ماقدر اخفي واكتم السر بالجوف..غصب علي وقاد قلبي يحوفه
 

السلام عليكم ورحمة الله وبركاته ..
شفت كم مقطع من اليوتيب وحز في نفسي حال الشام.. واسندتها لخوي غانم الضومري..اثرك صادق وانا اخوك وانا اللي كنت ادافع عنه..

عزي لحالي ياابن ضومر وانا اشوف
............شي اشوفه ليت عينك تشوفه
مااقدر اخفي واكتم السر بالجوف
.........غصب(ن) علي وقاد قلبي يحوفه
كنت احسب الظالم يدينه رفوف
..............اثر الحصاني راقياتن حيوفه
شفت الفقيرودمعته تشكي الخوف
............والقتل والتدمير بأجشع وصوفه
المدرعة تقصف صواريخ وتطوف
.............على المساكين اليتامى سيوفه
صابتني الضيقه وهمن وعاصوف
...........وقام الالم يرقى على نار جوفه
ياليت ياغانم لنا يدين وسيوف
...........نسطي على بشار نقطع كفوفه
لنا من الوقفه تعابير وحروف
............هذا اللي نقواله و لابه كلوفه
يالله يا خالق نهارن به كسوف
.........ياخالق عبدك وبامرك ا صروفه
انك على بشار بالحال ماتروف
............وتزلزله يارب بليل نشوفه

[align=CENTER][table1="width:95%;"][cell="filter:;"][align=center]
اللهم أمين

ما شاء الله تبارك الرحمن عليك يالذيب
صح الله لساانك مليون وعسى الله لا يهينك يا الغالي على هالشامخه
والله مدري وش كلمة الشكر أو المدح اللي توفي او تصف إعجابي بجمال طرحك
لله درك

وصح لسانك لين ترضى يا بعد حيي


عناد
[/align][/cell][/table1][/align]

اللهم أمين
ما شاء الله تبارك الرحمن
وصح لسانك يالغاالي

عدت إليك أخي ..

الله على شعرٍ مرتب ومصفوف
مثل الذهب يازين رصة حروفه


اقف تحيه واصفق كفوف بكفوف
يازين سبكٍ في بنانه يحوفـــــه


شاعر وقلبه صلب ما يعرف الخوف
ذيب الجبل لا هد ما فخت خروفه


ماهمته ساره ولا همته نوف
همه كبير وزاد عن حد جوفه


ماقال انا بعيد ماني بمكلوف
عن القصيده ما حدنه ظروفه


يملك قلم رصاص من نوع شاخوف
ياويل من حط التفــــق في كتوفه


بردّت غلي بعد ما كنت ملهوف
الذيب جايع والهبايب تلوفــه


وش فرق أهل حماه عن راس دانوف
الفرق شاسع بس ما احـــــدٍ يشوفه


أنا احمد الله والعلم فوقه ســــيوف
وكل الأمل بالله ينصر سيوفـــــه


تحيتي وتقديري
الضومري

　
　
　
　

إبداع الذيب جاراه إبداع غانم موضوع استحق الكتابة وأقلام استحقت التصفيق والإعجاب لا عدمناكم

صح لسانك
الله يعطيك العافية
وشكرا لك

صح لسانك ياذيب اجا على هذه المشاعر والابداع

وصح لسانك يالضومري على المجاراة دائما مبدع

اللهم انصر من نصر الدين واهلك الظالمين

صح لسانك ذيب اجا وسلم بنانك
وصح لسانك يالضومري

وهذي بيتين مشاركة اقبلوها وان بغيتوا عدلوها :


يابنت لجي وانعشينا بغطروف
بشار يستحضر ينافض كتوفه

والربع من حوله آذنيهم شنوف
متى نبا اخبـــــار ترصف كتوفه

مكروه يابشار وفي الشعب معيوف
أرحــــل طويل العنق ياخس شوفه


ويا لله ياكريم تعجل بزوال هالزرافة اللهم امين