| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2009-01-26, 04:07 PM
|
|||
|
|||
11صورة من( شعيب ضاحك ) الخميس 1430/01/25هـ
إخواني وأحبائي بمنتداي الغالي ( البراري ) السلام عليكم ورحمة الله وبركاته وبعد: حبيت أطلعكم على صور من كشتتي الخفافية يوم الخميس 1430/01/25هـ واللي كانت وجهتها لشعيب ضاحك ومثل ماأنتم عارفين إن هالشعيب أحد روافد وادي الشوكي ( أو شعيب الشوكي مثل ماهو معروف ) ويقدر يجيه الواحد من عدة طرق إما عن طريق مدينة تمير مباشرة بواسطة درب ضاحك أو عن طريق ردمية الشوكي اللي تمر على ريضان هليل أو عن طريق( بداية) ردمية أبراج شركة الكهرب على طريق أم رجوم وعلشان ما تكثر فلسفتي أترككم هالحين مع الصور مع الإعتذار المسبق لأنها من تصوير جوالي ال 82N 7 7 7 منظر علوي للشعيب ( ويلاحظ كثرة الجوادّ وتأثير مرور السيارات على العشب )  وهذي الصورة تبين الربيع ماشاء الله ( ولازالت مشكلة إهمال النظافة من بعض الكشاته هداهم الله قائمة )  وهذي جلستي الضحى قبل وصول باقي الربع  وهذي بعض الصور المختارة من نفس المكان    بدت حركات الإحتراف في التصوير هههههه  لاحظوا طول نبات البابونج ماشاء الله   وشوفوا هالمنظر اللي يظيق الصدر  وفي الختام تقبلو مني بيالة هالشاهي اللي تعدل المزاج  ملاحظة/ يوجد في شعيب ضاحك أماكن أفضل من اللي وردت في الصور أعلاه خاصة كل ماإتجهنا لشعيب الشوكي وهي فعلاً تستحق الزيارة ولاكنني إنشغلت أثناء وصول باقي طاقم الرحلة ونسيت تصويرها فأرجوا المعذرة مع فائق حبي واحترامي :36_3_11: أخوكم / المقرصة الحامية 0( ابو عبدالعزيز )0
|
|
#3
2009-01-26, 05:14 PM
|
|||
|
|||
|
ماشاء الله
|
|
#4
2009-01-27, 04:02 AM
|
|||
|
|||
|
تسلم والله أخوي أبو عبدالعزيز
|
|
#5
2009-01-27, 10:25 AM
|
|||
|
|||
|
صب لي بيااااااااااااله شكلك ناسيني
|
|
#7
2009-01-27, 02:54 PM
|
|||
|
|||
|
وعليكم السلام ورحمة الله وبركاته ،،، طلعات وروحات وجيات وماقد قلت لي أخاويك :h25: ،،، رسالة على الخاص ماتخسرك شي ... الا إذا انت مانبيني بكيفك عاد وأنت أبخص <<< كنها طالت شوي خخخخخخخ ألف شكر يابو عبدالعزيز وعوايدك ماتجيب الا الزين ،،، ولابد من زيارة هذا الشعيب لأنك شوقتنا بالصور الأكثر من روعة ،،، بانتظار باقي طلعاتك ياغالي
|
|
#9
2009-01-28, 12:32 PM
|
|||
|
|||
|
اقتباس:
هلا وغلا بك يالتميمي أشكرك من كل قلبي على ردك السريع على مشاركتي المتواضعه وأبشر ببيالة ثانية
|
|
|
|
العرض العادي
