بسم الله الرحمن الرحمن الرحيم
السلام عليكم ورحمة الله وبركاته
هناك حشره توجد في البر وهي من انواع الخنافس مسالمه ولكن احذر ان تعتدي عليها لأن ردة فعلها قويه ومؤلمه وهي خنفساء منقطه في ظهرها بنقط بيض وهي سريعة الحركه والمعذره حاولت اصورها لكم ولكن كل محاولاتي باءت بالفشل لانها سريعه المشي واذا قربت الجوال منها تنحاش وكل ماصورتها ماوضحت الصوره سبحان الله ما تؤذي الا اذا ضايقتها مره وكأن لسان حالها يقول (احذر من العاقل اذا احرجته) لانها عارفه ان ردة فعلها قويه ومؤلمه يذكر لي احد كبار السن اطال الله في عمره يقول عندما كنت صغير كنا في البر لقيتها في الصباح واخذت عود وقعدت الحقها واصقعها على راسها واتحرش فيها وهي تنحاش مني تبي السلامه لي ولها واخر شي قلت اضغط على راسها بقوه يقول ضغطت عليه بقوه فلما حست بالالم طلع من ظهرها صوت زي الطقه وحسيت في عيوني كأني حاط فيها فلفل حار حراره والم شديد جدا وماعاد قدرت افتح عيوني من شدة الالم حوالي تقريبا عشر دقايق . واحد الاخوان يقول لي كنت في مقناص ضبان ويوم غريت ذاك الضب الا هي طالعه من الجحر وقفت على الجحر واهشها ابغاها تروح يمين او يسار عشان اناظر الضب مافيها حيله دايخه من المويه المهم وانفخها بفمي عشان تروح وانفخ اكثر من ثلاث مرات واخيرا طق الا الالم في عيوني كأني حاط فيها فلفل حار الم شديد وماعاد قدرت افتح عيوني واخيرا تركت الضب ومشيت وفي النهايه الحذر ثم الحذر من هذه الحشره الضاره اسف على دمج اللغه الفصحى مع العاميه وشكرا.
2010-07-21, 04:57 PM
احذر ردة فعل هذه الحشره
اشكرك على مرورك ويعطيك العافيه . 
العرض العادي
