(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

مابي لاحد منّة علينا و معروف ،
بعض الخلايق ما معه ذرّة احساس

حضن الرصيف و رجفة البرد و الخوف
عاشرتهم اكثر من معاشر الناس !

[بقآيآ .. حرف]

غيّب جبين الشمس متوالي الليل
يا نفسي اللي كل ذنبٍ كسَرها

متوارية خلف العفو بالتهاليل
و اركت على كتف الدعاوي ظهَرْها

[بقآيآ .. حرف]

رفعني الله عن سفاسف خطاياي
قويت اشيل حمول الايام و امشي

لو تركع جروح المسافات لرضاي
ماتطرف دموع المشاريه رمشي

[بقآيآ .. حرف]

يا سيرةٍ مرّت وانا ما بيدي شي
يا دمعةٍ قبل ابتسم قاطَعَتني .

[بقآيآ .. حرف]

لقيتك و الكلام اللي بعد وَجهك رفض ينقال :
( حيَت عقبك بساتين الحياة و وّرّدت روحي ) !

[بقآيآ .. حرف]

ادري انك : رغم هذا البعد ، ( تقرا )
و ادري ان اقصى طموحاتك عناقي

اي قسم بالله و الضحكات صفرا :
اني آجهل وش بعد ذكراك باقي !

[بقآيآ .. حرف]

جرّحتنا الحسايف و الظنون العجاف
و تركتنا يدين الصبر بالمنتصف

ان بكينا جفاف ، ولو سكتنا جفاف
وان حكينا شعور الموت ما ينوصف

[بقآيآ .. حرف]

رح لايهمك وش حصل يوم فارقت
هبّ البكا لين انكسر غصن وعدك !

و اكبر دليل ان الحزن مسألة وقت :
لا متّ من بعدي ، و لا متّ بعدك

[بقآيآ .. حرف]

ايه انا من منطلق : ( تمشي الحياة )
ابني الطين ب شعوري و اسكنه

لو يتعّبني هدوء الأمنيات ،
مايناسبني ضجيج الأمكنة !

[بقآيآ .. حرف]

خرجت من ملحمة حبك بخفي حنين..
ولابقى من زهابي غير دمع وحروف..
وكل ماتمر الأماكن ادري انك حزين..
وامقدر الوضع كله يلعن ام الظروف

هادي مسدّح

[بقآيآ .. حرف]

تلاقحي يالمزنة الغراء وحول يا مطر
يبسا الحلوق أزرت تعين مايبل حلوقها

شفنا وجيه الأغنيا تضحك على وجه الفقر
والناس ماتجهل بقيمتها وكبر حقوقها

[بقآيآ .. حرف]

من شرّع البعد لك والصد و الفرقا ؟
ياللي نبت ورد عمري من مداراتك

وش زينة الصبح لا من غابت الورقا
و وش زينة ايامي ان طوّلتي سكاتك ؟

[بقآيآ .. حرف]

وش خانة الأسماء و الغايب شعور ؟
شفني هنا وهمي و الاحساس باين

[بقآيآ .. حرف]

وجه الزمان ابيض من اللي عثوا فيه
و جروح قلبه من تهمهم عرايا .

[بقآيآ .. حرف]

وش ينبغى بانسان عادي وجودة
ان غاب مانقص بغيبتة الافراح
ًًًٌ
مثل الشجر لاطاحت اوراق عودة
ثابت ولا هزة ورق عودة وطاح

[بقآيآ .. حرف]

"فّج الضلوع وشوف وشكثر جوّاي
زحمة كلام، وماقدرت أنطق بشي"

[بقآيآ .. حرف]

تشرفت بزيارة الأحبه لي أبو أحمد وأبو عمر
http://up.albrari.com/uploads/15142157711.jpg

[بقآيآ .. حرف]

كم يقتل الأرشيف من شعري أرواح
يشبه لوأد البنت بالجاهليه

[بقآيآ .. حرف]

شُف بدل ماهي لـ واحد صارت لـ جمعٍ لفيف
كيف؟ انا أخبرك كيف...شوفها فوق الرصيف

[بقآيآ .. حرف]

فكّر إنه يوم يبحث عن بقايا شيّء خافي
من بعدها كل أُنثَى إعتبرها من خواته

[بقآيآ .. حرف]

أقدر أشوف الّلي بناظرك واقْراه
وانا بعيني شي تبطي تشوفه

[بقآيآ .. حرف]

لـ الرفاق الذين لم نعد نعني لهم شيئاً ..
قيمتكم محفوظه ولكنّها لن تزيد ..

[بقآيآ .. حرف]

يَا مَن تَلَوَّنَ بالطّباعِ أما تَرَى
وَرَقَ الغُصُونِ إذا تَلوَّنَ يَسقُطُ؟

[بقآيآ .. حرف]

مثل ماتلز الخيل في داخل المضمار
ومثل مايحط اثقال وتبيّن القوه

تبين المعادن كل ماطول المشوار
وتعرف ردي الساس من طيب الخوه

[بقآيآ .. حرف]

عام أطل ومضى عام
عشنا به المسرات وعشنا به عكس ذلك
عام مضى ليس لنا فيه الا الندم على ضياع أوقات تقربنا الى الله
اللهم يا ربنا بارك لنا في هذا العام
وأجعل أحوالنا وأحوال المسلمين من خير الى خير
وأنصر به جندك الموحدين المرابطين على ثغور بلادنا العزيز
وأحفظ ولاة أمورنا وأيدهم بتأييدك
أنت ولي ذلك والقادر عليه

[بقآيآ .. حرف]

هذا أنا مثلك وحيد
وذا محلّي .. من سنة
سهران ، لا مستقبل القبلة ولا أقرا ولا أكتب شِعر".

عبدالله الكايد

[بقآيآ .. حرف]

قد يكون عام 2017
عام سقوط الاقنعه ان جاز التعبير
وعلى جميع المحاور

[بقآيآ .. حرف]

إن عشت عشت بشيمتي وإن متّ متّ بشيمتي
مانيب شارب ماي وجهي .. لو أموت من الضما

[بقآيآ .. حرف]

يكفيني من هذا الصباح إبتسامه
عن أمسيات الفقد واللي ورى الفقد

[بقآيآ .. حرف]

سافرتي الصبح وربْ عيونك النُجّل../
اني على خطوتي وعيوني خلافي ..!
-
حنييين هذا السفر .. ياليت يتأجّل..!
قبل لا يختم جواز .. وتبرد اطرافي ..!

فواز الرويلي

[بقآيآ .. حرف]

إبتسم فالحزن يأخذ منك اشياء كثيره ولا يأتي بأي شيء

[بقآيآ .. حرف]

اطالع مرايتي واشوف ... ندب السنين
حتى المرايه ترد بصوت نفسي من انت؟؟
-
من كثر ما مر في صدري جفا الغافلين!
لا مرني جدار متصدع بدربي .. حزنت

فواز الرويلي

[بقآيآ .. حرف]

ثقيل هذا الشتا واطراف ليله جفاف../
كل ماصفت سالفه .. تعكرت سالفه..!

فواز الرويلي

[بقآيآ .. حرف]

من يبذرك ؟ يالشعور العذب بين ، السطور
طبيعي تـكـون " أنغام الموسيقى " ثـمـر

[بقآيآ .. حرف]

الإنسان الملوث داخلياً
لا يستوعب وجود بشر أنقياء.

[بقآيآ .. حرف]

كنت أغلق كل الأبواب ليرتاح
وبقيت الريح تهب عليه من ثقب قلبه".

[بقآيآ .. حرف]

كنت ادري انك تبي تبعد، وانا ما ندمت
خذيت روحي،! ولاني ماخذ بـ ثارها
'
لا تنصدم و اتحسبني بالوداع انصدمت
عند الوداع ،الحبايب ! "تشخص ابصارها

[بقآيآ .. حرف]

حبيب النظر لاتلحق اللوم لو فارقت
انا إنسان لي عمري ويومي وعاقبتي
'
وصالك معي حسنه وسيّه بنفس الوقت
جميلٍ على قلبي وذنبٍ على رقبتي !!

[الركام]

هذي هي الدنيا متاهات وأحزان
كلن يــــــدور راحته ما لقاهـــا

تبي لها صبر مع شوي نسيــــان
مع ضحكة تخفي دموعك وراهـا....!
‏يسعد صباحكم🌹

منقول

[الركام]

محقورة مـاحط ربي لهـا شــان
محظوظ منهو باعها ماشـراهـا

يطيع ربه ماسمع كـل شـيطـان
يرجي بدلـهـا جنة في سمـاهــا

اسعد الله صباحكم ومسائكم 🌹🌺🌹

الركام

[بقآيآ .. حرف]

كان حظك ما مشى لك مشّ حالك
بس لا توقف بموقف مايشرّف
عادل الحرفه

[بقآيآ .. حرف]

غلطة زماني لو بدور لها أعذار
بتصير غلطة غير غلطة زماني
عادل الحرفة

[بقآيآ .. حرف]

ياهاجسي وانت ضيف الصدر عند اللزوم
مواقفك كل ساعة ضيق .. ماتنجحد
ً
أقربّ ويّا مرحبا بأسم الحزن والهموم
وأقلطّ على جروحي اللي ماعليها أحد !
ً
عادل الحرفه

[بقآيآ .. حرف]

جديد الغلا لاهنت… لو تمسح الأرشيف
الأرشيف كذبه بإسم الأشواق تنهكني

وإذا كنت تجهلني.. إخذ مني التعريف
أنا درب ما تقدر بوجهين تسلكني

[بقآيآ .. حرف]

يوم البخت راس مالي ليت مالي طموح
وأسمح من الحب لا ناره ولا جنته
'
عدّاني العيب يا حلم العمر لو تروح
الحظ طايح وانا طايح على منته !!

[بقآيآ .. حرف]

عرضو صدري نسيم الغرب لذعذع مهبه
واتركو جرحي يكف الصوت والشوق يتكلم
والله ان مصعب من الفرقى عقب زود المحبه
غير دمعً في عيون اللي يحب ولا يعلم

[بقآيآ .. حرف]

من شفت وجه الجفا ماشفت وجه الوصل
وطاحت من عيوني الاشكال والمغريات

مشاعر الحب بعد اللي لقلبي حصل
رميتها كلها في سلة المهملات

[بقآيآ .. حرف]

دمعتك لو باعت العذر لـ سكوتك
شرهتي عن حدها ما وقفتها

أربطي هذا الحكي فـ حبال صوتك
وخلي عيونك تكمّل سالفتها

[بقآيآ .. حرف]

علّم اللي كل يومٍ يدور له رفيق
الرفاقه ماهي بـ عقد شهري واشتراك
.
لي رفيقٍ لا ذكرته وصدري مستضيق
ابتسمت .. وقلت للضيق : هااات اللي ورااك

[بقآيآ .. حرف]

يفز قلبي كل ما هزه الشوق
صوب الديار اللي ربابه حبيبي
والله لو ما يمسك القلب معلوق
ما يمنعه غير القدر والنصيبي
بقآيآ ..

[بقآيآ .. حرف]

أي والله إنه روّح الوقت ما جانا مطر
يالله عسى ماهي موانعه كثر ذنوبنا
بقآيآ ..

[بقآيآ .. حرف]

ما تغيّر
بس أنا الليّ : كنت أطوِّف
استعدْت الذاكره .. و شفت المآسي !

[بقآيآ .. حرف]

رجوى صبورٍ هدّه الصبر و اختار
حروة فرَح يركي عليها رجاويه
يدفي طرف كفّه على شبّة النار
و يلوفه التفكير من حرّ مافيه .

[بقآيآ .. حرف]

آه يالحظ الردي وآه يالحب القديم،
كنهن بالقلب بين الضلوع مكلّفه!
بين لوعات الليالي وطعنات النديم،
من يبي له هم : ولّا جروح ..اسلّفه ؟

[بقآيآ .. حرف]

عقلي مزاجيته ماهي بتطريد السراب
أمّا يطول السما ولّا عساه يهوي !!

[بقآيآ .. حرف]

ودي اجمع ذكرياتك واعرضها الهبوب
مير حتى الريح صارت تعاندني عليك
ٓكل ماهبت علي من شمال ومن جنوب
كنها و استغفر الله هبّت من يديك

[بقآيآ .. حرف]

عطيته غلا وان قصر الوقت لا يعطيه
تسلفت من حب الرفاقه على شانه

[بقآيآ .. حرف]

على تصفيقة الكفين وإلا عضة الابهام ؟
"فمان الله يا من ضاعت أيامي على شانه"

[بقآيآ .. حرف]

اللي مضى يفداك واللي بقى ليّ
نفسي واعرف شلون منك أعتقها !

[بقآيآ .. حرف]

والواقفين بـ منتصف درب فرقاك ،
ان عوّدوا مبروك .. وان قفّوا أبرك !

[بقآيآ .. حرف]

أقسم قسم باللي رفعني و وطّاك ،
أنك حرام تكون .. من " ذكرياتي " !

[بقآيآ .. حرف]

صدتك جرح مغلف بـ الظُروف
والكلام أحيان ، طلقه طايشه !

ما علي أخلاف وعيونك تشوف
أغلب العالم جروح .. و عايشه

[بقآيآ .. حرف]

لا تلتفت .. و عيونك : عيون السروق ،
حتى عيونك من سواياك : استحت !

من شاف نفسه فوق ما شفناه فوق :
حنا نحطه : فوق .. و نحطه : تحت

[بقآيآ .. حرف]

يتكاثَر الحزن في عيني و اخاف اذرفه
لأن الحبايب قليل .. و واجد الشّامتين

[بقآيآ .. حرف]

صاحبي دار الزمان و هدّ حيل..و غيّر
كل دربٍ كنت من قبل الجفا متجهه"
'
لاقلط طيفك على عرش الخيال و سيّر!
يبشر بـ زرق الدموع اللي تبيّض وجهه

[بقآيآ .. حرف]

الحر لاطابت مواكيره فرق
من خلقت الدنيا ليوم الاخره
ِ
مااحد يخليني على مفرق طرق
انا الطريق من اوله لين اخره
ِ
يلعن جباهن ما ينز ابها عرق
ويلعن وجيهن بالتعازي ساخره!!

[بقآيآ .. حرف]

تمر الشدايد كل فتره على الانسان
تعيد النظر في مامضى من علاقاته
..
تبعد له اللي عدهم بالحياة اخوان
وتقرب له اللي ظنهم من عداواته

[بقآيآ .. حرف]

أمان الله على قلبٍ ترك لله . . كل ما فات
سلاحه لا غفى العالم / دعاه ومدّة يدينه

[بقآيآ .. حرف]

علّم اللي يحسب أنّه على الدنيا خبير
القلوب المحبطه يسهل استخدامها
-
فالحياه الدائريّه غدا الاول .. أخير
الوراء يطالع الناس من قدّامها

[بقآيآ .. حرف]

المؤمن يجاهد الدنيا بما يستطيع
والعاقل يكف سرّه عن علانيّته
..
بغو مطيحي وطاحو عند رجلي جميع
سبحان من يعطي الطيّب على نيّته

[بقآيآ .. حرف]

اتحاشى واستحي منك والله العظيم
وانت ماتدري وانا ادري وغيرك مادرا
َ
الهوى غربي من امس العصر والجو غيم
سامح الله كل شيٍ على بالي طرا
َ
البشر يمشون فوق السراط المستقيم
وانت في مشيتك عكس البشر تمشي ورا

[بقآيآ .. حرف]

رضاي أني أشوفه مبّتسم راضي عليه " الله "
و ( عليّ الله ) لامنّه تبسم "ينشرح صدري .

[بقآيآ .. حرف]

التفت للجاي واضحك في وداع الرايح
المقفي لاعطيته وجه : . . دوّر غيـرك
.
لاتحاول يرتقي فكـرك وقدرك طايـح
مستوى قدرك يشابه مستوى تفكيرك

[بقآيآ .. حرف]

لا خابت الهقوه ترى مابها عيب
قلّطتها و اشره على اللي فهقها
-
النّيه اللي كانت تصيب و تخيب
ضاعت مثل عمياً تغنيّ لـ صقها

[بقآيآ .. حرف]

تأخرنا و جاء تأخيرنا خيره و حمل و طاح
عسى الله ما يقدمنا لـ علمٍ ما يقدّمنا
َ
صراحتنا معا أنفسنا تكيفنا بدون أيضاح
لو أنّا ما جهلنا . . . ما تعلمنا و علمنا

[بقآيآ .. حرف]

ليت قلبي قبل ينصى المداهيل أستخار
و ليت رجلي بدّلت .. بـ المراح نكوفهـا
ٓ
ٓقدّر الله شوفة الدار و اللي صار صار
ما بقى إلا ذكريات الديار و شوفها

[بقآيآ .. حرف]

لا طاح من عيني اليمنى طموح وبشر
الحاجه اللي على يسراي للهاويه
ِ
ماني قريّب شبوح ، و لا قليّل قشر
لو البشر مع غلا الدينار متساويه
ِ
انا ثماني .. على مر الليالي عشر
عرفت حتى صدور الناس وش حاويه

[بقآيآ .. حرف]

يانصف عمر الحياة ومبتغى نصف دين
من عاش بك حاضره ماخاف مستقبله
ٓ
يادعوه مستجابه من حدا الوالدين
يافرحة اللي ضحك حظه وطاب إعْمله
ٓ
ما يَكفي العمر لو عشته معك مرتين
والعمر مرّه ولا يعتاض وانت أجمله

[بقآيآ .. حرف]

لا بأس ان تكون (مختلف)
ما دامت التاء لم تسبق الخاء
ولا تجعل حياتك في ( حيره )
فربما هناك فوق الحاء نقطه !

[بقآيآ .. حرف]

لاتاخذك لهفة العالم على الانفتاح
مرّت على غيرك اللي توّها مرّتك

[بقآيآ .. حرف]

ساور الشك شك وما تهيّا لقا
اللقا اللي حفى عمري وأنا اطارده

لا يطوّل برودك كان حنا اصدقا
ولا تطـول الصـداقه كانها بارده

[بقآيآ .. حرف]

تحنين يا عينه من الشوق والاوهام
تبينه ينام شوي ؟ وينه و وين النوم

لقى ذكريات سنينه اللي ورا قدام
وعلى شان خاطرها تبسم وهو مهموم

محطات عمره كل ابوها قرار اعدام
ماتفرق معه لو يعدمونه وهو معدوم

يبي من يضم ايديه يومن من الايام
على شان عمره يبتدي من هذاك اليوم

مدغم ابوشيبه

[بقآيآ .. حرف]

وسط المطارات ..الوجيه
أحسّ من غير أقنعه

مليانه الخطوات تيه
كلن خذا شوقه معه

إما على اللي يحتريه
وألا على اللي ودّعه

[بقآيآ .. حرف]

رفعت عش وبعدها طاحت اشجار
زرعت صبح ، ولا قطفت المصابيح

كم يوجعك هذا البحر وانت بحّار
ماطحت عن مراكبك : طاحت الريح !

[بقآيآ .. حرف]

ماهي كذا .. يا محزمي .. لكن أقول
أقبل شكر مطلق .. وكثر امتنانه

إعرف نتيجة .. قسمة الطول بالطول
وتكسب .. تجاريب الزمن .. وامتحانه

[بقآيآ .. حرف]

خل حبل السانيه بين النحر و الغارب
لا تقفّاها على الساقه ولا تنطحها
٠
خلها لا سلمت اللحيه و سلم الشارب
ما أنت بـ اللي تكتب السيّه ولا تمسحها

[بقآيآ .. حرف]

من ستر شوُق قلبه في لحاف الجروح
ما درىَ إن العيوُن ، أشواقها عاريـه

[بقآيآ .. حرف]

لاتدوس الهوى غدوه بقلب ٍ ضرير
والمساء في ضفاف الشوق نار وحطب

[بقآيآ .. حرف]

من طبعنا مانخون ولا نحب الهوان
وليا غزينا نجي لخصامنا من قدم

ملوك في كل وقت وكل وقعة وشان
إلا ليا من لفانا ضيف صرنا خدم

[بقآيآ .. حرف]

يارفيقي والله انك كنت عندي غالي
والغلا بيني و بينك كان عالي صرحه
لين جربتك وخابت هقوتي و آمالي
كنت أعدك من جبال الارض واثرك برحه

[بقآيآ .. حرف]

تعوذي من كل نزغه و وسواس
و تطمني يا الجافل المستذيره
.
انتي قرينة كل فكرة و هوجاس
و انتي وليفة كل نبض و خشيره
.
مطلق بن شويه

[بقآيآ .. حرف]

ذكرياتي شتات و تمتماتي فصول : )
" بعد ماغاب مابه حزن ما أحزنه "
،،
من عرفته ! ماعنده للمواصل حلول ؟
(مهو صادق ولاكن ظله اصدق منه )

[بقآيآ .. حرف]

ماعاد عندي مناعه ي الجروح الجداد
توقفي لين اطيب شوي ثم ابتدي

جفون عيني بدا ياضح عليها السواد
وتبينت رعشتي لـ اللي يصافح يدي

[بقآيآ .. حرف]

استري دمع المفارق و تلويح الوداع
و اطلبي يوم انكسارك من الله العفو
.
حلمي اللي راح عمري و أنا اداريه ضاع
ضيعة المعروف في واحد ما هو كفو

[بقآيآ .. حرف]

النور؟
طفّ النور
والناس؟
ليه الناس،
تقرأ بدون شعور؟
و
تكتب بدون احساس؟!
لو قلت لي: مقهور؟
بـ اقول: ماني حاس
أنا مثل هالناس
أقرأ بدون شعور
واكتب بدون احساس..

عبدالله الكايد

[بقآيآ .. حرف]

بكاك الشجاع اللي دموعه على مركاه
وهي ما تطيح إلا من الحاجه الكبرى
ٰبعد ما فقدك وشاف وجهك بدون أشباه
درى إن الجروح اللي لها قدر ما تبرى

[بقآيآ .. حرف]

آتوجد وجد عودٍ قضى عمره كفيف
يمدحون آلشي عنده وعينه ما ترآه

[بقآيآ .. حرف]

ريف قلبي عقب بعدك غدا كله هشيم
لو تمره صلف .. الانواد تقفي بورقه
.
الجديد من الطواري على الحزن القديم
ضحك وجهه حزن بعدك يحاول يسرقه !

[بقآيآ .. حرف]

تعطر بأخلاقك
فهــو العطر الوحيد
الذي يـشُمهُ البعيــد قبلَ القريب
ولا يتغيــّر أبدا

[بقآيآ .. حرف]

الصدور اللي وفاها ملاجي للرفيق
ضيقوها اللي على كل عوجا يقلطون

عزتي للقلب الابيض وللوجه الطليق
لاحداه الله على عالمن مايستحون

محمد الدهيمي

[بقآيآ .. حرف]

كم راح من حلو الأماني على لو
وضاع الأمـل مابين ليتـه و لـوّه
،
نسرح مع التفكير وإن عكّر الجو
نرجع على اللي كوّن أرضه وجوّه

[بقآيآ .. حرف]

الغيمه اللي ترتبط .. في عجاجه
مرّدها لـ الطين .. لا طاح .. ماها
َ
بعتك وأنا اللي كل ماباع حاجه
ماينشد مْن اللي بعده إشتراها ؟

[بقآيآ .. حرف]

لا يزعلك شخص ٍ وفيت وغدر فيك
ما دام هو سهّل عليك .. إكتشـافه

عجـز بطيـبك يا السنافي يجاريك
وحب إنه يكون بـ رداه : إعتـرافه !

#رجا_المسند

[بقآيآ .. حرف]

لابارك الله فالهبوب اللي تغانمني عشان
أبيح شي لو عرضته للعرب طاح جهدي

[بقآيآ .. حرف]

ياغاليٍ لو شحب وجه الزمان وعبس
مازال وجهك بشوش وبسمتك فاخره
َ
ماودي اعيش معك العمر مره وبس
اهواك وابيك في الدنيا وفي الاخره

[بقآيآ .. حرف]

يا رب لا تورد العبد الضعيف الشتات
في غبّة أحزانه أما ضاع و لا نجا
ٰ
ما فات موجود ماهو كل مافات مات
انا مع الذكريات ان كان فيها رجا

[بقآيآ .. حرف]

داري على خاطري واللي تبينه خذيه
لو تاخذين العيون اللي .. تبكّينها
َ
انا عيوني حلالك والبكا ماعليه
دموع رجّال .. وانتي تستحقينها !

[بقآيآ .. حرف]

ما تعوّضني .............. ترفات النسا
عن هوى اللي قلت نامي بقلبي وآمني
'
كل شيٍ فوق وجه البسيطه ينّسا
كود معروفٍ غشاني وحبٍ ضامني

[بقآيآ .. حرف]

مالعب ف العاشقين الا النوايا والتسرع
انتهى حب القلوب الي بعضها من بعضها
َ
علم الي يحسبون الحب جمعية تبرع
من تبرع بالغلا والحب لايرجي عوضها

[بقآيآ .. حرف]

اذا جيت كني جيّة المنفلت لا ثار
واذا رحت كني غفوة الذاهن الراقد
.
اذا تشوف نفسك حاجة نادرة تكرار
انا الحاجة اللي مالها لك بدل فاقد

[بقآيآ .. حرف]

لا تظاهر بالسعادة وتلفت الانتباه
والله أن قلبك من البعد فيه مْية سهم
َ
ماحدٍ منا بـ سالي وهو وجهه وراه
راحت العِشره مشاريه ومبادل تهم

[بقآيآ .. حرف]

كان ما يشفع غلاي وعشرتي والخوّه
عرض خيولك طريق البعد واخذ اسبقها
.
الهوى ياخذ قلوب العاشقين بقوّه
وانت مثله .. لا تداريها ولا تعتقها

[بقآيآ .. حرف]

انا منحرج من راعي ازهل وراعي تمّ
وضايق من الديان لامن طرا ديني
.
عسى الله يرزقني رصيدٍ ولا ادري كم
يخلي مدير البنك .ياقف يقهويني

[بقآيآ .. حرف]

الحب في هذا الزمن صار ترفيه
يصبح يحبه واخر الليل خلاه

عشق بلا وفاء عسى الله يمحيه
ويشفي قلوب الناس همه وبلواه

[بقآيآ .. حرف]

عسى الونه اللي عقبها دمع عيني حار
يجيني بعدها مقبل الوقت بـ بشاره
َ
خذت من ضميري مثل ماياخذ النجار
لامنه اشتغل في يابس العود منشاره

[بقآيآ .. حرف]

ياعمري اللي بين .. شارع وشبّاك
ضاع اكثره من سبة اللي بصدري
ٓ
مع ان ما فالشارع المظلم اشواك ..
وش اللي يجرحني لا مريت ؟ مدري

[بقآيآ .. حرف]

عن البعد أنا المسؤول لكن ماني مسؤول
عن الخاطر اللي يخفي الضيق ويكنّه
..
ليا نسنس الغربي طرق صدري المقفول
رسالة عتاب ونسمةٍ من هوى الجنه

[بقآيآ .. حرف]

لك طواري كل ما ذعذع هبوب الغربي
ولي عيون ان رحت ترسم فالوجيه طيوفك
َ
يا اقرب مْن ضلوع قلبي لا نده لك قلبي
ليتني اقرب من سوارك للمس كفوفك

[بقآيآ .. حرف]

يالله بنوٍ كل مـ آنشــــى تســــاكب"
من خايله شاقه ومن راض به نشب
'
كن طارف نصوبه لاقامت تراكب"
رغوة حليب الخلفه اللي على عشب

[بقآيآ .. حرف]

المشتحن احيان ضيقة خاطره ماتطاق
وجوارحه عن تفاصيل الحزن ماحكت
ٰ
يسهب حديثه ليا من سولفوا فالفراق
وان سولفوا في مواصيل الحبايب سكت.

[بقآيآ .. حرف]

اللي يبي يرتاح في غير القناعه لا يتوق
يرضى بمقسومه ولا يتبع هواه ومطمعه..

[بقآيآ .. حرف]

قيل لـ " عُمَر المختار " :
إيطاليا تملك طائرات لا تملكونها
فـ سألهم :
أتحلّق فوق العرش أم تحته ؟
قالوا : تحته
فقال : مادام فوق العرش معنا فلا يُخيفُنا مَن تحته !

مَن كان مع الله لن يضرّه ضعفه
ومَن لم يكن مع الله لن تنفعه قوّته

[الركام]

‏يومها بين إيديني والغلا عادي
‏و يوم قفت تفجر حبها فيني
‏ٰ
‏كنها حطت التوقيت بفؤادي
‏لا مشت حبها يفجر شراييني
‏ٰ
‏قبل تقفي وأنا متماسك هادي
‏وعقبهآ ضاق كل الكون في عيني
‏ٰ
‏غلطتي كنت مترآهي ومتمآدي
‏وكنت أحسب الزمن والوقت يمديني
‏ٰ
‏وآثر من لا تغآنم فرصته غادي
‏آه يا فرصةٍ ضآعت من سنيني !

[بقآيآ .. حرف]

حلمي أطير من الصغر ، لكن الحين
أسرق من اعشاش العصافير ريشه

طارت من ايديني فرص عمر ، و سنين
و الحلم طار ، بـ أمنياته و طيشه .

[بقآيآ .. حرف]

ماني بـ اردّ اللي بيمناه لوّح
و لاني فتيلة ، للظلام و سراجه !

اجي هنا اشكي و افضفض و اروّح
لاتنتظر منّي افيدك بـ حاجة

[بقآيآ .. حرف]

نحمد الله ولا قلنا نحسّ بهوان
و نحمد الله حاجتنا ماهي في يديك

الرجا كان وافر و القناعة امان
و انت الاحلام قبل تمر بالك ، تجيك

باختلاف الظروف و باختلاف المكان
اتكلنا على الله ما اتكلنا عليك ..!

[بقآيآ .. حرف]

أنا وصلت لْـ مرحلة : طنّش تْعيش
أكثر مراحل عمرك .. تْكون : رايق
'
مالك ، ومال اللي يقولونه .. وْطيش
ومشاكل العالم : عساها فْـ حرايق
'
هم يتبعونك كلّ ما زدت : تهميش !
وما يتركونك غير لا صرت .. ضايق
'
لاتْدوّر رضاهم ولاتْقول لي : ليش ؟
الأنبياء : ماارضوا : جميع الخلايق

[بقآيآ .. حرف]

استفد من كل ما يقابلك،
فهي رسائل من الله لك، تأملها وخذ من معانيها..
ف سليمان استفاد من نملة .. وقابيل تعلم من غراب..!

[بقآيآ .. حرف]

يارب لا ترمي احلامي ..الـ ليت ولعل
وارزقني الصدق وشعور الرضا والقبول
،
،
من صارت الناس تستسهل علينا الزعل
ماعاد ندري .. وش نسوي ولا وش نقول

[الركام]

‏وما كنت أخشى أن ترى لي زلّةٌ
‏ولكن قَضاء الله ما عنه مهربُ
‏:
‏إذا اعَتذر الجاني محا العذر ذنبه
‏وكلّ امرئ لا يقبل العذر مذنبُ

[بقآيآ .. حرف]

رحلت لـ وحدتي مابي وطن غيري
قلوب الناس ما عادت طموحاتي !

[بقآيآ .. حرف]

قل للسوافي لو تهب العواصيف
عنها رقينا عاليات النـوايف
⠀
تسفي وحنا فوق روس المشاريف
في راس نـايف والخلايف خلايف

[بقآيآ .. حرف]

كن مالي وسط صدرك بعد هذا مكان
تبتعد و الخطوه اللي ( تبيها غاديه )
.
من يحسب ان روحته غربلتني بالزمان
والله ان روحي ب دونه بخير و هاديه

[بقآيآ .. حرف]

بيني و بين ، الهنوف ، الذوق والاحترام
الله . . . ( ي سالفتها و سالفة ) ذووقها
ٰ
ايامي اللي معاها . . كل ابووووها تمام
وايامي اللي وراها . . ( فاتحٍ سوووقها )
ٰ
حتى وهي رايحه . . راحت عليها السلام
الورد من تحتها . . و الريح من فوقها

[بقآيآ .. حرف]

سآمرت وجه الحيآه ، اللي عطتني عمر
حتى بدت تسرق القمرا . . وتسري بها
ْ
آحرك الجمر ب الملقاط ، و آسحب جمر
والجمره اللي ب جوفي ويش اسوي بها ؟

[بقآيآ .. حرف]

خل بكره لـ بكره و إنتظر وش يصير ،
من يشيل الهمووم يصير مجنونها
'
يعقب الخير شَر ، ويعقب الشر خير ،
والليالي . . ( تعد اللي يعدوونها )

[بقآيآ .. حرف]

من حقي أبعد عن الزحمه وكثر العلوم
وافكاري ، إلليّ من الدنيا طفح كيلها !

[رذاذ]

‏اغيب وارجع وآخذ اياااام واغيب
وقدام لأنطق حرف .. اثمنّ كلامي
:
واعامل اهل الذوق والطيب بالطيب
واهتم باللي .... يستحق اهتمامي
:
واهم شي ابعد عن الذنب والعيب
ماني على الزلات .. جيعان ضامي

[بقآيآ .. حرف]

عط عمرك الراحه و ريّح ضميرك
لا يهمك اللي في تعثرك يسعون
ٓ
حقك أبد ما يأخذه شخص غيرك
كان انكتب لك حق والله لـ يبطون

[بقآيآ .. حرف]

كن وحيداً و لا تكن بديلاً .

[بقآيآ .. حرف]

ماهو بلاقي لي شبيه بحياته
الا محطات السفر والمطارات

[بقآيآ .. حرف]

الحيااة ليست طويله لـ نجرب كل شيء
ولا قصيرة لـ نتذكر كل شيء
ولكنهاا جميله
إذا عرفنا انها لا تساوي شيء

[بقآيآ .. حرف]

أشوف قلبي على العزله يغني طروب
يسامر السابحات يراقب اقلاعها
مافيه فرصه تجيني سانحه للهروب
إلا تركت العرب لو زانت اوضاعها

[بقآيآ .. حرف]

تذگر يوم أعذرك وإنت لا صادق ولا معذور؟
أدور لك عذر : و أصدقه و أگذب أحداقي .

[بقآيآ .. حرف]

رخِيص إلطبْع مرسَاه إلرِخيصْ
لُو جاهْ مِن طيبْ الفعَايل غمامَة.

[بقآيآ .. حرف]

يارب مانيب الأفضل في عبادك فعل
لكن عزاي أنك أعلم .. في صفا نيّتي

[بقآيآ .. حرف]

في قلبِ كلّ إنسان نبتة صَالحَة ..
إن سقاها بالخير تفرّعت وصنعَت له بستُاناً ..
وإن سقاها بالشر فسَدت وأفسدت أرضُه

[بقآيآ .. حرف]

مانيب ،، اخاف الليال السود لو تستدير
بيض الليالي ،،، هي اللي والله اخافها
َ
ياطيب الاحلام في عين الحـزين الضرير
يشوف فيها الحياه ،، اللي ما قد شافها .

[بقآيآ .. حرف]

يا كثر خير نشوفه ولا فيه بركه
ويا كثر شر على القاع يمشي ويحبي
بقآيآ ..

[بقآيآ .. حرف]

أحيان . . حتى الابتسامة البسيطه
تضحك لها الجنه وتغفر لها ذنوب !

[بقآيآ .. حرف]

من عطاه الله في دنياه حُسن النيّه
عاش في راحه ولو مايملك إلا ثوبه
ٰ
ومن تلوث نيته جت دنيته ملويّـه
لا لقىٰ راحه ولاحصل على مطلوبه

[بقآيآ .. حرف]

يا كثر خير نشوفه ولا فيه بركه
ويا كثر شر على القاع يمشي ويحبي
شوف كيف الحر ضاع بحمامه وشبكه
يوم عينه لدها للوطى أصبح سبي
بقآيآ ..

[الركام]

‏الليل موت التصنّع وانكسار القيود
‏لا حل كل النفوس تبيّح سدودها
‏ّ
‏ناسٍ تسـود صحايفها وناس رقود
‏وناسٍ روت بالمدامع موضع سجودها .

[بقآيآ .. حرف]

جعلني لا رحلت ارحل مع الصالحين
لا اشرق الصبح والعمر انقضى وانتهى
،
في مكانً مع الاخيار والمؤمنين
بين نهر الحبيب وسدرة المنتهى !!

[بقآيآ .. حرف]

ادور الفرحه سلف والقى الحزن دربه يطول
حتى عرفت ان الفرح يلبس من الحزن أقنعه..

[بقآيآ .. حرف]

كل بلاء نزل بمؤمن فقد أنزل الله مثله ،أو أشد
منه بنبي من الأنبياء، الكرامة ليست سلامة الدنيا،
وإنما الكرامة سلامة الدين

[بقآيآ .. حرف]

من السيء أن يقُوم المرء بتفسير تصرفات الآخرين وكلماتهم بناءاً على قاموسه الخاص فما في النُّفوس لا يعلمهُ إلا الله

[بقآيآ .. حرف]

وفر كلامک ولا تنشد عن اخباري
لو ماني بخير قلت بخير وافھمھا
ﻧفسي عزيزه واظنک تعرف وداري
ﺎلنفس م تحشم الا من يحشمھا

[بقآيآ .. حرف]

ليه إتّضايق مادام إن الزمن هذا
ملابس الناس انظف من أوادمها

[بقآيآ .. حرف]

من كثر ما قلبه خضـر بالمحبّه
يمكن على كفه توقع عصافير

[بقآيآ .. حرف]

ذا وجهي المُترف من الزين شان وبَهت
ولحظات حزني عليه تحسّها فاخرة
ِوجدي على عيني الحلوة ليّا من بكَت
ما أستاهل اللي يصير من أوله لآخره .

[بقآيآ .. حرف]

شفت اللذي ما يهاب وكن قلبه حصاه
قدام عينه لو تموت الحمامة .. بكى

[بقآيآ .. حرف]

أحبني يا الله،وأجعل ملائكة السماء من حُبك
تحبني فلا الأرض موطني ولا أهل الأرض غايتي

[بقآيآ .. حرف]

ما شفت نار إلا بعٓد شفت الحطب
يا سيّدي و الليل كفّـك باردة
.
صافحت لي قطعة خشب ما هي خشب
و أونست في عظمي قبايل بايدة
.
أحتاح و الحاجة تدوّر عن سبب
و أرجع بدون أحتاج شيءٍ فاقدة

[بقآيآ .. حرف]

واذكر إني مانسيتك ويغريني الرجوع
ياغرامٍ تنشد الناس وينه ياتـرى
ضيدان بن قضعان

[بقآيآ .. حرف]

فمان الله يا ذكرى الغرام وما مضى يطوى
طويته مثل ما تطوى سفينة حزني شراعي

[بقآيآ .. حرف]

بين الجهة والواجهة
كان الخلاف
والخوف معبر كنت أخاف أتجاوزه !
وأتجاوزه !
ماشي على قلبي وخطواتي خفاف
ما شفت مقتل يستحق آواجهه
ورجعت أخاف

[بقآيآ .. حرف]

توكل لا توادع رح عسى درب الجفـا المسهوج
يصادف درب فرقاٍ عقبها ما تلمحك عيّني..
- ضيدان بن قضعان .

[بقآيآ .. حرف]

توهّج الماء في / لِـهاة الضوامي
في عتمة الجدب الرخيص وتلاشا

ضو الحناجر بإنحسار الأسامي
يستدرج الما من يدين العطاشا.

[بقآيآ .. حرف]

تقول أمي توجّهني : ولد إصحك تسبّ الناس
لقيت الناس ___ لكنّي فقدت أمٍّ توجّهني
- عبدالمجيد الزهراني .

[بقآيآ .. حرف]

في الوداع الاخير اللي يقص الظهر
بين دمع الكلام وبين صمتٍ طويل

يوم كانت تذكّرني " دعـاء السفر "
كنت اردد على نفسي دعاء الرحيل.

[بقآيآ .. حرف]

يا الي خذتك الوفاه ونمت تحت التراب
يالغالي الي ياليت اشواقي اتجاب لك

معقول ما راح اشوفك غير يوم الحساب
معقول فـ العمر كله ما اقدر اقابلك ؟

[بقآيآ .. حرف]

ماهو ضروري ألتفت وأشوفك بوسط الجموع
من لذّة الطعنة عرفت إيدك وأنا ماشفتها

[بقآيآ .. حرف]

حظي تغانمه الجراد وحل بالعود الدبا
أنا ولدت من الفقر كما ولد حظي فقير

[بقآيآ .. حرف]

الغيب جازم ، لكن الصبر شكّاك
و القلب راضي ، لكن العين جَزْعة

احيان احس ب لايج الصدر تكّاك
للخوف مثل منازع الموت ، نزعة

ياقلبي اللي خالقك كيف ينساك
ماعند غيره لك من الخلق فَزعة

[بقآيآ .. حرف]

في كلّ غصن ب أمنياتي تعلّقت
ما ملت لكن غصن الاحلام مايل !

[بقآيآ .. حرف]

أغمضتها كي لا تفيضَ فأمطرتْ
أيقنتُ أني لستُ أملكُ مدمَعي.

[بقآيآ .. حرف]

لو شلت هَم المسافة لا تكمل معاي
أنا دروبي طويلة و انت حافي قدَم.

[بقآيآ .. حرف]

ترخي مناكبنا جروح احبابنا
ولا العدو مهما بلغ ماله لوى.

[بقآيآ .. حرف]

ماودك نغيب ؟ ونطبل على الذكريات
ونخلي الشعر .. مايحتاج قاف ووزن

مع أنه الكائن اللي يخجل الكائنات ..!
أجي له ب فرحتي وأطلع بكومة حزن

[بقآيآ .. حرف]

كنت احسب ان العجايب سبع اثاريها ثمان

[بقآيآ .. حرف]

من كثر ما حنا نخاف نزلّ ونقصّر بشي
صرنا نعرف اللي علينا مانعرف اللي لنا !

[بقآيآ .. حرف]

اللي طعني قبل مـده وعطاني قفاه
وحاولت اجازيه عـن طعنه وعيّت يدي

جزاه ماهوب عـندي عند ربه جزاه
ما هوب من زود طيبي بس ماني ردي

[بقآيآ .. حرف]

خذاني الحيا لا قول تكفى ترا الأطناب
تراخت وبيت الشعر ميّل على .. جنبه.

[بقآيآ .. حرف]

َقبل تحسّف خذ من التجربه راي
و إن طحت لك في تجربه لا تحسّف
َ
قم ودّع المقفين واستقبل الجاي
لا تنشغل ، لا تنخدع .. لا تأسّف

[بقآيآ .. حرف]

َقلبي اللي يشعفه بارق الطرق الحزين
دن رعاده . . من الحزن يا الله يا قوي
َ
ليت ، ربي فكني من قصيد العاشقين
لا هجدهم طاري الولف والشوق يعوي

[بقآيآ .. حرف]

وانا خابرٍ مالي مصد عن المقسوم
لو ان النبات يصد من مقدم العجة
ㅤ
لكن لو معي من مقبلات الليال علوم
يجوز الفجيعة تصغر و تكبر السجة
ㅤ
سطى بي زمانً قد سطى في خيار القوم
وكم قاصدً عن مقصده لدّه و خجّه
ㅤ
ولولا الأمل بالقادر الواحد القيوم
يبث الحياة بميّت الغصن ويوجّه . .

[بقآيآ .. حرف]

والله ان عوقي دفـين وجرح قلبي نابض
وقو صبري حللت سـود الليالي .. ذبحه

[بقآيآ .. حرف]

فيني من الهاربين البهذله و الإنهزام
وفيني من الثّابتين الإنتصار العظيم

[بقآيآ .. حرف]

عيني اللي شبحها كل مالدت جنوب
من تماثيل المحبه وش انتي لاقيه
.
الهوى ماهوب يسكن وسط بعض القلوب
كون ... لاعين بياض القلوب الراقيه

[بقآيآ .. حرف]

ضغاين الضحكه اللي ما وراها غلا
والعالم الحاقده و الانفس الحااسده

قدام نقضي عليّها كيف نقضي على ؟
الصحبه السيئه و البيئه الفااسده . .

[بقآيآ .. حرف]

خايف من الوقت يرميني على بطن حوت
ولا معي معجـزة يونس .. ولانـي نبي

[بقآيآ .. حرف]

تساهيل يا درب مشيته وانا مهموم
تثاقلت خطواته وجاء بالامر خيره
سلكته وانا مانيب جازع من المقسوم
ومن رحمة الله في سهل مشاويره
تركت الخلايق خلف ظهري وكثر اللوم
وعفت الوطى لو كان تزهى نواويره

بقآيآ ..

[بقآيآ .. حرف]

يموت بيت القصيد اللي ماهو من ضمير
وتبقى / بيوت القصيد الفاخره ، فاخره

[بقآيآ .. حرف]

مل ساقي طريق الغي .. والمغريات !!
والهواء والندم سيدين لـ اصعب طريق

[بقآيآ .. حرف]

ما كل غلطة / رماد وكل الاعذار / ريح
لـَ عشت مع همّك اللي كنت خايف منه

ياليت من صدْ يترك لي سبب واستريح
من حقي ادري عن اللي كنت مدري عنه

[بقآيآ .. حرف]

لا تضحي بوعيك في رضا التضحيات
و أنت دمعتك ما تذرف لها كل عين

[بقآيآ .. حرف]

يارب أنا فيني وفيني وفيني
إخلف عليّ بْخير مما سلفها !!
والله ما اعرف غير راحة يديني
الراحه اللي غيرها ما اعرفها !!

[بقآيآ .. حرف]

العاقل اليوم حاله مثل : حال الغريب
يستغرب الناس من حوله وتستغربه..!

تلقاه في ( مسرح الايام ) مثل : الأديب
اللي قصيد أكثر الشعار مايطربه..!

[بقآيآ .. حرف]

تبقى الحياه الزايفه حلم واسرار
ناسن تمناها وناس ! اتـركوها

غيبه رفيق وقـل دبـره . ومعـذار
واجهتها في ذا السنه كل ابوها

[بقآيآ .. حرف]

لا استوقد الحلم من سرج النهار الدروب
في عيني الدمع لا طاح الظلام .. اتقد
.
يا عايشين الهروب شلون اعيش الهروب
وانا الصمود بحياتي .. مبدأ ومعتقد ؟

[بقآيآ .. حرف]

اللي حياته طيش و اشباع رغبات
غصنً يطير مع أول الريح طيره

[بقآيآ .. حرف]

إذا مرَامك تشوف اللي يحبّك هزيل؟
أبشّـرك حالتـي معَك علـى ما يُـرام

[بقآيآ .. حرف]

_لا تحبّه
اقطف اليانع من الشاعر و كبّه.

_نواف التركي

[بقآيآ .. حرف]

تخيّل انك تعيش وما على الأرض أحَد
تركض بها هناك مثل المستريب الطريد
بالضبط : لما تحب انسـان ماله عدد
في داخلك ، لكن انت برغم هذا وحيد .!

[بقآيآ .. حرف]

من دورة العام أعرف يوم ميلادي
ويمرني يوم موتي .. بس ما أعرفه

[بقآيآ .. حرف]

لـ الفعايل رجال وكل طيّب يبين ،
بس أهل السوالف ديني و دينهم
.
كلّهم يفعلون .. وكلّهم طيّبين !
طيّب ، اهل الردا والمصلحه وينهم

[بقآيآ .. حرف]

للصمت هيبه وسطوه مثل حد الرهيف
وأشد من سطوة السيف الشطير الحدب

لكن تراه ف بعض الاحيان حيلة ضعيف
(لامن رضيت الاساءه من قليل الادب)

[بقآيآ .. حرف]

وش هالحياة اللي نخاف نحاول انّا نعيشها
كما يجب يعيشها الانسان في هذي الحياه؟!
،
لين استحل الخوف الارواح ونتف من ريشها
وتحاصرت بحدوده المسدودة وظلّت معاه
،
كأننا نمشي على حبل الحياة وطيشها
عشنا بخوف نطيح ، ولو طحنا تعلمنا النجاة.!

[بقآيآ .. حرف]

مال الغصن بالثمر ، ولا كأنه يميل
كل ما لمح كفّي المشتاق له .. استقام

[بقآيآ .. حرف]

ذكرياتي بين ود وبين هات
كنها ؛ عني وعنها حالفه
ٰㅤㅤ
مقدر أسولف عليك الذكريات
ذكرياتي سالفتها سالفه

[بقآيآ .. حرف]

افرد يدينك لـ الصباح .. و تبسّم
قل للحزن مالك من أحلامنا شي

[بقآيآ .. حرف]

يالله بيومً من تباشيره وزين أعلومه
ما يوصف فرحته كود السجود لـ ربّي

[بقآيآ .. حرف]

كنتي فرات الخفّوق وضحكتك دجلهّ ،
صَّرتي بقايا رمَاد بصّفحة أحبابيّ

[بقآيآ .. حرف]

ولع من اوراق المعـــانات شمعه
وازرع من شفاه الطموح ابتسامه
`
وان طاحت بدرب المــــواعيد دمعه
احرص على دمعة عيون الكرامه
.
خالد الجبر

[بقآيآ .. حرف]

ياطير ياللي عزومك مثل حــدّ الحراب
والناس ترقب فعولك وش طلع وش نوى
:
وش عاد لو تنطح الريح وتفجّ السحاب
اتطيّحَك لو تمّس القلب نسمة "هـوى

[بقآيآ .. حرف]

ياكيفّ ارضى بغيره واقنع ان الجود بالموجود ؟
كروتّ النـااس قبل يروح في دنياي حارقها

[بقآيآ .. حرف]

المرجله مثل الجبال ..... الطويله
ومثل الفرس تحتاج فارس وخيال

ياصاحبي ياكبرها من . . فشيله
تكيد لي كيد النسا وانت رجال

[بقآيآ .. حرف]

ساعي الدمع لا تسأل عن اللي بـ اقول
كلّ دمعه تهادت ، بالحكي : مُثقله

صوتي المعتكف بالصمت فاقد حلول
تاه بين الشّعر والشوق والأسئله

[بقآيآ .. حرف]

ياباعث الخلق يامحيّي رميم العظام
نفسي على باب جودك ترفع كفوفها

[بقآيآ .. حرف]

اللي مضى كله محطآت وظروف
مآفيـه سكـــه مآوصلــت أخرتهآآ
.
القلب طيب لكن أحبآبه ضعووف
أهم حآجــه عنــدهآ مصــلحتــهآ

[بقآيآ .. حرف]

ما رحت لفرآقك وآنا نآوي آرجع
وآفرّط بجرحي على شآن تذكآر

[بقآيآ .. حرف]

فاقد الشي ما عمره عطـاه
وانت فاقد نفسك شلون ارتجيك ؟

واللي يخطي ؛ ماني ملزوم بخِطاه
غلطتك ، انت ونتايجها ، عليـك

[بقآيآ .. حرف]

فتحت عيني ، و الـزمن و ضعه حريق
من مجتمع لـو اعـرفـه .. ماا اعـرفـه !

محدن يسولف غير في طيحة صديق
و محدن يقول الصدق .. لين تحلّفه !

[بقآيآ .. حرف]

مل قلب خيروه وعاتبوه وما تخير
من ظروف والله انها هشم كبد وبري حالي
ٰ
لا تقول ان الليال تغير اللي ماتغير
الظروف تغير اللي ماتغيّره الليالي

[بقآيآ .. حرف]

الليالي عيّفتني وانا طبعي عيوف
لين نفسي فضلت صبرها وسكاتها
.
شي من حدّة مزاجي وشي من الظروف
وبـ التشبّع من ضجيج العرب واصواتها

[بقآيآ .. حرف]

مين يستاهل عشانه .. تنكسر ، وتموت هم ؟
لا تضايق خاطرك ، وإن كنت مكسور وحزين
.
غيرك إنت ، ووالدينك .. في حياتك من يهم ؟
ابتسم وأحلم .. ترانا فـ النهاية " راحلين " !

[بقآيآ .. حرف]

حنّا على النّيات نَمْشِي مع الدّرب
وكلنْ يفسّر قصدَنا من نوَاياه.!

[بقآيآ .. حرف]

قد يجعلك سوء الظن
تتخيل ما لا يوجد
وحسن الظن
قد يجعلك تتجاهل ما هو مؤكد !!

[بقآيآ .. حرف]

(متصل الآن)
عبارة دمرت الكثير من العلاقات ....
وأفقدت الثقة بين الأصدقاء والأزواج !!
وخلقت كثير من الخصومات ......
وخلفت الكثير من القطيعة

(متصل الآن) ... لا تعني إنه يتكلم مع أحد.

(متصل الآن) ... لا تعني إنه متجاهلك.

(متصل الآن) ... لا تعني إنه جاهز للرد في ذلك وقت

[بقآيآ .. حرف]

تعبنا من اللي راح .. ونشيل همّ الجاي
ولا عاد ندري وين .. تمضي بنا الدنيا !
'
هنا الفكر : متشتّت .. ومابين راي وراي
نخاف العواقب وإن حكينا على استحيا
'
أحاسيسنا " متبلّدة " .. والفرح نسّاي !
ونشوف الخطا ، ونصدّ .. وقلوبنا : عميا

[بقآيآ .. حرف]

انكسرنا ، ومل الدرب : نصف الطريق
المسافه قصيره " .. ليييييييه طولتها ؟

[الركام]

يابقايا حرف باقي لك اثر
يوم كل غاب ماقالته عذر

كل يوم تنثر حروفك نثر
وكل يوم تغرس ورود وبذر

🌹🥀🌹

[الركام]

‏عودت قلبي على حبك و حبيتك
‏علمتني كيف أغامر و إبتسم وأرقى
‏-
‏و اليوم مدري علامك كل ما جيتك
‏كنك تحاول تعودني على الفرقى

[بقآيآ .. حرف]

يابقايا حرف باقي لك اثر
يوم كل غاب ماقالته عذر

كل يوم تنثر حروفك نثر
وكل يوم تغرس ورود وبذر

🌹🥀🌹


ربي يسعدك أبو سعود وصح الله لسانك
في وجودك جعل أمثالك كثر
الشجر ثابت وريان الجذر

[بقآيآ .. حرف]

أحلامنا .. من : سابع المستحيلات
ومع كلّ هذا .. نحلم ، ولا اتعضنا !
'
كلْ ماخسرنا شيّ .. قلنا : سهالات
مدري سهالات ، أو نجامل بعضنا !

[بقآيآ .. حرف]

يبقى طموحي فوق والهمه على القاسي رصيـد
و العين نظرتهــا على الكايد تعـدى شوفـها.

[بقآيآ .. حرف]

يخشع القلب الحزين اللي ترجى ربّه
بـ اليدين الضارعه والنبره المبحوحه
ㅤ
والله إن قلبي حزين و مستهام و طبّه
دعوةٍ قدامها . . أبواب السما مفتوحه

[الركام]

http://www.albrari.com/vb/showthread.php?t=90189

[بقآيآ .. حرف]

بين الخطا اللي دون قصد وقولة حصل خير
تاقف معاذير القلوب البيض من دون حركه

[بقآيآ .. حرف]

ماني ورا المقفين قصاص جره
عن سكة المقفين تقصر خطانا

دام الحياة أحلام والموت مره
لأهل الوفا والطيب نثبت وفانا

[بقآيآ .. حرف]

عقب الظما ما جاز لي مورد الماء
يجف ريقي ما شربت الحثاريب

[بقآيآ .. حرف]

رحت انا ويّا الهواجيس في روح وتعال
" القوافي شيّبت " والنصوص امْقوّله
,
نذكر الفزعٰات..! عنـد الاكابر وال وال
كـل ما شفنـا ثقال الحمـول امتوّلـه
,
وكل ( مالديـت ) فالنّايفات مـن الجبال
شفت " جرّت "شرهتي طالعه ومحوّله

[بقآيآ .. حرف]

صوت خطوات المفارق على سطح الرخام
صوت بيعات امنياتي على شرّايها

[بقآيآ .. حرف]

ياليت..! التجارب تنحفظ صم قبل الشيب
علشان مـن ( شيّب ) يـعـرف اتّـجاهاته
,
سلامي على عين المـحـبة وخـشـم الطيب
وادقُــون المــعـزّة والـجمـيــل وشَـنَـبَـاتـه
,
وصبر الزّمل وآمـال العرب واقتناع الذيب
على كثر جوعه ..! مــا يـصلّـح عـلاقـاتـه
⠀⠀⠀سعد_بن_جدلان

[بقآيآ .. حرف]

الحياء .. ستر الوجيه من المذلّه والمهونه
لنقشع ( ذل العزاز ) و نزّل أقيام الاكابر
.
لابغى الله يطلع المؤمن على عيـنٍ تخونـه
حُصلّت مافي الصدور وبعثرت مافي المقابر
.
ولابغى الله يكشف الخاين بناسٍ يآمنونه
حط له في كل ريـع مـن عيون الناس سابر

سعد_بن_جدلان

[بقآيآ .. حرف]

اما اسندوني لاعوا الذيب للذيب
ولا اتركوني والسعد من ذراعي

[بقآيآ .. حرف]

إستديري يا هبوب الليل ولا هبّي
ذايقٍ جور الغرام وعايفٍ حقي به

[بقآيآ .. حرف]

عزّ الله اني عايف الناس يا سعود
ودي اصد وصدتي خير صدّه ..
ما عاد بي شده على كل منقود
ولا لي على هرج المخاليق شدّه

[حـــــارب]

يـا كُثر شوقي وأنا عنْك بعيد
---------------في ديار مَابها ذوق بلاك
لا تذكرتك راحَت أفكاري تعيد
-------------ذكرت الأيام وأوقاتي معاك
لوقست الأيام والحظ العنيد
------------ما نسيتك يا بعد هذا وذاك