امطار جنوب الرس عصر هذا اليوم الاتنين

[بالصميم]

السحاب اليوم جنوب الرس كان بالحيل زين طلعت بعد الصلاة مباشرة وكل ماتوجهت جنوب زان بالحيل حتى دخلت دخنة جنوب الرس بخمسين كيلو ولقيته مرشوشة رشة طيبة وكل ماتوجهت جنوب زان الخيال وزاد المطر وقررت افرق يسار جنوب شرق مع مفرق الاثلة والعمار والملقا لان السحاب هناك طيب وبديت اشوف بروقه والارض كلها ممطورة مطر زين بالحيل وبعض الاماكن منقعة وتشوف الماء فيها ولقيت مكان جنوب شرق بعد مافرقت يمين بعد الملقا المناقع فيه كثيرة والارض متلبدة بالحيل ووقفت فيه ونزلت المعاميل وشبيت على الدلال وتقوهيت وصليت فيه المغرب والعشاء ورجعت وهي ترش شوي وتوقف شوي والبروق مولعة شرق عنا وبالرجعة ضربت علينا سحابة طيبة بالملقا وعنه جنوب شوي والخبر هذا هدية لكل اعضاء البراري الاعزاء وتراي صورت بالجوال بس اخوكم دلخ مايعرف للنت زين وسلامتكم .

[صلاح الزعاقي]

يعني تهقا عبلة وضاخ جاها مطر طيب وسم الأرض ؟

ومشكور على هالخبر الحلو 00 والله يزيدنا من فضله 0

[بالصميم]

انا ماجيت وضاخ لكن السحاب عليه طيب بالحيل واللي يقابلونن مولعين النور من جهته عقب العصر حوالي اربع والسحاب كان طيب بالحيل تقل عقب المغرب وارضه اكيد رويانة بالحيل بأذن المولى عز وجل .

[عاشق الضلعان]

مشكور على هالخبر الحلو 00 والله يزيدنا من فضله 0

اللهم اجعل مانزلته علينا عونا لنا على طاعتك

[بالصميم]

مشكورين يالنصوح والعاشق ولو جمعتكم صرتوا عاشق نصوح مع تحياتي لجميع القراء .

[ذيب الأرياف]

ماشاء الله

والله يبشرك بل خير

ويازين الديار ذيك وجنوب شرقها يم السر ومطربه

[دندشه]

مشكووووور على الخبريه

والله يغيث الارض والعباد

دندشه

[عبدالهادي المفرج التميمي]

الله يبشرك بالخير يا وجه الخير
وعلومك كلها غانمة

مشكوووووووووووووووور



سلام

[خالد العوض]

المشاركة الأصلية كتبت بواسطة بالصميم

انا ماجيت وضاخ لكن السحاب عليه طيب بالحيل واللي يقابلونن مولعين النور من جهته عقب العصر حوالي اربع والسحاب كان طيب بالحيل تقل عقب المغرب وارضه اكيد رويانة بالحيل بأذن المولى عز وجل .

الله يبشرك بالخير
ويرضا عليك ياخوي
اسعدتنا بهذه الاخبار

[عنيزاوي]

الله يبشرك بالخير اخوي بالصميم

اخبار توسع الصدر

يعطيك ربي العافيه