متابعة الطقس وأخبار الأمطار لعام 1427 - 1428 (( 3 ))

[طالب الحور]

شكلي أبقعد ماحولي أحد...............................

[بنـدر]

السلام عليكم



افا يا طالب الحور

لكن يمكن تغير الرحله اليوم الى الحوطه والحريق ونتواجه عند السيل ان شاء الله

[خالد العوض]

المشاركة الأصلية كتبت بواسطة عاشق البران

معك ابن عم الحقيل ،، ابشرك كل شي سال سيل طيب وسد المجمعة وصله السيل سيلن طيب والحمد لله

الله يبشرك بالخير
والجديد في التوقعات هي مزيد من الامطار بأذن الله على القصيم ولرياض الى اخر الاسبوع
والله اعلم هذي توقعات مبدئيه
لكنه وبأذن الله كبيره

[بنـدر]

الى خالد العوض ولا هانو الاخوان


ربما تستمر الامطار الى دخول المربعانيه هل توافقني في هذا

[سديراوي com]

العبدلية
بين الغاط وام حزم سيووووول يحبها قلبك
وديم من أمس وحتى اعداد هذا الخبر حسب
اتصال من شخص ثقه
وعقبااااال الرياض نشوووف السيووول اليوم بإذن الله

[برق الضما]

حمدا لله ما زالت السماء ملبدة بالغيوم وبحروت خير لجميع مناطق الوسطى

اللهم اسقنا الغيث ولا تجعلنا من القانطين
اللهم غيثا مغيثا سحا غدقا نافعا غير ضار
اللهم انا خلقا من خلقك فلا تحرمنا فضلك

[albrary]

السلام عليكم ورحمة
ابشركم ان احد الاصدقاء من منطقة سدير ذكر لي في اتصال ان فيه امطار زينه ويقول اغلب الاودية محوله سيل(ن) راكد في جلاجل وشمال الى الارطاويه بس بدون تفصيل

مع العلم ان الامطار مازالت مستمرة ولله الحمد من البارح الى الساعه 12 الظهر هذا اليوم وقت الاتصال (( ديم ))

اللهم زد وبارك وعم بها اوطان المسلمين

[برق الضما]

بشرونا الرياض هل عليهم سحاب الحين وهل جاهم مطر امس

[الشفقان 1]

لا ماجانا شيء

جفيل بس وغيم خفيف ومتقطع

ولاجانا ولا رشه انا بالعقيق

[أبوريان]

اتصال من حائل يقول عليهم نشو طيب بالحيل