متابعة الطقس وأخبار الأمطار لعام 1427 - 1428 (( 4 ))

[nahham]

في حي الملز بالرياض بدأ تساقط الامطار وسمعت الرعد
نسأل الله الكريم من فضله

[هبايب نجد]

شمال الرياض حي العقيق ديمة من نصف ساعة والله يزيد ويبارك مع بروق ورعود

[سلوم]

اتصال من احد الربع بالرياض

الكهرب طافي على العيينه

من مشينا من العمارية وحتى وحتى سلطانه مطر سيل ولا زال المطر مستمر

وانوار القرى التي شمال الرياض كلها طافية من قوة الامطار الساعه 9 و8 دقايق

[عبدالهادي المفرج التميمي]

اخر اخبار تمير من مراسلنا ابو عدنان

الطرااااااااق ما ينقطع وريضان هليل مليااااااااااااااانه

والسيل حتى الشحمة كله سيل قووووي

والبرق عنا شمال غرب



سلام

[amak]

مساء الخير

اليكم اخبار امطار وسيول بلدة البير
الامطار الغزيرة مصحوبة بشبوب كبيره استمرت فترة طويله من المغرب الى الان وكل الاودية حدرت بقوه وسيل قوي اودية الشريج وابو عشيره وابا الرمل والميديك والشرج قوية جدا وحجرتنا ماقدرنا نطلع من الديرة القديمه كما حدر شعيب ابو فحيحيل المشهور بقوة وسيل اكثر المزارع ولا يزال بكامل قوته
وهذا السيل يقول بعض الشياب من زمان ما شافو مثله
الله يجعله عطا برضا وان ينفع به ان شاء الله

[nahham]

في حي الملز بالرياض الان المرازيم تصب والمطر يزداد بقوه

اللهم لك الحمد

مطرنا بفضل الله ورحمته

[ضحوي]

الزلفي الآن الساعة 9.20 مساءاً
بدأ مرة اخرى سقوط المطر بغزارة وصوت الرعد يدوي
اللهم سقيا رحمه ولا سقيا عذاب

[خالد العوض]

المشاركة الأصلية كتبت بواسطة amak

مساء الخير

اليكم اخبار امطار وسيول بلدة البير
الامطار الغزيرة مصحوبة بشبوب كبيره استمرت فترة طويله من المغرب الى الان وكل الاودية حدرت بقوه وسيل قوي اودية الشريج وابو عشيره وابا الرمل والميديك والشرج قوية جدا وحجرتنا ماقدرنا نطلع من الديرة القديمه كما حدر شعيب ابو فحيحيل المشهور بقوة وسيل اكثر المزارع ولا يزال بكامل قوته
وهذا السيل يقول بعض الشياب من زمان ما شافو مثله
الله يجعله عطا برضا وان ينفع به ان شاء الله

وين في اي مكان الله يستر عليكم

[عبدالهادي المفرج التميمي]

مراسلنا من البر ابو عدنان

الاصوف يمشي مشي طيب وشعيب القلته قاطع الخط وممشاه طيب

ومن ابن الخال جاي من الرياض يقول

من طلعت من الرياض حتى وصلت تمير والمطر طيب بالحيل

نشوف كل شي ابيض مع البرق والله اعلم




سلام

[عبدالوهاب العطالله]

الان مطر غزير على الزلفي

كنا قبل شوي نشوف النجوم ثم روحت من جديد وامطرت

يالله مقسوم خير

ويارب ترحمنا برحمتك