يا اهل البراري وش رايكم بهالسالفه

[البدراني الدوسري]

السلام عليكم

قص لي احد الاصدقاء قصة حصلت معه اليوم راح لاحد المعلنين عندكم يامنتدى البرراي .......... قبل لا ادخل في موضوع قصتي

انا لم اكتب هذا الموضوه الا لمصلحة المنتديات لانها عزيزة علينا ولا نريد لها الا كل خير وسمعه طيبة ان شاء الله فقط لا اقل ولا اكثر

المهم نرجع للقصة يقول ...

دخلت الى هذا الصرح ( البراري ) في يوم من الايام وكنت اتفرج على المنتديات وطاحت عيني على دعاية محل الدخيل تبع الملابس العسكرية استغرب وجدها في المنتدى ... يقول وانا انظار في الفلاش الدعائي لاحظت كلمة

( ازياء موحدة تفصيل جاكيت للبر )

زميلي يقول تشققت من الفرحه بس لقيت ضالتي لانه يدور له من فتره على جاكيت مموه للبر ..... المهم

اخذ رقم الجوال ثم اتصل عليه وعرف بنفسه والرجل كذالك قدره وطار به بالكلام وقال له بالحرف الواحد

نعم نحن نفصل جاكيتات للبر وفي اي وقت تعال ومالك هم والاقمشة موجودة بس انت تعال عندنا قال رفيقنا طيب بس بعد فترة بامرك قال طيب اي وقت ياهلا

رح تقريبا حول اسبوعين تزيد شوي تنقص شوي

اليوم من تاريخ كتابتي لموضوع يقول صاحبي
دخلت عليه وسلمت ورحبت به وقلت له ابي افصل جاكيت للبر انا سبق وكلمتك وقلت كذا وكذا

رفيقنا راعي محل الدخيل قام يناظر فيه ومستغرب انا الرجل اللى قلت لك كذا وكذا .... رفيقي التمس له العذر وقال يمكن فيه احد غيره

قال مهيب مشكلة المهم انا ابي افصل وماجيت الا اني داري عنكم عن طريق منتديات البراري انكم تفصلون .....

الرجل على الفور قال له البرد والشتاء خلص >>> رفيقي يقول لي عاد ههههه>>>> ما ادري يعني هل تفصيل الملابس لها دخل في الاوقات او انه يفرض على الناس رغبته ما ادري بصراحة او يمكن هناك قرار انه ممنوع احد يفصل جاكيت في وقت البرد واظن اننا لم نخرج من البراد الا ان كاني في ديرة اخرى غير ديرتكم .... عاد قال لي انتبه تفصل ثوب ابيض في هالوقت ترى تبي تعاقب خخخخخخخخ ياحليله رفيقي مولع من الرجال

عاد انا بصراحة اثر فيني الموقف وقلت لابد انصح ربعنا اهل البراري ..... واكتب لهم ما حصل لرفيقي وراعي المحل

يعني نتمنى انه ما يعلن في هالمنتديات المباركه الا من كان اهل لها ما يجي اي واحد بس يبي سمعت المنتدى على حسابه .... غير كيذا والادارة ابخص مني ......... انا اتوقع انه يجي بعض الاعضاء الجدد ويفعلون مثل ما فعل رفيقنا وتصير له مثل الصدمه ويكره المنتدى بسبب واحد معلن اتوقع انه صادق في اعلانه

نتمنى من الادارة رؤية الموضوع وبالاخص مع هذا اللى اسمه الدخيل للتفصيل

ارجو اني ما طولت عليكم بكثر الهذره