والله ياخوي يابوعثمان رحنا لأماكن بعيدة واتوقع حتى الجن ماوصلها
ولكن فوق ذلك حصلنا محافير والناس ماخلو مكان مابحثوا فيه ههههههه
ولكن ترى حتى ولو رحت لمكان به ناس ترى الربيع طيب والفقع كثير ولله الحمد
يعني اذا الواحد بحث من الصباح لين العصر بيجيب له حول 1 الى 2 كيلو تقريباً
وطبعاً البحث والتعب لابد منه ولكن بالاخير هي وناسة
منها تتمتع برياضة المشي
ومنها تستانس بشوفة الربيع والفقع
وترى الفقع الزين والكبير كله جهة حدود السعودية مع العراق
عزالله انك صادق بهاذي خصوصا المواقع اللي تذكر ونا بحائل اروح للمواقع اللي مابعد ذكر به شي حيث اني طحت لي بموقع محفد ماله الا مدخل واحد ومساحته كبيرة جدا تقدر 20كم في 10 ولا اشوف الا اثر البعارين لقيتبه ثنتين هوبر خلال 20 دقيقه قبل اسبوعين ويوم الاثنين جيته مالقية الا الهوبر وشكله يبيله وقت
2014-01-29, 09:57 PM
العرض الشجري