طفل بدوي أمرح اذا شعشع النور = وفي ناظري دله ومحماس ووجار
في منظر الدله على النار مسرور = واطرب لنجر يزهم الضيف والجار
( طفل بدوي ) في رسمة الشمس مبهور = ومنظر جبل من حوله ازهار واشجار
افرح اذا رفرف على الغصن عصفور = وابكي اذا شفته تنبهلي وطار
طفل بدوي في دنية البر مغمور = عطري خزام وافرح بشوف الامطار
يكمل سروري لصبح البر ممطور = ويصعب علينا بالحطب شبت النار
طفل بدوي فيما اسويه معذور = محد يحاسبني على شوف الانظار
امشي على الرمضى واكتب على الصور = طفل بدوي في البراءة والاسرار
ودارت بي الدنيا على كيفها دور = في كوكب من العشق دوار
واصبحت في شعري بالاحزان مشهور = واسقتني الغربه من اصناف الامرار
اليوم دمعي من عنا الشوق منثور = تشقيني الاطلال لا جيت مرار
ياعمري الباقي ابي منك الشور = دربي ظلام او ما بعت جيت الانوار
اخشى اعود بدرب نادم ومقهور = ما عاد عمري يحتمل زود الاضرار
صالح الجهني
2013-10-30, 12:24 AM
العرض الشجري