.:.:.: ساهر :.:.:. ... بين القبول والرفض ...

[الموهوب]

السلام عليكم ورحمة الله الله وبركاته ..
كيف حالكم .. إن شاء الله طيبين ..
اليوم حاب اطرح بين يديكم موضوع عن نظام ساهر وانطباعي عنه .. وحابين نعرف انطباعتكم ..

-------------------------------------------------------------------------

بصراحة انطباعي عنه ان ايجابياته اكثر من سلبياته ( من تجربتي الشخصية ) ..

ومن ايجابياته في نظري :

بالصراحة انا كنت اسرع شوي قبل النظام وكنت اشتكي من ذا الشي .. لأن رجلي حارة على الموتر شوي ..
لكن الحمد لله بعد النظام تخلصت من ها الشي .. واكيد اغلب الشباب تخلصو من مشكلة السرعة ..

وثانيا مشكلة اللي يجي من اليمين ويعرض قدام الناس في الاشارة .. اختفت بحمد الله بعد النظام ..

وقلت الحوادث بنسبة عالية بعد تطبيق النظام ..

وغيرها كثير .. بس هذا اللي يحظرني ..

وابي رايكم .. معارضين .. موافقين .. وما الاسباب ..؟؟

أخوكم .. الموهوب ..
عبد العزيز بن محمد .. 2010

-----------------------------------
الموضوع من جهدي الخاص ..
الرجاء عدم النقل الا بذكر المصدر والكاتب ..

[Al-KHUSHAIBY]

نظام ساهر ميه على ميه
يعطيك العافيه

[زلطه]

نظام ساهر زين بس يخفضون من اسعار المخالفات لانه مبالغ فيه

[سعد التميمي]

نظام ساااااهر ممتاز
ولكن له سلبيات من وجهة نظري
اهمها السرعة المحدده داخل المدينة قليلة
بعض الشوارع السرعة المحددة 50 او 70
شارع التخصصي السرعة القصوى 70 !!!!!!!!!!!!
يعطيك العافية

[الموهوب]

شكرا اخواني .. الخشيبي و تميم سدير وزلطه على المرور

وبخصوص تخفيض المخالفات اشوف انه كلام سليم جدا لان بعض المخالفات سعرها مبالغ فيه نظرا للمخالفة اللي ارتكبتها ..

وعن ما تطرق له اخوي تميم سدير بخصوص السرعات في الطرق زي التخصصي وتركي الاول وشارع الجامعة وغيرها كثير .. تحس انهم ما قدرو السرعات فيها ..


والله الموفق والمعين


اتمنى منكم اخوتي التصويت على الاستفتاء المطروح .. لكم مني الشكر الجزيل

اخوكم ..
الموهوب ..

[ابو فراس]

نظام ممتاز وجعل السواقة في الرياض سلسة ولا تحتاج الى سرعة فبعد تطبيق النظام خفت الزحمات لعدم وقوع حوادث تعيق السير واصبحنا نصل الى نقطة الوصول بكل سهولة ويسر وبدون اعصاب مشدودة وبوقت اقل
اما من اشتكى من المبالغة في اسعار المخالفات فالمثل يقول (لا تبوق ولا تخاف) طبق النظام ولا يصير عليك مخالفات ان شاء الله

[عبدالهادي المفرج التميمي]

نظام ساهر ممتاز جدا
وليتهم يحطون في كل اشارة هالنظام
افتكينا من اللي يخوطفووون بين السيارات
وحتى الليموزين انضبط


سلام

[الموهوب]

اخوتي ابو فراس وهادي مشكور على المرور ..


اخوكم ..
الموهوب ..

[المشراق]

مجهود تشكر عليه وصحيح هذا النظام إيجابيات كثيرة رغم وجود بعض السلبيات التي سوف تؤخذ بالحسبان إن شاء الله
بارك الله فيك

[الموهوب]

مشكور اخوي المشراق على مرورك .. والعفو ما سوينا شي لهذا المنتدى اللي اخذنا منه الكثير وما عطيناه شي يذكر ...

واعتذر جدا على التاخر في الرد .. لانشغالي بالاختبارات ..

والله يوفق الجميع ..



اخوكم ..
الموهوب ..