أمطار اليوم السبت 4 ذو القعده 1427هـ

[التميمي]

السلام عليكم ورحمة الله وبركاته ،،،
مطرنا بفضل الله ورحمته اللهم لك الحمد من البارح والبروق ما تفصل وكل ما جاء الخير يخلب وسحابه ورا سحابه والبروق جنوب شقراء وغرب وشمال لكن السحاب عجل يمطر وبعض الشعبان مشت مثل الوعره قبل اشيقر والخليف والمظلم وبعد القرائن مشت السكك وبعض العبارات الصغار لكن اليل عينه ضيقه وهذي بعض الصور لشعبان الخليف والمظلم






وهذا شعيب المظلم الصبح ما زال يسورب





اليوم الصبح السبت ماشاء الله سحاب فيه برق ورعد ومن الصبح وانا واصل الشعبان الي البارح وشعيب المسمى بالقرائن يمشي من مطر البارح ورشت عليه اليوم







بعدها خلب السحاب وركب مره ثانيه وعلى شقراء امطرت ومشت الشوارع وانا وجهت شمال شرق على العب والحريق وحول الداهنه وماشاء الله السحابه امطرت على العب وسيلت شعبانها وفيضت في روضة الحماده