دكة الشيبان

[سمو المشاعر]

المشاركة الأصلية كتبت بواسطة سراب

يـامــرحـــبا عـــداد هـــمال الأمـــزان // أمـــزان وسـمــي بــروقه تـــلــوحي

ترحيبه مــن خـــاطري شـــانها شـان // تــرحـــيبه بــك يالــرفيق النصوحي

والحمد لله صيــتكم في العرب بان // طيب مـن الجدان من عصر نوحي

هبــت هــبوب الــطيب فـي كل ميدان // بالعرف والمعروف تبني صروحي

راعي الحكي وصفه كما ثور بسـتان // تلــقاه بــارد و وجـــهه مــسوحي

راعي الحكــي جعله لـشرواك حذيان // مــاهمــني خــبلان لــو كان يوحي

وتكــرم مــطاليــق النــشاما عـــلشان // نكعم بها خشم الــكذوب الـــنبوحي

ياااهلا وغلا وملالالاييين التراحيب فيك يالغالي
ابوعلي ولايهونون اخواني لك بالقلب منزلة الاخ الاكبر خليفة الاب لاعدمت طلتك علينا

لايهمك قول قايل
مها سوا من هوايل
اتركه مادام مايل
لين ربي يقلعه

كلنا لك يابوعلي عين وجفن بس لاتتركنا

لكِ البقا يا طود شامخ لنا بان = يراقب اسهول البراري الفسوحي

شرواك يستاهل على الكتف نيشان = شفاف مبداكم وفيه الوضوحي

انا اشكر الله مدني باحسن اخوان = راياتهم بيضاء وهذا طموحي

حنا على مبدا الشريعة والإيمان = واللي خطأ مني اقوله سموحي

ندمح له الزله وما كن شي كان = والا اعتبرها من صويحب مزوحي

عاجز على رد الجمايل والاحسان= للي اعده مثل صنوان روحي

أهل الوفا كفوا ولافيه نقصان = والعفو لوما اسعف الحظ بوحي

المهلي ما يولي يابنت الاجواد بيض الله وجهك والله اخجلتي تواضعي
تعجز الكلمات عن التعبير تجاه شخصكم واخواني الكرام الاحباب وإن شاء المولى
لن نبرح هذا الصرح الشامخ مهما كان إلا أن نعجز اونرحل الى الدار الأخرة فذاك عذرنا .

أبشري بنت الحمايل
يمتكن في قلبه شايل
والزرى مامنه طايل
شر اعماله اوقعه

غالي والطلب رخيص ابشري بعزك