يالله بـنــــــــو مــدلـــهـــم الــخـــيـــالا
طافـح ربابـه مثـل شـرد المهـا الــزرق
لـي جـا عـلـى البكـريـن بـنـي الـحـلالا
ولـى عـاد لايفصـل رعدهـا عـن البـرق
يسقـى غـروس عقـب مـاهـي هـمـالا
حـط الحريـق ديـار الاجـواد لــه طــرق
اسـقــى نــعــام ثــــم يــمــلا الـهـيــالا
يصبـح حمامـه سـاجـع يلـعـب الــورق
جـريــت انـاصــوت الـهــوى بـاحـتـمـالا
فـي وسـط بستـان سقـاه اربـع فــرق
طـبـيـت مـــع فــــرع جــديــد الـحـبــالا
وضهـرت مـع فـرع تناحـت بـي الــورق
روشـن(هـيـا)لـه فرجـتـيـنـن شــمــالا
بـاب مــع القبـلـه وبــاب مــع الـشـرق
ومبسـم(هـيـا)لـه بــضــلام اشـتـعــالا
بيـن البـروق وبيـن مبسـم هـيـا فــرق
يـاشـبـه صـفــراً طـــار عـنـهـا الـجــلالا
طويلـة السمحـوق تنـزح عــن الــورق
لـه ريــقً احـلـى مــن حلـيـب الـجـزالا
واحلى من السكر الى جا من الشـرق
حـنـيــت انـاحـنــة هــزيـــل الـجــمــالا
ينقـض روي الخيـل قـد مـسـه الـفـرق
ويـاقـلـتـه فـــــي عـالــيــات الـجــبــالا
مـاهــا قـــراح مـيـرمـن دونـهــا غـــرق
مــاعــاد لـصـبـيــان فـيــهــا احـتــمــالا
مـن كــود فرقـاهـا يديـهـم لـهـا طــرق
قـالـو تـتــوب مـــن الـهــوى قـلــت لالا
الاان تتـوب رمـاح عـلـوى مــن الــزرق
قالـوا:تـتـوب مـــن الـهــوى قـلــت:لالا
الاان يتوبـون الحناشـل عــن الـسـرق
قالـوا:تـتـوب مـــن الـهــوى قـلــت:لالا
الاان تتوب الشمس عن مطلع الشرق
اخــــــذت مــنــهــا حـبـتــيــنً تـــتــــالا
يـوم ان نسنـاس الهـوا تطرقـه طــرق
2007-02-28, 12:46 AM
العرض الشجري