عادة الايام ما تصفي لاحد

[فهد المفرج]

[align=center]عادة الايام ما تصفي لاحد
لا صفت ساعه تكدر جوها

من يذوق المر من بعد الشهد
يعرف الدنيا و يفهم سوها

لا طلبت اطلب من الله المدد
الظمايا عند بابه روها

لا تضايق دام ربي لك سند
عز نفسك بالكريم و قوها

الحياة هموم و غموم و نكد
تقلب اسفلها براس علوها

كم تفاجي من كبير و من ولد
من صواعقها تحرا نوها

يا الله العقلان ما فينا جلد
لو تصيبك ما تفيدك لوها

يا خبيث النفس يا راعي الحسد
جعل نفسك ما ترمد ضوها

لاقرينا قل هو الله احد
السواة اللي تبيها سوها


[/align]

[سراب]

الله الله
تسلم افكارك اخوي فهد والنعم بالله جالي الهم والغم
ومافي احسن من ذكر الله
ابشر بأحلى تصميم للقصيدة بعد ماتاخذ نصيبها من الردود
ليتم طرحها بالملتقى بعد التنسيق

[الركام]

صح لسانك يافهد المفرج على هذه القصيدة الوافيه والصادقة

[فهد المفرج]

اختي سراب
الله يسعدنا و إياك و المسلمين في الدارين
و مشكوره على الإشاده
و انتظر التصميم
بالتوفيق

[فهد المفرج]

اخوي الركام
شكرا لك على الكلام الجميل النابع من القلب
لك اصدق الود

[سمو المشاعر]

من يذوق المر من بعد الشهد
يعرف الدنيا و يفهم سوها

صح لسانك اخي فهد قصيدة جزله من جزل رائعة بكل المعاني

تقبل مروري

[ابن حماد]

قصيده جزله ذات اسلوب راقي من شاعر مميز

وش هالجواهر والنوادر يافهد
حييت فكرٍ وصـــله ســــموها

حلو شــــهد ولوانها مثل البرد
في سبكها في نظمها في قوها

[غانم الضومري]

أيوه كذا .. كفرت عن غيابك بهذه الرائعه ..

تسلم يافهد .. صح لسانك ..

إسمحلي نسختها وأضفتها إلى القصائد التي تعجبني .. سجل إعجابي

تستحق المجاراة والتصفيق طويلالالالالالا أنت شاعر من الوزن الثقيل

ستجد مجاراتي لهذه القطعة الذهبية الثمينة بإذن الله .

تحيتي

[فهد المفرج]

سمو المشاعر

هلا بك اسعدني تواجدك

تقبل فائق الاحترام

[فهد المفرج]

هماليل المخيل

الراقي هو انت و المتميز هو تواجدك

مشكور على المجاراة

تحياتي