ملاطفة مع مدير البراري عبدالهادي

[عبدالمحسن الرحمه]

سلام عليكم ورحمة الله وبركاته وشلونك ياشيخنا ومدير
عبدالهادي ملاطفة مع سموك

ياصباح الخير يالشهم الكريم
يا مديري يا رفعين المقام
البراري قدرها قدر ٍ عظيم
خيرها برَاق في ذيك الغمام
أرعدت ثم أمطرة بالخير ديم
في معالي الخير أيام ٍ دوام
دام قايدها من أفضاله كريم
له من أعماقي تحية وسلام
أشهد أنه في قراراته حكيم
باذل ٍ وقته وجهده ما يضام
ياعريب الجد يالحر العديم
يا شجاع ٍ يا فخر كل الأنام
يارفيع القدر يالنهج السليم*
ياكريم البذل في جنح الظلام
الخجل مني مذير مثل ريم*
ذيره هيبة سموك يالهمام
سيدي مده وأنا عندك قديم
راجي ٍ منك تقلدني وسام
راتبي روح على كل الحريم
حدني وقتي على حد الحسام
كل حلم ٍ راسمة روح هشيم
لقطنَه سرب من ذيك الحمام
عيشتي بين المآسي والجحيم
أذرف الدمعة مثل وبل الغمام
أرفع بصوتي مثل صوت النهيم
من هموم ٍ طوقني بالحزام
يا ولي الكون يا رب ٍ رحيم
يا عظيم الشان يا والي لأنام
تلطف بحال المعنى ياكريم
حدته دنياه لدروب الظلام

[عابر سبيل]

ياسلااام لله درررك شاعرنا الكبير عبدالممحسن دااائماً تتحفنا بالابيات الجزله ويستاااهل ابوناصر وانت تستاااهل ان تكون مراااقب لخيمة شعراء البراري ... صح لساااانك أخي الغالي وننتظر المزيد من الابدااااع... محبتي واحترامي لك وتقييمي الكامل لطرحك✨✨✨✨

[خلود الرياض]

يستاااااهل ابو ناصر الله يعطيه الصحه ًالعافيه 🌹

[عاشق البرووق]

صح لسانك اخوووي
____

[رذاذ]

صح لسانك شاعرنا القدير ~ عبدالمحسن
أبيات جميله جداً وأبوناصر يستاهل ~

كل الشكر لك على ماأتحفتنا به من أبيات

رذاذ

[عبدالهادي المفرج التميمي]

تسلم يمينك اخووووي عبدالمحسن
وصح لسانك على هالابيات الجميلة ومنكم نستمد الطيب
وسامحني على عدم الرد عليك بالجوال سابقا كنت في رحلة عمل
مشكوووور على ما سطرته لنا في هذه الابيات





سلام

[عبدالمحسن الرحمه]

عابر سبيل ياهلا مليون فيك طال عمرك
شاكر لك على هذا الرد الجميل ودي لك
طال عمرك وصح ابدنك يالراقي

[عبدالمحسن الرحمه]

خلود الرياض ياهلا فيك شرفني مرورك العطر

[عبدالمحسن الرحمه]

عاشق البروق صح ابدنك طال عمرك ودي

[عبدالمحسن الرحمه]

رذاذ مشرفتنا الموقرة ياهلا فيكم زاد متصفحي نور
في ردكم لا خلا ولا عدم من طلتك المباركة
وصح ابدنك