إقلط تفضل على دكة هواجيسي

[غانم الضومري]

إكمالا لهوجاستي السابقه ..


الرابعه من عالمي طيرتني .. خلتني اطلع والجماعه يصلـــون

شيهانة فرحت به يوم جتني .. الله على البرقع على عين مزيــــــون

طاوعت نفسي شفتها واعجبتني .. صلوا على المختار ياللي تشوفون

كم ليلة في رحلتي فرحتني .. دفعت كاش افلوس من دون عربـــــــون

واحسرتي وان كانها وهقتني .. يوم الهدد راغت عن اللي يهـــــدون

حسبي عليها كانها فشلتني .. من الهدد راجع وش اللي يقولون ؟!

ياليتها يومنها علقــتـني .. وخلتني امشي خلفها شبـه مجنــــون

كم مرة ركبتها فوق متــني .. وعشيتها يوم العواذل يحشــون

اما بكيت اليوم بكــره بكتـني .. الدايم الله والبشر ما يدومون


شكرا لمروركم الكريم ..