الكسرة و بحور الشعر .. شعراء البراري

[الركام]

مليت انا من الذرا ودي بمشراف
ودي اسافر ولو مدري على وين

ودي اسـافـر ولا تطرون مهـداف
ونضيع الدرب وتضيع العناوين

[الركام]

رد من ابو عبدالله

ابشـر تـولــم ترا ماعــنـدنا خـلاف
شـمال والا جــنـوب قـل على وين

في روض اخضر ولا له حد ينشاف
مـتخـالط عـشبهـا باحلا التلاوين

[رذاذ]

الله ... الله
صحت ألسنتكم ..

[أبو سيرين]

صح لسانك أخوي الركام وصح لسان صاحبك

في ذا الزمن ما لومك الحال ينعاف
تضن هالعالم ..... مجـنّ ومخاوين

خذني معـك وايـدي بإيدك للأرياف
قبل الـعـمـر يفنى ونزور المداوين

[الركام]

صح بدنك وصح لسانك ياابو سيرين ومشكور

[الركام]

ياللي تبـون حـظـورنا لا تغـيـبـون
خـص اذا مـافــيـه ذنــب اقــتـرفــنا
في حظوركم نشفى وانتم تطيبون
ومـافـيـه مـصـلــوح اذا مـافـتـرقــنا

[تميم بن محمد]

كفو يا شعراءنا و صح السنتكم
باقي الشيخة رذاذ تسمعنا ابيات من عندها
الاخ الكريم بقايا حرف لماذا اغلق موضوع الاخ سحاب شقراء؟
ياليت يتم اعادة فتحه لحين حضور الاخ سحاب

[أبو سيرين]

صح لسانك اخوي الركام

بـيـوتـنـا جـزّلـه وحــنّـا رهـيبون
وسط الـبـراري والطيور احترفنا

أما انتم اشباح ووضعكم مريبون
والــيوم منكم في الـبراري قرفنا

[بقآيآ .. حرف]

ياللي تجر الصوت والبيت موزون
اللي تواجدكم يزيد بشرفنا
واللي على بعض المواقع يغنون
ما كل سيلِِِ لا جرفهم جرفنا

[تميم بن محمد]

المشاركة الأصلية كتبت بواسطة بقآيآ .. حرف

ياللي تجر الصوت والبيت موزون
اللي تواجدكم يزيد بشرفنا
واللي على بعض المواقع يغنون
ما كل سيلِِِ لا جرفهم جرفنا

صح لسانك شاعرنا المبدع ابيات تقطر عذوبة ولا يهون البقية