تحدي الكسرات

[سآهر الليل]

من عاش مآضي يجيه طيآر
مآحيلته غير بلحونه
لامرته قال ياستار
يآويل حالي على عيونه

ســـــــــــــــآهر

[غانم الضومري]

طير الهوى طول المشوار
ردوه ياللي تشوفونــــــــه

مافيه احد يكرهه بالدار
الكل منهم يحبونـــــــــه

تحيتي

[الركام]

طير الهوى اظن له محدار
قلبه تعلق بمظنونــــــــــه
وان كان به طول المشوار
ياناس لا لا تلومونـــــــه

[غانم الضومري]

وين انت يالشاعر الذعذاع
أزعلت ربعي وجاريتــــــك

قهويتك الشاهي النعنـــاع
وفي عالي الصوت ناديتك

[ذيب آجا]

العين عن النوم جاهـا شي
ماتقبل النوم لو غطه
انا ادري ان السبايب هي
ام الجدايل ممشطـه

[غانم الضومري]

ذيب الجبل شايفه يشكي
قريتها من أثر خطـــــه

يعظ الاصبع إلين الأي
ريح الشمطري وله عطه

[الذعذاع]

المشاركة الأصلية كتبت بواسطة غانم الضومري

وين انت يالشاعر الذعذاع
أزعلت ربعي وجاريتــــــك

قهويتك الشاهي النعنـــاع
وفي عالي الصوت ناديتك

أنآ هنآ يآطويل الباع
يآشآعر ذآيع صيتك

قلبي مع الصيد والمطلاع
ولولآ الغلا كان ماجيتك

الذعذاع

[الركام]

يالصيف لا تنتظر شعــــار
راحوا عن النت واخبــاره
كل ضرب له طريق وسـار
ومصير كــل عـــلى داره

[غانم الضومري]

مادام صيفك مولع نــار
وابعد مواصيلك الحاره

ماازين من مكيفٍ هدار
وسليك للنت والفـــاره

[غانم الضومري]

ياراعي الصيد والمطلاع
ماعمرك الصيد ذكيتــــه

مااظن عندك جويب شراع
لا دلهم الليل سريتـــــــه ؟!