ياما تبعنا منخفض فوق عمان

[عبدالمحسن الرحمه]

ياما تبعنا منخفض فوق عمان
ياما رسمنا وجهته باجتهادي
نحط كل الحلم والحلم ربان
يضفي بخيرة فوق كل البلادي
(دبرة)مساره للولي خالق الجان
يسوق مزنه للديار البعادي
كم منخفض (وثق) تعلاه خسران
جته الشمال اللي تبعها البرادي
صارت آمال الخلق بفلان وفلان
ناسين رب الكون للخلق هادي
هو الذي ينشي لنا غر الامزان
همالها يسقي الحضر والبوادي
منهو رجا غيره ترى دوم خسران
تصلاه نار ن مكتسيها السوادي
وين التوكل ياهل العرف والشان
وين الدعاء بالحاح رفع الأيادي
وين التأخي والتعاطف والاحسان
وين القلوب اللي تحب المبادي
هجر وتناحر دايم ن بين الاخوان
مالمهم شمل ن على كل زادي
ظلم ن على المسلم وزور ن وبهتان
غش التعامل بينهم شيء عادي
تبون مني كلمة ن نورها بان
شر الحسد حرق قلوب العبادي
خمس الفروض اللي بها عز الإنسان
صرنا نصليها بغير الميعادي
ياكيف نستسقي عظيم ن رحمن
ونرجي نواله واكثر الخلق غادي

شاعر
عبدالمحسن الرحمه

[سمو المشاعر]

ياكيف نستسقي عظيم ن رحمن
ونرجي نواله واكثر الخلق غادي

صح لسانك شاعرنا المميز
كُلّ شيء بيد الله الذي إذا قال لشيءٍ كُنّ فيكون
اما المواقع والمحللين إنما هم مجرد توقعات ليس إلا..

[سليمان المحمد]

صح لسانك شاعرنا عبدالمحسن الرحمه
جزاك الله خير على هذه القصيده الرائعه التي لامست قلوب الجميع

[عبدالمحسن الرحمه]

المشاركة الأصلية كتبت بواسطة سمو المشاعر

ياكيف نستسقي عظيم ن رحمن
ونرجي نواله واكثر الخلق غادي

صح لسانك شاعرنا المميز
كُلّ شيء بيد الله الذي إذا قال لشيءٍ كُنّ فيكون
اما المواقع والمحللين إنما هم مجرد توقعات ليس إلا..

سمو المشاعر صح ابدنك كل الشكر على حضورك

[عبدالمحسن الرحمه]

المشاركة الأصلية كتبت بواسطة سليمان المحمد

صح لسانك شاعرنا عبدالمحسن الرحمه
جزاك الله خير على هذه القصيده الرائعه التي لامست قلوب الجميع

😲😲😲الإدارة حاضرة في متصفحي ياهلا مليون
صح الله ابدنك

[أبو سيرين]

وين التوكل ياهل العرف والشان
وين الدعاء بالحاح رفع الأيادي

صح لسانك اخوي عبد المحسن قصيده جميلة

[عبدالمحسن الرحمه]

أبو سيرين صح ابدنك وياهلا فيك

[رذاذ]

صح لسانك شاعرنا
عبدالمحسن ..

أبيات جميله جداً ...
كل الشكر على إثرآءك المنتدى ..

تحياتي وتقديري ...

رذاذ

[تابع سحاب]

صح لساااااااااااااااااااانك