاطـر مِـنْ اللِّـي صـار تتعلـم
ويا قلبي إتـرك الطيبـه بعـد قــصـة مُعاناتـي

[ابو حمد]

ابيات رائعه
صعبْ أرتاح فـــي الدنيـا حزيـنْه بكـلْ حالاتـي
سفينه مِنْ الصعب ترسى واهي مِنْ الموجْ تتحطم

صح لسانك ولسان من قالها
اشكرك من كل قلبي وياهلابك..
ابو حمد،،

[أبو راشد]

جزاك الله خير