(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

آه يا اللي تنطح بي مغيب الشفق
يحسب أني معه وأنا مع الذكريات
:
كم شخصٍ يعيش الحب عيشة شفق !
البداية جميلة والنهاية شتات

[بقآيآ .. حرف]

خل من خــلاك .. لو انه قـــريبك
التعلق في ذرا المقفي ؛ سماجه
-
وقول لمن هو يطلب الفرقى نصيبك
سمّح الله درب من راح بـ مــزاجه

[بقآيآ .. حرف]

أعاند النفس و تعاندني الشيـمة
أقوى على البعد لكن الحنين أقـوى
-
من غبت كن المشاعر مالها قيمة
أشتقتلك لين صار الشوق مايسوى

[بقآيآ .. حرف]

الكـذب قـام ايتناما والـصحـيح انـقرض
والناس ماسالمٍ من شرْها الا الحضيض
.
أن عشت في عالم المرضى ضربك المرض
وان عشت بلحالك وصديت قالـو مـريض

[بقآيآ .. حرف]

تطيب كل الجروح الا جروح الضمير
و لكل شيً بدل مفقود غير الثقه'

الإبتسامه بـ وجه الظلْم ذنبً خطير
و الإبتسامه بـ وجه الصادقين إصدقه

[بقآيآ .. حرف]

والله إني من سمعت المؤمن إنه في كبد
اتباشر في مجاهيم الحزن واذوادها
طالبك يارب يارحمن يافرد ن صمد
لا تعلقني بدنيا الفناء و شدادها
بقآيآ .....

[بقآيآ .. حرف]

لآ جآتك آلعوجآ من مقرد آلنآس
لو هي من آلآقرآب .. جهز كفنهآ

صمتگ قبر للكلمه آللي بلآ سآس
ودفن ﺂلجنآزه .. سترهآ عن عفنهآ

[بقآيآ .. حرف]

والدعوة اللي ابي آمين تلحقها
الله ياخذْك من قلبي ومن صوتي

[بقآيآ .. حرف]

كنت احتري كل غايب ما حضنّي يمر
واليوم عن كل عابر في كنفْك انزويت
،
اول رحيق المحبه ، سال .. وازهر عمر
بعد الظما بلّ صوتك دنيتي وارتويت

[بقآيآ .. حرف]

سرقت مني..
نص عمر.. ونص روح
لا اخذتني كلّي..ولا رديتني !

اخاف اوّقف ماتجي ..!
واخاف اااااروح
واخاف لـ اذبل..وانت مامريتني

[بقآيآ .. حرف]

عل غصنٍ مايجي ظله برادي
تقلع جذوره قبل يظهر خويه
ألف علم وألف درب وألف وادي
كلها مرت من البارح هنيه

[بقآيآ .. حرف]

لا تشوف الحب من ألفين باب !
منهو اللي قصّر و منهو عطا ؟

بالنهاية غلطة احبابك صواب ،
وكل صايب من عدّوينك خطا

[بقآيآ .. حرف]

شدّيت فيكم ظهر قلبي..؛فلا تتركوا
قلبي يشيل الحمول الجايرة..منحني

خلف الأسلمي

[بقآيآ .. حرف]

يا رب لي ظن ما يشبه حفيف الشجر
لا هاجت الريح في موسمه واجتاحته
،
يشبه تندّاي غصنٍ في صلاة الفجر
يوم أوغل البرد في القرية على راحته

[بقآيآ .. حرف]

وش اللي خاطفٍ لونك احسّك حيل مستعجل
كـأنك تنتظــر غيبــة تمر و تاخـذك معهـا

[بقآيآ .. حرف]

ما عاد أحمّل غيري الذنب لا ضقت
أنا وصكّات الليال .. انتفاهم
،
مثل ما فيه أحيان تضحك إليا رقت
مثل ما فيه أحيان تبكي من الهم

[بقآيآ .. حرف]

تركوا لي واحد يمسح شقايْه،
كل ما حط الزمن دوبه ودوبي
ذاك والله لا ذكرت انه ورايْه:
اشعر إن الكون كله وسط ثوبي

[بقآيآ .. حرف]

تلّيت من ريع قلبي كـل شـوق امغـروس
وخليتك بصـدري الممحـل علـى راحتـك
عبدالله البكر

[بقآيآ .. حرف]

على وين ياللي فاتح الصدر للأحباب
ترفق ترى لا زادوا أحبابك بتتعب
ما بين الرحيل الراقي وفص ملح وذاب
وظلم الظروف وناس ماودها تنحب
عبدالله البكر

[بقآيآ .. حرف]

يا براءة هالحياة بعين من شاهدها
من فؤاده وأحسن النية بكل أفعاله
لارضا يمشي مع الأحلام ماسك يدها
وتنفتح له كل بيبان الفرج وأقفاله
عبدالله البكر

[بقآيآ .. حرف]

اتذكّرك حتّى و انا بالي خلي ..
واردّد الدّعوات باسمك، و ابتسِم
ِ
لو كنت ادعي لاقرب النّاس وهَلي
تبقى الوحيد الّي له ادعي بالاسِم

[بقآيآ .. حرف]

ما بيني وبينك من الشّعر شتّان ..
لا ياخذك في هَزّة النفس ديجور !
ِ
أنا من البستان قطفت .. بستان ..
ومن البحر غرفت لي عشرة بحور !

[بقآيآ .. حرف]

انا من طين، وأحلام السَعاده كلها من طين
تَهدّم كل ما هبّت مواجع.. والتحفتك شَال

[بقآيآ .. حرف]

عاد حبّه من ورا قوس الضلوع مكوّد
مبطي وببطي وأموت روحي تحبه

[بقآيآ .. حرف]

في روحك الخضَراء: مراح الطيبين
صِّب عينك، لأجـل أشرب من مداك

[بقآيآ .. حرف]

هي قرّرت أن تفعل ما تجيد
فـ رحَلت ..
وأنا قرّرت أن أفعل ما أجيد
فـ نسيت !

[بقآيآ .. حرف]

أوقد من (ارطا) قصيدي ما يهيب الظلام
يدفي يدين المفارِق ، عن شحيح حطبَه !

[بقآيآ .. حرف]

خل الجمال اللي ب وجهك .. ب روحك
عشان تضحك لك وجيه ( الترااااحيب )

[بقآيآ .. حرف]

http://up.albrari.com/uploads/14999564201.png

بشاير القحطاني

[بقآيآ .. حرف]

كنت احسب ان القصايد مغاليظٍ جفاة
لين حطّت فوق غصن الشعر عصفورتك
من لمحتك صفّ مليون شاعر للصلاة
خلف شيخٍ في ضلوعي يرتّل سورتك

[بقآيآ .. حرف]

الف دربٍ تستفزك ولااظنك جماد
والله ان بعض الجماد يتخير مكسرة
.
الشجر إنسان لكنه اوغل بالحياد
قل معي ملعون شخصٍ تشبه بشجرة

تركي حمدان

[بقآيآ .. حرف]

أنا بي جرح ’مدري مين أبوه ؟ وليه ماسمّاه ؟
أنا لي وجه خلاّه الجفآف السرمدي أشهب !


عبدالله الكايد

[بقآيآ .. حرف]

يا مقبرة الايام ما يقصر السور؟
بـ أتسلّقه كلي .. وأعوّد لحالي
.
ويا ليل لو جربتني داخل النور..
ما طاب لك في رمش عيني ليالي

[بقآيآ .. حرف]

http://up.albrari.com/uploads/15001879011.png

بشاير القحطاني

[بقآيآ .. حرف]

غدَرك بحر القصيدة وإنت تطري الحنين..
وذوّقك ملح الفراق بكل شطر يغرق
.
ما كنّه إلاّ طرى عـ الباب في بيت طين..
ترحيبة السدر والريحان لأحدٍ طرق

[بقآيآ .. حرف]

لا تلمّين الربيع اللي تكسّر ..
في المسافة بين اوراقي و عودي

اسهل احزاني شعورٍ ما يفَسَّر
في غيابك ماذبحني الّا وجودي

[بقآيآ .. حرف]

يا عابرة مريتي عْيون و عْيون
واللي وقفتيله خيالك على الميّ
والله لو رحتي من الكون للكون
ذنبي معك من حي لا حي لا حي

[بقآيآ .. حرف]

http://up.albrari.com/uploads/15009646401.png

عبدالله الكايد

[بقآيآ .. حرف]

لا أغليت حلمي بنفسي مر وقت و رخص
وهمي حقيقي وأعيشه وأبتسامي حزين

طاحت ظفاير سنيني في يدين المقص
ومن يومها كل ما قالوا فشل؟ قلت : عين

مطلق الجبعاء

[بقآيآ .. حرف]

كتبت شعري على صدري ولان القفص
وتساقطت من رصاص الحرف عصفورتين

كانوا بقلبي بأمان وخايفين القنص
وطاحوا وهزيت راسي بالأسف : زين زين

مطلق الجبعاء

[بقآيآ .. حرف]

http://up.albrari.com/uploads/15009655071.png

فلاح الجرباء

[بقآيآ .. حرف]

كمّل طريقك وانا لي دون وجهك عذر
وكفوفنا البيض .. خانتها ./ مساكينها

أقسم برب الأوادم . والطعون الخضر
إني / ربيب الجروح .. اللي تشوفينها

فلاح الجرباء

[بقآيآ .. حرف]

من ضيقة الصدر وظروفي وكبر زْعلي
علقت الآمال في الدنيا وهي فانية

في كل مرة تغيب الشمس كنه علي
ما هو بمشرق سناها مرةٍ ثانية !

[بقآيآ .. حرف]

استقبل صاحب السمو الملكي الأمير الدكتور فيصل بن مشعل بن سعود بن عبدالعزيز أمير منطقة القصيم في مكتبه بمقر ديوان الإمارة أمس مجموعة من الشباب الذين قاموا بمبايعة وطنية ومعايدة للقيادة الرشيدة ثالث أيام عيد الفطر المبارك, بطريقة خاصة من أعلى قمة جبل طمية الواقع بمحافظة عقلة الصقور،

http://up.albrari.com/uploads/15009675451.png

[بقآيآ .. حرف]

اذا تزاحمت في نفسك حوائج الدنيا
فاسأل الله الجنة

[بقآيآ .. حرف]

سرّني لاعسعس الليل يـ الدرب الطويل
صاحبك لاضاقت الروح بثيابه سرى

لين احسّ إني من سجون رغباتي طليق..
مادرت عنْه الخلايق وعنها مادرى

عاطف الحربي

[بقآيآ .. حرف]

ماكفاني من البارح معاك الكلام
قلت اسيّلك واشرك في ظماي الورق

اثرك الماطر اللي عالقن فـ الخيام
في خيال بدويّ اشتاااااق حتى غرق

عاطف الحربي

[بقآيآ .. حرف]

لاني مسافر ولا حتى مقيم بهـ المدينه
والغريب إن اهلها اهلي والاجناب اصدقايا

عاطف الحربي

[بقآيآ .. حرف]

وطنك ما يبي منك شيء
وطنك يبيك تكون رجال بس
* أستوقفتني هذه الكلمات *

[بقآيآ .. حرف]

تبغي الحقيقة ؟ ولا كلمةْ ولا كلمتين
جوع البصر منك ما سدّه رغيف الكلام

[بقآيآ .. حرف]

عاتبوني وقوفٍ طال وسط الوحل
ماهو بوقت لوم الوقت وقت انتشال

فيحان الويباري

[بقآيآ .. حرف]

يقول أنا سرّك واقول اعتبرني
للي تقوله يانظرعيني البير
واليوم وسيول الكلام تغمــــرني
جنحاني ابتلت وانا ودي اطير

خلف الأسلمي

[بقآيآ .. حرف]

لو توارينا فـ بيت من القصيدة
وش نكون؟
قالت: انتا؟
قلت: "عجز" البيت، وانتِ؟
قالت: الصدر الحنون..

عبدالله الكايد

[بقآيآ .. حرف]

ليه حنّت ركايب حبّنا يوم شدّوا؟
وليه ما ازهر حديثي يوم شيلت خيام

[بقآيآ .. حرف]

البارحة في حديث المحبرة للورق
لا طار سرب الحمام.. ولا النهار ابتدى

يا ساحل الصدق:كم بينك وبين الغرق
يوم اختفى الحدّ بين الطيب هو والردى

[بقآيآ .. حرف]

حنا على قول المثل ناس سمحين
مانجهل الخافي .. و لـكن نـعدّي

[بقآيآ .. حرف]

http://up.albrari.com/uploads/15014413481.png

[بقآيآ .. حرف]

لقيت في حزني و بوحي حقيقه
إن الحكي في الصمت ما يجرح الصمت
و إن الجروح الموجعات العميقه
توجعني أكثر يوم عنها تكلمت

هاني الفرحان

[بقآيآ .. حرف]

الليل نعمه واكثر الناس خايف
ان الليالي ما تجي له على الكيف

سواده ابيض من بياض الصحايف
وصباحه ادفا من حنين المواليف

[بقآيآ .. حرف]

ياسيّدة حسن التفاصيل بالذّات ..
الساهية ، والشّاردة ، والمهمّة ..
قلبي جناح ، ونور وجهك سماوات ..
يكفخ ،، ولكن موت رمشك يضمّه .!

[الركام]

تستحق الاعادة والبقاء والصمود
صفحة من بقايا حرف يختارها

زرتها كل حين وكل حين تجود
يقطف ازهارها من زين اشعارها

[بقآيآ .. حرف]

تستحق الاعادة والبقاء والصمود
صفحة من بقايا حرف يختارها

زرتها كل حين وكل حين تجود
يقطف ازهارها من زين اشعارها

يا هلا بك عسى عمرك بفرحه يجود
صفحتي في حضورك شعت أنوارها
ماعلينا من الواقع وبعض القيود
والفخر لي ما دامك ضمن زوارها

بقآيآ .. حرف

[الركام]

https://mobile.twitter.com/bo7_sh6r/status/884409044760313861/video/1

[الركام]

https://youtu.be/NyoaZyMf5kE

[بقآيآ .. حرف]

لا تفتّش في عيون الناس عن مستقبلك.
كم قصيدة عوّدت دمعة،
وكم شاعر هلك..

[بقآيآ .. حرف]

مَ استعرت دلآل غيري ولآخنت الهجوس
شآمخٍ رآسي و لآ اشكي على النآس تعبي
اتحمّل عضة الوقت و خصومي جلوس
و اتغيبآ بعض الاحيآن لو مآني غبي

[بقآيآ .. حرف]

وإنّ لم يأتيك ما أردت ،
سيأتيك ما قد يُنسيك كُل ما كُنت تُريد

[بقآيآ .. حرف]

والصاحب اللي يدوّر بـ الشعر لـ الشرف
أشياء ما تُشترى / ما تنلقي فـ الكلام

[بقآيآ .. حرف]

خايف من الموت ياخذني وانا بذمّتي
فروض واجد .. ونفّسي واجد اوزارها

صلّوا على من ينادي أُمّتي أُمّتي
في يوم كل الخلايق تشخص ابصارها

[بقآيآ .. حرف]

إن غيّم الجو و الا صار جوي صحو
محدٍ يردّ السلام ولا لـ صوتي صدى

واللي عن دروب وصلي ودّعوا وانتحوا
من بعدهم لو بدا يومي ترا ما بدى

[بقآيآ .. حرف]

قم صح قلبي ماقدرت اقنع الليل
حتّى اصغر احلامي رضيت وخَسَرته
انا من البارح على الحط والشّيل
لين اقتنعت بهاجس ٍ ماسهرته

[بقآيآ .. حرف]

على صدري الضايق لا هب الهوى ذعذاع
تنهّت من صادق ماكنّيت في صدري
َ
لذيذ الكرى و الراحه اللي ماهي تنباع
ماعلمي بها علمٍ ولاهي على خبري

[بقآيآ .. حرف]

تعيش يا راسي جعل يفداك طبال الشيوخ
كبير بعيوني وراح تظل بعيوني كبير
اللي تخضعه المصالح لا يسولف بالشموخ
واللي تمشيه الأوامر لا يقول إنه أمير

[نسمة هدوء]

اتكالك بالولي .. واجتناب الموبقات
والتزامك في صلاتك ، وبر الوالدين ،
هذي الاربع تخلّي الامور المغلاقات
تنفتح . . ويجيك توفيق رب العالمين
https://abs.twimg.com/emoji/v2/72x72/261d-1f3fb.png️

[بقآيآ .. حرف]

ماكان قلبك مع العالم حمامة سلام
كان ابشع اشيائك الوهمية ... المفجعة !!

[بقآيآ .. حرف]

ماعاد يغري رغبتي شيء فالكون
جوارحي شامت وأنا مثلها شمت
.
شفّي ورى غيب المقابيل مرهون
وأنا مع الـصبر الـمـركّز تـأقلمت
.
حاتم الغنامي

[بقآيآ .. حرف]

عجْزت ايديني تطول الحلم لين
استوى واسودّ في غصنه وطاح
مو مهم ابكي واطيح مْن الف عين
المهم اني أحس بْـ إرتياح ....

[بقآيآ .. حرف]

جمهور .. مسرح .. صوت اعلى من الصوت
برق العيون و لهفتك يا ..." تحيّه"
خلف الستارة .. ترقب احلامك الموت
وانتي تعيشي تحت الانقاض...حيّه

[بقآيآ .. حرف]

يا حارث الهم في صدري هزيم الرّعد
و همّال وبل العباير فضّحت فيه عين
~
و باب الثلاثين و اسع هم ضيّق سعد
تذوب فيه الأماني بين شـك و يقـين

[بقآيآ .. حرف]

كان مُعجَب مالفت غيري أنظره
فالطباع وفالقصيد وفالعيون
كنت أحسبه ما حدٍ غيري أقدره
كنت أشوفه صعب لا يمكن يهون
مير جاه وجاب راسه وخبره
واحدٍ خلاه للعشره يخون
قد عطيته قلب لكن أكسره
ما دريت وكنت احسبنه يصون
قد عطيته حب لكن أخسره
كان حبي له على حد الجنون
ما ترك لي أي عذر واعذره
ما ترك لي غير ضربات الطعون
أدري إن العفو عند المقدره
بس عفواً قلبي الحين مغبون

سعد السبيعي

[نسمة هدوء]

لاتغــار دامــك بالمحــبه نصــيبي
إن قلت أحبك جهر وان قلتها همس

تدري متى بيصير غيرك حبيبي
إذا القمر في يوم عانق الشمس

[بقآيآ .. حرف]

واااجد اللي يحبون بشعُور وضمير
وانت من طاري الثنتين ؟ مالك لوى

[بقآيآ .. حرف]

لا يغرك كل طيرٍ على الفاقه يحوم
تختلف عوج المناقير في غاراتها.

[بقآيآ .. حرف]

يا مسلمين الله يسامحكم ترانا مسلمين
# شطر

[بقآيآ .. حرف]

يَ صآحبي وإنْ جآرت آلدنيآ و ذآك آلخِلّ : فَلّ !
قل لَـ آلعرب تغرز بهذآ ( آلصدر ) كل سيوفهآ؛

[بقآيآ .. حرف]

يالله . . بـ حظ اللي سجد ثم توفى
و آخر دعاه اغفر قصوري وذنبي ♩

[عايد]

مهما ترى ابعدت يا مبعد عن احبابك
لا يمكن البعد ياقف بينــــك وبيـــني
ان غبت عني خيــــــــالك سد بغيابك
كل الفراغ اللـــــي بغيبتك مــــــاليني
ما غيري احد شقــــــى فيك وتعنــابك
وما غيرك الا انت يسعدني ويشقيني
تـــــعال واطف اللهيب بذايب اعذابـك
وان عفت عشرة عليل طاح باسبابك
الله يسامحك وانا الله يعافيـــــــــــني


البيت الاول في ابيات يتيمه وهو اول ظهور لي ,,وهو غير مذكور هنا

[بقآيآ .. حرف]

ودي ارمي كتلة الصمت فحلق الكلام
واترك النقاده ! الفاضيه والشارهه
ٰ
لو عطيت الحاجه التافهه ربع اهتمام
جا لها قيمه وهي فالنهايه تافهه

[بقآيآ .. حرف]

أدري إنك أسوء ؟ أقداري وابيك قريّب
لو تغيب الحزن ينهش من ضلوعي قوته
ٰ
أنت مثل الموت ماتختار غير الطيّب
و مارحمت الطيب اللي ماتخيّر موته .

[عايد]

التربه تحتفظ بالشجره وتلصقها بها ،
في مقابل خدمتها : أما السماء فلا تطلب
شيئاً وتتركها حرره ..


(رابندر انات طاغور)
(1861___ 1941)

[بقآيآ .. حرف]

http://http://up.albrari.com/uploads/15042509401.jpg

كل عام وأنتم بخير
عاد عيدكم وتقبل الله منا ومنكم صالح الأعمال
🌹🌹🌹

[عايد]

عليك ان تقدر الاصوات والروئح: فهي منح من الطبيعه مثلها مثل المناظر الخلابه , فكر في الاصوات باعتبارها موسيقى الطبيعه ,وفي الروائح باعتبارها انفاسها ....

والعلم عندالله

[الركام]

‏شكرا على الخيبه وشكرا على الجرح
وشكرا على ذيك الوعود الهزيله

حطيت لك بأقصى المعاليق لك صرح
وجازيتني فرقا مداها طويله

[بقآيآ .. حرف]

ودّي أدري وأقطع الشّك بالعلم اليقين
هو نسى ماضيه فالحب ولّا مانسى ؟

[بقآيآ .. حرف]

أدري انك مثل حالي مبتلش بـ ظروفك
وكل شيٍء في المحبه صار ماله معنا
ٓ
الصداقه و الشعـر وتشوفني وأشوفك
خير من حبٍ . . يفرقنا ولا يجمعنا .

[بقآيآ .. حرف]

انا مابي بهالدنيا بعد هالمرحله .. رغبات !
عسى الله بس يكفيني هوى نفسي وغلطاتي..

[بقآيآ .. حرف]

انا عيوني تعاني من تساقط بشر
جاها البلا اللي يجي للناس في روسها

[بقآيآ .. حرف]

حنا معازيب ، السنين ، الـرديّه
لا صارت الشيمه على غيرنا هم .

[بقآيآ .. حرف]

الصبر كمّل .. وأنا ذاخرك لـ أيامي
من منّة الناس جاني ما يكفّيني
َ
وإن خاب فيك الرجا يامنتهى أحلامي
ربٍ خلقك وخلقني .. ما يخليني ..

[بقآيآ .. حرف]

قد تركني راعي القدر و القلب العطوف
للزمان الشين يصنع بـ قلبي ما صنع .
رحمك الله

[بقآيآ .. حرف]

كل خطواتي طواريك انا مالي مكان
ذكرياتك فوق قلبي تغني واتعزف
.
صرت انا والضحك عقبك على طول الزمان
الفقير اللي ليا جاته المدّه حلٓف

[بقآيآ .. حرف]

بعد تفكيرن عميق اكتشفت ان الحياه
لاعطتك الصدق ماعاد خلت لك صديق
..
واكتشف أن أكثر الناس ما منهم غناه
عاد ذي سهله ما يحتاج تفكيرن عميق

[بقآيآ .. حرف]

على كسر خاطري كنك موصّى وصاة
ما تذخر الكلمة الشينة على مسمعي
.
قبل امس اقلّب صورنا في ملف الحياة
يا دوب حصّلت صورة وانت تضحك معي

[بقآيآ .. حرف]

ياللي تقول السما وشلون ماتمطر؟
حنا نقول القيامه كيف ما قامت!
ٰ
تشوفلك شي واللي ماتشوف اكثر
سبحان من لاغفت عينه ولا نامت

[بقآيآ .. حرف]

مايداري خاطري كون ذعذاع الهبوب
والاانا من بوره الضيق والليل وورى
،
مامعي سبعه ضماير ولاتسعه قلوب
غير جرح لاذكرته !! طرالي ماطرى .

[بقآيآ .. حرف]

انا التايب اللي تاب قلبه / لوجه الله
عرف وش بقى له قبل يحسب مخاسيره

ياحلم العمر ودعتك الله فمان الله
عوضنا على الله مارجينا حدٍ غيره

[بقآيآ .. حرف]

ماضريت بذلة النفس وإنقاص المقام
والدروب الخايبه .. ماعرفها كلّها
ٰ
عقلي اللي سابقٍ عمري بعشرين عام
ردني عن طرقة الهون ، واللي دلها

[بقآيآ .. حرف]

ياهل العشق الجديد الممتلي بالفاضي
من جهلكم في حبايبكم عليكم خشيه
ِ
والله أني أعرفه زعلان ولاّ راضي
من تلفّاته علي ومن طريقة مشيه
سعد علوش

[بقآيآ .. حرف]

لاتامن إعجاف السنين تجيك بعد اسمانها
شف حال مثلك فالسنّين الفايته وأخذ العبر

[بقآيآ .. حرف]

واللـي ذهَـل عـَـقـلي وخــلاّني أنـْجـَن
خَطية الـمــيِّت يعذّب بها حـَــي
'

فرحان بن دبل

[بقآيآ .. حرف]

ترى المساكين لوّ انهم خوان اشققا
اخير منهم ديارٍ عاويٍ ذيبها

بيض الصعو : لا يدوَّر له ولا ينلقا
"عانق حرارٍ تعشيها مخاليبها"

بن_جدلان

[بقآيآ .. حرف]

وشفيك متضايق وشاللي صار فيك
واخــر طمـوحــات الغـــرام اثـارتـك
.
اللي يِـ حبـك جــد مـا يكـذب علــيك
حـتي ولــــو كــان الثــمن خسـارتك

[بقآيآ .. حرف]

يكفي ثلاث سنين مرت على ساق
عينٍ ،، فراش لك وعين ،، لحافي
ٓ
واليوم في تسعه وتسعين طقّاق
قلبي كذا طبعه اليا عاف عافي !

[بقآيآ .. حرف]

عجزت اداريك يالقلب النظيف الجريح
من فعلةٍ شكلها عادي وهي جارحهَ
ٓ
قلطني الحزن في بيته و قال استريح
و عيّا يخليني استاذن من البارحه

[بقآيآ .. حرف]

انا مع الخير لان الخير راعي جميل
والشر زله .. ونفسي ترفض تزلها

شكرًا ياقلبي على هذا الشعور النبيل
وقفت جنبي .. وسامحت البشر كلها !

[بقآيآ .. حرف]

في صدري الكهل طفلً كل ماشاف غيم
خلا لي الارض واختار الغيوم وسرح

واسامحه لا تركني ليه لانه .. يتيم
وش ذنبه انه غلط في يوم غيم وفرح

[بقآيآ .. حرف]

سكان صدري جلو من سور صدري بعيد
ولا عاد يسكنه غير الصمت من حينها

استغفر الله .. باقي فيه ساعي بريد
عنده رسايل عتب ضاعت .. عناوينها

[بقآيآ .. حرف]

يجرحني المبتسم .. واجامله وابتسم
لو أن قلبي من الوحشه يدف الضلوع

انا تشبّعت فقْد .. الييين عيني قسَم
حنّت على الفرحه اللي كل ابوها دموع

[بقآيآ .. حرف]

من عشق من غير شيمة لايفل حجاجه
لو يحصّل فالغرام الاولي والتالي

[بقآيآ .. حرف]

ربي إن قصرنا في عبادتك فأغفر لنا
و إن سهينا عنك بالدُنيا ردنا إليك ردًا جميلًا

[بقآيآ .. حرف]

خاطري سامح وخابت هقوتي وظنوني
مثل طيرٍ فارق سبوقه .. و فارق وكره
ٓ
أعتذر لـ اللّي كرهني قبل من حبّوني
يمكن إن الكره صادق والمحبّه سكره

[نسمة هدوء]

يداعبُ الروحَ في الأحلامِ أحبابٌ..
غابوا عن العينِ لكن قطُّ ماغابوا
يشتاقُ قلبي إلى لقياهُمُ دوماً..
والشوقُ دوماً إلى الأحبابِ غلّابُ

[نسمة هدوء]

أثر آلليالي بدون مواصلك مرّه
و آلعمر ما هوب يسوى شي من دونكhttps://abs.twimg.com/emoji/v2/72x72/1f331.png

دايم و آنا آشتاق لعيونك وهالمره
إشتقت للضحكه آللي داخل عيونكhttps://abs.twimg.com/emoji/v2/72x72/1f3b5.png

[عايد]

وان وجدت روحي السلام في هذه الليله. بالنوم
وغاصت في عذوبة النسيان, وفي الصباح افاقت
كزهرة تفتحت من جديد . فهذا يعني أن الله غمرني برحمته وخلقني من جديد

(دي اتش. لورنس 1885_ 1930

[بقآيآ .. حرف]

والله إن مافيه مثل الضحكة الكذّابه
لا طرت ذكرى من أرخصته وكنت تحبّه
..
ودك إنه ما يطول الطاري اللّي جابه
ينسحب مثل إنسحابه عنك حبّه حبّه

[بقآيآ .. حرف]

قمت أشوف أن التظاهر بالطرب يجهدني
يعني الحَلّ الوحيد أعطي القصيد عنانه
.
بـ أشرح ظروفي وعقبه لا حدٍ ينشدني
من لقا له مستريح .. يستريح وزانه

[بقآيآ .. حرف]

مايجرح الجرح الاول غير جرحٍ جديد
حتى لو انك بدمع اللي جرح غاسله
'
واللي تجيه الخطايا من لسان البعيد
احسن من اللي تجيه اْمن اقرب الناس لَه

[بقآيآ .. حرف]

قلبي دليلة سراب , ودرب موحش وتيه
مافيه في رحلة أوجاعه صبر ماصبره
َ
على كثر ما دفنت أغلى الأحاسيس فيه
والله مدري بصدري , قلب أو مقبره

[نسمة هدوء]

تروح شلون عَنْ عيني .. وتبدِّل قوِّتي بـ ضعفي !!
ولا بـه شـي يستاهل عشانـه .. تبدي إيذائي ..

( مسافر) دُونْ ما أدري وحِزني داخِلي مخفي
أبيـك الحيـن مـو باكـر تِحلِّقْ فوق أجوائي !

[نسمة هدوء]

التزمت الصمت واغتال السكوت
ضحكةٍ صفرا على الجرح اتكت .."
بـ المشاعر ما أجامل لو أموت
وللغدر وجهٍ [تقاسيمه] حكت .."

[بقآيآ .. حرف]

تهادت الشمس عقب السلطنه و الغرور
مالت و صدت وراحت من نحر ضيفها
صديت منها مثل صدة طوال الشبور
من كلمة الزايف الي مطرب زيفها

[بقآيآ .. حرف]

نسايم الغفله تحت الورق حت
لو ذوّقت من عاشها لذّت التوت
.
مدري وش اقابل به الله اذا مت ؟
يارب بدل غفلتي قبل لا اموت

[الركام]

‏ضاق صدري من الدنيا وكتفيت
‏اسمحولي ماعاد اوثق في احد
‏
‏ماني اكثر شخص بدنيا وفيت
‏لكني اكثر من تجمل وانجحد

[الركام]

‏لاتخاف من المفارق تراه احيان زين
‏دام قلبي جاك ولا عرفت تعامله
‏َ
‏ودي بفرقا طويله لون قلبي حزين
‏ولا وصالٍ فيه منه . . و فيه مجامله
‏⠀

[عايد]

ارث جديد المحبل من ام معبد
.......... بعاقبة وأخلفت كــــــــــل موعد
وبانت ولم أحمد اليك لقــاءها
......... ولم ارج منها رجعة اليوم أو غد

[بقآيآ .. حرف]

أنا ماهمني لاصار سيلي / عارفٍ مجراه
أبفرش ضحكتي بعيون كل اللي يمرّوني

[بقآيآ .. حرف]

لي قلب من شيمته لامن نسته القلوب
صـد ومعه كلمـةٍ تجرح ..ولا قـالها
مطلق الجبعاء

[بقآيآ .. حرف]

صحيح أنا ممكن اسويها واسوي المستحيل
لكن رجلي في هوى نفسي ماعاد اسوقها

[بقآيآ .. حرف]

كيف الأغاني حرّكت فيك ساكن
حتى حضن حزنك طلع من يدينا
.
ما كان ودّي تحضنينه... ولكن
حزنك عليك وحق حزنك علينا

[بقآيآ .. حرف]

تقول والا ما تقول الرواية
أحيا بكيفي مو على كيف الاموات
.
يا صاحبي ما يجعل المبدع آية
إلا الوعي
والموهبة
والمعاناة

[بقآيآ .. حرف]

ما الكلمات ؟
سوى أجنحة تحلـق بِنَـا
إلـى مـا وراء الأشيـاء والخيال
ومـا الخيال ؟
سوى أن نكتب مـا لا نستطيع تحقيقه

[بقآيآ .. حرف]

ابتسم واقول باقي في الحياه احسنها
يوم اناظر في الظروف بـ نظرة العفويه
كل ما جيت أشتكي من ضيقةٍ ساجنها
مالقيت اللي يسولف لي عن الحريه

[بقآيآ .. حرف]

لن يلفت الأنظار حسن جوادك
ان لم يكن فوق الأصيل اصيل

[بقآيآ .. حرف]

آنا حاجتي طيّرتها من كفوف الضيق
لـ صدر السماء ؛ للخالق اللي يراقبها

[بقآيآ .. حرف]

للصبح زفرة حنين ترجع الماضي
أيام كانت طفولتنا بدفاترنا
والله وكبرنا ومافينا أحد راضي
لا البوح ينفع ولا التنهيد ساترنا

[نسمة هدوء]

لك الله يا حبيبي في حضورك كل شي طـاب
جروح الوقت في قربك تطيب وتذبـل سنينـا

[بقآيآ .. حرف]

قلت وش وداك معهم ؟ قال سود دروبي
قلت وش رجّعك منهم ؟ دنّق و قال إنه :
َ
كنت غالي عندهم ، لكنهم ضحّوا بي
مثل من ضحّى فـ غالي لجل الاغلى منه !

[بقآيآ .. حرف]

وش رجعّك واكثر معاذيرك سراب
واكبر أماني خافقي طاح الحطب

ليتك قبل لا تفتح .. ابواب الغياب
علمتني كيف اقفل .. ابواب العتب

[بقآيآ .. حرف]

انا على وجهك من الدمع خااايف
و انتي عليّ من القصايد تخافين !

[بقآيآ .. حرف]

الحلم عابر يطرق السكه وخطواته وهن
كل ما تعثر يصغر بعيني وهو كان الكبيير

[بقآيآ .. حرف]

يا سكة الفقد مالي من سرابك .. امل
كل ما مشوا بك غوالي روّحوا لـ البقيع

[بقآيآ .. حرف]

كل ما هبتّ من الذكرى طواري
سيرته تكفيني إلى حدّ الغناه !

[بقآيآ .. حرف]

يعتقدون أن الشمس
لا تشرق ألا من جنبات
ابتساماتهم المزيفة
هاهي الشمس
تبتسم دفىء
للقادم من
برد الشتاء

[الركام]

http://www.albrari.com/vb/showthread.php?t=90043

[بقآيآ .. حرف]

باللحظة التي ترى كُل شيء يُعاكس رغباتك تذكر:
﴿ لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْراً﴾

[بقآيآ .. حرف]

نسمة هبوب الصبح من لطفها غير
ذعذاعها منعش و للنفس راحه
'
الله يصبح من قــرأ النـص بالخير
و ان ما قـراه الله يسعــد صباحه

[بقآيآ .. حرف]

آبعدي بيّ يا خطا الوجد عن درب النْسيم
و ابعدي بي عن مراحّيل ذيك . . القافِله .

[بقآيآ .. حرف]

جيتي مطر يستغفر الرحمن عن ذنب العباد
و إنتي ذنوب عباد مامروا على درب الهدى !

[بقآيآ .. حرف]

البارحه يانديم الليل قمت احتريك
ابيك في سمرة الخلان مع ذاتها
عزالله اني على وضح النقا مهتويك
ومخيّرك من وفا الخوّه وشيماتها

[بقآيآ .. حرف]

الله لا يسقيني هماليل نوّك
حتى لو إن سنيني عجاف ودهور
جيت أنثر دلالك على جال ضوّك
ما جيت أكفكف دمع وأكمّل قصور

[بقآيآ .. حرف]

أنا خواف من جرح الصديق اللي خذلني (وإنت)
خذلت اقرب من يعدّك صديق وما عرَفت تخاف !

[الركام]

https://t.co/g6uA3iemmZ?ssr=true

[بقآيآ .. حرف]

بعض النخل حظه يجي ماله عذوق
يوم الليالي في عطاها بخيله
والفارس اللي كل ماهد مسبوق
العيب عيب الخيل ماهي أصيله ..

[بقآيآ .. حرف]

قلوبنا ماهي كـراسي للأغـراب
ولامحطه في دروب التـجارب
مو كل من يطـرق فتحنا له الباب
ولاكل من جانا بالاشـواق راغب

[بقآيآ .. حرف]

http://up.albrari.com/uploads/15095959131.jpg

[الركام]

أسأل الله العظيم رب العرش العظيم ان يشفيها

[الركام]

‎
دكة الشيبان جلسة كـل شـايب
مير مابالـموت يعطـيـنا مجــالي

كل وقت نودع اصحـاب وحبايب
من رحل ميت ومنهو حي غــالي

كلكم في البعد سبـبـتوا سبايب
يشهد الله عقبكم مانيب سـالي

ان بغيت الحي دربك به صعايب
وان بغـيـت تقابل المـيت محــالي

الفراق يعـد من احــد المصــايـب
منه تاخذ لونها ســـود الليالي

كم عرفنا من صديق ومن قرايب
وكم ديار عقبهم صارت خـوالي

تالي الدنيا تعــود للـخـرايـب
وكـل مـخـلــوق مـرده لـلـزوالي

مابهـا لذه ولا بالعـيش طـايب
ومابها حـالي وتاليهـا ارتحالي

سعد منهو قبل موته كان تايب
مستعد وحـاضر عند السؤالي

الركام

[بقآيآ .. حرف]

أسأل الله العظيم رب العرش العظيم ان يشفيها

آمين
كل الشكر لك أخي أبو سعود
والشكر موصول لكل من رفع كفيه بظهر الغيب ولا أعلمه
أسأل الله أن لا يريكم مكروه
كل التحايا

[بقآيآ .. حرف]

أنا بوجهك لا تغنّي لي حزين من الظمآ
خلاص يكفي مابقى بالحزن حزن ؛ تبسّمي

[بقآيآ .. حرف]

لاتروح المكان اللي معك كنت اجيه
راح تندم وانا مابي تحس بندم
.
انت مخطي علي ورحت تخطي عليه
هذي زلّة مشاعر ماهي زلّة قدم
.
سعد علوش

[بقآيآ .. حرف]

لك الضحك ، ما دام الليالي عتب ومزوح ،
و لي الدمع ، لا غابوا عن العين خلاني ..
.
سعد الحريّص

[بقآيآ .. حرف]

يقولون ما ودّعك ؟ قلت الفراق وصار ،
والإنسان ، روحه تنسلب ما يودّعها ..
.
متعب التركي

[بقآيآ .. حرف]

وما ظنتي نجتمع حنا أفترقنا خلاص
لو نفتح صدورنا صعبة نلاقي بعض
.
اللي يخاف الرمي بيموت قبل الرصاص
أنا تشافيت يومني عرفت المرض

مطلق الجبعاء

[بقآيآ .. حرف]

ما ضرّ حلم الفقير الا وجيه الفقر ..
اللي على باب حلمه تبني احلامها ،
.
فهد الحماد

[نسمة هدوء]

تَغيّرُالشّخٌص ليسَ هُو مَا يؤلِمّ
الذّي يؤلِمّ بالفِعٌل هوآنّك تتَذكر كيٌفَ كان قَبٌل أَنٌ يتَغيّر ..

[نسمة هدوء]

سَأغَآزلك بقَصِيدَة وأعَآتِبك بمَعْزوفة,♩
وإن أخطأتْ,! فتوبّيخي لكَ¦ برقصة ❥
سأكُون إمْرَآَة مُوسيقيًة لآَ أكثر, •♘

[نسمة هدوء]

مِنَ الغَرَآبَة ,! حتىٰ المشَآعِر ظهر فيها مُتَسولين
عسىٰ شعوري للغرباء' صَدَقات , •♘

[بقآيآ .. حرف]

وجاي تطّمن على نفسك بقلبي ،
والله ان قلبي قديماته جْداده ..

[بقآيآ .. حرف]

خذيت درس من المفارق واعتبرت
ولا ورا كثر المشاريه ثمرة !
.
ويعني لو اخطي
انت يعني لو غفرت ..
قُبح الخطا يكشف جمال المغفرة ،
.
مشعل الزعبي

[بقآيآ .. حرف]

ياسيّدة حسن التفاصيل بالذّات
الساهية ، والشّاردة ، والمهمّة
قلبي جناح ، ونور وجهك سماوات
يكفخ ،، ولكن موت رمشك يضمّه

[بقآيآ .. حرف]

إذا لم تجد نصفَك الذي يليقُ بك،
إحذر أنْ ترضى بأيِّ نصفٍ آخر
لأنَّ تعاستك ستبدأُ منْ هُنا عندما ترضى بشيءٍ
لا يُناسبك ولا تَهواه !

[بقآيآ .. حرف]

ما عاد في صُوتك حنين يشدني
و لا عاد في قلبي شُعور يسامحك

[بقآيآ .. حرف]

حسبي على غرسك طلع داخلي شوك

[بقآيآ .. حرف]

ما آجمـل آن ترضـي الله بما يحب
فتجـده يرضيـك بآكثـر مما تحب ..

[بقآيآ .. حرف]

ومن الضما لو يبست عروق الاشواق
خل الوصل ، يا وافي الجرح رسمي

[بقآيآ .. حرف]

http://up.albrari.com/uploads/15111858721.jpg

عبدالله سعيد

[نسمة هدوء]

أَسْوَء منّ الوَجعٌ ؛
مَنْ يُسيء الظن بگ،
وَهُو لآ يعلّم مَا الذِي فَعلتَهُ مِنْ أَجلهٌ !

[نسمة هدوء]

لمْـْـآذآ لآْ يوجد قْــآِآنون يحْــِآكم ألحَنينِْ ؟؟
لأنْ الحَِنين ْقتلًني و قْتِلْ الكْْثيرْ غيريِْ ..!

[بقآيآ .. حرف]

مولد الحكي موت.. ونزعته موتتين
خفت بالصوت أحبك.. قلت أحبك: سكوت
متعب الصمت؟!..أدري..واسأل المتعبين
كم تهادى الكلام.. ولا لبسه أيّ صوت؟!
بين فرحك وحزنك.. وقفتك السنين
لا أنت قادر تعيش.. ولا أنت قادر تموت

[بقآيآ .. حرف]

طش ذكراي في وجه الطريق الطويل
لأجل ما تحسب ان الهجر "زلة قدم"
ينتظرك الحنين ولو .. يطول الرحيل
بآخر الدرب : كم لك من جروح وندم

[بقآيآ .. حرف]

و الله إن تلويحة يدينك - مناجل -
قربت تحصد شقى زهرة شبابي

[بقآيآ .. حرف]

http://up.albrari.com/uploads/15114195951.jpg

[بقآيآ .. حرف]

روٌعني الشيب وأكثر منه روٌعني
وش ينتظرني الى فارقت خلاني
يارب في مابقي من عمري أوزعني
شكر النعم وأثقل برحمتك ميزاني
الحميدي الحربي

[بقآيآ .. حرف]

إذا كان من الصعب تزييف الكلام
فكيف بتزييف المشاعر..؟!
القلوب تحس بالصدق
لأنه الوحيد الذي يصل إليها أما بقية الكلام فلا يتجاوز الأذن.

[بقآيآ .. حرف]

مع أولى لسعات البرد فقط تذكر
كم من فقير محتاج بأنتظار عطفك أيها الغني
بادر رحمك الله
فما تقدمه ستجد أضعافه في الدنيا قبل الآخره

[بقآيآ .. حرف]

(خايب رجا) رافق له انسان ( منحوس ) تخيّلوا بالله كيف النهايه ؟
لا صار ناقص عقل واخلاق وفلوس ، والثاني مطاوع لفكره ورايه .!
.
.المطيري عناد

[بقآيآ .. حرف]

احترق حمام عام ١٨٨٩م في مصر فالذين خرجوا عراة عاشوا ومن بقوا في الحمام حياءًا ماتوا
فقيل: (اللي اختشوا ماتوا)
فذهبت مثلا

[بقآيآ .. حرف]

في أيّ مكان :
إن لم تفرض وجودك ؟ "إفرض رحيلك".

[بقآيآ .. حرف]

حتى ولو ودّك تجي .. لاتجيني
ضيّعت مايكفي من العمر ويّاك !

[بقآيآ .. حرف]

وتنسج له الحمقاء خيوط عشق من وريدها وتنسى انه ذئب نرجسي مغرور
محمود درويش

[نسمة هدوء]

" إياك أن تُعطي لتأخذ، لا تنتظر ..!
القِ بذورك في دروب السائرين، سر في سبيلك باذلاً لا تلتفت..!
فالله يجزي المحسنين،
والله يجزي المخلصين " ٰ

[بقآيآ .. حرف]

دراسه نفسيه تثبت أن:
الذين يصرفون أموالهم على الآخرين
أكثر سعادة ممن يصرفونها على أنفسهم
شدوا همتكم الله يرضى عليكم
أنا مابغى إلا سعادتكم
صباح الخير

[بقآيآ .. حرف]

اه من صوت الحنين بداخلي
كلما ناظرت لأحزاني بطرف

وجهك اللي مانسيته شاح لي
شفت في فمك كلام وانحرّف

[بقآيآ .. حرف]

ليه آتسّول ضيا وجهك وانالي عليك
حق انك تنّور ايامي وتشرق ..عليّ

ليه افقد وجودك الليّن..ورقّة يديك
ليه آتوحد من الوحشه .. وتبرد يديّ

ليه اشعر ان الاوادم كل ابوها ..تبيك
وانك تقاسمهم اوقاتك والاوقات ليّ ؟

[بقآيآ .. حرف]

تحسبّن ما شانت اخلاقي ولا ضاقت بلاد ،
وانا ضحكاتي تحت فيّة جفاك .. مقيّله

ما حكا لك سور بيتك لا تحلويت الرقاد ،
عن دموعٍ تسقي وروده .. وتسقي ثيّله ؟

والله ان اطول دروب المشتحن درب السهاد ،
انشد اللي لا سراه بـ نبض قلبه .. كيّله !

[بقآيآ .. حرف]

ناموا على قلبـي الطيــّـب ولمــّـا صحــوا
قالوا نشـوفـك اذا الله جــاب فرصة لقـى

وانا وروح الحنين احترت ليـه اجـرحــوا
مشاعــر انـســان يملـك دمعتـيـن وشقــا

[بقآيآ .. حرف]

شوفو كبرنا كيف واتبدل...........الحال
واللي نسيت حسابهم ......حاسبوني

[بقآيآ .. حرف]

أعيش بك نيّة حمْام اختار بيت الله حمَا
وأموت فيك ظنُون كم عاشت تراوّد مرسّمي

[بقآيآ .. حرف]

تجاهلت معنى الطيش و أنا بسّن الطيش
أجل لا كبرت . . شعاد يرضي قناعاتي

[بقآيآ .. حرف]

وش أبي في غدير يسهجه من شرب
خاطري في غدير ما بعد ذيق ماه

[بقآيآ .. حرف]

من اللي يبا يقنعك وإلا تصدق من
بكذب الظنـون اللي لك ايام شايلها
،
إذا كنت متعود تعامل بسوء الظن
حروف السلام تشك في قصد قايلها
،
#عبدالله_الطلحي

[بقآيآ .. حرف]

شهرة الي لا ( هويه ) ولا سترة نجاه
مالها ( قيمه وشيمه ) . دعايات ورياء
.
لا تجرد من ثياب الحيا لجل !! الحياه
كافح وخل الك مبدا وفي وجهك حياء
.
#متعب_مرزوق

[بقآيآ .. حرف]

لا شفت أحد طاح لا ترمي سكاكينك
الوقت دوّار لا تشمت ولا تضحك
بكرة إذا طحت والدمعة ملت عينك
بتشوف منهو يجي يضحك على جرحك

[بقآيآ .. حرف]

بيض النوايا باقيه داخل الجوف
والا الرضا للناس ماني زبـونه
يالله توفقني على الطيب واشوف
خذلان حاسد طيبتي فـــي عيونه

[بقآيآ .. حرف]

يقتلني الشوق للي صار تحت الثرى
عقلي رضا بس قلبي مايعٓرف النصيب
الوقت دوّار ليت الوقت يرجع ورى !!
والله ماأخليه لحظه عن عيوني يغيب ..

[بقآيآ .. حرف]

لا تظن الناس : تحزن .. ليا منّك : فرحت
ولا تكبّر حجم نفسك .. وتعمل لك : صدى
'
كثرة الأعداء .. ماهو دليل .. إنّك : نجحت
يمكن إنت : إنسان مكروه ، وتحبّ الردى !

[بقآيآ .. حرف]

ماعاد والله باقي فـ خاطري شيّ
عفت المجامل واهتويت الصراحه
وعزلت روحي حروة اسبوع وشوي
واونست في بعدي عن الناس راحه

[بقآيآ .. حرف]

ياوجودي وجدمن شاف من ظلم اقرباه
مايزيدجروح صدره وطعنات ظهره
.
ان تكلم راح يبحث على العالم خفاه
وان سكت نفسه على الظيم ماهي مصبره

[بقآيآ .. حرف]

قالو لي أنسى تواجه لك جبل ما يطيح
قالو لي أرضى بواقع يستحيل الرضا
-
طيرك جزاه الهدد لكن جناحه جريح
طافه هداد الحرار اللي تحوم الفضا
-
تو أنتصفت الطريق ومنبع الما شحيح
أعتق ظما قلب ً ظلوعه تشب الغضى
-
مفالي العمر لو تنبت "خزامى وشيح"
ما ردنا " للعضاه " .. إلا القدر والقضا

[بقآيآ .. حرف]

من كلّما الصمت يفتح باب ويصكّ باب
نذرت لك صوت في حلق التعب منزوي

رحلت .. والروح تلبس من ثياب الغياب
" وحشة قرى " فاتها يوم المطر ترتوي

[بقآيآ .. حرف]

تصطفيني غيمةً في شطر محرَابي تصلي
كلما خانتني الهقوة، مـلا صدري حنينه
عبدالعزيز الدوسي

[بقآيآ .. حرف]

توقف ظِلالك تخيط من إلتفاتك : ثبات
متقاسمه معك لحظات إنكسار الخٌطى
-
حضرت لكن حضورك سالفه من : شتات
داخل صراع إختلافك بين صح وخطأ
-
تذبل من الصمت في موسم حصاد أمنيات
معذور " والوهم " .. مداته كثيرة عطا
-
بفراش صدرك غفت هاله من الذكريات
و تفرّعت من : جدايلها .. لستر وغطا

[بقآيآ .. حرف]

يامن تدور في رماد العمر حافز للبقا
كنك تدور عن زمن صالح وقاتل ناقته
دخان من جمرة لكن فـ الريح ماهم بـ اصدقا
كلٌ يروح لمبتغى دنياه ولعشّاقته

[بقآيآ .. حرف]

http://up.albrari.com/uploads/15123806711.jpg

توآجدكم شرف ودعم لي
أسأل الله أن يحفظكم أينما كنتم ويجعل الخير والسعادة فالكم
محبكم / بقآيآ .. حرف

[بقآيآ .. حرف]

على حآلنآ مآ غير آلوقت فينآ شي
نعيش بَ كرآمة نفس ونموت ما خنآ
ندور بيآض آلوجه يآهل آلضمير آلحي
ونعز آلرفيق ولآ يشوف آلخطآء منآ

[بقآيآ .. حرف]

من شفت زوله مقبل قلت لا حول
هذا هو الليء جايب العيد فيني

[بقآيآ .. حرف]

لا تعاتب وانت حتى ماتعرف حقوقك
وان حداك الشوق والحرمان تدري ويني
شد حيلك في طريق الهجر والله فوقك
يرزقك باللي يسوي بك . . سواتك فيني

[بقآيآ .. حرف]

ماذا فعلت بعد خيبتـك الأولـى ..؟!
لا شـي ..
دخلت لـ خيبتي الثانية بكامل إرادتـي ..

[بقآيآ .. حرف]

إطرد سرابي واتبعه وين ماراح
خلك تشوفه ماي وتموت ظامي
دام الوفا ((خون)) وقدر الغلا طاح
لو قلت أحبك لا تصدق كلامي

[بقآيآ .. حرف]

اقفيت شايل في ضلوعي صوابي
وعجزت من زود الوجع لا ألتفت به

[بقآيآ .. حرف]

لو وجيه النّاس تكشف لك خفاها
شانت وجيهٍ ، ملامحها جميله ..

[نسمة هدوء]

هذي الدنيآ تبي تمشي كذآ ~
انتفارق تحت عنوآن : النصيب
يشهد الله ما جآء منك ردآ ،
ويشهد الله مآيجي بعدك حبيب !

[نسمة هدوء]

البارحــة ربـي كتب لي ومريـت
دربٍ عليه بروق الاحباب لاحـــت
جـيت المكان اللي جمعنا وخفيـت
وقامت جروحي للجوارح وصاحــت
يــاليتني في لفـة درب زلـيـت
كــان العيون من الدموع استراحت

[نسمة هدوء]

يســعد صــباح اللي على بال طـاري
الصاحب اللي ياحـضر مـــــا نـمــلّه
\
من غــاب عني زاد قلبي هـــذاري
وهمٍ بصــدري يشــدي لفوح دلــه

[بقآيآ .. حرف]

اللهُّم أرحم كل فقيرٍ يرتجف برداً
( ولم يجد مٰ يقــي به نفسه من شدَّة البرد )

[بقآيآ .. حرف]

و لا يهون الصبر ، و الشعر و الغيم
ليل الشتا ، ثلث السنين الحزينة .

[بقآيآ .. حرف]

ما للصباح الا حديث العصافير
يسرق من اسماعه ضجيج الشوارع

ياموطني ، صبحك امان و تباشير
و ظلّك رغم شمس المقادير ، فارع

[بقآيآ .. حرف]

عسى الله يرحم المقفي من التعذيب
و نار البعد يقلبها ، سلام و برد

مشيت و مامعاي الا شعور الريب
وقصيدٍ فوق قبر الوصل باقة ورد .

[بقآيآ .. حرف]

ياتعتبرني حمل ، و ارتاحت كتوفك
او تعتبرني غصن ذاوي و تكسرني

لكن دخيلة على الله عنك، لا اشوفك
ما عاد باقي عليك احساس يجبرني

[بقآيآ .. حرف]

حتى لو اتحدا حنيني و اخليك
عليك كل ضلوع صدري يحامن

السدرة ان مالت تبي الغيم يسقيك
خلك تحت سدرة شعوري و آمن .

[بقآيآ .. حرف]

عادك تحب الصبح ولا تخلّيت ؟
مثلي عن الصبح و هواه و شروقه ؟

عنّي ؟ من ابيات المشاريه ملّيت
و الشعر مابلّت عروقي طروقه

[بقآيآ .. حرف]

خطية العشق عذبة ، وانت عشت بخفاي
والذنب الاجمل ، و لذة ناره الحارقة

وش فيك احبك واحسّك صرت تكبر معاي
وقلبٍ من سنين صدري بالخفا سارقه

[بقآيآ .. حرف]

و اللي فَرَج في زمزم لـ هاجر الضيق
اني تمنّيت الحَرَم ، و الشعاير

كثر حمامات الحرم و المخاليق
و كثر الخشوع اللي غشته العباير !

[بقآيآ .. حرف]

ش احكي لك اكثر عن حنيني من اعوام
عن ما وقف من ذكرياتك ف بابي ..

عن وجهك اللي شحّـ/به كفّ الايام
و ما شحّـ/به غير الفراق و غيابي .

[بقآيآ .. حرف]

فرجة يجي منها سنا الشمس يارب
فرجة يجي منها النفَس لو دقايق ..

[بقآيآ .. حرف]

انا هربت لـ شي مدري وش اتلاه
عن شي مدري كيف مرّ بحياتي !

[بقآيآ .. حرف]

بعض القصايد تصحّيني بـ عزّ المنام
ضميا و كاس القصيدة في يدي و اشربه

و بعض القصايد ابيها لو مرور الكرام
احتاج لو بيت واحد ما قويت اكتبه

[بقآيآ .. حرف]

لاتنكأ الجرح بالشرهات و عتابك
و انا من العام اضمّد فيه لا يكبر
بشويش بشويش لاتستنزف احبابك
القلب ليّن و كسر القلب ما يجبَر

[بقآيآ .. حرف]

http://up.albrari.com/uploads/15133573321.jpg

[بقآيآ .. حرف]

وش حاجتي باللي ابي قربه و راح
ارجيه لكن خطوته - لي - قصيرة

بـ اسند عصب قلبي على الصبر وارتاح
عسى يكون فـ تالي الأمر خيرة