| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2010-01-11, 11:20 AM
|
|||
|
|||
الدهناء والصمان 20ـ22/1/1431هـ
السلام عليكم ورحمة الله وبركاته (جميعاً) حيا الله الأعضاء والزوار هالتقرير على الطاير لرحلة الدهناء والصمان ==>> خميس وجمعهـ ما يمدينا نبعد لا جديد الأعضاء كالعادهـ شقردية <<< بس واحد نشب لنا نشبه وجاهـ كد ما عمرهـ شافهـ ... غديه يسحل (يعاف) الطلعات تاريخ الكشته من 20/1/1430هـ إلى 22/1/1430هـ نخليكم مع الصور التي أتمنى أن تحوز على رضاكم واستحسانكم هذا اللي ما نشب لنا يبي الطلعهـ ===>>> يكسر خاطري بقولة خالي تكفى  أصبحنا وأصبح الملك لله  نقرهـ يحبها قلبكم ما يبيلك لا خيمهـ ولا رواق ولا هم يحزنون لا هواء ولا تراب يكوح بوجهـ العدو  جدران طبيعيه لجميع الجهات ماهوب شغل أبو خلق  صورهـ للي نشب لنا أخذ الكميرهـ بدون إذن مني ناشب لك يا عبدالله بالطلعهـ نبي نكمل الشبه بك "مسوي إحترافي" تقل داخل على مشعوذ  ودخلنا للصمان من شمال غرب عن الرفيعهـ وبعد ما يقارب الخمسين كيلو بداية الخير والعشب والربيع أول فيضهـ وحنا نتمشى :يعيبها الوسخ من البعض هداهم الله ومع أن الكشاته ليسو بالكثر بها  وفيضهـ أخرى وحنا متجهين لبخرهـ لا أعرف إسمها  وكانت جيدهـ ولا يوجد فيها أي إنس أما الجن ما أدري كان بها أحد أو لا  وحنا نعمج وندوج على عماها شفنا هالمزيونه وما حبينا نضايقهم قلنا نلقى إللي أطيب منها  ونطيح لكم بوحدهـ ما شاء الله تبارك الله نظيفهـ خاليه من الدهون عفواً من الكشاته  يقال إني مخرج يعنني حريف  وبصراحهـ قمة بالنظافهـ والعشب والربيع الطيب ويبدو لم تطلها ايدي العابثين والمخربين ولم نجد إلا مكان واحد لشبة الضوء وكان محلهم نظيف كأن لم يكشت بها أحد  ونمشيكم بالفيضهـ التي يبدو ليست موجودهـ بالأجهزة وإلا كيف يغفلون الناس عنهايوم كامل لم تمر إلا سيارهـ ومن بعيد  زاوية أخرى لها  يا سلام على الهدوء  همن ذبحنا قدر الغشوهـ (غداء+عشاء)  نتسلى معكم قبل الغروب والغشاء  وأخرى وش رايكم بتصويري  مواريها الطلول والصقيع فلا بد من الخيمهـ  غروب رائع مع سكنة الهواء  صورهـ للشفق من خلف الظهرهـ  حي يهم يا هلا والله ومرحبا ولا هوب حقكم  وتحلو السمرات والسهرات عند فاكهة الشتاء  والنجوم وسهم الشمال واضح للعيان  ليليه مع الضويه  يازين الدفا  وحليب الفجر مع القمر  والقهوهـ مع المفواح يشاركون القمر وش زود الحليب يصور معهـ وهم لا  شقت النور مع الصباح الباكر  بداية الإشراقهـ من الشرق >>>> لا ياشيخ عسى ما تكلفت مع الشرق أجل تطلع الشمس  طلول وصقيع قامد أوي  . . . وكمان أخرى على القزاز  ومن فوق التلاع صورهـ مقربه بالزوم  ومع التمغيط للرجلين ظهرنا بالصورهـ  وأخرى لعشاق الطولي  ومن ناحية أخرى لنفس الفيضه  حميس ذلك اليوم لفجر الجمعهـ  والتحرك للخروج من الصمان مررنا بالفيضهـ الحلوهـ ذي من جهة الحصبيات  وعلى الطريق هالحلال الطيب الله يبارك لراعيهن بهن  وفي الختام لا يسعني إلا أن أتقدم لكم بجزيل الشكر على مروركم لصفحتي المتواضعهـ ولو إنها مش أد المأآم دمتم بحفظ الله ورعايته جميعاً
|
|
#3
2010-01-11, 01:36 PM
|
||||
|
||||
|
تسلم يالغالي على التقرير والصور الجميلة
|
|
#4
2010-01-11, 01:43 PM
|
|||
|
|||
|
مالكم حق كاااااارفينه كرررف
|
|
#5
2010-01-11, 01:45 PM
|
||||
|
||||
|
هلا بالذيب ورحلة موفقة ما شاء الله عليكم الظاهر أن اغلب رحلاتكم بالدهناء تصدق اني بغيت اطلع معكم بس ما حصل لي لأني مرتبط بطلعة مع الربع
|
|
#7
2010-01-11, 02:31 PM
|
||||
|
||||
|
رأيي في تصويرك معروف . : أنك محترف تصوير . وصاحب تعليق رائع أشكرك على إثراء شبكة البراري بمواضيعك الرائعة فجهودك في المنتدى تذكر وتشكر الله يعطيك العافية
|
|
#9
2010-01-11, 11:44 PM
|
||||||||
|
||||||||
|
اقتباس:
الله بسلمك يالتميمي وما يحتاج خلاص سجلناهـ أساسي بالرحلات أشوى طلع على خالهـ مشكور على الرد اقتباس:
ومن قال سالم وغانم مشكووووووووووور والله يعافيك اقتباس:
يقال من حبك كد جدك ولو صار نفسهـ طويل وراعي مكدهـ الله لا يضرهـ ومن اليوم ورايح هو الباب اليمين وإن كان مالهـ محل بالشنطهـ لكن النوبه الثانيه أول واحد أنت إن شاء الله ابو ناصر لاهنت يالمدير على الرد اقتباس:
يا هلا والله بأبو يعقوب وهذي الساعهـ المباركهـ ليتك والله خاويت أبو سارهـ كان تو ما حلوت بس الوعد الجايات بإذن الله وخيرها بغيرها الدهناء وأنا أخوك لابد منها أول ليلهـ لأنها على الدرب والطريق وتقريباً قطعت ثلثين المسافهـ عن الرياض نتلين بها ونريح من هقلي المواتر ومنها تجمع حق حطبك لباقي الكشته <<<يازين الأرطى عندك أبو يوسف تراهـ يآخذ الباقي (ولا بعد يجيه الحرص على الإقتصاد بالحطب علشان يرجع الباقي معهـ) تراهـ حلالك ألف مليون ترلليون شكر لك على المرور اقتباس:
الله يجزاك خير وأبشر طال عمرك تامر أمر من الحين وش رايك بالأحمر >>> راعي رومنسيه هههههههه مشكوووور على الرد والمرور غالي والطلب رخيص ما طلبت شيء اقتباس:
يا هلا والله بأبو صالح البراري عشقنا من أول وتالي وتستاهلون كل خير ولو إن فيه أشياء تضيق الصدر أحيانا لكن ما فيه شيء كامل غير ربك سبحانه ومرحباً بك بصفحتي المتواضعهـ اقتباس:
اقتباس:
وبل المطر الله يسلمك ويعافيك لاهنت على الرد والمرور
|
|
|
|
العرض العادي
