كرش وكوارع وجريش وكيك من اخت مبارك
 

السلام عليكم ورحمة الله وبركات
اليوم جبت لكم اكلات دسمه
وكلها من اعداد الوالدة الله يحفظها وطبعا هالاكلات مانسويها كليوم طبعا بالشهر مره تقريبا
ووووووو حبيت اصورها لكم واعطيكم مقاديرها وووووو اما الكيك انا مسويته


نبتدي بالكرش على الطريقة الهندية وانا ماحب اكل الكرش الا بالطريقة هذي لان توابلها تكون عجيبه والزفر فيها يكون معدوم نهائيا
تقريبا هذا كرش 3 كيلو


https://www.mekshat.com/pix/upload04/...106353_ka1.jpg

نحط عليها البهارات وهي فلفل احمر وملح وقرم مسالا ثوم وزنجبيل مطحون 3 ملاعق كبار
و4 طماطم كبيرة مقطعة وشوي كركم حسب الرغبه

https://www.mekshat.com/pix/upload04/...106353_ka2.jpg

نضيف الماء عليهم ونخليهم في قدر الضغط على النار لمدة ساعه وربع


https://www.mekshat.com/pix/upload04/...106353_ka3.jpg

هذي الرئة طبعا انا ماحبها لكن صورتها لكم وطبعا توابلها وتبهيرها نفس الكرش بالضبط


https://www.mekshat.com/pix/upload04/...106353_ka4.jpg

الكرش بعد مانضج شكله يجنن صح؟؟؟؟ طبعا لمحبينه اكيد

https://www.mekshat.com/pix/upload04/...106353_ka5.jpg

الحين نجي نحط عليه تقريبا صرتين كزبرة مقطعه وفلفل اخضر حار خمس حبات حسب الرغبه ممكن نقلل

و هذا الابيض اللي تشوفونه جوز الهند محمص بمقلاة نقوم بطحنه بعدين نخلطه مع شوي ماء عشان مايتكتل معانا

ونصبه فوق الكرش هالشكل يعطي نكهه عجيبه طبعا لان هالطبخه على الطريقه الهنديه فتوابلها تختلف شوي



https://www.mekshat.com/pix/upload04/...106353_ka6.jpg

اممممممم احين نضيف الرئة اللي وريتكم ايها من قبل خليناها بقدر الكاتم نضيفهم على الكرش
طبعا انا كنت اتمنى امي تسوي الكرش لحاله واصوره لكم لكني تفاجات انها ناويه تسوي الكرش مع هذا
سوا


https://www.mekshat.com/pix/upload04/...106353_ka7.jpg

وهذا طبقي صحتين وهنا عقلوبكم تفضلوا وياي حياكم


https://www.mekshat.com/pix/upload04/...106353_ka8.jpg


الكوارع على الطريقة الهندية

طبعا كنت سليب ههههههههه وطافتني الطريقة بالصور
ولحقت على اخر شي المهم هذي المقادير



درزن كراعين تقطع الى ثلاث قطع
نغسلها زين ونحطها في قدر ونقطع عليهم
2 بصل كبار
ونحط عليهم فلفل احمر كشميرري 2ملعقة شاي
كركم نص معلقة شاي
ملح ملعقة شاي وحده
كمون وكزبرة ناشفه مطحونين ملعقة شاي
ثوم زنجبيل مطحون ملعقة شاي
ماي ست اكواب
نغطيه ساعه كامله في قد الضغط على النار

طبعا احين عشان النكهه الطيبه
ناخذ قدر كبير ثاني
نقلي فيه بصلة كبيرة مقطعة جوانح
ونخلي لونها يصير بني غامق شوي


مع ثوم زنجبيل ملعقة شاي

نجهز نعناع وكزبرة خضرا فلفل اخضر
شوي ملح
قرم مسالا نص ملعقة شاي

اول مانفتح قدر الضغط
نشيل الدهن من الكوارع اللي تتجمع
كامله ونخلي جزء بسيط جدا منها لو حبينا
بعدين نصب الكوارع في الجدر اللي سوينا فيها تتبيلة البصل

ونخليها على النار مدة عشر دقايق بس تاخذ نكهه

وهذا شكلها



https://www.mekshat.com/pix/upload04/...106353_ka9.jpg

تقدم مع خبز النان الهندي

https://www.mekshat.com/pix/upload04/...06353_ka10.jpg

الحين نجي حق الطبق المفضل عندي هو طبق صحي جدا وخفيف جريش الخضار

سهل وايد نحمس بصلة عالنار ونضيف ملعقة شاي ثوم ياخذون لون شوي
نضيف البهارات بزار ملح فلفل احمر او اسود وكركم وحبة ماجي ونقلب
ونضيف الخضروات المحببه عندكم ونضيف الماء ونخليهم يغلون مدة 20 دقيقة

احين ناخذ الجريش المغسول المنقى مسبقى ومنظف
نحمصه عالنار هني مستخدمين الجريش الاسمر
وو تقريبا هذا 3 اكواب جريش يبقى لها كوبين ماء
وبعد مانحمص الجريش نضيفه مباشره على المرق اللي سويناها
اول ماتبتدي تنشف المرقه نخفف النار ونسكر الجدر
نخليه على نار هاديه
وبسسسسسسسسسسسس لمدة 10 دقايق
وسلامتكم
وهذا شكله جربوه وايد عجيب وخفيف خاصه للرجيم



https://www.mekshat.com/pix/upload04/...06353_ka11.jpg

https://www.mekshat.com/pix/upload04/...06353_ka12.jpg

https://www.mekshat.com/pix/upload04/...06353_ka13.jpg

كيكة جوز الهند الامريكية

يابنات جربوها تراها وايد عجيبه حق العزايم والمناسبات روعه


كوبين وربع طحين فاخر
ثلاث ارباع ملعقة كبيرة باكينق باودر
ربع ملعقة صغيره ملح
ثلاث ارباع كوب كوبين كريمة خفق
من المراعي

ملعقة كبيرة فانيلا سائله
نص ملعقة صغيرة روح جوز الهند
كوب سكر
زبدة لينة كاملة تقريبا 3 ارباع كوب

3 بيض
والطريقة نخفق البيض مع السكر والفانيلا والكريمه
بعدين نضيف المقادير الجافه بالتدريج ونخفق طبعا بخفاقة الكيك الكهربائية

....................

كريمة التعبئة
كوبين ونص كريمة خفق
كوب سكر
زبدة كاملة تقريبا كوب
3 ملاعق طعام نشا
ملعقة صغيرة فانيلا سائلة
3 كوب جوز الهند


الحين ناخذ مقلاه تكون شوي غزيرة وكبيره
وملعقة خشبيه
يسسسسسسسسسسسسس
ونبتدي الشغل
نحط المقلاه عالنار ونحط فيها الكريمه والسكر والزبدة
على نار متوسطة نقلب لين تذوب المكونات
نخلط النشا مع الفانيلا و ملعقتين ماء
ونصبه على الكريمه اللي بالمقلاه
عشان نكثفها
وبعدين نخليه يبرد في وعاء كبير عريض
او نخليه بالثلاجه اذا مستعجلين

وبعد مايبرد نضربه بالخلاط الكهربائي
مدة 4 دقائق قبل مانزين به الكيك


.......
الشيرة

نص كوب سكر
نص كوب ماء
نغليهم سوا
مدة عشر دقايق على نار عالية
بعدين نخليها تبرد
......
الزينة
نص كوب جوز هند
نخليه في مقلاه على نار وسط نقلبه لين يشقر


الحين
نبتدي الشغل الصح

بعد ماخبزنا الكيكه
نطلعها من الفرن
نقسمها ل 3 اقسام

ناخذ القسم اللاول

نشربها شوي بالشيره
بعدين نحط كريمة جوز الهند
عقب نحط الطبقة الثانيه
ونواصل الطريقه لين نكمل الطبقات الثالث
واخر شي نمسح الكيكه كامله بنفس الكريمه
واخر شي نزين الكيكه بالجوز الهند الاشقر
اللي حمصناه

وووووووووووو سلامتكم



https://www.mekshat.com/pix/upload04/...06353_ka14.jpg


https://www.mekshat.com/pix/upload04/...06353_ka15.jpg


https://www.mekshat.com/pix/upload04/...06353_ka16.jpg


طبعا كنت شاريه علبة البران هذا وتوهقت فيه ماعجبنا ومحد لمسه قمت وقلت ليش ماسوي فيه كيك
واخترعت كيكه لكن صج طلعت عجيبه خاصه للرجيم بس واللي يسون رجيم ومتوهقين مايدرون
وش ياكلون من حلو فعليكم تسون هالكيكه

وهذي مقاديرها


شفتوا علبة البران هذا الويت بكس
ناخذ منه 3 قلاصات ندقه في المدقه
لين يستوي شوي ناعم
بعدين نحط عليه 2 بيض
ملعقة طعام فانيلا سائل
نص كوب طحين فاخر
ملعقة شاي بكينج باودر
ربع كوب زيت
واحد علبة حليب ابو قوس اللي يحطونه هذا مع الشاي
نسيت اصوره لكم
بس يكون قليل الدسم اوكي
وواحد كوب سكر بني
نخلطه بالخلاط ونصبه في كب كيك نخبزه بالفرن 20 دقيقه



https://www.mekshat.com/pix/upload04/...06353_ka18.jpg


https://www.mekshat.com/pix/upload04/...06353_ka19.jpg


https://www.mekshat.com/pix/upload04/...06353_ka17.jpg


https://www.mekshat.com/pix/upload04/...afebea1cb9.jpg

شكرا أختي أخت مبارك

ما خليتي شي الله يحفظك

السلام عليكم ورحمة الله وبركات
راااائعه يا أخت مبارك
تسلم هالايادى ويعطيكِ الف عافيه
بشوق دائم للمزيد من عطائكِ المتميز
دمتي بحفظ المولى

https://files.fatakat.com/2009/12/1261676925.gif

شكرا للجميع منورين هلابكم

ماشاء الله تبارك الله


والله يا جاتني شهية وتوني متعشي ههه

مبدعة يا خيتي

ربي يقويك

[QUOTE=أخت مبارك;835273]
https://www.mekshat.com/pix/upload04/...06353_ka11.jpg



هالاكلة هذي عجبتني > ماقد اكل جريش ..


يسلموو ديااتك