أبيــات يتيـمه ومشـاعـــر لم تكـتمـل ...!! ( دعـوه للجميـع )

[رذاذ]

،؛،؛،

وش عاد باقي من محبه وتقدير
دامه تجاهل في وجودي وجودي

ماله على قلبي حقوق ومعاذير
دام الغلط ماجاه وألزم حــدودي

ومن باعني من دون عذرٍ وتبرير
والله لأبيعه دام قلبه حسودي

رذاذ

[رذاذ]

لبّى حــروفي مادام اليوم تعطيـني
جزل المعاني لمنهو جاب أقصاهـا ~

تزهِر بشوفه حروف القـاف وتجيني
وأنثـر عليه المعاني لأجـل يقــرآها ~

رذاذ

[راع العرض]

صح لسانك أبيات اسجل لها إعجابي

[رذاذ]

المشاركة الأصلية كتبت بواسطة راع العرض

صح لسانك أبيات اسجل لها إعجابي

صحّ بدنك يالطيّب .. أتمنى أن أرى أبياتك هُنــا ..
مع خالص تقديري

رذاذ

[رذاذ]

جــيتك رسالة شـــوق ياللي تمكّنت
من قلبي اللي صآر عآشــق جنــانك

أسألك أنا عن حالك بخير ؟! لآهنت
لآهنت ياللي في ( عيوني ) مكــآنك

طمّن فؤادي كيفك الحين وين إنت ؟
القلب داعي لك وفي الحب صآنــك

يافلان أحبك وين مارحت أو كنت
وعسى السلامـــه ماتــفارق زمانـــك


رذاذ

[مزن البرد]

يالله اضحك فاق جرحي وابتسـم ثغر العــذاب
يالله حرك ريشتك ورسم على ذوقــك حياتــي

يادفى عن كل بــــرد ويابها بــــــرق وسحاب
استلم روحي فدالك واكتب انت اخـــروصاتي

اعتبرني منك فيك ان غبت نصفك عنـك غاب
في جسد واحد يعانق نصف ذاتك نصف ذاتي

حبنــي واعطيك حب وهـرجة الـواشي خـراب
حكيـه وهـمه يحـاول جمعنا يغــدي شتاتـــــي

واحمــد الله ماسمـعت الحكــــي فيـك ولا اهاب
منـك يكفيــني غــرامـــك لــوعته سكـر نباتـي

كـل عاشق عنـده الهجــران لذعة ســــــم داب
وان تجرع سم بعـــد وهجر منك بغيض ماتـي

والحقيقة كـــــل عاشق مثل طـــراد الســـراب
مايبين له مصيـــر اللي عشقها ليــــن تأتـــي

هاجسك يسرح ويمرح بس انا منــك المصـاب
بيت شعري من غلاتـك وانت بين لـي غلاتــي

مايشوف الدرب شخصٍ غاشــين دربه ضباب
ينقلب عنـــده نهاره ليــل ويســـــــوي سواتي

ونت منطوقـــــــك يكفي يا حـــــــلا سكر وذاب
انتي عـنـدي غير عــن كل البشر وانتي غناتي


مـــزن البـــرد

[غانم الضومري]

طالما أنه كل أتى بيتيمته ، فمن باب المشاركة مع الركب ...

ياهيهه ما انتي شايف وش تسوين .. لا لا تحسبيني على الوضع راضي
تحظ لك من دوني احباب ثانيــن .. وآنا تسـلى بي ليا صرت فاضــي

تحيتي

[رذاذ]

مزن البــرد .. غــانم الضومـــري

إثرآء للمتصفّح وإبدآع ليس له حدود
سعدتُ بتواجدكما ..
كونا بالقرب دوماً من هُنــا ..

رذاذ

[راع العرض]

من باب المشاركة العام الماضي تهيضت وقلت بيتين اثناء هطول المطر وأقول :

الله على نو ن نشا تالي عصير

نشا من القبله وغيم لنا الجو

في ربع ساعه صار خير على خير

السيل يدرج والسما كلها نو

[رذاذ]

المشاركة الأصلية كتبت بواسطة راع العرض

من باب المشاركة العام الماضي تهيضت وقلت بيتين اثناء هطول المطر وأقول :

الله على نو ن نشا تالي عصير

نشا من القبله وغيم لنا الجو

في ربع ساعه صار خير على خير

السيل يدرج والسما كلها نو

الله الله الله
صح لسانك شاعرنا القدير
راع العرض

مبدع ماشاءالله تبارك الله بيتين عن قصيده كااامله ..
~
مشاركتك أسعدتني كثيراً
أتمنى أن أرى أبياتك
دوماً هُنا

رذاذ