هل تعود السنوات المطيره وهل هذا الجفاف قد حصل قبل ذلك. موضوع للنقاش.

[ريح المطر]

بسم الله الرحمن الرحيم
السلام عليكم ورحمة الله وبركاته
مشكور يالغالي على هذا الموضوع الرائع
طبعا انا سوف اتكلم عن المنطقه اللتي انا عايش فيها
الشرقيه والشمال الشرقي
الحمدلله والشكر لله لي تقريبا 30 سنه ماشفت جفاف بالشرقيه ابد الا السنه هذي والسنه اللتي مضت
يعني لنا سنتين وحنا جفاف عكس الشمال ونجد والقصيم حيث تلك المناطق دائما تتعرض للجفاف الطويل والله كل سنه نطلع بالربيع للديار اللي وسمت بالشرقيه والشمال الشرقي ولله الحمد
مثل راس الزور والجبيل ومنيفه والسفانيه والنعيريه والخفجي وراس مشعاب والصمان الى حفر الباطن تقريبا
او دونها شووووووي حتى اهل نجد والشمال راعين الحلال كل سنه يجيبون حلالهم
لهذيك الديار لانهم ابخص بالربيع والديار الممطره والخيرات حتى هم انفسهم اذا سالناهم يقولون احسن مربع للحلال الشرقيه والشمال الشرقي لان ديارنا نادرا ماتربع بسبب قلة الامطار في نجد والقصيم والشمال ولاكن الشرقيه والشمال الشرقي كل سنه يوسم ويربع بفضل الله
ولاكن الحين لنا سنتين وحنا جفاف بالشرقيه والشمال الشرقي ويكلمني واحد خبير بالطقس
يقولي ان السبب بسبب الاستمطار على نجد والقصيم وحائل قامت تتفجر السحب ولا تتراكم
وبفعل ذالك يتشتت السحاب ولا يجينا شي والله اعلم لاننا متعودين كل سنه ربيع
ولاكن السنتين الاخيره مافيه شي حتى اهل الشرقيه نفسهم متفاجئين بالوضع هذا
يالله انك تجيب الخير يارب لجميع ديار المسلمين