| التعليمـــات |
| التقويم |
|
|
|||||||
|
|
أدوات الموضوع | انواع عرض الموضوع |
|
#1
2009-05-20, 02:50 PM
|
|||
|
|||
العزابية والبنات اللي تبغا تتعلم الطبخ
المثل يقول علمني كيف اصطاد سمكة احسن ما تاكلني كل يوم سمكة شوف ياقمر اذا تبغا ايدامات تعلم كيف تعمل الكشنة وهي بصلة ناعمة وثومة وشوية زيت تحمرهم شوي وتحط بعدها اللحمة او الدجاج المقطع مع شوية ابازير (البهارات ) والبهارات هي مشكلة تلقاها بالسوبر ماركت اوتشتري ربع كيلو من كل نوع وانت تخلطها وطبعا ناعمة ومقاديرها ملعقة الطعام اللي تاكل بيها ثلاث ملاعق كبيرة فلفل اسود ثلاث ملاعق كبيرة كمون ثلاث ملاعق كبيرة ملح ربع ملعقة زنجبيل ربع ملعقة قرنفل ربع ملعقة قرفة ربع ملعقة كزبرة ناشفة وحدة ملعقة هرد اوكركم شوية جدا هيل يعني رشة بسيطة ورشة خولنجان وتخلطهم مظبوط وتخليها بقارورة وقت ماتحب تستعململها تاخد ملعقة شاي صغيرة منها ولاتكثر لانه كثرت البهارات تسود الاكل وتنفع لاي ايدام تعمله وحتى تنفع للرز الاحمر العادي بعض الاكلات ماتحتاج غير فلفل اسود وكمون بس وبعضها نزود عليها بهارات صحيحة مثل الهيل والقرفة والقرنفل وخاصة بانواع الرز والليمون الناشف وورق الغار وجوزة الطيب والشيبة لاتضحك الشيبة هذه يحطوها بشاشة هي مثل الورق الخفيف لونها اسود ع ابيض خفيف تقدر تعمل منها شربة الحب في رمضان وكمان للرز ابو حمص بس عاد الرز تزود عليه خولنجان ولا الطباخين نرجع للحمة بعد ماتكشنها تحط البهارات وقليل جدا قد حجم الليمونة طماطم مقطعة اومطحونة ولوعصرة تخلي الاكل اطعم وبحدود ثلاث ملاعق صلصة اوحسب ماتشوف قد ايه تبغى الايدام احمر وعندك مثل البطاطس والبامية والدبة والكوسا والفاصوليا الناشفة والبازلا يحبو الصلصة اكثر عشان تثخن او بالاصح يتسبك اكثر اما الفاصوليا الخضراء والكرنب والفلفل الرومي يحبو الطماطم اكثر من الصلصة يعني ملعقة صغيرة مرة صلصة نرجع تاني لاكلتنا تحط فلفل حار اخضر اواحمر عشان ماتفلفل الاكل مرة واذا تحب تزود براحتك طبعا انت مفور موية مغلية جنبك بعد ما تقلب اللحمة وتحس انها طلعت ريحة الاكل تحط الموية الحارة عليها وتغطي القدر الى ان تستوي اللحمة على نار هادئة جدا ولو عندك حديدة تحطها تحت القدر احسن تقول ايش حديدة اقولك هو غطاء علبة الحليب ماترمية وسخنه لحد ماتطلع الريحة منه ويصير لون الحديدة بني وتستخدمه دائما انتبه الدجاج ماتحط موية كثير يعني قد ماتغطي الدجاج بس لانه الدجاج يخرج موية وتستوي بعد نصف ساعة واذا كان كوسا اودبه كمان تخرج موية وطبعا الدجاج تحط عليه البطاطس اوالكوسا او الفاصوليا يستوو مع بعض بس برضو خلي عينك عليه لاينقص مرقتو اما اللحمة فتختلف الخروف الصغير يستوي بعد ساعة كحد ادنى وبعض اللحم مثل السواكني يمكن ياخذ ساعتين لحد مايستوي يعني تكثر مويته من الاول ولمايستوي اللحم حط اللي تبغا من الخضار اوالرز وطبعا بعض الرز مثل الوليمة والبوندي وكل رز بسمتي حبة طويلة لكل كاسة رز كاسة ونصف مرق ونصف ساعة يستوي اماالسليق اوالمعدوس لكل كاسة رز يلزمها ستة كاسات مرق وساعة وشوي يستوي امارز العنبر بو لكل كاسة رز كاسة موية اومرقة ربع ساعة وشوي يستوي انتو شقرو عليهم ودخلو الملعقة تشوفو الموية راحت كدا استوى بس يفور الرز نرخيه على نار هادئة جدا حتى يستوي ملاحظة الملح اللي بالبهارات مايكفي لتمليح الاكل يعني لازم تذوق الملح وتكثره حسب رغبتك وان حبيتو فلفل احمر اواخضرحارلاذع حطو حسب ماتحبو وانصح اذا ماتبغوه حار خرجو البذر حقه لانه بالفلفل يصير الاكل اطعم والذ وجربو ادعولي هذه المعلومات من افكاري وبالعافية مقدما ويارب اكون وضحتلكم الاساسيات ورونا شطارتكم وحتى البنات اللي لسا بيتعلمو تنفعهم هذه الحركات
|
|
|
العرض الشجري