كلمات قصيدة ليتك تحس

[عايد]

يعلم الله في غيابك ما تناسيتك
بس في مره نويت انساك ممداني ؟!


قلت ابنسى وارتفع صوتك ولبيتك
واثر خفاقي بصوتك عنك ناداني !!


ويش اسوي دامني بالجوف ربيتك ؟
طفل تسوى هالحياه بعين : شرياني .!


تلعب .. وتكبر .. وتكبر .. لين عديتك :
بالغلا ( آخر نماي ) وكل ( شيباني ) ..


والله ان عمري بدا من يوم حبيتك
واعرف انه ينتهي لو قلت : تنساني !!


حط في بالك انا من عام خبيتك
ان صحيت بخافقي وان نمت باجفاني ..


ما بي غيري يلمحك حتى لــ غنيتك
غرت من صوت الصدى لا ردد الحاني !!


من كثر ما اشتقت لطيوفك تمنيتك
رمش عيني او تصير الشوف لا اعياني ..


وان تمادى هالحنين بجفني ضميتك
وقتها : القاك ! لكن ليه ما القاني ؟؟


والله انك من لفيت بنبضي حييتك
وكني بقولة ( هلاآآ ) بيّنت حرماني !!


هذا حالي يا الغلا من يوم خليتك
وانت طمني علي فالبعد وش جاني .؟


اذكر اني بالوفا صغتك وسمييتك
واذكر انك بالوفا كنت تحداني ..


وصرت اشكك في كلامك لين بكيتك
وقلت موعدنا يجي كان الله احياني ..


ويوم جيت بخافقي وبخافقك جيتك
كنت انا رابح مع اني ( خاسر رهاني !! )


والاكيد اني لقلبي بيدي وديتك
وعاد شوف اليوم وين الحب وداني ؟؟


يا عساني صدق ولعتك وهميتك
ويا عساك بجد تعشقني وتهواني ..


ولو تقول اني بغيابي عنك عنيتك
انت همك صرت اعده (( حسبة اخواني !! ))

[تناهيد]

يعلم الله في غيابك ما تناسيتك
بس في مره نويت انساك ممداني ؟!

قلت ابنسى وارتفع صوتك ولبيتك
واثر خفاقي بصوتك عنك ناداني !!

,,
الله يعطيك العآفيه عـ الأختيآر الرآئع
دآم آبدآعك .. وتوآجدك .."
ودي وتقديري .."
,,

[بقآيآ .. حرف]

ولو تقول اني بغيابي عنك عنيتك
انت همك صرت اعده (( حسبة اخواني !! ))

الأختيار الراقي والأحساس المرهف
أتحفتنا بطلتك أخي عايد
دمت ودام أبداعك
كل التحايا

[عبدالمحسن الرحمه]

صح الله السانك على هذا العزف

[عايد]

المشرفه والشاعره والاخت الكريمه تنااااهيد
كل الشكر والتقدير على مروركِ ومتابعتكِ الكريمه ... لاعدمناكِ
تقبلي سيدتي مني خالص الووود والاحترام لكِ

[عايد]

شاعرنا الكبير استاذي واخي الكريم عبد المحسن
صح بدنك .. واشكر لك مرورك ومتابعتك الكريمه .. لاعدمناك
تقبل استاذي كل الوود والاحترام لشخصك الكريم

[عايد]

مشرفنا القدير استاذي واخي الكريم ابو خالد
كل الشكر والعرفان على مرورك ومتابعتك الكريمه .. لاخلا ولاعدم
تقبل استاذي خالص الووود والاحترام لشخصك الكريم