ماقدر اخفي واكتم السر بالجوف..غصب علي وقاد قلبي يحوفه

[ذيب آجا]

السلام عليكم ورحمة الله وبركاته ..
شفت كم مقطع من اليوتيب وحز في نفسي حال الشام.. واسندتها لخوي غانم الضومري..اثرك صادق وانا اخوك وانا اللي كنت ادافع عنه..

عزي لحالي ياابن ضومر وانا اشوف
............شي اشوفه ليت عينك تشوفه
مااقدر اخفي واكتم السر بالجوف
.........غصب(ن) علي وقاد قلبي يحوفه
كنت احسب الظالم يدينه رفوف
..............اثر الحصاني راقياتن حيوفه
شفت الفقيرودمعته تشكي الخوف
............والقتل والتدمير بأجشع وصوفه
المدرعة تقصف صواريخ وتطوف
.............على المساكين اليتامى سيوفه
صابتني الضيقه وهمن وعاصوف
...........وقام الالم يرقى على نار جوفه
ياليت ياغانم لنا يدين وسيوف
...........نسطي على بشار نقطع كفوفه
لنا من الوقفه تعابير وحروف
............هذا اللي نقواله و لابه كلوفه
يالله يا خالق نهارن به كسوف
.........ياخالق عبدك وبامرك ا صروفه
انك على بشار بالحال ماتروف
............وتزلزله يارب بليل نشوفه