قصة وقصيدة المثل المشهور __اللي يبينا عيت النفس تبغاه

[ام العنود]

قصة المثل المشهور __اللي يبينا عيت النفس تبغاه

للشاعرة نورة الحوشان ...

وهي شاعرة معروفة وشهيرة عند اهل التراث

ونوره الحوشان شاعره معروفه ويشهد لها بكرمها وعطفها علىالفقراء والمساكين بشهادة كبار السن ومايتناقلونه من اخبار عنها وقد تزوجها عْبود بن علي بن سويلم الشلواني العازمي ورزقت منه بولد اسمته حوشان ...

من قصائدها المشهوره وقصتها

كانت تعيش مع زوجها عْبود بن علي بن سويلم وقد وقع بينهما خلاف ادى الى طلاقها طلاقاً لا رجعت فيه وبعد طلاقها تقدم الكثير طالبين الزواج منها حيث انها امرأه جميله ومن عائله معروفه ومحافظه وقد رفضت الزواج بعد زوجها عبود وذات يوم كانت تسير على طريقاً يمر بمزرعة مطلقهاوبصحبتها اولادها منه وعندما مرت بمزرعته رأته فوقفت على ناصية المزرعه وانطلق الاولاد للسلام على ابيهم وبقيت تنتظرهم الى ان رجعو من ابيهم فأخذتهم واكملت مسيرها وقد تذكرت ايامها معه وتذكرت من تقدم الى خطبتها بعدطلاقها ورفضها له فقالت هذه القصيده الّتي تحتوي على اخر بيت اصبح مثلاً دارجا يقال على السنة الكثير من الناس ....(( اللي يبانا عيّت النفس تبغيه))

وهاذي السالفته والقصـــيدة اتقول:

ياعين هللي صافي الدمع هليـه==واليا انتها صافيه هاتي سر يبـه

ياعين شوفي زرع خللك وراعيه==شوفي معاويده وشوفـي قليبـه

امنولٍ دايـم الـرايـه انماليـه==واليوم جيتهـم علينـا صعيبـه

وان مرني بالدرب ماقدر احاكيه==امصيبتٍ يا كبرها مـن مصيبـه

اللي يبينا عيّـت النفـس تبغيـه==واللي نبيه عيا البخت لا يجيبـه

وسلامتكم

[الذعذاع]

عساك سالمه وغانمه أم العنووود
ما فيك حيله
دائما مميزه بموضوعاتك وقصصك وقصائدك
نفخر في ساحتنا الشعريه بوجودك ومشاركاتك
مشكووووره
لا عدمناك

[الركام]

مشكورة على نقل هذه الاقصة والابيات
دائما ام العنود متميزة

[كمال البدور]

تسلمي اختي من كل شر
والله يبارك في جهودك

[مخلب طير]

ما أروع إختياراتك أم العنود فعلا البيت اصبح مثل متداول
و أحب أضيف أيضا البيت ( امصيبت" يا كبرها من مصيبه )
يستخدم في كثير من القصائد الله لا يهينك و مشكوره

[أميرة البراري]

تسلمين الله يجزاك خير اختي الغاليه دائمآ متألقه ويسلمو ع القصه والقصيده اول مره اعرفها