شبكة البراري

شبكة البراري (https://www.albrari.com/vb/index.php)
-   واحة شعراء البراري ( قصائد، خواطر، نثر) (https://www.albrari.com/vb/forumdisplay.php?f=129)
-   -   ♡♢ هواجيس ~~ شطر ♢♡ (https://www.albrari.com/vb/showthread.php?t=89332)

شطر 2017-02-17 02:49 AM

لك بالمسآ صوره لها كل فنآن
يبطي وتبطي ريشته مآرسمهآ
وش هالحضور اللي فتني بالالوآن
والبسمه اللي جعلني مآ اعدمهآ💕
شطر.✒

شطر 2017-02-17 02:50 AM

》♡ من هنآ والا هنآ والآ هنآ
لك حضور(ن) يآحبيبي دآخلي
ينعش الخفآق ويشيل العنآ
فيك حتى البآل من همه خلي ♡《

شطر...✒

شطر 2017-02-17 02:53 AM

عين المهآ اللي تهيضني وتشعآني
واقول فيهآ من أشعآري واغنيهآ
هي ملهمتني وهي حرفي وقيفآني
ان غبت مجبور..مآغآبت بطآريهآ
أسقتني الود لين الود ودآني
في عآلم العشق والفرحه واراضيهآ
فديتهآ لاحكت وارخت على شآني
اللثمه اللي تغطي جمر أشآفيهآ

شطر

شطر 2017-02-19 11:55 PM

اشتآق لك شوق(ن) يفوق المفآهيم
وانتي وانا مثل النديم ونديمه
لك في سكون الليل همس وترانيم
بأعمآق روحي والحنآيآ مقيمه
شطر..✒

شطر 2017-02-19 11:56 PM

~/ الليل ليلك والمشآعر تنآديك
هو فيه غيرك إنت.؟ .. يآليل يآعين♡》

شطر...✒

شطر 2017-02-21 10:20 AM

حي الله اللي صبآحه يوم صبحني
مقدم سحآب(ن) به الرعآد صحآني
يطير نومي ليآ سولف ومآزحني
يهديني الشوق واهدي له من الحآني

شطر

شطر 2017-02-23 10:08 AM

ياصبآح الخآفق اللي عآش بين أجوآئك
رفرفت جنحآن وده يوم حبك حآفه
كلمآ غرد لعينك هآم بين أسمآئك
ينتشي حرفه وياخذ من هدبك لحآفه
شطر

شطر 2017-03-06 12:34 AM

المهره اللي لقت خيال يفهمهآ
وهي لخيآلهآ بالحيل مطوآعه
تجيه عجله وهو بالصوت يزهمهآ
يرتآح لأطبآعهآ وترتآح لأطبآعه

شطر

شطر 2017-03-06 12:35 AM

خذ ماتبي .كلي لعينك فدآوي
انا المحب اللي كبآر(ن) هقآويه
دامي غناوي فيك وانته غنآوي
قلبي مع وصآلك جويده عرآويه
شطر

شطر 2017-03-08 08:05 AM

تصبحت بك وانعشت فكري وطآر النوم
تقهويت همسك قبل لا اروح لأشغآلي💕

شطر...✒


الساعة الآن 11:50 AM

Powered by vBulletin .
جميع الحقوق محفوظة © لشبكة ومنتديات البراري 2010