ماشاء الله تبارك الله صدق اولاتصدق ربيع في احدى الفياض في وسم 1429 من اخوكم مطارد البروق

[مطارد البروق]

السلام عليكم ورحمة الله وبركاتة
مساكم الله بالخير جميعا ياخواني الاعضاء والضيوف وبارك اللله فيكم اينما كنتم جميعا
والله اني مثلكم ما صدقت ان الربيع بيكون مثل اللي بالصور الثلاث ماء شاء الله تبارك الله الله يتممة على خير والله ان صاحب الصور كان رافض بتاتا اضهار الصور علشان ماحد يعبث فية من بعض الشباب ويقول خلة بس يكبر اشوي وبعدين اخبرهم ,,, وانا صراحة ومن باب التبشير حبيت ابشركم في هذة الصور تاريخ هذة الصور هوي يوم الخميس الموافق 15-11- 1429 من ربيع هذا العام في احدى الفياض وماء شالله يبشر بربيع مميز جداجدا هذا العام ,, ارجو من الجميع عدم الاحراج للموقع الاا بعد اذن صاحب الصور وانا حبت بس ابشركم فيها وسلامتكم ,,,
الاولى


الثانية


الثالثة والاخيرة


نحمد الله ونشكرة على هذة الخيرات التي لاتحصى ,, ان شاء الله بيكون موسم ممميز جدا وسوف يخلد بالذاكرة لسنوات قادمة ,, وسلامتكم ودمتم سالمين جميعا
وتقبلوا مني جزيل الشكر والتقدير
من اخوكم ومحبكم ابونواف

[خالد الشمري]

ماء شاء الله,,
جزاك الله خير,,
:70::70:

[محري بالخير]

وين مكان هالربيع يا مطاارد البرووق

[الساري]

ماشاء الله ماشاء الله
الله يجزاك خير
والحمدالله الارض كلها تبشر بخير

[لمعة برق]

ماشأالله تبارك الله

[سنعوسي111]

المكان ذا ماهو غريب علي
لكن انا مع صاحب الموضوع لن اخبر به !!
يالربع تراني امزح بس روض خضر يفتح النفس ..

[محري بالخير]

مطارد البرووق وين مكان هالربيع يا اخي علمنا وما حنا بالعينه
والارض ماهي ارضك عشان ما تعلم الارض للناس كلها

[الشمالي]

ماشأالله تبارك الله

[محري بالخير]

يا حبيبي مطارد البروق وريتها الصور ابوي قال

هذه الصور ممكن العام اللي قبل الماضي
تضحك علينا يا مطارد البروووق
اثبت ان الصور هذه من عام 1429هــ
ويا حبيبي العشب ما ينبت بعد نزول المطر مباشره حيث لازم ياخذ وقت لاشعه الشمس عشان تنبت باذن الله
لو ان منزله بعد شهر كان صدقناك لكن الصور اللي عندك بالارشيف وتبي تنزلها وتفرغها هنا هذا ما نقبله
هذا كلامي واتمنى ماتزعل من كلمه الحق
واثبت ان كلامك صحيح وانا مستعد اعتذر لك

[محري بالخير]

مشكور يا بو نواف على الصور لكن انا اقول وعند كلامي هلصور ماهي من من هذه السنه والدليل انك ما تبي تقول المكان اللي صور منه عشان ما تنكشف مابي اقول (عكس الصدق)
شف يا بو نواف ولا تزعل يا تورينا تاريخ الصورة او تعلمنا مكان اللي صورت منه عشان غيرك يشوف المكان ويثبت هل صورك صحيحه او لا
وانا عند رايي العشب لا يمكن ا ن ينبت بعد امر الله الا اذا اخذ وقت كافي من الشمس والحراره المعقوله لينبت بامر الله
مهو معقول بعدها باسبوع ينبت عشب (كل شي بامر الله ) لكن صور هذ ه ليست من عام 29
ولاتزعل من كلامي يبونواف
وابدا اذا اثبت ان كلامك ع حق مستعداعتذر لك