متابعة الطقس من 26 - 29 /1 / 1432هـ الموافق 1 - 4/ 1 / 2011م

[هاوي جده]

انا استغرب من الناس الي لاعاجبها العجب ولا الصيام برجب , على فكره بس وللتوضيح لما تجي امطار على جده مو كل الاحياء او الشوارع تغرق والفلم الي بتقولوه لا والله يمكن بس 30 او قول 40 % من جده هيا الي بتعاني والباقين مبسوطين بالمطر والخير
والعالم تروح البحر والي يطلع يخيم والكل مبسوط , والله اني مع اي احد تظرر وادعيله بان الله يفرج عليهم , بس الصفه الغالبه ان الكل مبسوط من المطر , والشي اي يقهر من جد لما اجي اقرا رد واحد يقول هذا سخط ولا هذا ابتلاء ولا لا ولا وليش يعني الكلام دا
مجرد تهويل ماله داعي وجر كلام للي يبى يصيد في المويه العكره الي يقول نشتري لنش احسن والي يقول اسعار الارضي في جده ارتفع عشان صارت كلها على البحر , هذا بدل ماتحمدوا الله ان
اجواء جده الايام هذي من جده روعه كل كم يوم مطر او رذاذ والجو ماهو حار ولابارد يعني الدنيا ربيع والجو بديع انبسطوا ياجماعه وعيشوا اللحظه ترى كلها ايام معدودات ويجي السلخ ,
انا اسف اذا قلت شي ماعجبكم بس هذا رأيي وهذا الي حس بيه واعيشه .