يا شباب ابي عالم ايميل عالم طاقه غربي .........

[ابو الهنوف]

السلام عليكم ورحمة الله وبركاته

كيف حال الجميع ان شاء الله كلهم بخير وصحه وعافيه يارب

اخواني الكرام

انا لي تقريبا سنه وشهرين أعكف على تجارب استعمال الطاقه الشمسيه كأداة فعاله في تشغيل مخيم كامل متكامل

نجحت التجربه وفشلت ونجحت وفشلت ....خسرت خساير كثيره بس قصدي من هالتجارب مهوب تشغيل المخيم وبس

لا والله انا ابي اوصل لقناعه تامه انه الشمس يمكن تعوضنا عن اي مصدر طاقه ثاني ....ما اخفي عليكم اني زرت مدينة

الجبيل وشفت الواح الطاقه الشمسيه فيها وانبهرت بصراحه وفكرت بيني وبين نفسي ليه المساحه للألواح كبيره مع

انه بأمكاني اخلي تركيز الشمس فوق لوح بمساحه لا تقل عن ربع متر في ربع متر ......لأن بأعتقادي ان التركيز

داخل اللوح يعني لو يكون اللوح مثل العدسه اللي تخلي تركيز الشمس عن نقطة انكسارها على اللوح اقوى من تركيز

الشمس على لوح مسطح مثل الواح الطاقه الشمسيه ......لكن بصراحه ينقصني بعد كل هالفتره والتجارب اللي سويتها

اشياء كثيره .........رحت لمدينة الملك عبدالعزيز للتقنيه بس ما وجدت اي تجاوب منهم .....رحت لجامعة الملك سعود ودورت

عن دكاتره يجيبون لي عن اسئله حائره تدور في عقلي بس نفس الوقت ما جاوبوني .....المطلوب يا شباب .....

ياليت تدلوني على دكتور اوعالم خارج المملكه سواء ياباني او امريكي او غيره بس مابي عرب لأني انصدمت حقيقه

من تفكير العرب الخايسين لا حصل واحد منهم شهادة الدكتوراه يحسبها تشريف ما يدري انها تكليف وزين ان جاوب لك

على سؤال واحد .....وصلت لنتيجه وحده بس انه مو كل من حصل شهاده علميه خبير بس بنفس الوقت انا مقتنع بأن كل

خبير هو دكتور ..................

فياليت يا شباب تلاقون لي بريد او ايميل لأي خبير في علوم الطاقه البديله ....منها الطاقه الشمسيه لكي يجيب على

جميع اسئلتي اللي مالقيت لها حل ...........ويجيب على اسئلتي اللي راح تعترضني في سيري في تجاربي المستقبليه....

ولأني مقتنع تماما بأنه راح يجي يوم من الأيام وراح اشغل مهوب مخيمنا وبس راح اشغل بيتنا بعد وبأقل التكاليف ....

وما راح وقتها انساكم ..........:

51: