متابعة الطقس من 11- 17/ 6 /1431هـ الموافق 25- 31/ 5 / 2010م

[malak22]

المشاركة الأصلية كتبت بواسطة ثعل تميم

والله العظيم من كثر ماتابعت اشارات البروووق

اما عن طريق قوقل ايرث ولا عبر الرادو
ولا عن طريق الشوف
صار يتخايلي البرق في اكثر الاوقات
وصرت اسمع الرادو يشرشر واقول لاهلي يااما انه فيه برق
ولا ان عندنا الكهرباء فيه بلاء

ومع الاعتذار انها قلبت الامور تشات في منتدى اخبار الامطار والعلوم الطيبة
ولكن قسم بالله ( التقاعد المبكر ) اكبر خطأ اقترفته بحياتي
لاحد يفكر بالتقاعد المبكر الا مزبن عمره بشغل يشغله
لايشغل العالم بحنه ورنه
اصبح شغلي الشاغل ( سحاب _ برق _ رعد - مطر )
الناس اذا تقاعدو يشغلون اهلهم بالمطبخ
وانا مشغل اهلي بقوقل ايرث شوفو ولا اشارة برق اطردها وش اسوي
اللهم اجعلني مقبولا بين اهلي وناسي واحبابي ولا تكلني لنفسي طرفة عين
واحسن خاتمتي يااكرم الاكرمين .

والسموحة تكفون ياإدارة واعضاء البراري قسم بالله من حر مااونس .

( آخر الليل تكثر المنخفضات ) خاص (عبدالله العيدي ) هههههههههه

أثرن المتقاعدين مبكراً تجيهم هالحالة.. أنا ظنيت أني الوحيدة اللي اسهر أتابع المنخفضات والاعاصير واشتغلت عالجوال ارسل رسائل تحذيرية للأهل والأصدقاء ينتبهون للبزران مايرسلونهم المدارس... ولا افك ذا العلم حتى لوكنت خارج المملكة،، وفي الآونة الأخيرة راجعت نفسي قلت لايكون بي مرض نفسي ولا شي؟؟
لكن يوم قرأت كلامك عرفت أن في مثلي على الأقل واحد.
الله لايشغلنا الا بطاعته.. ويرزقنا المطر والثلج والبرد اللهم آمين