متابعة الطقس من 24 - 28 / 5 / 1431هـ الموافق 8 -12 / 5 / 2010م ‏

[برق الجنوب]

المشاركة الأصلية كتبت بواسطة خالد العوض

امين عسى سد المجمعه يمتلي

قبل نهاية الموسم

مساكم الله بالخير جميعاً
ومبروك على شمال الرياض الامطار
الحقيقه اني اليوم كنت جهة مزرعة الملك عبدالله عسى ربي يطول بعمره
المهم الارض رويانه والمناقع واجد
يمين ويسار الخط الذاهب الى الثمامه
وجلست لحالي اتأمل السحاب البروق من السحب الصغيره
والهواء ساكن وريحة المطر منعشه
والارض رطبه
وضبطت لي واحد براد لكن بدون نعناع وهذا عذروبه
المهم جلستي اليوم في البر لحالي رجعتني
26 سنه ايام الهلي يوم كنت شباب
عام ال 1405
و1406
الله المستعان جلساتي جنوب الرس وشماله
لكن العجيب ذيك السنين ما شوف ناس واجد تطارد السحاب
يعني ممكن اقعد في محل سحابه
ضاربة بقوه ومع ذلك ما حولي احد

وكنت اقول في نفسي مافيه احد يحب المطر ومفتون به مثلي انا وابوي الله يرحمه

ذا الوقت صار يطارد السحاب من يعشقه ومن لايعشقه فكثرة البشريه وانوار السيارات اللي تخرب عليك جو المخايل والمشكله ان بعضهم في وادي ومخايل البروق في وادي00

[خالد العوض]

المشاركة الأصلية كتبت بواسطة برق الجنوب

ذا الوقت صار يطارد السحاب من يعشقه ومن لايعشقه فكثرة البشريه وانوار السيارات اللي تخرب عليك جو المخايل والمشكله ان بعضهم في وادي ومخايل البروق في وادي00

لا يمنع ان يستمتع الجميع حتى غير الهاوي
فكثير من الناس تلفاه حط رجله عكس اتجاه السحابه
ويبي يلحق مطرها