حالة جوية تتعرض لها بعض أجزاء من الجزيرة العربية نتيجة لتقدم منخفض جوي بإذن الله

[محري بالخير]

المشاركة الأصلية كتبت بواسطة خالد العوض

الربيع زين وانا خوك من يوم تروح شمال وشمال شرق الرياض
سدير والقصيم والصمان وحتى شمال غرب الرياض
مثل الدوادمي وشمال عفيف كلها مناطق جميله
يبقا ياخوي تختار الوجهه
وكلها ديارك وياهلا بك
والرياض نفس البلد ماهي بحاجة مطر بقدر حاجة القرى والارياف

والصحاري اللي ماحوله خدمات او خطوط تحليه

اسمح لي يا ابو محمد اني اختلف معك
بل الرياض في حاجه للمطر نعم
اخذت جوله الاسبوع الماضي على محافظات الرياض الشماليه ( عرقه الدرعيه العماريه الوصيل الجبيله العيينه سدوس سلطانه وبنبان وعوده الى الخط السريع
الارض قاااحله والماء ما فيه نا شف ولا فيه اي شي
سد العماريه + شعيب بنبان + وادي الدرعيه + سد العماريه + براري الجبيله والعيينه وسدوس وسلطانه والوصيل اللهم يا كافي لانبته عشب ولا ماء يروي الارض الارض قاااحله بالحيييل
ومن شهرين ما جانا مطر منذ امطار نوفمبر لاحول ولاقوه الا بالله
استغفر الله العظيم