الليالي ماتجي نكباتها غير بعذاب

[مزن البرد]

(مزن البرد)محمدبن مضيان العتيبي(ابوخالد)

من جديد ماكتبت اتمنى ان تنال اعجابكم



الليالي ماتـــــــجي نكبـــاتها غير بعـــــــذاب
وكل نكــــبه ماتجيلك وقـــت ثانـي تحــتريك

والمصيبة لـــو تحاول ماطــردت ألا ســراب
ماكتب ربــي يصيبك حاصــل ولازم يجــــيك

نوب حظك مايجــيك بضل من غيـم السـحاب
قسمتك وان زان حظك من رضى ربي عليك

الزمان الي قضـــيته ركــض واتعبت الركـاب
ماتسير يامسير غـــــير مـن رب يحمـــــــيك

والســــؤال اليا سألته يقنــــعك منـه الجـواب
لن ذكرته كل وقــــــت ولن نسـيت الله نسيـك

لوتفــــتش في جرابك ويش تلقا في الــجراب
لا تلوم الحــــظ دايـــــــم والقصوراكـيد فيـك

العــــــمر تاليه شـــيب وعز مـــــبداه الشباب
ولايحــــــبك ربـــــك ألا نــــوب لازم يبتلـــيك